Arwain a Rheoli (Addysg)

MA Sut i wneud cais Archebu lle ar Noson Agored Sgwrsio gyda ni

Dyddiad Cychwyn

Medi
Lleoliad

Casnewydd
Côd y Campws

C

Ffioedd

Myfyrwyr cartref

£11,060*
Myfyrwyr rhyngwladol

£17,900*
Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

Dyddiad Cychwyn

Medi
Lleoliad

Casnewydd
Côd y Campws

C

Ffioedd

Myfyrwyr cartref

£1,229*
Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

Trosolwg
Trosolwg Modiwlau
Uchafbwyntiau'r Cwrs
Gofynion Mynediad
Ffioedd a Chyllid
Sut i Wneud Cais

Gwneud Ymholiad

Datblygwch y wybodaeth, yr hyder a’r sgiliau ymarferol i arwain yn effeithiol mewn lleoliadau addysgol ac ym maes dysgu proffesiynol.

Llwybr gyrfaoedd

Arweinyddiaeth uwch
Swyddi rheoli
Ymchwilwyr
Arweinwyr cwricwlwm
Arweinwyr darpar

Sgiliau a ddatblygir

Gwerthuso’n feirniadol wahanol ddulliau arweinyddiaeth
Cymhwyso theori i ymarfer proffesiynol
Dealltwriaeth o ddatblygiadau yn y sector
Arwain yn hyderus ac yn ddeallus

Uchafbwyntiau’r Cwrs

Addaswch eich dysgu

Addaswch eich astudio gyda modiwlau hyblyg ym meysydd arweinyddiaeth, AAA, cynhwysiant a mwy - gan lunio llwybr personol tuag at lwyddiant yn unol â’ch uchelgeisiau gyrfa.

Tîm addysgu arbenigol

Dysgwch gan addysgwyr arbenigol sydd â phrofiad eang, arbenigedd ymchwil, ac ymrwymiad ar lefel llywodraethol.

Amserlen hyblyg

Mae’r sesiynau wyneb i wyneb gyda’r nos wedi’u cynllunio i gyd-fynd a’ch amserlen, gan ei gwneud yn haws cydbwyso’ch ymrwymiadau gwaith, gan ei gwneud yn haws cyfuno astudio ag ymrwymiadau proffesiynol personol.

Effaith fyd-eang

Mae ein cwrs profedig wedi helpu i ddatblygu arweinwyr addysgol, nid yn unig yng Nghymru, ond ar draws y byd gyda charfan lwyddiannus ar draws sawl degawd.

Carfan amrywiol o fyfyrwyr

Astudiwch ochr yn ochr ag addysgwyr profiadol o amrywiaeth o gefndiroedd, gan ennill mewnwelediadau byd-eang a chyfleoedd i ddysgu gan eich cyfoedion.

Trosolwg o'r Modiwl

Byddwch yn astudio'r ddau fodiwl arwain a rheoli arbenigol canlynol.

Datblygu Dysgu mewn Sefydliadau

Ymhlith y pynciau yr ymdrinnir â hwy mae rheoli dysgu, yr agenda lles, rôl uwch reolwyr a rheoli mentrau cwricwlwm newydd, asesu ar gyfer dysgu, cyfranogiad rhieni a chymunedol.

Datblygu Pobl mewn Sefydliadau

Bydd y modiwl hwn yn apelio at bobl sydd, neu sy'n dyheu am fod, yn arweinwyr mewn sefydliadau â lleoliad addysg. Ymhlith y pynciau yr ymdrinnir â nhw mae meithrin tîm, arweinyddiaeth effeithiol, arfarnu a mentora a rheoli newid mewn sefydliadau. Caiff gwahanol fodelau arwain eu hystyried ochr yn ochr â mentrau cenedlaethol.

Uchafbwyntiau'r Cwrs

Sut y byddwch yn dysgu

Ar y cwrs campws hwn, byddwch yn cymryd rhan mewn sesiynau addysgu rhyngweithiol, seminar a thrafodaethau grŵp, gan ganolbwyntio ar ddysgu gweithredol a defnyddio astudiaethau achos o’r byd go iawn. Bydd y sesiynau addysgu a’r seminar cael eu cynnal yn y nos, gan ganiatáu i fyfyrwyr rhan-amser weithio, astudio neu wneud profiad gwaith yn ystod y dydd. Wrth i chi ddatblygu drwy’r cwrs, bydd eich dysgu’n fwy annibynnol, ond byddwch yn dal i gael cymorth drwy oruchwyliaeth unigol neilltuol ar gyfer eich prosiect traethawd estynedig terfynol. Byddwch hefyd yn cael cefnogaeth ar sgiliau astudio a mentora drwy gydol eich taith.

