FinTech Cymru
Cydweithiodd PDC â FinTech Cymru i gynnal cyfres o ddigwyddiadau effeithiol gyda'r nod o gysylltu myfyrwyr â darpar gyflogwyr, hyrwyddo entrepreneuriaeth fenywaidd, a meithrin perthnasoedd rhwng y brifysgol a busnesau lleol.
Cysylltu â ni Ymuno â’n Rhwydwaith/prod01/channel_2/media/university-of-south-wales/site-assets/images/16-other/business-services/Sarah-Kocianski-(1)-960X796.jpg)
Mae'r bartneriaeth hon yn tynnu sylw at ymrwymiad PDC i gefnogi'r gymuned fusnes ranbarthol a darparu cyfleoedd gwerthfawr i'w myfyrwyr.
/prod01/channel_2/media/university-of-south-wales/site-assets/images/16-other/business-services/fintechwales-1564098810.png)
Yr angen
Ceisiodd FinTech Cymru ymgysylltu â sefydliadau addysgol i hwyluso cysylltiadau ystyrlon rhwng myfyrwyr a chyflogwyr gyda'r nod terfynol o arloesedd pellach yn y diwydiannau cyllid a thechnoleg. Mae FinTech Cymru hefyd yn canolbwyntio ar hyrwyddo amrywiaeth a chynhwysiant yn y sectorau hyn. O ganlyniad, roedd angen partner ar FinTech Cymru a allai ddarparu lleoliadau addas a chefnogaeth ychwanegol ar gyfer digwyddiadau amrywiol. Daeth y berthynas â PDC i'r amlwg fel un arbennig o fuddiol, gan gynnig lleoliad strategol, parodrwydd sylweddol i gynnig cefnogaeth ac ymagwedd ragweithiol tuag at ymgysylltu â'r gymuned.
YR ATEB
I ddechrau, cydweithiodd PDC â FinTech Cymru ar ddigwyddiad recriwtio gyda'r nod o gysylltu cyflogwyr â myfyrwyr er mwyn i gyflogwyr gwrdd â thalent o safon uchel, ac i fyfyrwyr gael gwell dealltwriaeth o'r rolau sydd ar gael yn y diwydiannau technoleg a chyllid. Arweiniodd llwyddiant y digwyddiad hwn at gydweithio pellach, gan gynnwys brecwast rhwydweithio, a roddodd gyfle i gael sgyrsiau rhwng busnesau technoleg ariannol Cymru a Chyfnewidfa PDC, gan gyflwyno nifer o ffyrdd y gall busnes elwa o wasanaethau busnes PDC. Daeth nifer fawr o bobl i’r ddau ddigwyddiad o fyd menter ac addysg, gan greu cyfle unigryw i gyflogwyr gwrdd â thalent leol newydd a manteisio arni’n rhagweithiol.