This website uses cookies to improve your experience. Read our cookie policy

MEng

Peirianneg Awyrofod

Paratowch eich hun ar gyfer gyrfa yn y diwydiant awyrofod. Datblygwch arbenigedd perthnasol a chael profiad ymarferol gan ddefnyddio’r cyfleusterau o’r radd flaenaf ym Mhrifysgol De Cymru.

Sut i wneud cais Gwneud cais trwy UCAS Archebu lle ar Ddiwrnod Agored Sgwrsio gyda ni

Manylion Cwrs Allweddol

  • Côd UCAS

    H502

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £9,535*

  • Myfyrwyr rhyngwladol

    £16,200*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.
Gwneud Ymholiad

Nod y radd hon yw rhoi’r wybodaeth a’r sgiliau i chi symud ymlaen i weithio yn y diwydiant awyrofod. Mae’r cwrs llawn yn cynnwys profiad hedfan byw, sy’n cael ei atgyfnerthu gan waith SIM yn yr efelychydd hedfan. Mae gennym gysylltiadau cryf â diwydiant, ac rydym yn annog lleoliadau diwydiannol fel rhan o opsiwn blwyddyn ryngosod.

CYNLLUNIWYD AR GYFER

Mae gan beirianwyr awyrofod feddwl chwilfrydig, ac maen nhw’n dymuno deall sut mae pethau’n gweithio a sut mae defnyddio gwybodaeth i ddatrys problemau’r diwydiant. Er bod llawer o'n myfyrwyr yn dilyn gyrfaoedd yn y sectorau awyrofod, mae'r cwrs hefyd yn cynnig sylfaen academaidd i'r rheini sydd â diddordeb mewn gyrfa fel Peiriannydd Mecanyddol.

Bod yn barod ar gyfer y diwydiant

Cynlluniwyd y cwrs i fodloni gofynion achredu'r RAeS ac IMechE ar gyfer statws Peiriannydd Siartredig.

Llwybrau Gyrfa

  • Peiriannydd Ardystio ac Addasrwydd i Hedfan
  • Peiriannydd Dylunio
  • Peiriannydd Mecanyddol
  • Rheoli Prosiect
  • Peiriannydd Ymchwil

Y sgiliau a addysgir

  • Datrys problemau drwy ddadansoddi, gan ddefnyddio damcaniaethau gwyddonol a pheirianyddol
  • Gwybodaeth uwch o dechnoleg arloesol
  • Gweithio mewn tîm, rheoli ac arwain
  • Sgiliau cyfathrebu
  • Deall cyfrifoldebau proffesiynol 

Engine of a plane in the aerospace centre on Treforest campus

Uchafbwyntiau’r Cwrs

Wedi’i gydnabod yn broffesiynol

Datblygwyd y cwrs gradd BEng (Anrh) Peirianneg Awyrenegol mewn ymgynghoriad agos â chyrff proffesiynol yn y diwydiant, gan gynnwys y Gymdeithas Awyrenegol Frenhinol (RAeS) a Sefydliad y Peirianwyr Mecanyddol (IMechE) i roi hwb i’ch cyflogadwyedd.

Ffocws ar ddiwydiant

Mae gennym gysylltiadau cryf â diwydiant ac rydym yn rhoi cryn bwyslais ar brosiectau myfyrwyr a dysgu ymarferol sy'n seiliedig ar broblemau.

Lleoliadau gwaith

Anogir pob myfyriwr peirianneg awyrofod i gwblhau lleoliad gwaith er mwyn ategu eu hastudiaethau. Yn y gorffennol, mae myfyrwyr wedi ennill profiad yn gweithio i GE Aviation Wales, Airbus Filton a British Airways Maintenance yng Nghaerdydd.

Gwybodaeth arbenigol

Mae ein staff yn arbenigwyr yn eu meysydd, rhai drwy weithgareddau ymchwil a rhai drwy ymarfer proffesiynol mewn gyrfaoedd diwydiannol.

