Meddygaeth Anadlol
Mae meddygaeth anadlol yn faes meddygaeth cynyddol bwysig, gan fod clefyd anadlol yn achos cynyddol o forbidrwydd a marwolaeth.
Sut i wneud cais/prod01/channel_2/media/university-of-south-wales/site-assets/images/03-courses/nursing/nursing-msc-respiratory-medicine-placeholder-01.jpg)
Mae'r MSc Meddygaeth Anadlol yn gwrs ar-lein, sy'n cael ei gynnal gyda'n Diploma MSc partner cydweithredol. Mae'n caniatáu i chi archwilio ac astudio prif ddosbarthiadau clefyd anadlol, cynnal ymchwil mewn meddygaeth anadlol a chael cyfle uniongyrchol i wella gofal cleifion.
CYNLLUNIWYD AR GYFER
Bwriedir yr MSc Meddygaeth Anadlol ar gyfer Meddygon, Meddygon Teulu, Gweithwyr Proffesiynol Perthynol i Iechyd, Nyrsys Practis neu gymwysterau proffesiynol a phrofiad cefndir cyfatebol.
Mewn partneriaeth â
- Learna | Diploma MSc
Llwybrau Gyrfa
- Meddyg
- Meddyg Teulu
- Gweithiwr Proffesiynol Perthynol i Iechyd
- Nyrs Practis
Trosolwg o'r Modiwl
Mae'r cwrs Meistr hwn wedi'i ddatblygu ar gyfer gweithwyr iechyd proffesiynol sydd â diddordeb mewn rolau arwain ym maes Meddygaeth Anadlol. Nod yr MSc Meddygaeth Anadlol yw creu gweithwyr proffesiynol sy'n gallu cyrchu gwybodaeth yn annibynnol a defnyddio'r wybodaeth i asesu’n feirniadol, gwerthuso a lledaenu'r sylfaen dystiolaeth sy'n gysylltiedig â Meddygaeth Anadlol. Bydd yn datblygu sgiliau datrys problemau a chlinigol ynghyd â pharatoi myfyrwyr i gymryd rôl arwain mewn Meddygaeth Anadlol.
Mae myfyrwyr sy'n symud ymlaen o'r cwrs Diploma Ôl-raddedig yn gwneud yr MSc blwyddyn sy'n cynnwys y modiwlau canlynol.
- Methodolegau Ymchwil a Gwerthuso Beirniadol mewn Meddygaeth Anadlol
- Prosiect Proffesiynol: Meddygaeth Anadlol
Bydd myfyrwyr sy'n penderfynu cofrestru'n uniongyrchol ar yr MSc (yn hytrach na'r Diploma Ôl-raddedig) yn gwneud y fersiwn dwy flynedd, sy'n cynnwys y modiwlau canlynol.
- Meddygaeth anadlol – Symptomau, arwyddion ac ymchwiliadau
- Asthma ac Alergedd
- Clefyd Rhwystrol Cronig yr Ysgyfaint
- Oncoleg thorasig a chlefyd eisbilennol
- Gorwelion Anadlol Ehangach
- Cyflyrau a chlefydau anadlol pwysig eraill
- Methodolegau Ymchwil a Gwerthuso Beirniadol mewn Meddygaeth Anadlol
- Prosiect Proffesiynol: Meddygaeth Anadlol (traethawd hir)
GOFYNION MYNEDIAD
Gofynion cymhwyster nodweddiadol:
Er mwyn sicrhau eich lle ar y cwrs, bydd ymgeiswyr fel arfer yn meddu ar radd dosbarth cyntaf neu gyfwerth (gan gynnwys cymwysterau rhyngwladol) mewn maes gofal iechyd proffesiynol perthnasol, fel gradd feddygol neu nyrsio. Ystyrir gweithwyr gofal iechyd proffesiynol cofrestredig heb y cymwysterau cydnabyddedig hyn yn unigol a gellir ystyried ystod eang o brofiad blaenorol.
