Peirianneg Awyrenegol

Mathemateg ar gyfer Peirianwyr Mecanyddol ac Awyrenegol Yn rhoi hyder i fyfyrwyr ym maes mathemateg ac yn arddangos perthnasedd mathemateg ym maes peirianneg. 

Dylunio a Gweithgynhyrchu Mae myfyrwyr yn datblygu gwybodaeth sylfaenol ym maes dylunio peirianyddol, gweithgynhyrchu a deunyddiau, ac yn caffael sgiliau ym maes ymarfer gweithgynhyrchu.

Cymwysiadau Cyfrifiadura Peirianyddol Nod y modiwl hwn yw cyflwyno myfyrwyr i'r defnydd o raglenni cyfrifiadurol ym maes peirianneg drwy raglennu a dylunio gyda chymorth cyfrifiadur.

Mecaneg Beirianyddol 1 Mae cynnwys y modiwl yn ymwneud yn uniongyrchol â Mecaneg Beirianyddol a Mecaneg Deunyddiau, er mwyn cyflwyno myfyrwyr i broblemau ym maes mecaneg fel y’u cymhwysir i sefyllfaoedd go iawn posibl.

Gwyddorau Trydanol Mae'r modiwl hwn yn cydnabod natur drawsddisgyblaethol peirianneg ym maes ymarfer proffesiynol, ac yn rhoi mewnwelediad i bwysigrwydd gwybodaeth am ddamcaniaethau trydanol a dylunio cylchedau.

Thermohylifau 1 Yn rhoi dealltwriaeth sylfaenol i fyfyrwyr o briodweddau mecanyddol hylif a thermodynamig nwyon a hylifau.

Mathemateg Peirianyddol Pellach Bydd Myfyrwyr yn dysgu cymhwyso ystod o ddulliau dadansoddi mathemategol i ddatrys problemau peirianyddol, a byddant yn datblygu modelau mathemategol o systemau peirianyddol i bennu nodweddion gweithredol amlwg.

Integreiddio Systemau Awyrennau a Pherfformiad Systemau Awyrennau

Bydd myfyrwyr yn astudio’r prif systemau awyrennau ac yn datblygu dealltwriaeth o fecaneg awyrennau, gan ddefnyddio dulliau i amcangyfrif perfformiad awyren a sut mae nodweddion dylunio yn effeithio arni.

Dylunio Awyrenegol Cyflwyniad i faes dylunio awyrennau, sy’n canolbwyntio ar ddylunio awyrennau sifil cysyniadol. 

Rheolaeth ac Offeryniaeth Bydd Myfyrwyr yn dysgu sut i asesu ymddygiadau statig a deinamig offer a systemau rheoli drwy ddulliau dadansoddi sylfaenol a theori rheolaeth mewn parthau amser ac amledd.

Thermohylifau 2 Mae’r modiwl hwn yn ymestyn egwyddorion thermodynameg ac yn eu cymhwyso i ystod o gymwysiadau peirianyddol. Mae cysyniadau llif hylif yn cael eu cyfuno i alluogi myfyrwyr i ddadansoddi ffenomena cymhwysol mwy cymhleth.

Deunyddiau Peirianyddol Mae’r modiwl hwn yn datblygu dealltwriaeth o ddulliau profi deunyddiau safonol a methiannau mewn deunyddiau. Mae’n datblygu gwybodaeth am y berthynas rhwng strwythur, priodweddau, prosesu ac wedyn defnydd deunyddiau peirianyddol.

BEng Prosiect Unigol (Craidd): Wedi’i ddylunio i alluogi myfyrwyr i gynnal gwaith ymchwil / prosiectau manwl sy'n berthnasol i'w pwnc. Yn gwella gwybodaeth, hyrwyddo gwaith annibynnol, ac annog dysgu gydol oes.

• Prosiect Unigol - Dewisol

Dadansoddi Peirianneg Gyfrifiadurol: Ymestyn gwybodaeth dadansoddi peirianneg myfyrwyr gan ddefnyddio technegau elfennau meidraidd. Yn cyflwyno dulliau cyfrifiadurol ar gyfer mecaneg hylif ac aerodynameg peiriannau tyrbo.

