Ennill ar unwaith i Ddeiliaid Cynnig

1. Trosolwg o'r gystadleuaeth

Mae Cystadleuaeth Ennill Ar Unwaith Deiliad Cynnig PDC 2026 ("Cystadleuaeth") yn gystadleuaeth ennill ar unwaith a weithredir gan y Brifysgol.

Bydd cyfranogwyr cymwys yn derbyn un cerdyn crafu fel rhan o Becyn Croeso. Gall cyfranogwr ddatgelu ar unwaith a ydynt wedi ennill gwobr drwy grafu'r cerdyn a bydd yn cynnwys neu'n cyfeirio'r cyfranogwr at gyfarwyddiadau hawlio.

Mae cymryd rhan am ddim ac nid oes angen prynu.

2. Cyfnod y gystadleuaeth

Mae'r Gystadleuaeth yn agor ar 13 Awst 2026 pan fydd Pecynnau Croeso sy'n cynnwys cardiau crafu yn cael eu dosbarthu am y tro cyntaf.

Mae'r Gystadleuaeth yn cau am 11.59pm ar 2 Hydref 2026.

Rhaid cyflwyno pob hawliad am wobr erbyn y Dyddiad Cau am Hawliadau yng nghymal 10.

3. Diffiniadau

Mae “Deiliad y Cynnig” yn golygu myfyriwr sy'n byw yn y DU sydd â chynnig pendant gan y Brifysgol ar 8 Awst 2026, sy'n bwriadu dechrau cwrs israddedig llawn amser a addysgir ar y campws ym mis Medi 2026, ac nad yw wedi gwneud cais drwy'r Broses Glirio.

Mae “Pecyn Croeso” yn golygu’r pecyn a ddosberthir gan y Brifysgol sy’n cynnwys eitemau hyrwyddo ac un cerdyn crafu.

Mae “Clirio” yn golygu proses Glirio UCAS sy’n gweithredu o 2 Gorffennaf 2026 i 19 Hydref 2026 ar gyfer lleoli myfyrwyr ar gyrsiau sydd ar gael.

4. Cymhwysedd

Dim ond i Ddeiliaid Cynnig cymwys 16 oed neu hŷn sy'n derbyn Pecyn Croeso y mae'r Gystadleuaeth ar agor.

Nid yw'r Gystadleuaeth ar agor i ymgeiswyr a wnaeth gofrestru drwy Glirio, gweithwyr y Brifysgol neu ei chwmnïau cysylltiedig, nac aelodau o'u teuluoedd neu eu haelwydydd agos.

Drwy gymryd rhan, mae cyfranogwyr yn cadarnhau eu bod yn bodloni'r holl feini prawf cymhwysedd.

Gall y Brifysgol ofyn am dystiolaeth resymol o gymhwysedd a hunaniaeth.

Ac eithrio lle nodir yn benodol yn amodau’r wobr llety, nid yw ennill gwobr yn amodol ar gofrestru dilynol yn y Brifysgol.

5. Cyfranogiad

Dim ond un cerdyn crafu fydd yn cael ei roi i bob cyfranogwr cymwys.

Mae cardiau crafu yn cael eu dyrannu ymlaen llaw ar hap gyda chanlyniadau buddugol a chanlyniadau di-fuddugol. Nid yw amseriad y dosbarthiad yn effeithio ar ddyrannu gwobrau.

Mae cerdyn crafu buddugol dilys yn rhoi'r hawl i'r deiliad hawlio'r wobr berthnasol, yn amodol ar gydymffurfio â'r Telerau hyn, gwirio cymhwysedd a gwirio’r cerdyn buddugol a manylion yr hawliad.

Nid yw'r Brifysgol yn gyfrifol am unrhyw oedi, colled neu fethiant i ddanfon Pecynnau Croeso a allai effeithio ar gyfranogiad, ar yr amod nad yw hyn yn effeithio ar unrhyw hawliau statudol.

6. Crynodeb o'r wobr

Gwobr	Nifer	Crynodeb
Cymorth llety	1	Cymorth llety yn adeilad llety dynodedig y Brifysgol gyda gwerth uchaf o £4,680, yn amodol ar amodau penodol i'r llety.
Gliniadur Apple MacBook Neo	50	Un gliniadur i bob enillydd, model fel y nodwyd neu fodel cyfwerth os oes angen ei newid.
Taleb Rhodd One4All	20	Un daleb gwerth £200 i bob enillydd, yn amodol ar delerau'r cyhoeddwr.
Talebau Arlwyo PDC	5	£200 o dalebau arlwyo PDC i bob enillydd, ar gyfer mannau arlwyo a weithredir gan y Brifysgol sy'n cymryd rhan.
Hwdi brand PDC	50	Un hwdi i bob enillydd.
Llyfr nodiadau brand PDC	190	Un llyfr nodiadau i bob enillydd.