Gofynion Ychwanegol:
Mewn rhai achosion, efallai y gofynnir i ymgeiswyr gyflwyno darn o waith i'w asesu er mwyn cadarnhau eu bod yn gallu gweithio'n gyffyrddus ar lefel ôl-raddedig, a dangos y wybodaeth glinigol a phroffesiynol ofynnol.
Cynigion cyd-destunol
Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.
Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.
Rydym yma i helpu
P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.
Ffioedd a Chyllid
Costau Ychwanegol
Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.
Sicrwydd Ansawdd Brifysgol
Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.
Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da.
Uchafbwyntiau'r Cwrs
Sut byddwch chi'n dysgu
Byddwch chi'n gwneud cyfuniad o brosiectau unigol a grŵp, a bydd gennych bortffolio ymarfer myfyriol i'ch helpu chi i ystyried sut y gellir trosi'r hyn rydych chi'n ei ddysgu ar y cwrs yn waith ac ymarfer bob dydd.
Disgwylir i fyfyrwyr ryngweithio â'u tiwtor yn wythnosol yn ystod yr 8 wythnos gyntaf. Mae myfyrwyr yn dewis prosiect penodol ac yn cyflwyno crynodeb/cynnig prosiect (tua 1,500 o eiriau).
Ar ôl i'r cynnig gael ei gymeradwyo, cwblheir y prosiect proffesiynol (10,500 o eiriau) ei hun trwy arweiniad a goruchwyliaeth ar-lein a gynigir gan y tiwtor.
/prod01/channel_2/media/university-of-south-wales/site-assets/images/15-placeholder-images/South-Wales-Business-School_49782.jpg)
Staff addysgu
Cyflwynir y cyrsiau gan fwrdd sydd ag enw da rhyngwladol ym maes meddygaeth anadlol ac addysg iechyd:
- Dr Ramsey Sabit, Ymgynghorydd Meddygaeth Anadlol, Cyfarwyddwr y Cwrs
- Yr Athro Mark Williams, Arweinydd y Cwrs
Mae ein tiwtoriaid yn arbenigwyr cydnabyddedig mewn meddygaeth anadlol ac addysg iechyd ac yn brofiadol mewn cyflwyno dysgu ar-lein.
Cyfleusterau
Fel rhan o'ch astudiaethau ar-lein, bydd gennych fynediad at ddeunyddiau'r Ganolfan Adnoddau Dysgu ym Mhrifysgol De Cymru. FINDit yw porth y Brifysgol sy'n eich galluogi i chwilio am dros 13,000 o erthyglau cyfnodolion testun llawn, erthyglau newyddion, trafodion cynhadledd a thua 160 o gronfeydd data trwy un blwch chwilio - mae mwyafrif y deunyddiau hyn ar gael ar-lein. Mae modiwlau sgiliau astudio rhyngweithiol ar gael i'w hastudio drwy Blackboard i'ch galluogi i ddefnyddio'r gwasanaethau llyfrgell yn llawn.
/prod01/channel_2/media/campus-spaces-newport-library-27766-785X785.jpg)
/prod01/channel_2/media/campus-spaces-newport-library-27717-857X857.jpg)
Sut i wneud cais
Os ydych chi'n barod i wneud cais am y cwrs hwn, y cam nesaf yw cwblhau eich cais drwy ein partner cyflwyno, Learna Ltd. Er bod y cwrs hwn wedi'i ddilysu gan Brifysgol De Cymru, caiff pob cais ei brosesu'n uniongyrchol gan Learna. Ewch i wefan Learna, lle byddwch yn dod o hyd i gyfarwyddiadau manwl ar sut i wneud cais, gan gynnwys y dogfennau gofynnol a dyddiadau cau allweddol. Drwy wneud cais drwy Learna, byddwch yn cymryd y cam cyntaf tuag at ymuno â phrofiad dysgu hyblyg o ansawdd uchel wedi'i gynllunio i gyd-fynd â'ch ymrwymiadau.
Gwefan Learna