BA (Anrh)

Addysg Blynyddoedd Cynnar (Atodol)

Y cwrs Addysg y Blynyddoedd Cynnar (Atodol) hwn yw'r opsiwn perffaith i'r rhai sydd â diddordeb brwd mewn gwaith ymchwil cyfredol i addysg y Blynyddoedd Cynnar.

Sut i wneud cais Gwneud cais drwy UCAS Archebu lle ar Ddiwrnod Agored Sgwrsio gyda ni

Manylion Cwrs Allweddol

  • Côd UCAS

    X301

  • Dyddiad Cychwyn

    Medi

  • Lleoliad

    Casnewydd

  • Côd y Campws

    C

Ffioedd

  • Myfyrwyr cartref

    £9,535*

  • Myfyrwyr rhyngwladol

    £16,200*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

Mae'r cwrs BA (Anrh) Blynyddoedd Cynnar (Atodol) yn archwilio arferion gorau ym maes addysg y blynyddoedd cynnar o bob cwr o'r byd, gan ganolbwyntio ar feithrin sgiliau meddwl yn feirniadol a gwybodaeth ddamcaniaethol, a magu profiad go iawn mewn lleoliadau addysg lleol.

CYNLLUNIWYD AR GYFER

Mae'r cwrs astudio wedi'i fwriadu ar gyfer carfan myfyrwyr amlwladol sy'n croesawu myfyrwyr o'r tu allan i'r DU a'r tu mewn iddi sydd â diddordeb mewn astudio a dysgu arferion gorau ym maes addysg plentyndod byd-eang.

Llwybrau Gyrfa

  • Swyddog Prosiect
  • Elusennau Plant
  • Athro
  • Arweinydd Meithrin 

Sgiliau a addysgir

  • Gweithio'n Annibynnol
  • Cydweithio 
  • Datrys Problemau
  • Meddwl yn Feirniadol
  • Creadigrwydd 

Uchafbwyntiau'r Cwrs

Cyfleoedd i drefnu lleoliadau

Cwblhau lleoliad pythefnos o hyd mewn lleoliad addysg lleol.

Cyfleusterau rhagorol

Defnyddio ystafell addysgu bwrpasol sydd ag adnoddau penodol ar gyfer helpu i addysgu plant rhwng 0 a 7 oed.

Dysgu rhyngweithiol

Budd o ddefnyddio ein hystafell hydra, sy'n cefnogi dysgu realiti rhithwir.

Gwaith ymchwil sy'n newid bywydau

Mae gwaith ymchwil academaidd yn un o elfennau craidd y cwrs gradd, a bydd myfyrwyr yn cael eu cefnogi yn y maes hwn wrth iddynt wella eu gwybodaeth am ymholiad proffesiynol.

Y brig yn y DU

Mae Addysg yn PDC ar y brig yn y DU ar gyfer Ansawdd Addysgu (The Times and The Sunday Times Good University Guide 2025)

Trosolwg o'r Modiwl

Mae'r modiwlau y byddwch yn eu hastudio drwy gydol y cwrs fel a ganlyn:

Archwilio Addysgeg Blynyddoedd Cynnar

Mae'r modiwl hwn yn rhoi cyfle i chi archwilio un maes allweddol o addysgeg Blynyddoedd Cynnar yng nghyd-destun datblygiad a gofal plentyndod cynnar. Bydd y modiwl yn archwilio'r dulliau creadigol a beirniadol sydd ar gael mewn ymchwil eilaidd, a fydd yn cael eu hadlewyrchu yn y dulliau addysgu.  Ar ddiwedd y modiwl, bydd gofyn i chi ysgrifennu adroddiad ar eich maes dewisol, a fydd hefyd yn dangos tystiolaeth o'ch dealltwriaeth o'r hyn sy'n gwneud ymchwil yn ddilys, yn ddibynadwy ac yn foesegol.  Rhoddir cefnogaeth ar gyfer yr adroddiad, gan gynnwys goruchwyliaeth unigol o 2.5 awr.

Saesneg Academaidd

Caiff y modiwl pwrpasol hwn ei gyflwyno gan y Ganolfan Saesneg Ryngwladol ym Mhrifysgol De Cymru a bydd yn para am y flwyddyn gyfan. Caiff myfyrwyr eu haddysgu am agweddau allweddol ar eirfa academaidd a gaiff ei defnyddio drwy gydol y cwrs gradd, gyda ffocws penodol ar derminoleg a theori pwnc-benodol. Yn ogystal â chymorth ar gyfer gwaith ysgrifenedig, bydd ffocws ar ddatblygu iaith academaidd lafar a thraddodi cyflwyniadau. Caiff y modiwl ei gyflwyno gan weithwyr proffesiynol profiadol sydd â phrofiad helaeth o weithio gyda myfyrwyr y mae Saesneg yn iaith ychwanegol iddynt.

 

Datblygu Llythrennedd a Rhifedd yn y Blynyddoedd Cynnar

Yn y modiwl hwn, bydd myfyrwyr yn archwilio sut mae plant yn dysgu sgiliau iaith a rhif o enedigaeth hyd at 7 oed. Bydd yn archwilio gwaith ymchwil cyfredol ym maes niwrowyddoniaeth ac yn ei ddefnyddio, yn ogystal â gwaith ymchwil beirniadol a theori sefydledig i feithrin dealltwriaeth o arferion gorau ym maes dysgu ac addysgu.