7. Amodau gwobr 

7.1. Amodau cyffredinol y wobr

Ni ellir trosglwyddo na chyfnewid gwobrau, ac nid oes dewis arian parod yn lle hynny, oni nodir yn wahanol yn y Telerau hyn.

Mae'r Brifysgol yn cadw'r hawl i roi gwobr arall o werth cyfartal neu fwy yn lle gwobr arall, lle mae amgylchiadau y tu hwnt i reolaeth resymol y Brifysgol, problemau cyflenwi neu’r cynnyrch ddim yn cael ei gynhyrchu mwyach yn gwneud hyn yn angenrheidiol.

Nid yw defnydd y Brifysgol o frandiau trydydd parti fel gwobrau yn awgrymu cymeradwyaeth gan y brandiau hynny, nac unrhyw gysylltiad â nhw.

Gall gwobrau fod yn ddarostyngedig i delerau ac amodau gwneuthurwr, cyflenwr neu lety ar wahân. Rhaid i enillwyr gydymffurfio ag unrhyw delerau perthnasol er mwyn defnyddio neu elwa o wobr. 

7.2. Gwobr 1 - Llety

Bydd un enillydd yn derbyn cymorth llety yn adeilad llety dynodedig y Brifysgol, gyda gwerth uchaf o £4,680 yn gysylltiedig â threfniadau llety ar gyfer blwyddyn academaidd 2026/27.

Fel arfer, mae'r wobr yn cynnwys llety am flwyddyn academaidd mewn ystafell sengl safonol yn Llys Morgannwg, campws Trefforest. Mae’n ystafell safonol gydag ystafell wlyb en-suite, tua 11.5m2, yn seiliedig ar gontract 40 wythnos.

Dim ond mewn cysylltiad â threfniadau llety cymwys sy'n gysylltiedig â phresenoldeb yr enillydd yn y Brifysgol yn ystod blwyddyn academaidd 2026/27 y caniateir defnyddio'r wobr. I elwa o'r wobr llety, rhaid i'r enillydd fod yn gymwys i feddiannu'r llety perthnasol a rhaid ymrwymo i, neu eisoes fod wedi ymrwymo i, gontract llety dilys fel y disgrifir isod.

Os nad yw Llys Morgannwg ar gael, gall y Brifysgol ddarparu llety cyfatebol a reolir gan y Brifysgol o werth cyfartal neu uwch.

Os bydd yr enillydd yn dewis peidio â byw mewn llety cymwys ac nad oes unrhyw ddewis arall a ganiateir yn berthnasol, bydd y wobr llety yn cael ei fforffedu ac ni fydd unrhyw ddewis arall arian parod yn cael ei ddarparu.

Os yw enillydd yn astudio yng nghampysau Caerdydd neu Gasnewydd ac yn dewis byw yn Llys Sir Forgannwg, gallant hefyd fod yn gymwys ar gyfer Bwrsariaeth Myfyrwyr Costau Teithio'r Brifysgol, yn amodol ar delerau cyhoeddedig ar wahân y cynllun hwnnw. Nid yw'r Fwrsariaeth Myfyrwyr Costau Teithio yn rhan o'r wobr hon.

Eithriad contract llety presennol

Os, erbyn 8 Awst 2026, bydd yr enillydd eisoes wedi ymrwymo i gontract llety ysgrifenedig y gellir ei orfodi yng Nghymru a Lloegr, gall y Brifysgol weithredu’r trefniadau canlynol yn lle darparu ystafell safonol yn Llys Morgannwg.

Llety a reolir gan y Brifysgol yn Nhrefforest: lle mae'r contract presennol ar gyfer llety a reolir gan y Brifysgol yn Nhrefforest, gan gynnwys math o ystafell gwerth uwch neu well, gall y Brifysgol, yn ôl ei disgresiwn, roi credyd o hyd at £4,680 tuag at gost y llety hwnnw. Bydd unrhyw swm sy’n weddill yn daladwy gan yr enillydd.

Llety trydydd parti: lle mae'r contract presennol gyda darparwr llety trydydd parti, gall y Brifysgol wneud taliad untro o hyd at £4,680 yn uniongyrchol i'r darparwr llety hwnnw. Ni fydd unrhyw daliad yn cael ei wneud yn uniongyrchol i'r enillydd.

Rhaid i'r enillydd ddarparu tystiolaeth foddhaol o'r contract llety ac unrhyw fanylion talu y mae'r Brifysgol yn gofyn amdanynt o fewn rheswm. Ni fydd cyfraniad y Brifysgol yn fwy na £4,680 ac ni ellir ei drosglwyddo, ei gyfnewid na'i gymryd fel arian parod. 

7.3. Gwobr 2 - gliniadur Apple MacBook Neo

Bydd hanner cant enillydd yn derbyn un gliniadur Apple MacBook Neo 13 A18PRO Arian 8GB/256GB neu fodel cyfwerth os oes angen ei newid.