Strwythur Awyrennau: Yn cyflwyno hanfodion dylunio strwythurol awyrofod. Mae’n rhoi sylw i adenydd awyrennau, cyrff awyrennau, arwynebau rheolaeth, a sefydlogyddion sydd wedi’u gwneud o ddalenni tenau. Yn ategu a chymhwyso egwyddorion modiwl Mecaneg Beirianyddol 1.

Aerodynameg a Gyriant: Yn adeiladu ar egwyddorion modiwlau Thermohylifau 1 a 2. Mae’n cyflwyno cysyniad llifoedd anghywasgadwy a chywasgadwy, gan bwysleisio eu perthnasedd i gerbydau awyr.

Gyriant I ddarparu gwybodaeth am hylifau anghywasgadwy a chywasgadwy, yn seiliedig ar fodiwlau Thermohylifau 1 a 2, gwybodaeth am systemau gyriant awyrennau a sgiliau i ddadansoddi paramedrau perfformiad/cylchredau injan confensiynol ac arloesol.

Dynameg a Rheolaeth Hedfan: Yn darparu dealltwriaeth integredig o sefydlogrwydd awyrennau. Dyma gyfle i asesu rhinweddau awyrennau, i ddylunio systemau rheoli dolen gaeedig, a chymhwyso cysyniadau haniaethol / efelychol i greu systemau rheoli deinamig.

Dynameg Hedfan Awyrennau Dealltwriaeth o ymddygiad sefydlogrwydd sefydlog a deinamig yr awyren, a chyfnerthu'r ddealltwriaeth o ffenomenau llifoedd aer cyflym gyda ffocws penodol ar sut maent yn berthnasol i awyrennau.

Prosiect Grŵp MEng Integreiddiol

Mae'r modiwl hwn yn galluogi myfyrwyr i gymhwyso a gwella eu sylfaen wybodaeth peirianneg, eu dealltwriaeth a'u sgiliau trosglwyddadwy i brosiect dylunio mawr sydd â pherthnasedd ymarferol, lle bo'n bosibl, yn gysylltiedig â diwydiant. Mae'n galluogi myfyrwyr i integreiddio a chymhwyso eu sgiliau peirianneg, rheoli prosiectau a sgiliau ehangach mewn amgylchedd tîm.

Deunyddiau a Gweithgynhyrchu Uwch

Bydd myfyrwyr yn datblygu gwybodaeth a sgiliau dadansoddi ar amrywiaeth o ddeunyddiau peirianneg a phrosesau gweithgynhyrchu modern, a byddant wedyn yn datblygu ymwybyddiaeth feirniadol o'r meini prawf dethol ar gyfer cymwysiadau peirianneg.

Dadansoddi Elfennau Meidraidd Pellach

Bydd myfyrwyr yn dysgu sut i gynnal dadansoddiadau elfennau meidraidd priodol gan ddefnyddio ystod o dechnegau modelu, a sut i ddadansoddi'r canlyniadau a gafwyd yn feirniadol.

Deinameg Hylifau Cyfrifiadurol Pellach

Diben y modiwl hwn yw rhoi dealltwriaeth ymarferol i fyfyrwyr o’r dulliau rhifiadol sy’n sail i ddadansoddiad dynameg hylif cyfrifiadurol.

Aeroelastigedd 

Mae'r modiwl hwn yn  rhoi dealltwriaeth integredig i fyfyrwyr o'r rhyngweithio rhwng erodynameg, anegni a grymoedd elastig, a sut mae'r rhyngweithio hwn yn effeithio ar ddyluniad awyren.

Gyriant Uwch

Pwrpas y modiwl hwn yw arddangos gwybodaeth ymarferol ac ymwybyddiaeth feirniadol o berfformiad injan awyren, technegau dadansoddi, cydrannau, dylunio systemau a thechnolegau cysylltiedig.

Rheoli Peirianneg Proffesiynol

Bydd myfyrwyr yn datblygu'r sgiliau i ddadansoddi damcaniaethau arwain a rheoli yn feirniadol a sut mae'r rhain yn llywio cyfeiriad strategol ac effeithiolrwydd sefydliad. Bydd y myfyrwyr yn datblygu dealltwriaeth o gymhwyso’r wybodaeth hon i sgiliau arwain unigol mewn perthynas â pheirianneg broffesiynol.