Paratoi ar gyfer Bywyd Myfyriwr
Gyda’r camau cywir cyn i chi gyrraedd, gall setlo i mewn i’r brifysgol fod yn llyfn ac yn ddi-straen. Dilynwch ein hawgrymiadau i fanteisio i’r eithaf ar eich wythnosau cyntaf yn PDC.
Ein cyngor/prod01/channel_2/media/university-of-south-wales/site-assets/images/07-student-life/73-outside-shots/pontypridd-student-life-56769.jpg)
Darganfyddwch fwy am y cymorth sydd ar gael
Os ydych chi’n dechrau yn y brifysgol gyda chyflwr iechyd hirdymor neu anabledd - boed yn gorfforol, yn synhwyraidd, yn ymwneud ag iechyd meddwl, anhawster dysgu penodol fel dyslecsia, neu awtistiaeth - rydym ni yma i helpu. Mae gan PDC wasanaethau cymorth pwrpasol ar gael i bob myfyriwr. Os nad ydych yn siŵr a ydych yn gymwys, neu os oes gennych gwestiynau, peidiwch ag oedi i gysylltu â’r Gwasanaeth Anabledd. Maen nhw’n fwy na pharod i drafod pethau gyda chi.
Gwasanaeth Cymorth i FyfyrwyrGwnewch gais am Gyllid Myfyrwyr
Os nad ydych yn gymwys i dderbyn Cyllid Myfyrwyr, sicrhewch eich bod wedi cyflwyno eich cais i’r corff cyllido cywir ac wedi anfon unrhyw ddogfennau y maen nhw wedi gofyn amdanynt. Mae’n syniad da gwneud cais cyn gynted â phosib fel bod digon o amser i brosesu popeth.
Gall rheoli’ch arian deimlo’n llethol, yn enwedig os mai dyma’r tro cyntaf i chi reoli’ch cyllid eich hun, ond gall llunio cyllideb a dewi cyfrif banc myfyriwr da wneud gwahaniaeth mawr. Peidiwch ag anghofio edrych ar ein cymorth costau byw am awgrymiadau ac arweiniad ychwanegol!
Cymorth Costau BywCadarnhewch eich llety
Byddwch yn derbyn ffurflen gais am lety drwy e-bost unwaith y bydd eich lle yn PDC wedi’i gadarnhau fel un diamod sicr ac rydych yn gymwys i gofrestru ar eich cwrs.
Os ydych yn fyfyriwr rhyngwladol, peidiwch ag anghofio y bydd angen cais fisa dilys arnoch hefyd.
Os ydych wedi cadarnhau’ch llety ac yn edrych ymlaen at symud i mewn, rydyn ni wedi llunio rhestr wirio gyflym o’r pethau bydd angen i chi ddod gyda chi – gyda’r gobaith na fyddwch yn anghofio unrhyw beth pwysig gartref!
Rhestr Wirio PacioGwiriwch eich brechiadau
Mae bod yn gyfredol gyda’ch holl frechiadau yn bwysig i bawb, ond yn enwedig os ydych chi’n fyfyriwr sy’n dechrau yn y brifysgol, gan y byddwch yn cyfarfod, cymysgu ac yn byw gyda llawer o bobl newydd.
Rydyn ni’n argymell eich bod yn gwirio gyda’ch meddyg teulu cyn dechrau yn y brifysgol i weld a oes angen unrhyw frechiadau arnoch.
Dylai pob myfyriwr newydd ym Mhrifysgol De Cymru gofrestru gyda Gwasanaeth Iechyd PDC ac a meddyg teulu lleol.
Gwasanaeth Iechyd PDCCyrraedd y Brifysgol
Mae dechrau yn y brifysgol yn ddechreuad i bennod newydd gyffrous - yn llawn cyfleoedd, profiadau newydd, a’r cyfle i gyfarfod pobl anhygoel! I’ch helpu i ddechrau ar eich taith yn hyderus, dyma rai awgrymiadau cyfeillgar ac ymarferol i fanteisio i’r eithaf ar eich diwrnodau cyntaf.
- Dywedwch helo wrth eich cydletywr neu’ch cymdogion. Gall “Shwmae” syml fod yn gam cyntaf tuag at gyfeillgarwch newydd.
- Cerddwch o gwmpas y campws i ddod o hyd i fannau allweddol fel y darlithfeydd, y llyfrgell, undeb y myfyrwyr, a’r caffis.
- Chwiliwch am y Digwyddiadau Croeso a’r Ffair Myfyrwyr – bydd llwyth o glybiau, pethau am ddim, a chyfleoedd i gymryd rhan.
- Trefnwch eich gwaith papur – megis cofrestru gyda Gwasanaeth Iechyd PDC a meddyg teulu lleol.
- Peidiwch ag oedi i gysylltu â gwasanaethau myfyrwyr, y Parth Cyngor, neu’ch tiwtoriaid – maen nhw i gyd yma i’ch cefnogi.