Bydd y Brifysgol yn darparu gwybodaeth am y warantî wrth gasglu. Darperir y warantî yn amodol ar delerau ac eithriadau warantî y gwneuthurwr neu'r cyflenwr perthnasol.

Mae perchnogaeth y gliniadur yn trosglwyddo i'r enillydd ar ôl ei gasglu.

7.4. Gwobr 3 - Taleb Rhodd One4All

Bydd ugain o enillwyr yn derbyn un Daleb Rhodd One4All gwerth £200 yr un.

Mae'r daleb yn ddarostyngedig i delerau ac amodau cyhoeddwr y daleb.

7.5. Gwobr 4 - Talebau Arlwyo PDC

Bydd pum enillydd yn derbyn £200 o dalebau arlwyo PDC sy'n cynnwys 40 o dalebau gwerth £2 yr un a 24 o dalebau gwerth £5 yr un.

Dim ond mewn mannau arlwyo sy'n cael eu rhedeg gan y Brifysgol sy'n cymryd rhan y gellir defnyddio'r talebau, gan gynnwys mannau arlwyo ar y campws sy'n cymryd rhan. Ni ellir eu defnyddio mewn lleoliadau a redir gan Undeb Myfyrwyr PDC.

Mae talebau'n dod i ben ar 31 Gorffennaf 2027.

Ni ellir cyfnewid talebau am arian parod, eu trosglwyddo, eu had-dalu na'u disodli os cânt eu colli, eu dwyn neu eu difrodi.

Os yw gwerth pryniant yn llai na gwerth enwol taleb, ni roddir newid na chredyd. 

7.6. Gwobr 5 - hwdi brand PDC

Bydd hanner cant o enillwyr yn derbyn un hwdi brand PDC.

7.7. Gwobr 6 – llyfr nodiadau brand PDC

Bydd cant a naw deg o enillwyr yn derbyn un llyfr nodiadau brand PDC yr un.

8. Gwybodaeth am yr enillydd

Mae cerdyn crafu buddugol dilys yn adnabod cyfranogwr buddugol ar unwaith.

Rhaid i enillwyr gadw eu cerdyn crafu gwreiddiol sy'n cynnwys cod unigryw.

Gellir darparu cyfenw a sir breswyl yr enillwyr ar gais o fewn 30 diwrnod i'r Dyddiad Cau drwy gysylltu â Myfyrwyr y Dyfodol yn [email protected]. Gall enillydd wrthwynebu datgeliad neu ofyn am leihau faint o wybodaeth a ddatgelir, lle caniateir hynny yn gyfreithiol.

9. Cyfyngiad atebolrwydd

Nid oes dim yn y Telerau hyn yn eithrio nac yn cyfyngu ar atebolrwydd am farwolaeth neu anaf personol a achosir gan esgeulustod, twyll neu gamliwio twyllodrus, nac unrhyw atebolrwydd arall na ellir ei eithrio na'i gyfyngu'n gyfreithlon.

Yn amodol ar yr uchod, mae atebolrwydd y Brifysgol wedi'i gyfyngu i'r graddau mwyaf a ganiateir gan y gyfraith. Ni effeithir ar hawliau statudol yr enillydd. 

10. Diogelu data

Bydd gwybodaeth bersonol a ddarperir mewn cysylltiad â'r Gystadleuaeth yn cael ei defnyddio gan y Brifysgol i wirio cymhwysedd, gweinyddu'r Gystadleuaeth, cysylltu ag enillwyr, dyfarnu a chyflwyno gwobrau, rheoli ceisiadau am wybodaeth am enillwyr ac ymateb i ymholiadau cysylltiedig.

Bydd gwybodaeth bersonol yn cael ei phrosesu yn unol â hysbysiadau preifatrwydd perthnasol y Brifysgol:

HysbysiadPreifatrwyddCyffredinol.docx (live.com)

Hysbysiadau Preifatrwydd a Defnyddio Gwybodaeth Bersonol | Prifysgol De Cymru.

11. Cyffredinol

Gall y Brifysgol anghymhwyso unrhyw gyfranogwr sy'n torri'r Telerau hyn, sy’n ceisio twyllo’r Gystadleuaeth neu'n darparu gwybodaeth ffug neu gamarweiniol.

Gall y Brifysgol ddirymu, atal, canslo, diwygio neu dynnu'r Gystadleuaeth yn ôl lle bo angen o fewn rheswm oherwydd amgylchiadau y tu hwnt i'w rheolaeth.

Gwneir penderfyniadau'r Brifysgol ynghylch cymhwysedd a hawliadau gwobrau yn unol â'r Telerau hyn. Nid yw hyn yn effeithio ar unrhyw hawliau statudol nac unrhyw hawl i godi cwyn o dan weithdrefnau perthnasol y Brifysgol.

Mae'r Telerau hyn yn cael eu llywodraethu gan gyfreithiau Cymru a Lloegr. Mae'r Brifysgol a'r cyfranogwyr yn cytuno i ddefnyddio llysoedd Cymru a Lloegr yn unig.