Trosolwg o’r Modiwl

Mae'r radd hon yn cyfuno dadansoddi mathemategol â dylunio ymarferol, gan roi hyblygrwydd i fyfyrwyr blwyddyn gyntaf newid cyrsiau. O'r ail flwyddyn, cyflwynir modiwlau awyrofod unigryw. Wedi’i gynllunio i ystyried anghenion y diwydiant, mae Prifysgol De Cymru yn rhagori o ran lleoli graddedigion mewn rolau allweddol. Mae'r cwrs yn gwella sgiliau meddal, galluoedd rheoli ac ymchwil ar gyfer gyrfaoedd ym maes arweinyddiaeth peirianneg fodern.

Mae blwyddyn gyntaf y rhaglen beirianyddol hon yn darparu egwyddorion ac arferion gwyddonol hanfodol sy’n gysylltiedig â pheirianneg awyrenegol. Mae hyn yn cynnwys cyflwyniad i ddefnyddio offer dylunio a thechnegau gweithgynhyrchu / gweithdai cyffredinol. Byddwch hefyd yn dysgu sut mae defnyddio pecynnau CAD safonol yn y diwydiant ac iaith rhaglennu.

Mathemateg ar gyfer Peirianwyr Mecanyddol ac Awyrenegol - 20 credyd

Dylunio a Gweithgynhyrchu - 20 credyd

Cymwysiadau Cyfrifiadura Peirianneg - 20 credyd

Mecaneg Beirianyddol 1 - 20 credyd

Gwyddor Drydanol - 20 credyd

Thermohylifau 1 - 20 credyd

Mae ail flwyddyn y rhaglen beirianyddol hon yn cynnwys modiwlau sy'n unigryw i'r cwrs peirianneg awyrofod. Yn ystod ail flwyddyn y cwrs byddwch yn archwilio meysydd allweddol ym maes peirianneg awyrofod, ochr yn ochr â thechnoleg roced a gofod a dylunio awyrofod sy'n unigryw i'r cwrs peirianneg awyrofod.

Rheolaeth ac Offeryniaeth - 20 credyd

Thermohylifau 2 - 20 credyd

Deunyddiau Peirianyddol - 20 credyd

Mathemateg Peirianyddol Pellach - 20 credyd

Technoleg Roced a Gofod - 20 credyd

Dylunio Awyrofod - 20 credyd

Mae’r flwyddyn hon yn adeiladu ar y blynyddoedd blaenorol yn y cwrs peirianneg awyrofod ac yn cynnig modiwlau pellach sy’n unigryw i’r cwrs hwn, gan gynnwys gyriant awyrofod, sy’n ystyried hedfan ar gyflymder sy’n uwch na Mach 1, a strwythurau a deunyddiau awyrofod, sy’n ystyried yr heriau unigryw sy’n codi wrth ddelio â strwythurau sydd wedi’u cynllunio i’w defnyddio y tu allan i’r atmosffer ac sy’n ddarostyngedig i rymoedd sy’n deillio o gyflymderau lansio nodweddiadol.

Prosiect Grŵp MEng Integreiddiol - 40 credyd

Dadansoddi Cyfrifiadurol Peirianneg - 20 credyd

Dynameg Hedfan Awyrennau - 20 credyd

Gyriant Awyrofod - 20 credyd

Strwythurau a Deunyddiau Awyrofod - 20 credyd

Profiad Gwaith dan Oruchwyliaeth (Dewisol - 120 credyd)

Mae blwyddyn olaf y cwrs gradd MEng Awyrofod yn cynnwys mwy o bynciau sy'n unigryw i beirianneg awyrofod, wrth adeiladu ar y sgiliau a'r wybodaeth a ddatblygwyd yn y blynyddoedd blaenorol. Yn unigryw i'r cwrs hwn mae modiwlau fel rheoli amgylcheddol y gofod, systemau awyrofod ac aerothermodynameg sy'n ystyried cymwysiadau yn y sector gofod.