Staff addysgu

Byddwch yn cael eich dysgu gan ddim o arbenigwyr gyda phrofiad ymarferol o fewn addysg a'r tu hwnt. Mae’r staff yn ymwneud ag ymchwil weithredol yn ogystal ag addysgu, ac felly maent yn cysylltu’n agos a phobl sy’n llunio polisïau ac yn arwain y datblygiadau diweddaraf ym maes addysg. Yn angerddol am eu gwaith, mae’r tîm addysgu yma i’ch cefnogi drwy gydol eich amser ar y cwrs mewn amgylchedd dysgu cydweithredol a cynhwysol.

Lleoliadau a phrofiad gwaith

Bydd gennych yr hyblygrwydd i drefnu profiad gwaith sy’n cyd-fynd â’ch diddordebau-boed hynny mewn ysgol, coleg, neu leoliad addysgol arall. Gall profiad gwaith ochr yn ochr â’ch astudiaethau roi cyfle i chi ennill mewnwelediadau newydd, ehangu eich arbenigedd, a chreu CV cryfach i symud eich gyrfa i’r lefel nesaf. Mae’r sesiynau addysgu yn y nos yn rhoi’r hyblygrwydd i chi gyfuno astudio a phrofiad ymarferol, gan roi cyfle i chi roi ar waith yr hyn a ddysgwch yn uniongyrchol. Mae’r tîm addysgu ar gael i gynnig cymorth a chynorthwyo gydag ysgrifennu llythyrau cyfeirio os ydych eisiau cymryd rhan mewn profiad gwaith wrth astudio.

Cyfleusterau

Mae astudio ar ein campws yng Nghasnewydd yn golygu y bydd gennych fynediad at gyfleusterau gwych wedi’u cynllunio ar gyfer cydweithio. O ganolfannau dysgu modern i ystafelloedd TG wedi’u cyfarparu’n dda a llyfrgell helaeth, bydd popeth sydd ei angen arnoch ar eich cyfer. Mae hefyd llyfrgellydd addysg benodol a chronfeydd data ar-lein i’ch cynorthwyo gydag ymchwil llenyddiaeth a’ch modiwl traethawd hir. Mae ystafelloedd astudio ar gael i’w harchebu, ynghyd â’r Canolfan Ddysgu a’r Ardal Cyngor, sy’n bob amser ar gael i chi yn ystod eich amser yn PDC.

Gyrfaoedd a Chyflogadwyedd

Gyrfaoedd graddedigion

Ar ôl cwblhau’r cwrs hwn, byddwch wedi paratoi i ymgymryd â rolau arwain mewn amrywiaeth o leoliadau addysgol. Byddwch yn datblygu’r sgiliau i reoli newid, arwain timau’n effeithiol, a meithrin amgylchedd lle gall staff wireddu eu potensial. Bydd y wybodaeth a’r profiad a enillir yn cefnogi arweinyddiaeth a rennir, hyblyg a thosturiol er mwyn trawsnewid y gweithle. Bydd graddedigion yn barod i arwain diwygio addysgol, gweithredu arferion arloesol, a hybu gwelliant mewn addysgu a dysgu, gan eich gosod yn arweinydd deinamig ym maes addysg ac ymlaen.

Mae 99% o raddedigion Addysg Prifysgol De Cymru mewn Cyflogaeth a/neu Astudiaeth Bellach 15 mis ar ôl graddio (Arolwg Hynt Graddedigion 2022/23)

Llwybrau gyrfa posibl

Gall graddedigion y cwrs hwn ddilyn amrywiaeth eang o lwybrau gyrfa, gan gynnwys rolau arweinyddiaeth uwch fel pennaeth neu bennaeth adran. Mae cyfleoedd hefyd ym maes arweinyddiaeth dysgu a datblygu, rheoli newid, ac ymgynghoriaeth addysgol. Bydd y sgiliau a gaiff eu meithrin yn eich galluogi i ymgymryd â rolau strategol mewn awdurdodau lleol, adrannau’r llywodraeth, a sefydliadau addysgol rhyngwladol. Efallai y byddwch hefyd yn dod o hyd i rolau yn y sectorau preifat, cyhoeddus neu'r trydydd sector, gan gyfrannu at fentrau sy’n anelu at wella canlyniadau addysgol, datblygu staff, a sbarduno newid systemig mewn amrywiaeth o leoliadau. Mae graddedigion hefyd yn elwa o’r gallu i ymgymryd ag agweddau adweinyddol ar rolau nad ydynt o reidrwydd yn rheolwyr, e.e. arwain timau prosiect.

