Mae tîm Argraffu a Dylunio'r Brifysgol yn cynnig ystod o wasanaethau argraffu, dylunio, copïo a rhwymo i fyfyrwyr, cydweithwyr PDC a’r gymuned.
Gall ein tîm cyfeillgar, profiadol a chymwynasgar eich cynorthwyo gyda’ch holl anghenion argraffu a dylunio. Yn ogystal â siop ar-lein, mae’r siop Argraffu a Dylunio yn gwerthu nwyddau ysgrifennu a chelf hanfodol, ar Gampws Trefforest.
Cyfnewid USW yw’r drws ffrynt ar gyfer ymgysylltu â busnesau yn y Brifysgol. Mae’r tîm yn darparu mynediad personol at arbenigedd y Brifysgol, gan gynnwys eich cyfeirio at gyllid a digwyddiadau sy’n galluogi twf ac yn helpu i fynd i’r afael â’ch heriau busnes.
Mae ein canolfannau Cyfnewid ym Mhontypridd ac yng Nghasnewydd yn cynnig mannau cyfarfod a chydweithio am ddim i aelodau, gyda’r dechnoleg ddiweddaraf. Ni yw’r cam cyntaf tuag at ddatblygu partneriaethau sy’n mynd i’r afael â heriau byd-eang, yn annog cyfnewid gwybodaeth ac yn ysbrydoli arloesedd.
Mae Meithrinfa Acorns Trefforest yn feithrinfa annibynnol wedi'i lleoli ar ein Campws ym Mhontypridd. Mae gan dîm rheoli'r feithrinfa fwy nag 20 mlynedd o brofiad o weithio o fewn Acorns. Mae croeso i blant ein myfyrwyr a'n cydweithwyr yn PDC, yn ogystal â phlant o'r gymuned ehangach, i'r lleoliad meithrinfa hardd.
Mae gan bob grŵp eu hystafell sylfaen eu hunain a mynediad i'r ardd â choed ar ei hyd, sy'n eu galluogi i symud yn rhydd rhwng gweithgareddau ysgogol yn yr amgylchedd dan do ac awyr agored. Mae ein holl offer wedi'i ddewis am ei botensial chwarae a dysgu ac mae'n briodol i'w oedran i sicrhau bod babanod a phlant yn dysgu trwy chwarae.
Mae Sefydliad Ceiropracteg Cymru (WIOC), sydd wedi'i leoli ar ein Campws ym Mhontypridd, yn cynnig ystod o ofal clinigol a thriniaethau ceiropracteg. Gall unrhyw un wneud apwyntiad – nid oes angen cael eich atgyfeirio gan ddarparwr gofal iechyd arall.
P'un a ydych chi'n profi poen cefn cronig neu'n chwilio am gymorth i wneud diagnosis o broblemau gyda'ch cymalau neu'ch cyhyrau a'u trin, mae ein gwasanaethau clinigol yn cynnig y cyfle i asesu'ch cyflwr a'ch cynghori ar eich opsiynau triniaeth.
Mae Canolfan Gynadledda PDC, ar ein campws ym Mhontypridd, yn darparu lle hyblyg ac addasadwy ar gyfer amrywiaeth eang o ddigwyddiadau, gyda'r fantais ychwanegol o lety ar y safle yn ystod misoedd yr haf.
Mae ein canolfan gynadledda bwrpasol, sy'n cael ei rhedeg gan dîm profiadol o weithwyr proffesiynol digwyddiadau, yn lleoliad delfrydol ar gyfer popeth o gyfarfodydd bach, dethol i gynadleddau mawr.
Mae'r Gwasanaeth Ymyrraeth Gynnar yn darparu gwasanaethau ymyrraeth gynnar dadansoddol ymddygiad cymhwysol, wedi'u lleoli mewn clinigau, i blant 6 oed ac iau sydd ag awtistiaeth ac oedi datblygiadol cysylltiedig (er nad oes angen diagnosis ffurfiol arnom i dderbyn gwasanaethau). Mae ein gwasanaeth yn cael ei arwain gan Arweinydd Clinigol cymwysedig BACB ac mae'n cael ei staffio gan fyfyrwyr ôl-raddedig ac israddedig sy'n astudio dadansoddi ymddygiad yn PDC. Mae plant yn derbyn therapi dadansoddol ymddygiad cymhwysol (ABA) unigol, sy'n seiliedig ar dystiolaeth, un-i-un mewn amgylchedd hwyliog, egnïol a meithringar.
Mae Gwasanaethau TG yn elfen gyffredin sy’n sail i lawer o’r gweithgareddau sy’n helpu i wella eich profiad dysgu, fel eich cyfrif myfyriwr ar-lein (sy’n rhoi mynediad i chi at eich e-bost, gwasanaeth argraffu a thaliadau a mwy), Unilearn (eich amgylchedd dysgu ar-lein), mynediad agored at gyfrifiaduron ar bob campws, gwasanaethau argraffu, a chyfarpar cyfryngau.