Prosiect Unigol - 40 credyd

Aeroelastigedd - 10 credyd

Rheoli Amgylcheddol y Gofod - 10 credyd

Rheoli Peirianneg Proffesiynol - 20 credyd

Systemau Awyrofod - 20 credyd

Aerothermodynameg - 20 credyd

Uchafbwyntiau’r Cwrs

Sut y byddwch chi'n dysgu

Gallwch astudio’r radd hon ar sail amser llawn ac mae hefyd yn cynnig lleoliad gwaith rhyngosod os byddwch yn penderfynu bod hwn yn llwybr priodol i chi.

Addysgir y rhaglen awyrofod hon drwy ddarlithoedd, a gefnogir gan diwtorialau, sesiynau ymarferol a grwpiau seminar. Lle bynnag y bo modd, bydd eich gwaith yn seiliedig ar brosiectau byw ac astudiaethau achos, gyda chyfraniadau gan weithwyr proffesiynol yn y diwydiant.

Mae amrywiaeth o ddulliau asesu, fel arholiadau llyfr caeedig ffurfiol, gwaith grŵp, prosiectau unigol, asesiadau llafar ac arbrofion labordy.

Staff Addysgu

Mae gan y staff sy'n cyflwyno'r modiwlau ystod eang o arbenigedd yn eu meysydd pwnc. 

Mae rhai wedi datblygu’r arbenigedd hwn drwy waith ymchwil o ansawdd uchel. Mae’r meysydd ymchwil yn rhyngwladol eu cwmpas ar yr un pryd â bod yn berthnasol yn lleol, gan weithio’n aml gyda chwmnïau rhyngwladol sy’n gweithredu’n lleol. 

Mae eraill wedi datblygu eu harbenigedd drwy yrfaoedd llwyddiannus mewn diwydiant ac maent bellach yn defnyddio'r wybodaeth honno i addysgu a pharatoi'r myfyrwyr ar gyfer eu gyrfaoedd eu hunain.

Mae'r cyfuniad hwn o gefndiroedd a gynrychiolir ymhlith ein staff academaidd yn rhoi ehangder i brofiad y myfyrwyr ac yn eu datblygu yn dechnegol a phroffesiynol.

Lleoliadau

Rydym yn gwybod gwerth profiad gwaith a lleoliadau, ac rydym yn frwd dros weld ein myfyrwyr yn manteisio ar y cyfleoedd hyn. Rydym yn gweithio gyda nifer o gwmnïau lleol a chenedlaethol er mwyn helpu myfyrwyr i fanteisio ar y cyfleoedd hyn.

Cyfleusterau

Mae'r Brifysgol wedi buddsoddi £3.3m yn ei chyfleusterau awyrofod, gan gynnwys estyniad deulawr i'r Ganolfan Awyrofod, sy'n cynnig 1,000m2 o ofod gweithdai a labordai i fyfyrwyr cyrsiau peirianneg, yn ogystal â dau awyrendy ac efelychydd hedfan MP521.

Mae'r Ganolfan yn gartref i awyren Jetstream 31 a gweithdai cynnal a chadw tyrbinau nwy, rhybedion, offer llaw, a weldio. Yn ogystal, mae'n cynnwys gweithdai cyfansawdd glân a budr, labordai i gynnal tasgau electronig, afioneg, hydroleg a niwmateg. Mae twneli gwynt is-sonig yn hwyluso hyfforddiant aerodynameg. 

Mae efelychydd Merlin MP521, y gellir ei raglennu ar gyfer unrhyw fath o awyren, yn hanfodol ar gyfer profi dyluniadau a pharatoi ar gyfer profion hedfan.

two students in navy overalls looking up at the underneath of a plane

Ymhlith y 10 uchaf yn y DU

ac ar y brig yng Nghymru ar gyfer Peirianneg Awyrofod

(Canllaw Prifysgolion y Guardian 2025)

Gyrfaoedd a Chyflogadwyedd

Gyrfaoedd graddedigion

Mae gennym gysylltiadau â’r diwydiant awyrennau rhanbarthol, sy’n cynnwys GE Aviation, BAMC, Nordam Europe, TES Aviation Group ac aelodau eraill o Fforwm Awyrofod Cymru. 