Cymorth gyrfaoedd

Bydd gwasanaeth gyrfaoedd PDC yn eich helpu i archwilio’r cyfleoedd sydd ar gael i chi yn eich gyrfa, yn ystod eich gradd ac ar ôl graddio. Bydd gennych fynediad at gymorth, datblygiad ac arweiniad ar ysgrifennu CV, cwblhau ceisiadau, meistroli cyfweliadau a llywio’r broses recriwtio. Fel myfyrwyr PDC, byddwch hefyd yn gallu mynychu gweithdai, sesiynau gyda chyflogwyr a ffair gyrfaoedd, gan gysylltu â chyflogwyr newydd, datblygu eich sgiliau a chynyddu eich hyder.

GOFYNION MYNEDIAD

Gofynion cymhwyster nodweddiadol:

Fe ddylech chi fod wedi graddio neu, os ydych chi'n raddedig, bydd angen profiad perthnasol arnoch chi. Ar gyfer y myfyrwyr hynny sydd eisoes wedi ennill cymhwyster proffesiynol (er enghraifft a NPQH) efallai y bydd yn bosibl achredu dysgu neu gyflawniad blaenorol ar gyfer y gwaith hwn, ar yr amod bod aseiniad pontio yn cael ei gyflwyno (codir ffi o £ 100 am gefnogi ac asesu'r aseiniad hwn).

Gofynion Ychwanegol:

Bydd angen i fyfyrwyr amser llawn a rhan-amser sy'n dewis modiwlau sydd â chydran lleoliad fel rhan o'r broses asesu, ddarparu tystiolaeth o wiriad DBS gwell cyfredol (neu'r hyn sy'n cyfateb iddo os ydych chi'n fyfyriwr o'r UE neu'n fyfyriwr rhyngwladol)
Bydd angen i fyfyrwyr amser llawn sy'n dymuno manteisio ar y cyfle i gymryd rhan yn y Cynllun Interniaeth hefyd ddarparu tystiolaeth o wiriad Gwasanaeth Datgelu a Gwahardd (DBS) Gwell Cyfredol (neu'r hyn sy'n cyfateb iddo os ydych chi'n fyfyriwr UE neu ryngwladol)

Sut i wneud cais

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

Polisi Derbyniadau Cyd-destunol

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

Ffioedd a Chyllid

Ffi Llawn Amser y DU

£11,060

fesul blwyddyn*

Ffi Llawn Amser y DU

£1,229

fesul blwyddyn*

Ffi Llawn Amser Rhyngwladol

£17,900

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol. Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

Ffioedd a Chyllid Ysgoloriaethau a Bwrsariaethau Gostyngiad Cyn-Fyfyrwyr

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.

* Rhwymedig

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da.

MAE’R MA ARWAIN A RHEOLI (ADDYSG) YN PDC WEDI RHOI HYDER I MI ARWAIN GYDA GWELEDIGAETH, YSBRYDOLI NEWID, AC I DDILYN FY NOD O LUNIO POLISÏAU ADDYSG YN Y DYFODOL.

Chamika Nayanakumara Kukule Vithanage

MA Arwain a Rheoli (Addysg)

SUT I WNEUD CAIS

Mae yna broses ymgeisio ar-lein ar gyfer y cwrs hwn. Dewiswch y ffurflen gais ar gyfer y dyddiad cychwyn a’r dull astudio o’ch dewis (h.y. amser llawn neu ran-amser).

Derbyniadau rhyngwladol

Gweler ein cyngor derbyn rhyngwladol i gael rhagor o wybodaeth am sut i wneud cais fel darpar fyfyriwr rhyngwladol.

Astudio yn PDC

Mae ein cyrsiau wedi'u cynllunio gydag arweinwyr diwydiant ac yn darparu'r sgiliau a'r profiadau ymarferol y mae'r diwydiant yn gofyn amdanynt. Mae ein cyrsiau hyblyg yn adlewyrchu'r angen am ddysgu gydol oes. Os ydych chi'n gwerthfawrogi addysg yn ymarferol, nid mewn theori yn unig, yna mae PDC ar eich cyfer chi.