Uwchraddiwch eich cynnig

Byddwn yn prosesu eich cais ac, os gallwn wneud hynny, byddwn yn gwneud cynnig i chi yn seiliedig ar ofynion derbyn y cwrs rydych chi wedi gwneud cais i'w astudio a'ch graddau disgwyliedig, neu byddwn yn anelu at gynnig cwrs gwahanol addas os na allwn wneud cynnig ar gyfer y cwrs y gwnaethoch gais amdano’n wreiddiol. Bydd eich cynnig yn cael ei anfon atoch drwy e-bost ac, os gwnaethoch gais drwy UCAS, bydd yn ymddangos ar eich Hyb UCAS. Os gwnaethoch gais drwy broses PDC, bydd yn ymddangos ar eich borth Ymgeisydd.

Fe'ch gwahoddir i Ddiwrnod Profiad Ymgeiswyr. Anfonir gwahoddiad drwy e-bost, a bydd angen i chi fewngofnodi i'ch porth Ymgeiswyr i gadw lle ar un o'r dyddiadau sydd ar gael.

Cymryd rhan mewn gweithgaredd enghreifftiol sy'n gysylltiedig â'ch pwnc, cwrdd â darlithwyr a chyd-ddisgyblion y byddwch yn gweithio â nhw yn y dyfodol, gweld ein llety a sgwrsio â'n gwasanaethau cymorth – gallwch wneud hyn i gyd a mwy ar Ddiwrnod Profiad Ymgeiswyr.

Yn dibynnu ar amodau eich cynnig, ein gobaith yw troi cynigion y mwyafrif o’r ymgeiswyr yn rhai diamod ar ôl mynychu ac ymgysylltu yn un o'n Dyddiau Profiad Ymgeiswyr. Mae rhagor o wybodaeth yn ein telerau ac amodau isod.

Bydd pob ymgeisydd sy'n dangos lefel o ymrwymiad i PDC drwy fynychu Diwrnod Profiad Ymgeiswyr yn cael cynnig diamod yn seiliedig ar eu presenoldeb a'u graddau disgwyliedig. Mae'r fenter hon yn golygu y gallwn barhau i'ch cefnogi chi fel darpar fyfyrwyr a lleddfu'r baich sydd ynghlwm wrth ansicrwydd ynghylch cynigion. Nod y cyfan yw cefnogi ffocws academaidd a llwyddiant yn y pen draw, wrth i chi barhau i astudio ar sefyll eich arholiadau.

Er bod y rhan fwyaf o gyrsiau israddedig yn gymwys, mae rhai cyrsiau na ellir eu cynnwys yn y cynllun hwn oherwydd achrediadau cyrff allanol neu ofynion derbyn penodol. Dyma’r cyrsiau hynny:   

• BSc (Anrh) Nyrsio (Oedolion) 
• BSc (Anrh) Nyrsio (Plant) 
• BSc (Anrh) Nyrsio (Iechyd Meddwl) 
• BSc (Anrh) Nyrsio (Anableddau Dysgu) 
• BSc (Anrh) Bydwreigiaeth 
• BSc (Anrh) Ymarfer Adran Lawdriniaeth  
• BSc (Anrh) Therapi Galwedigaethol  
• BSc (Anrh) Ffisiotherapi  
• Meistr Ceiropracteg  
• BSc (Anrh) Gwyddorau Meddygol 
• BSc (Anrh) Gwaith Cymdeithasol 
• BA (Anrh) Addysg Gychwynnol i Athrawon Cynradd gyda SAC 
• BSc (Anrh) Cwnsela ac Ymarfer Therapiwtig 
• Pob cwrs Atodol un flwyddyn 

Gwahoddir ymgeiswyr ar gyfer graddau lle mae portffolio yn rhan o'u cwrs Lefel 3 cyfredol, ac sydd â phortffolio ar gael i'w drafod, i gymryd rhan mewn trafodaeth anffurfiol 15 munud gyda'u tiwtor cwrs neu gynrychiolydd academaidd arall yn ystod Diwrnod Profiad Ymgeiswyr. Dyma’r cyrsiau hynny:  

• BA (Anrh) Darlunio 
• BA (Anrh) Dylunio Setiau Teledu a Ffilm 
• BA (Anrh) Celf Gemau  
• BA (Anrh) Dylunio Ffasiwn 
• BA (Anrh) Ffotograffiaeth 
• BA (Anrh) Ffotograffiaeth Ddogfennol 
• BA (Anrh) Cyfathrebu Graffeg
• BA (Anrh) Dylunio Mewnol

Gallai portffolio gynnwys enghreifftiau o waith o'ch cwrs presennol neu flaenorol, a/neu enghreifftiau o unrhyw waith creadigol nad yw'n rhan o'ch cwrs y gallech fod wedi'i gwblhau yn eich amser eich hun. Nid oes angen isafswm nac uchafswm o ddarnau o waith, ond os oes gennych bortffolio mawr, byddai'n ddoeth dewis rhai o'ch hoff ddarnau i'w trafod. Ni fydd trafodaethau portffolio yn para mwy na 15 munud. 

