Yr Athro Osama Khan

Mae'n dod â dros 27 mlynedd o brofiad mewn addysg uwch i'r rôl, gydag ymrwymiad dwfn i fyfyrwyr, staff, cymunedau a phwrpas cyhoeddus prifysgolion. Mae ei waith wedi canolbwyntio ar ehangu cyfleoedd, gwella canlyniadau myfyrwyr, cryfhau amgylcheddau dysgu cynhwysol, a helpu sefydliadau i ymateb i newid gyda gofal, tystiolaeth ac uchelgais.

Cyn ymuno â Phrifysgol De Cymru, roedd Osama yn Ddirprwy Is-Ganghellor Academaidd ym Mhrifysgol Aston. Yn y rôl honno, bu'n gweithio gyda cholegau academaidd a gwasanaethau proffesiynol sy'n ymdrin â myfyrwyr i gefnogi cyflawniad Strategaeth 2030 y brifysgol. Roedd ei bortffolio yn cynnwys strategaeth academaidd, cymunedau academaidd, addysg a phrofiad myfyrwyr, cyflogadwyedd, dysgu digidol, llywodraethu academaidd, addysg ar-lein, cynhwysiant, a gwaith i gryfhau cynaliadwyedd sefydliadol.

Ar draws ei rolau arweinyddiaeth, mae Osama wedi bod yn ymwneud yn agos â thrawsnewid sefydliadol, gan ddefnyddio data, offer digidol ac ailgynllunio gwasanaethau i wella profiad myfyrwyr a chydweithwyr. Mae wedi hyrwyddo democrateiddio data, gan wneud mewnwelediadau yn fwy hygyrch i dimau academaidd a phroffesiynol fel bod penderfyniadau'n fwy gwybodus, yn fwy tryloyw ac yn canolbwyntio ar effaith. Mae ei waith hefyd wedi cynnwys trawsnewid digidol, rheoli gwasanaethau menter, datblygu cwricwlwm, ac ailgynllunio gwasanaethau sy'n ymdrin â myfyrwyr i greu cefnogaeth fwy cysylltiedig, ymatebol ac effeithiol.

Roedd gyrfa gynharach Osama yn cynnwys rolau uwch ym Mhrifysgol Surrey a Phrifysgol Solent. Dechreuodd ei yrfa academaidd yn y DU fel Darlithydd Cyswllt ym Mhrifysgol Caergrawnt yn 2002, yn dilyn profiad cynharach mewn bancio buddsoddi. Mae wedi addysgu ar draws meysydd gan gynnwys cyllid corfforaethol, deilliadau, economeg fathemategol, cyllid ac economeg eiddo tiriog, a rheoli buddsoddiadau. Mae hefyd wedi cyfrannu at addysgu mewn sefydliadau gan gynnwys Ysgol Busnes ‘Judge’ Caergrawnt, HEC Paris, Prifysgol Hong Kong ac Ysgol Fusnes Copenhagen.

Mae ei arweinyddiaeth wedi'i gwreiddio mewn arweinyddiaeth wasanaethgar, cydweithio, atebolrwydd a gwneud penderfyniadau sy'n seiliedig ar dystiolaeth. Mae'n parhau i fod yn angerddol am addysgu ac yn credu'n ddwfn ym mhŵer addysg i drawsnewid bywydau. Ochr yn ochr â'i arweinyddiaeth yn y brifysgol, mae Osama yn cyfrannu at rolau cynghori, llywodraethu, addysg, cynhwysiant a lles cenedlaethol, gan adlewyrchu ei ymrwymiad ehangach i symudedd cymdeithasol, cydlynu cymunedol a rôl prifysgolion fel grym.