C24: Gwyddorau Chwaraeon ac Ymarfer Corff, Hamdden a Thwristiaeth

Mae ein gwaith ymchwil ym maes gwyddorau chwaraeon ac ymarfer corff yn canolbwyntio ar ddwy thema integredig, amlddisgyblaethol – Perfformiad Chwaraeon ac Iechyd Fasgwlaidd. 

Mae’r gwaith ymchwil ym maes Perfformiad Chwaraeon yn defnyddio dull ymarferol o wella perfformiad athletwyr elît a hyrwyddo gweithgarwch corfforol ymhlith perfformwyr sydd yn eu harddegau. Mae’r ymchwil ym maes Iechyd Fasgwlaidd yn canolbwyntio ar fanteision fasgwlaidd ymarfer corff gydol oes.  

I gyd-fynd â’r ddwy brif thema ceir disgyblaethau ymchwil arbenigol sy’n canolbwyntio ar y canlynol: ymchwil ym maes Niwrowyddoniaeth Glinigol / Ffisioleg Fasgwlaidd; ymchwil ym maes Seicoleg Chwaraeon; ymchwil ym maes Anafiadau, Monitro ac Adsefydlu; ac ymchwil ym maes Hyfforddi Chwaraeon.  

Uchafbwyntiau’r Fframwaith

• Mae 96% o’n hymchwil ym maes gwyddor chwaraeon ac ymarfer corff gyda’r gorau yn y byd neu’n rhagorol yn rhyngwladol (4* / 3*) – cynnydd o 45% ers 2014  
• Mae 100% o effaith ein hymchwil gyda’r gorau yn y byd neu’n rhagorol yn rhyngwladol (4* / 3*)  
• Mae 100% o’n hallbynnau gyda’r gorau yn y byd neu’n rhagorol yn rhyngwladol (4* / 3*)  
• Mae PDC yn gydradd gyntaf yn y Deyrnas Unedig am effaith ac allbynnau o blith 61 o brifysgolion – ar sail 4* / 3*   
• Cydradd nawfed yn y Deyrnas Unedig o blith 61 o brifysgolion – ar sail ymchwil 4* / 3*

Canlyniadau’r Unedau Asesu 

I weld y canlyniadau llawn, ewch i www.ref.ac.uk.