Os ydych yn gwneud cais am y cyrsiau creadigol uchod ond nad oes gennych bortffolio ffurfiol, peidiwch â phoeni, ni fyddwch dan anfantais a byddwch yn dal i gael eich ystyried ar gyfer y cynllun uwchraddio. Fe'ch anogir i ddod ag enghreifftiau o'ch gwaith ymlaen lle bynnag y bo modd, ond nid yw hyn yn hanfodol.

Os caiff eich cynnig ei uwchraddio’n un Diamod, anfonir e-bost cynnig newydd atoch ac os gwnaethoch gais drwy UCAS, bydd y cynnig diamod yn ymddangos yn eich Hyb UCAS. Os gwnaethoch gais drwy broses PDC, bydd yn ymddangos ar eich Porth Ymgeiswyr.

Ddim o gwbl. Mae cynnig diamod yn ystyried y proffil academaidd y credwn y byddwch yn ei wireddu neu’n rhagori arno. Bydd y graddau y byddwch yn eu cyflawni yn aros gyda chi am weddill eich oes, gan gynnwys ar eich CV a'ch ceisiadau am swyddi. Mae eich astudiaethau presennol hefyd yn gosod sylfaen ar gyfer y brifysgol, gan wella eich gwybodaeth a'ch sgiliau astudio, gan eich gwneud yn fwy tebygol o lwyddo yn y dyfodol. Dylech barhau i astudio eich cwrs Lefel 3 ac ennill y graddau gorau posib, ond gyda’r tawelwch meddwl o wybod bod gennych le yn y brifysgol.

Os bydd hyn yn digwydd, peidiwch â chynhyrfu, gan na fydd yn effeithio ar eich cynnig am le. Os ydych yn derbyn Prifysgol De Cymru fel eich dewis cyntaf, byddwn yn anfon gwybodaeth gofrestru a chynefino atoch yn yr haf.

Mae'r cynnig hwn ar gael i ymgeiswyr yn y DU/Cartref yn unig, a bydd hyn yn cael ei benderfynu gan wybodaeth a gofnodir yn eich cais.

Nid oes proses ymgeisio â blaenoriaeth ar gyfer llety i ddeiliaid cynigion diamod ond mae peth o'n llety'n debygol o gael ei ddyrannu ar sail y cyntaf i'r felin. Fe'ch anogir i wneud cais am lety a thalu'ch blaendal cyn gynted ag y byddwch yn derbyn eich cynnig gan PDC yn gadarn.

Gallwch, mae modd gohirio'ch cynnig diamod, ond peidiwch â gwneud y penderfyniad i ohirio tan yn ddiweddarach yn yr haf os nad ydych chi 100% yn siŵr. Sicrhewch fod eich cyllid ac unrhyw lety wedi’u trefnu (rhag ofn y byddwch yn newid eich meddwl) a gallwch ohirio'n agosach at ddechrau eich cwrs os ydych yn teimlo mai dyma'r penderfyniad iawn i chi. Os oes gennych unrhyw gwestiynau am ohirio, cysylltwch ag [email protected].

Os ydych yn derbyn cynnig diamod yn gadarn, ni fyddwch yn gallu derbyn dewis yswiriant hefyd. Dim ond os yw'r rhain yn gynigion amodol (ac nid yn ddiamod) y gallwch dderbyn dewis cadarn ac yswiriant (ac nid yn ddiamod). os ydych yn derbyn cynnig cadarn ac yswiriant, os bydd eich prifysgol ddewisol yn newid eich cynnig yn un diamod, mae hyn yn golygu bod eich lle wedi'i gadarnhau a byddwch yn derbyn gwybodaeth gofrestru a chynefino yn yr haf cyn i'ch cwrs ddechrau.

Mae eich cynnig wedi'i uwchraddio yn benodol i'r cwrs rydych wedi derbyn cynnig ar ei gyfer, gan ein bod wedi ystyried eich graddau disgwyliedig wrth wneud y cynnig hwn. Os bydd graddau a gewch yn sylweddol uwch na'r rhai a ragwelwyd yn wreiddiol, efallai y gallwn wneud cynnig i chi ar gyfer y radd. Dylech gysylltu ag [email protected] wedi i chi dderbyn eich canlyniadau i drafod hyn.

Os aethoch chi i Ddiwrnod Profiad Ymgeiswyr ond heb sganio na chofrestru ar y diwrnod, ni fydd eich cynnig yn cael ei uwchraddio. Os hoffech apelio yn erbyn y penderfyniad hwn gan eich bod yn bresennol yn y digwyddiad mewn gwirionedd, dylech gysylltu â [email protected] i gychwyn.