Campws Trefforest

Popeth sydd ei angen arnoch chi, i gyd mewn un lle.

Wedi'i leoli ychydig y tu allan i dref farchnad gyfeillgar Pontypridd, mae Campws Trefforest yn dod â phopeth at ei gilydd ar un campws. Mae'r mannau addysgu, cymorth a chymdeithasu i gyd mewn un lle, felly gallwch dreulio llai o amser yn symud o gwmpas a mwy o amser yn mynd ati i wneud pethau.

P'un a ydych chi'n mynd i ddarlith, yn cwrdd â ffrindiau neu'n dod o hyd i le i ganolbwyntio, mae popeth yn union lle mae ei angen arnoch chi, gan eich helpu i ymgartrefu'n gyflym a gwneud y gorau o'ch amser.

Ewch ar daith rithwir o amgylch y campws

Pam Trefforest

Three students stood leaning on railing on Treforest campus

Popeth mewn un lle

Mae Trefforest yn cynnig teimlad campws prifysgol traddodiadol, gyda mannau addysgu, llyfrgelloedd, caffis, campfa a llety myfyrwyr i gyd o fewn pellter cerdded.

A student smiling while shopping in Cardiff.

Cysylltiadau da

Dim ond taith fer ar drên o Drefforest yw Caerdydd, gan roi mynediad hawdd i chi at gerddoriaeth fyw, digwyddiadau chwaraeon mawr, bwyd gwych, gwyliau a bywyd nos.

Two students examining the underside of an aircraft on campus.

Lle i ganolbwyntio

O labordai seicoleg i lysoedd ffug a chyfleusterau peirianneg, byddwch yn dysgu mewn mannau o safon broffesiynol wedi'u cynllunio i adlewyrchu'r byd go iawn.

Bywyd campws

A student playing pool in the students union.

Undeb y Myfyrwyr a gofod cymdeithasol

Mae Undeb y Myfyrwyr wrth wraidd bywyd campws, gyda siop, caffi, tafarn a chlwb nos i gyd mewn un lle. Yn gartref i glybiau, cymdeithasau a dros 150 o ddigwyddiadau bob blwyddyn, dyma'r lle perffaith i gwrdd â phobl a gwneud y gorau o'ch amser yn y brifysgol.

Gwefan Undeb y Myfyrwyr

Chwaraeon a ffitrwydd

Arhoswch yn egnïol gyda'n Canolfan Chwaraeon ParthFfit. Gyda chyfarpar modern, dosbarthiadau ffitrwydd a lle i symud, mae'n hawdd cynnwys ymarfer corff yn eich trefn arferol.

Chwaraeon yn PDC

A group of students happily chatting over a drink in sunny window of a restaurant in Pontypridd.

Bwyta, siopa ac yfed

Fe welwch ddetholiad o leoedd i fwyta, yfed a siopa ar y campws, gan gynnwys caffis ac Undeb y Myfyrwyr. P'un a ydych chi'n cael coffi neu bryd o fwyd cyflym rhwng darlithoedd, mae popeth gerllaw ac yn gyfleus iawn. Am fwy o ddewis, dim ond taith gerdded fer yw Pontypridd.

Two students studying in the Treforest library.

Mannau astudio a llyfrgell

O fannau astudio tawel i fannau cydweithredol, fe welwch leoedd i ganolbwyntio ar draws y campws, dan do ac yn yr awyr agored. Mae'r Llyfrgell a'r Parth Cynghori yn ganolfan fodern, cynllun agored ar gyfer dysgu a chefnogaeth, gyda phodiau astudio y gellir eu harchebu, mannau astudio tawel a chymorth arbenigol pan fydd ei angen arnoch.

Mannau awyr agored a natur

Wedi'i leoli yng nghymoedd De Cymru, mae Trefforest wedi'i amgylchynu gan fryniau gwyrdd a thirweddau agored sy'n rhoi lle i chi anadlu. Gyda llwybrau cerdded a beicio ar garreg eich drws, mae'n hawdd ymlacio, cael eich cefn atoch ac archwilio rhwng astudiaethau.

Cyfleusterau astudio

Dysgwch mewn cyfleusterau safonol y diwydiant ar draws y campws, o labordai a gweithdai arbenigol i fannau creadigol a thechnegol, pob un wedi'i gynllunio i roi profiad ymarferol i chi ar gyfer eich gyrfa yn y dyfodol.

Ewch i’w weld â’ch llygaid eich hunArchebwch ddiwrnod agored a phrofi bywyd campws yn PDC

Archwiliwch y campws

Dewch i gael blas ar fywyd yn Nhrefforest cyn i chi gyrraedd.

Ewch ar daith rithwir ac archwiliwch y mannau lle byddwch yn astudio, ymlacio a chymdeithasu, o gyfleusterau addysgu a chaffis i fannau chwaraeon ac amgylchoedd gwyrdd.

Ewch ar daith rithwir o Gampws Trefforest Y Pethau Gorau i'w Gwneud ym Mhontypridd

Cyfarwyddiadau i Gampws Trefforest

Mae Campws Trefforest yn hawdd i'w gyrraedd, boed yn teithio mewn car, trên neu awyren. Gyda gwasanaethau trên rheolaidd a chysylltiadau ffyrdd da, mae'n syml cynllunio'ch taith a chyrraedd y campws yn rhwydd.

Prifysgol De Cymru
Llantwit Road
Pontypridd
CF37 1DL
Y Deyrnas Unedig

Ffôn: +44 (0)345 576 0101

E-bost: [email protected]

Cyfarwyddiadau ar Google Maps.

Mae’n hawdd cyrraedd Campws Trefforest o’r M4 a’r A470.

O'r M4, gadwech gyffordd 32 ac ymunwch â'r A470 i'r gogledd tuag at Ferthyr Tudful a Phontypridd.
Ar ôl tua 6 milltir, fe welwch arwyddion ar gyfer yr A473 (Llantrisant) a Phrifysgol De Cymru
Dilynwch yr allanfa gyntaf oddi ar y gylchfan, ar draws y bont, yna trowch i'r chwith gan ddilyn yr arwyddion i fyny'r bryn i'r campws

Os ydych chi'n teithio tua'r de ar yr A470:

Cymerwch allanfa’r A4223 tuag at Bontypridd
Dilynwch arwyddion ar gyfer yr A4058, yna ymunwch â’r A473 tuag at y Brifysgol

Mae parcio i ymwelwyr gyferbyn â’r prif gampws.

Cod post ar gyfer y llyw lloeren: CF37 1DL

Mae Campws Trefforest â chysylltiadau rheilffyrdd da, gyda gwasanaethau rheolaidd o Gaerdydd.

Mae trenau uniongyrchol yn rhedeg o Gaerdydd Canolog a Heol y Frenhines, Caerdydd
Mae'r amser teithio nodweddiadol tua 20 munud
Yr orsaf agosaf yw Trefforest, dim ond taith gerdded fer o'r campws

Archwiliwch amseroedd trenau ar Drafnidiaeth Cymru.

Mae Campws Trefforest yn hygyrch o sawl maes awyr mawr.

Mae Maes Awyr Caerdydd tua 11 milltir i ffwrdd, gyda chysylltiadau bysiau a threnau
Mae Heathrow Llundain tua 2.5 awr i ffwrdd mewn car
Mae Maes Awyr Bryste hefyd yn cynnig mynediad cyfleus

Lawrleythwch fap o'r campws