Sumaya Khan

Roedd dilyn gradd mewn Busnes a Rheolaeth yn benderfyniad a ysgogwyd gan ddiddordeb mewn entrepreneuriaeth.   

Drwy gydol ei hastudiaethau, mae hi wedi mwynhau dysgu am wahanol agweddau ar redeg busnes, gan gynnwys cyllid, marchnata, gweithrediadau, a strategaeth - “Un o’r agweddau gorau ar astudio Busnes a Rheolaeth yw pa mor eang ydyw, felly cewch gyfle i roi cynnig ar ychydig bach o bopeth.” 

“Uchafbwynt fy nghwrs yn bendant fu fy lleoliad 10 wythnos gyda Hoop Recruitment fel Intern Marchnata. Rydw i wir yn mwynhau cymhwyso’r cysyniadau rydyn ni’n eu dysgu yn y byd go iawn.” Taniodd y profiad hwn ei brwdfrydedd dros farchnata, gan arwain ei chynlluniau gyrfa ar gyfer y dyfodol yn y pen draw. 

Cafodd interniaeth 12 mis fel Cynorthwy-ydd Marchnata i Dîm Cymru, lle enillodd brofiad ymarferol gwerthfawr o greu cynnwys ac adnabod cyfleoedd marchnata. Cafodd Sumaya gyfle hefyd i deithio i Botswana fel rhan o raglen interniaeth eqUIP CGF, lle mae’n dweud, “Rwyf yn bendant wedi gwneud ffrindiau am oes!” 

Cofleidio cyfleoedd a chamu allan o fannau cyfforddus

Mae taith Sumaya yn dangos manteision y profiadau ymarferol yn y byd go iawn sydd ar gael i fyfyrwyr PDC. Fe wnaeth ddarganfod ei brwdfrydedd dros farchnata, mireinio ei sgiliau, ac adeiladu rhwydwaith rhyngwladol.

Ei chyngor i fyfyrwyr y dyfodol yw “cadwch feddwl agored a bod yn fodlon i archwilio ardaloedd gwahanol o fewn y maes, nid oes un llwybr i lwyddiant. Byddwch yn barod i gamu allan o'ch man cyfforddus.”