Ennill Hyder a Chysylltiadau drwy'r Gyfraith a Throseddeg

Dewis PDC ar gyfer ar gyfer Dechrau Cefnogol

Dewisais astudio'r Gyfraith a Throseddeg oherwydd ei fod yn bwnc sy'n esblygu'n gyson ochr yn ochr â chymdeithas, gan ei wneud yn hynod ddiddorol. Pan ddaeth hi'n amser penderfynu ar brifysgol, roedd PDC yn sefyll allan fel amgylchedd cefnogol a chroesawgar. Roedd y gwasanaethau a'r gefnogaeth a oedd ar gael yn hynod ddeniadol, ac roeddwn i hefyd yn gallu byw gartref wrth astudio, a wnaeth fy nhrawsnewidiad i fywyd prifysgol yn haws.

Mynychais nifer o Ddiwrnodau Agored yn PDC, a helpodd hynny i gadarnhau mai dyma’r dewis cywir i mi. Llwyddais i gwrdd â’m darpar ddarlithwyr ac archwilio’r opsiynau cwrs yn fanwl. Rhoddodd yr ymweliadau hyn hyder i mi yn y penderfyniad roeddwn i’n ei wneud a gwnaethant fi’n gyffrous i ddechrau fy astudiaethau.

Dewch o hyd i'ch cwrs

MAE DEFNYDDIO’R CYFLEUSTERAU HYN WEDI BOD YN HWB MAWR I’N HYDER AC MAE BOB AMSER YN EIN PARATOI AR GYFER YR HYN I’W DDISGWYL YN Y BYD GWAITH.

Tiegan Edwards

Myfyriwr Y Gyfraith

Paratoi ar gyfer y Byd Go Iawn ac Uchelgeisiau ar gyfer y Dyfodol

Drwy gydol fy ngradd, mae PDC wedi cynnig nifer o gyfleoedd i ymgysylltu â'r proffesiwn cyfreithiol, gan gynnwys digwyddiadau siaradwyr gwadd, mynediad i'r Clinig Cyngor Cyfreithiol, a sesiynau efelychu Hydra. Mae'r profiadau hyn wedi rhoi cipolwg ymarferol i mi ar fyd y gyfraith. Mae'r cyfleusterau, yn enwedig y ffug lys barn, wedi helpu i feithrin fy hyder ac wedi darparu paratoad amhrisiadwy ar gyfer bywyd ar ôl graddio.

Un prosiect rwy'n arbennig o falch ohono yw fy aseiniad ffug, lle cefais fy asesu ar wybodaeth gyfreithiol a sut roeddwn yn mynd ati i'r llys. Ar ôl graddio, rwy'n gobeithio cwblhau'r SQE ac yn y pen draw gweithio i gwmni lleol. Fy nghyngor i fyfyrwyr y dyfodol? Byddwch yn hyderus ac yn barod i weithio'n galed—mae PDC yn cynnig digon o gyfleoedd i dyfu, ond chi sydd i wneud y gorau ohonynt.

Gyrfaoedd a Chyflogadwyedd

Tiegan Edwards