Ida Mirzaee

Paratoi at yrfa yn y brifysgol 

Ar ôl graddio, ymunais â Stiwdio Sefydlu yn PDC ac yn ddiweddarach ces i le ar raglen Springboard, ac roedd hyn yn brofiad trawsnewidiol. Erbyn hyn, rwy'n gweithio fel artist amlgyfrwng llawrydd, a gosododd cwrs MA Animeiddio PDC sylfaen gref ar gyfer fy ngyrfa. Dysgodd sgiliau technegol hanfodol i fi a rhoi cipolwg gwerthfawr ar arferion y diwydiant. Fe wnaeth y prosiectau ymarferol a'r gyfadran gefnogol fy helpu i fagu hyder yn fy ngallu a meithrin fy nghreadigrwydd, ac arweiniodd hyn at gynhyrchu animeiddiad byr a enillodd sawl gwobr. Gwnaeth y gydnabyddiaeth hon ddod â hygrededd i fy ngwaith ac fe agorodd ddrysau hefyd i gyfleoedd cyffrous. 

Rwy'n teimlo'n hynod ffodus fy mod wedi cael cyfle i astudio yn PDC—roedd hi wir yn teimlo fel mai PDC oedd wedi fy newis i. Fel ceisiwr lloches, cefais un o'r ddwy ysgoloriaeth oedd ar gael gan y brifysgol, a newidiodd hyn fy mywyd yn llwyr. Roedd ymrwymiad PDC i amrywiaeth a chynhwysiant, ynghyd â'i henw da mewn celfyddydau amlgyfrwng, yn ei gwneud yn lle perffaith i fi ddilyn fy astudiaethau. Roedd yr amgylchedd cefnogol a'r mynediad at gyfleusterau o'r radd flaenaf yn atgyfnerthu fy mhenderfyniad ymhellach, gan ganiatáu i fi ddatblygu'n bersonol ac yn broffesiynol. 

Cyngor Ida i fyfyrwyr presennol a myfyrwyr y dyfodol 

Y cyngor gorau y gallaf ei gynnig i fyfyrwyr presennol yw parhau i ymarfer a mireinio eu sgiliau. Yn ogystal, peidiwch byth â thanbrisio grym rhwydweithio ac adeiladu cysylltiadau ystyrlon. Mae'r diwydiant ffilm a theledu yn ffynnu ar berthnasoedd, a gall y cyfoedion, yr athrawon a’r gweithwyr proffesiynol y byddwch yn cwrdd â nhw ar hyd y daith ddod yn gynghreiriaid hanfodol yn eich gyrfa. Gall bod yn rhagweithiol, mynychu digwyddiadau'r diwydiant, ac ymgysylltu â gweithwyr proffesiynol pryd bynnag y bo modd wneud gwahaniaeth sylweddol.