Mathau o Blentyndod Ledled y Byd

Mae'r modiwl hwn yn canolbwyntio ar arferion gorau ym maes addysg y blynyddoedd cynnar o bob cwr o'r byd. Mae'n ystyried safbwyntiau rhyngwladol ar addysg, yr heriau a wynebir mewn nifer o wahanol wledydd a'r gwahanol ddulliau a ddefnyddir i ymdrin ag addysg y blynyddoedd cynnar. Bydd gwahanol brofiadau o blentyndod mewn gwahanol rannau o'r byd yn cael eu harchwilio.

Safbwyntiau ar Ddysgu Effeithiol

Bydd y modiwl hwn yn meithrin eich dealltwriaeth feirniadol o ddiffiniadau o ddysgu effeithiol ac ymddygiad ar gyfer dysgu. Bydd myfyrwyr yn meithrin dealltwriaeth ddamcaniaethol o'r addysgeg sy'n ategu dysgu effeithiol, gan archwilio rhwystrau cymdeithasol, emosiynol ac economaidd rhag dysgu ar yr un pryd. Caiff dealltwriaeth ei hategu drwy werthuso modelau damcaniaethol ar gyfer ymddygiad.

Uchafbwyntiau'r Cwrs

Sut y byddwch yn dysgu

Ochr yn ochr â'r ddarpariaeth a addysgir a'r cymorth ar-lein, disgwylir i fyfyrwyr gwblhau 200 awr o waith ymchwil annibynnol ar gyfer y modiwl Ymchwilio i'r Blynyddoedd Cynnar. Ar gyfer y modiwlau sy'n weddill, yn ogystal â'r ddarpariaeth a addysgir, disgwylir i fyfyrwyr gwblhau 100 awr o astudio annibynnol a 60 awr o astudio dan gyfarwyddyd.

Lle y bo'n briodol, caiff darlithwyr gwadd ac arbenigwyr eu gwahodd i rannu eu profiadau ym myd addysg. 

Mae'r cwrs yn defnyddio gwahanol ddulliau asesu sy'n seiliedig ar waith cwrs gan mwyaf.

Staff addysgu

  • Philippa Watkins, Arweinydd y Cwrs
  • Ceri Brown, Swyddog Lleoliadau
  • Dr. Emily Powell
  • Rachel Stamp

Lleoliadau

Yn yr ail dymor, bydd myfyrwyr yn cael cyfle i gwblhau lleoliad mewn lleoliad addysg lleol. Bydd hyn am bythefnos. Y swyddog lleoliadau fydd yn trefnu hyn, a bydd y lleoliad o fewn pellter teithio hawdd i lety'r myfyriwr.

Cyfleusterau

Mae gan y cwrs gradd Blynyddoedd Cynnar ystafell addysgu bwrpasol sydd ag adnoddau penodol ar gyfer helpu i addysgu plant rhwng 0 a 7 oed. Gall myfyrwyr hefyd gael budd o ddefnyddio ein hystafell hydra, sy'n cefnogi dysgu realiti rhithwir.

Gyrfaoedd a Chyflogadwyedd

Llwybrau gyrfa posibl

Gall gradd mewn Addysg y Blynyddoedd Cynnar arwain at amrywiaeth o yrfaoedd diddorol ym myd addysg, ond mewn agweddau eraill ar ddarpariaeth ar gyfer y blynyddoedd cynnar hefyd.

Gyrfaoedd graddedigion

Mae graddedigion cyrsiau Blynyddoedd Cynnar ym Mhrifysgol De Cymru wedi dilyn llwybrau gyrfa ym meysydd addysgu, meithrinfeydd, elusennau plant a chanolfannau plant integredig, a llawer mwy.

Bydd myfyrwyr hefyd yn dysgu gwybodaeth a fydd yn ei galluogi i gyflawni rolau swyddog prosiect o fewn cymunedau lleol.

GOFYNION MYNEDIAD

Rhaid i fyfyrwyr allu dangos dysgu blaenorol cydnabyddedig hyd at lefel 5 i gael cynnig lle ar y cwrs.

Gofynion ychwanegol 

Mae angen gwiriad manylach gan y Gwasanaeth Datgelu a Gwahardd (DBS) ar Restr y Gweithlu Plant a Gwahardd Plant a thanysgrifiad i Wasanaeth Diweddaru’r DBS. (Mae angen cyfwerth o dramor ar gyfer ymgeiswyr nad ydynt yn dod o'r DU).

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£9,535

fesul blwyddyn*
Ffi Llawn Amser Rhyngwladol

£16,200

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Cymorth Costau Byw

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati. 

* Rhwymedig

Bydd disgwyl i fyfyrwyr dalu am DBS neu dystysgrif ymddygiad da o'u mamwlad. Mae ffi’r DBS yn cynnwys £49.50 ar gyfer y dystysgrif DBS uwch, ffi Gweinyddu Swyddfa’r Post a’r ffi gweinyddu ar-lein

Cost: £64.74

Bydd angen cyllideb fach ar fyfyrwyr ar gyfer deunydd ysgrifennu personol ac adnoddau academaidd.

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

Bywyd yn PDC

Mae neuaddau yn rhan fawr o’ch profiad fel myfyriwr ac mae llety ym mhob un o’n tri lleoliad. Os nad ydych chi eisiau byw yn agos at y campws, mae yna gysylltiadau trafnidiaeth gwych i'ch cadw chi mewn cysylltiad.

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS. Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

Mynediad uwch

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Derbyniadau rhyngwladol

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.