Sophie Kift

Lle i gysylltu, myfyrio a thyfu

I Sophie Kift, Rheolwr Cyflwyno Rhaglenni Digidol yn HEIW, un o agweddau mwyaf gwerthfawr y Rhaglen Arweinyddiaeth i Fenywod yw'r awyrgylch a grëwyd drwy ddod â menywod ynghyd i ddysgu, myfyrio a rhannu eu profiadau.

Drwy ymarferion arweinyddiaeth ymarferol a thrafodaeth agored, mae'r rhaglen yn darparu cyfleoedd i herio syniadau, archwilio safbwyntiau gwahanol a dysgu o brofiadau pobl eraill.

"Yr hyn rwy'n ei werthfawrogi fwyaf am y rhaglen hon yw'r bobl. Mae cael fy amgylchynu gan grŵp o fenywod mor gefnogol, sy'n rhannu'r un meddylfryd yn codi'r galon dros ben. Mae'r ymdeimlad o ddiogelwch seicolegol yn yr ystafell yn galluogi pawb i gyfrannu'n agored, myfyrio'n onest a dysgu oddi wrth ei gilydd heb gael eu barnu."

I Sophie, mae'r amgylchedd cefnogol hwnnw wedi creu rhywbeth sy'n mynd y tu hwnt i ddatblygu gwybodaeth a sgiliau arweinyddiaeth yn unig. Mae wedi darparu ymdeimlad o gysylltiad ac o berthyn.

"Mae yna ymdeimlad gwirioneddol o berthyn sy'n gallu bod yn anodd dod o hyd iddo. Mae pob sesiwn yn fy ngadael yn teimlo fy mod wedi fy ysbrydoli gan dalent, angerdd a photensial y menywod o'm cwmpas."

A photensial y rhwydwaith hwnnw o arweinwyr benywaidd yw'r hyn y mae Sophie yn ei ystyried yn arbennig o bwerus:

"Mae'n gyffrous meddwl am yr effaith y gall arweinwyr benywaidd cryf, grymusedig barhau i'w chael ar draws y sector cyhoeddus."