Trosolwg

• Fi fy hun – 20 credyd (Lefel 3) 
• Cyflwyniad i gymorth dysgu – 20 credyd (Lefel 4) 
• Datblygu adnoddau ar gyfer cymorth dysgu – 20 credyd (Lefel 4) 
• Dysgu seiliedig ar ymarfer 1 – 20 credyd (Lefel 4)

--

Fi Fy Hun
Mae'r modiwl hwn yn rhoi cyflwyniad i'r cwrs yn ei gyfanrwydd a chyfle i rannu a datblygu profiadau dysgu proffesiynol a phersonol, archwilio cymhellion a nodau, a datblygu dull seiliedig ar werthoedd o ymdrin â chymorth dysgu.  

Cyflwyniad i Gymorth Dysgu
Mae'r modiwl hwn yn rhoi cyfle i archwilio diffiniadau o ADY a niwroamrywiaeth, herio modelau diffyg a hyrwyddo dulliau dysgu sy'n canolbwyntio ar y myfyriwr. Caiff myfyrwyr eu helpu i ddeall polisi ac ymarfer a rolau a chyfrifoldebau llywodraeth, sefydliadau ac unigolion, a'r cydberthnasau rhyngddynt.

Datblygu Adnoddau ar gyfer Cymorth Dysgu
Mae'r modiwl hwn yn annog myfyrwyr i ganolbwyntio ar gyfathrebu deialogaidd a deallusrwydd emosiynol wrth gefnogi dysgwyr yn effeithiol. Byddwch yn ymwneud â Chynlluniau Dysgu Unigol/Cynlluniau Datblygu Unigol, proffiliau ac asesiadau diagnostig, yn dysgu am werth cronfeydd gwybodaeth ac yn defnyddio technolegau cynorthwyol a digidol fel y bo'n briodol i ddatblygu adnoddau sy'n cymell ac yn ennyn diddordeb.

Dysgu Seiliedig ar Ymarfer 1

Yr hyn sydd wrth wraidd y modiwl hwn yw dysgu drwy brofiad ar leoliad. Bydd myfyrwyr yn meithrin dealltwriaeth sylfaenol o rôl gweithiwr cymorth dysgu mewn perthynas ag anghenion dysgwyr a'r cwricwlwm.

Trosolwg

• Cydraddoldeb, amrywiaeth a chynhwysiant ym myd addysg
• Cynllunio ar gyfer cymorth dysgu
• Iaith a llythrennedd ar gyfer dysgu
• Dysgu seiliedig ar ymarfer 2

--

Cynllunio ar gyfer Cymorth Dysgu

Mae'r modiwl hwn yn cefnogi dull cydweithredol o rannu arferion o'r gweithle mewn perthynas â chynllunio ar gyfer cymorth dysgu. Mae hyn yn helpu dysgwyr i rannu arferion, syniadau a heriau, ac i gymharu profiadau.

Iaith a Llythrennedd ar gyfer Dysgu

Man cychwyn y modiwl hwn yw myfyrio ar arferion y myfyrwyr eu hunain o ran llythrennedd, rhifedd a/neu lythrennedd digidol mewn cyd-destunau pob dydd a rhannu syniadau, canfyddiadau a dirnadaethau o weithgareddau mewn sesiynau gweithdai cydweithredol.

Cynwysoldeb, Cydraddoldeb ac Amrywiaeth ym myd Addysg

Mae cydraddoldeb a chynhwysiant yn werthoedd sylfaenol sy'n sail i'r cwrs. Bydd myfyrwyr yn meithrin dealltwriaeth o gydraddoldebau ac anghydraddoldebau mewn lleoliadau cymdeithasol a phroffesiynol ac yn cydnabod eu rôl eu hunain o ran cyfoethogi ymarfer cynhwysol a chefnogi newid cadarnhaol.

Dysgu Seiliedig ar Ymarfer 2

Bydd myfyrwyr yn gallu ymestyn eu hymarfer proffesiynol a meithrin eu sgiliau cyfathrebu a rhyngbersonol ymhellach yn unol â dealltwriaeth ddyfnach o hanesion amrywiol ac anghenion dysgu cyfredol dysgwyr.

Trosolwg

• Meithrin cydberthnasau cadarnhaol ar gyfer cymorth dysgu 
• Partneriaethau ym maes cymorth dysgu 3
• Astudiaeth achos dysgwr 
• Dysgu seiliedig ar ymarfer 3

--

Meithrin Cydberthnasau Cadarnhaol ar gyfer Cymorth Dysgu 

Yn y modiwl hwn, bydd angen i fyfyrwyr fyfyrio ar eu profiadau o feithrin cydberthnasau proffesiynol â dysgwyr a chydweithwyr. Bydd myfyrwyr yn archwilio dulliau o sefydlu a chynnal amgylcheddau cefnogol ar gyfer cymorth dysgu a deall modelau cymorth sy'n seiliedig ar hyfforddi a mentora.

Partneriaethau ym maes Cymorth Dysgu

Mae'r modiwl hwn yn edrych ar ddwy agwedd ar bartneriaeth:  

1) arferion gwaith beunyddiol ym maes cymorth dysgu a gofyn cwestiynau am y cysylltiadau a'r gorgyffwrdd rhwng cymorth dysgu a phartïon mewnol ac allanol 

2) partneriaethau ar gyfer datblygu dysgu proffesiynol a rhwydweithiau er mwyn cyfrannu at gorff o waith, undod, a llais proffesiynol a rennir yn y sectorau addysg bellach, addysg oedolion ac addysg alwedigaethol. 

Astudiaeth Achos Dysgwr

Mae'r modiwl hwn yn rhoi cyfle i ddeall sut y caiff gweithgareddau ymchwil eu dylunio a'u cynnal er mwyn cyfoethogi profiad y dysgwyr ac ymarfer y myfyrwyr eu hunain.

Dysgu Seiliedig ar Ymarfer 3

Dyma'r trydydd o dri modiwl dysgu seiliedig ar ymarfer cysylltiedig. Bydd myfyrwyr yn parhau i ddefnyddio adborth gan fentoriaid, tiwtoriaid a dysgwyr a'u dirnadaeth a'u myfyrdodau eu hunain er mwyn cynllunio'r camau nesaf yn eu datblygiad eu hunain.