Mis Hanes Pobl Dduon

"Er bod y mis hwn yn cynnig cyfle penodol i dynnu sylw at y straeon a'r cyflawniadau hyn, mae'n bwysig nad ydym yn cyfyngu'r gydnabyddiaeth hon i un mis yn unig bob blwyddyn. Dylid dathlu, rhannu a chydnabod hanes, diwylliant a chyfraniadau pobl Dduon bob dydd, gan eu gwneud yn rhan annatod o'n dealltwriaeth o'r gorffennol, y presennol a'r dyfodol."

"Mae hefyd yn gyfle i drafod sut y gallwn ni oll ennill mwy o wybodaeth a dealltwriaeth er mwyn meithrin amgylchedd cynhwysol a gwrth-hiliol yn PDC. Trwy ddysgu, myfyrio a gweithredu trwy gydol y flwyddyn, gallwn barhau i feithrin diwylliant lle mae pawb yn teimlo eu bod yn cael eu gwerthfawrogi, eu parchu a'u grymuso i ffynnu."

_{Vida Greaux, Cadeirydd Rhwydwaith Staff Cydraddoldeb Hiliol a Richie Turner, Cyd-gadeirydd Rhwydwaith Staff Cydraddoldeb Hiliol}

Dathlu cynnydd a phartneriaethau

Dros y flwyddyn ddiwethaf, mae PDC wedi parhau i wneud cynnydd wrth gyflawni ei hymrwymiadau o dan y Siarter Cydraddoldeb Hiliol, gan helpu i greu amgylchedd mwy cynhwysol a theg i staff a myfyrwyr. Mae cyflawniadau allweddol yn cynnwys:

Diwylliant Cynhwysol

• Ehangu cyfleoedd hyfforddi a datblygu gwrth-hiliaeth i staff.
• Cyflwyno sesiynau myfyrio a thrafod i staff mewn partneriaeth â Urban Circle, fel rhan o’r sesiynau hyfforddi gwrth-hiliaeth.
• Cryfhau llywodraethu cydraddoldeb drwy sefydlu'r Bwrdd Goruchwylio Cydraddoldeb Strategol.

Data a Mewnwelediad

• Parhau i ddatblygu dangosfyrddau Cydraddoldeb, Amrywiaeth a Chynhwysiant (EDI) i wella monitro data cydraddoldeb y gweithlu a chefnogi gwneud penderfyniadau sy'n seiliedig ar dystiolaeth.
• Datblygu gwaith i gryfhau mynediad at ddata cydraddoldeb myfyrwyr a dealltwriaeth ohono.

Llwyddiant Myfyrwyr

• Cefnogi timau academaidd i ymgorffori dulliau gwrth-hiliol a chynhwysol o fewn datblygu'r cwricwlwm.
• Datblygu hyfforddiant ac adnoddau cydraddoldeb hiliol ar gyfer staff academaidd.
• Datblygu gwaith i adolygu arferion asesu a deall yn well y canlyniadau gwahanol i fyfyrwyr.

Ymgysylltu a Phartneriaethau

• Ffurfioli cytundeb partneriaeth gyda Urban Circle i gefnogi cydraddoldeb hiliol, ehangu cyfranogiad ac ymgysylltu â'r gymuned.
• Cyflwyno mentrau gan gynnwys yr Ŵyl Ddiwylliannol Ryngwladol, Cartref i ffwrdd o’ch Cartref, Wythnos Groeso Rhyngwladol a dathliadau Iftar.
• Sefydlu'r fframwaith ar gyfer Rhaglen Llysgenhadon Myfyrwyr Cydraddoldeb, Amrywiaeth a Chynhwysiant, gan greu cyfleoedd cyflogedig i fyfyrwyr gyfrannu at fentrau cydraddoldeb a chynhwysiant.

Datblygu Talent Amrywiol

• Darparu hyfforddiant recriwtio a dethol sy'n ymgorffori gwrth-hiliaeth, rhagfarn ddiarwybod a myfyrio diwylliannol.
• Datblygu gwaith ar gyfleoedd datblygu arweinyddiaeth ar gyfer staff Duon a staff o Leiafrifoedd Ethnig.
• Dechrau datblygu camau gweithredu wedi'u targedu mewn ymateb i ganfyddiadau archwilio cyflog cyfartal.

Uchafbwyntiau eraill

1. Prosiect ysgrifennu creadigol myfyrwyr “I Belong”.
2. Ail Ŵyl Ddiwylliannol PDC.
3. Cefnogaeth i LezDiff.
4. Nawdd Gwobr Cyflawniad Academaidd Gwobrau Cenedl Noddfa.

Wrth i ni ddathlu Mis Hanes Pobl Dduon, rydym yn myfyrio gyda balchder ar effaith y cydweithrediadau hyn, ac yn parhau i fod wedi ymrwymo i greu amgylchedd cynhwysol, teg a chefnogol i bawb.