Elango Nagasundaram

Profiad PDC

Rwyf wedi bod yn rhan o PDC ers y 17 mlynedd diwethaf. Fe wnes i ddod i'r DU i wneud fy Ngradd Meistr mewn Cyfathrebu Symudol a Lloeren yn PDC. Ar ôl cyfnod yn y diwydiant, dychwelais i wneud fy PhD.

Mae'r Brifysgol yn amrywiol iawn, yn fywiog ac yn groesawgar. Yn bwysicaf oll, mae'n poeni am les ei myfyrwyr ac yn cydnabod eu hangen i gydbwyso gwaith, teulu ac ymrwymiadau personol. Mae amrywiaeth eang o gefnogaeth ar gael i fyfyrwyr wneud eu hamser yn y brifysgol yn bleserus ac yn gynhyrchiol. Fe wnes i ddod yn gynrychiolydd myfyrwyr ymchwil i ddarparu cymorth a chefnogaeth i fyfyrwyr PhD eraill, yn enwedig y rhai a allai fod yn astudio ymhell o gartref. Rwy'n mwynhau cwrdd â myfyrwyr o fewn fy Nghyfadran ond hefyd pobl o bob cwr o'r Brifysgol, fel y Tîm Ymchwil a staff yr Ysgol Ôl-raddedig.

Caffi Stilts yw fy hoff le ar y campws. Rwy'n hoff iawn o fwyd ac yn mwynhau'r amrywiaeth o fwydydd sydd ar gael yma. Mae'r Gaplaniaeth yn lleoliad pwysig arall. Ar y dyddiau pan fyddwch angen rhywfaint o bersbectif, gallwch ddod o hyd i fan tawel ac ymlacio gyda diod boeth. Mae yna bob amser rywun i wrando arnoch chi os ydych chi eisiau siarad am yr hyn sy'n eich poeni.

Ffocws ymchwil

Mae fy PhD yn ymwneud â nodweddu ac optimeiddio ymlediad tonnau mm ar gyfer systemau cyfathrebu'r genhedlaeth nesaf. Mae technoleg tonnau milimetr yn un o'r technolegau sy'n tyfu gyflymaf yn y degawd hwn. Bydd canlyniadau fy ngwaith yn gosod y DU a De-orllewin Lloegr yng nghanol datblygiadau yn y maes trawsnewidiol hwn.