Mae galw mawr am raddedigion ein cwrs gradd Peirianneg Awyrofod yn y DU, ac yn y sectorau sifil ac amddiffyn ledled y byd. Mae rhai o’r cwmnïau y mae ein graddedigion o’r DU yn gweithio gyda nhw yn cynnwys Rolls Royce, GE Aviation, MBDA, Airbus, Jaguar Land Rover, Boeing, EasyJet, Emirates, Defence Science and Technology Laboratory (Dstl) a Gweinyddiaeth Amddiffyn y DU.

Llwybrau gyrfa posibl

Efallai fod gennych lwybr gyrfa clir yr ydych yn anelu ato, a gallwn eich helpu i’w wireddu. Ar y llaw arall, efallai eich bod yn dal i fod yn ansicr ynghylch y cyfeiriad yr hoffech ei ddilyn a dyna pam y bydd ein darlithwyr, cysylltiadau diwydiannol a gwasanaethau gyrfaoedd eisiau siarad am y cyfleoedd hyn. 

Mae’n amser cyffrous i fod yn Beiriannydd – mae’r byd yn wynebu rhai heriau mawr ac rydym ar flaen y gad o ran datblygu datrysiadau i lawer o’r rhain.

Cymorth gyrfaoedd

Mae ein gwasanaeth gyrfaoedd yn cynnig amrywiaeth o gyngor ac arweiniad i fyfyrwyr. Gallwn eich cysylltu â’r diwydiant, gallwn eich helpu gyda sgiliau cyfweld a CVs a’ch helpu i ganolbwyntio ar gyfeiriad eich gyrfa.

Gofynion mynediad

Pwyntiau UCAS: 120 (neu uwch)

Gofynion cymhwyster nodweddiadol:

  • Lefel A: BBC i gynnwys Mathemateg ac un pwnc Gwyddoniaeth arall
  • Mynediad i AU: BBC i gynnwys Mathemateg ac un pwnc Gwyddoniaeth arall
  • Bagloriaeth Cymru: Gradd C a BB ar Lefel A i gynnwys Mathemateg ac un pwnc Gwyddoniaeth arall
  • BTEC: Teilyngdod Rhagoriaeth Diploma Estynedig BTEC mewn pwnc Mathemateg, Gwyddoniaeth neu Beirianneg perthnasol y mae'n rhaid iddo gynnwys modiwlau Mathemateg.

 

Gofynion ychwanegol:

Mae'r Brifysgol fel rheol yn gofyn am o leiaf 5 TGAU gan gynnwys Mathemateg a Saesneg ar Radd C neu'n uwch, neu'r hyn sy'n cyfateb iddynt ond rhoddir ystyriaeth i amgylchiadau unigol.

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£9,535

fesul blwyddyn*
Ffi Llawn Amser Rhyngwladol

£16,200

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Gostyngiad Cyn-Fyfyrwyr

COSTAU YCHWANEGOL

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.

student-25
Datblygu Campysauein Hwb STEM Newydd

Cyflwyno Calon

Rydym yn buddsoddi yn nyfodol STEM gydag adeilad Calon newydd a chyffrous ynghanol ein Campws Pontypridd.

Cyflwyno Calon Campws Pontypridd

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS. Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

Mynediad uwch

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Derbyniadau rhyngwladol

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Cyrsiau Cysylltiedig

Peirianneg Fecanyddol - MEng Dysgu mwy
Peirianneg Awyrenegol - MEng Dysgu mwy

Camau Nesaf

Sut i Wneud Cais
Archebwch Noson Agored
Sariad â ni