Rhaglenni Profiad Rhithwir (RhPRh)

Her fer yn seiliedig ar ddiwydiant, wedi’i datblygu gyda'n partneriaid o blith cyflogwyr, yn rhoi mewnwelediad i rôl benodol yn eu sefydliad.

Gallwch ddileu unrhyw gyfyngiadau daearyddol a ffisegol a allai fel arall eich atal rhag mynd ar drywydd cyfle penodol a chael profiad gwaith heb adael eich gliniadur!

Mae pob RhPRh fel arfer yn cynnwys her ddiwydiannol fer neu gyfres o ymarferion sy'n rhoi mewnwelediad i chi i rôl benodol o fewn sefydliad.

Pethau i’w hystyried cyn i chi ddechrau RhPRh 

Ystyriwch lle byddwch chi’n gwneud y gwaith.  Lle tawel heb unrhyw beth i darfu arnoch chi yw'r lle gorau i ganolbwyntio. 

Sicrhewch eich bod chi wedi darllen y wybodaeth ragarweiniol am y rhaglen i sicrhau ei bod yn addas ar eich cyfer chi. 

Ar ôl i chi ddewis eich rhaglen, ymgyfarwyddwch â'r hyn y bydd disgwyl i chi ei wneud a cheisiwch gwblhau pob tasg yn drefnus er mwyn gallu gwneud yn fawr o’r profiad. 

Rydyn ni’n gweithio'n rheolaidd gyda chyflogwyr i greu rhaglenni newydd fydd o ddiddordeb i chi. Cliciwch yma i weld yr hyn sydd ar gael ar hyn o bryd.

Gallwch hefyd ddefnyddio’r sefydliadau allanol canlynol i weld rhagor o gyfleoedd rhithwir: 

• Forage
• Springpod
• The Intern Group
• Bright Network
• Capital Placement
• Virtual Internships