Celestine Chinazaekpere Okechukwu a Princess Onyeunusi

Astudiodd Celestine MSc Rheoli Adnoddau Dynol yn PDC, cyn cwrdd â'i bartner busnes, yr awdur ac entrepreneur Princess Onyeunusi. Gyda'i gilydd, aethon nhw ati i greu lle diogel ar gyfer newid ystyrlon, cymuned a chynhwysiant, ac maen nhw wedi cyhoeddi llyfr yn ddiweddar.

Mae Diaspora Voices yn gasgliad pwerus a theimladwy iawn o straeon bywyd go iawn sy'n datgelu profiadau oedd heb eu hadrodd cyn hynny, gan bobl sydd wedi croesi ffiniau i chwilio am ddiogelwch, cyfle, urddas ac ymdeimlad o berthyn. Y tu ôl i bob taith mae yna stori ddewr. Y tu ôl i bob acen, mae yna oes o aberth. Y tu ôl i bob tawelwch, mae yna wirionedd sy'n aros i gael ei glywed.

Mae Diaspora Voices yn alwad i wrando'n fwy astud, i arwain gyda mwy o empathi, ac i fynd i’r afael â’r distawrwydd sy'n caniatáu i anghyfiawnder barhau. Mae'n herio darllenwyr i symud y tu hwnt i stereoteipiau, i ddeall yn hytrach na barnu, ac i gydnabod cyfraniad anfesuradwy cymunedau diaspora ledled y byd.

Boed yn rhan o'r diaspora ai peidio, neu os ydych chi’n adnabod rhywun y mae ei fywyd wedi'i siapio gan fudo, neu'n berson yn credu yng ngrym cyfiawnder, cynhwysiant, ac urddas dynol, bydd y llyfr hwn yn cyffwrdd â'ch calon ac yn herio eich safbwyntiau.

Mae rhagor o wybodaeth am lyfr Diaspora Voices yma.