This website uses cookies to improve your experience. Read our cookie policy

MSc

Seicoleg Glinigol

Rhowch sbardun i’ch rhagolygon drwy ein gradd MSc Seicoleg Glinigol, sy’n cynnig sylfaen gref i chi mewn dealltwriaeth o broblemau iechyd meddwl, anhwylderau seicolegol, a phroblemau ymddygiad.

Sut i wneud cais Archebu Lle ar Noson Agored Sgwrsio â Ni

Manylion Cwrs Allweddol

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £10,800*

  • Myfyrwyr rhyngwladol

    £16,900*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £1,200*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.
Gwneud Ymholiad

Cyfunwch brofiad ymarferol gydag ymchwil fanwl i sefyll allan wrth ymgeisio am hyfforddiant proffesiynol neu swyddi lefel cynorthwyydd.

CYNLLUNIWYD AR GYFER

Wedi'i dylunio ar gyfer graddedigion Seicoleg neu Gydanrhydedd, bydd y rhaglen feistr a addysgir hon mewn Seicoleg Glinigol yn cryfhau eich ceisiadau am swyddi Seicolegydd Cynorthwyol a Chynorthwyydd Ymchwil mewn lleoliadau clinigol, tra'n darparu sylfaen gref ar gyfer astudio tuag at ddoethuriaeth mewn Seicoleg Glinigol.

Llwybrau Gyrfa

  • Rhaglenni doethurol mewn seicoleg glinigol
  • Seicolegydd cynorthwyol 
  • Cynorthwyydd ymchwil 

Y sgiliau a addysgir

  • Cyfathrebu
  • Ymholi a Dadansoddi
  • Datrys Problemau Creadigol
  • Myfyrio Beirniadol
  • Sgiliau Ymchwil  

Rydym yn gwneud gwahaniaeth yn ymarferol, nid ar bapur yn unig. Mae ein cwrs wedi'i ddylunio a'i gyflwyno gan gyfrifwyr gweithredol ac mae ein graddedigion wedi mynd ymlaen i wneud gwahaniaeth go iawn yn eu gyrfaoedd.

A student wears the eyetracker glasses while looking at a projection on a whiteboard as part of an experiment in a psychology laboratory in Glyntaff campus
A student smiles and sits cross-legged on the floor in a classroom setting while handing small educational toys to a toddler who is just out of shot of the camera
Psychology student working in the psychology lab on-campus.

Uchafbwyntiau’r Cwrs

Ymchwilwyr Gweithredol

Cewch ddysgu gan ymchwilwyr gweithredol sydd ag arbenigedd amlwg a gwaith cyhoeddedig ym maes iechyd meddwl.

Cyfleusterau Rhagorol

Mae'r cyfleusterau'n cynnwys labordy Seicoleg pwrpasol, clinig dadansoddi ymddygiad, ystafelloedd astudio i’w harchebu a gofod dysgu cymdeithasol.

Lleoliadau Gwaith

Cewch gyfle i ymgymryd â lleoliad yn y Gwasanaeth Ymyrraeth Gynnar yn ein Clinig Dadansoddi Ymddygiad ar y safle.

Seicoleg a Mwy

Mae ein cynllun Seicoleg a Mwy yn cynnig cyfleoedd am ddim i wella eich sgiliau a'ch sylfaen wybodaeth drwy gyrsiau byr arbenigol, cyfleoedd ymchwil, a lleoliadau gwaith.

Trosolwg o’r Modiwl

Mae'r cwrs hwn yn tynnu ar ymchwil ac arbenigedd cymhwysol seicolegwyr ym meysydd seicoleg glinigol, iechyd, chwaraeon a fforensig. Byddwch yn dysgu am ystod eang o anhwylderau seicolegol, materion dibyniaeth fel caethiwed alcohol a chaethiwed gamblo, a'r ymyriadau sy’n cael eu defnyddio i helpu pobl. Caiff y cwrs ei addysgu dros flwyddyn (amser llawn) neu ddwy flynedd (rhan-amser).

Blwyddyn Un
Dulliau Ymchwil mewn Seicoleg Glinigol: Mesur a Materion Proffesiynol
Hanes, Cysyniadau a Phynciau Llosg mewn Iechyd Meddwl
Ymyriadau   
Safbwyntiau ar Anhwylderau Seicolegol
Caethiwed, Dibyniaeth, a Gwyredd   
Traethawd hir mewn Seicoleg Glinigol   

Bydd myfyrwyr amser llawn yn cwblhau'r holl fodiwlau sydd wedi’u rhestru yn ystod blwyddyn un, gan gynnwys eu prosiect ymchwil traethawd hir a fydd yn dechrau yn y tymor cyntaf. Bydd myfyrwyr rhan-amser yn cwblhau'r modiwlau canlynol ym mlwyddyn un: Safbwyntiau ar Anhwylderau Seicolegol; Hanes, Cysyniadau a Phynciau Llosg mewn Iechyd Meddwl; Caethiwed, Dibyniaeth, Gwyredd; Ymyriadau.

Dulliau Ymchwil mewn Seicoleg Glinigol: Mesur a Materion Proffesiynol
Byddwch yn dysgu i ddylunio astudiaethau Seicoleg Glinigol, gan gynnwys dylunio astudiaethau trawstoriadol, hydredol ac un achos. Cewch edrych ar ddulliau ymchwil ansoddol allweddol, materion mesur, a moeseg broffesiynol, gyda ffocws ar godau ymddygiad Cymdeithas Seicolegol Prydain ac ystyriaethau moesegol.

Hanes, Cysyniadau a Phynciau Llosg mewn Iechyd Meddwl
Yn y modiwl hwn, byddwch yn edrych ar safbwyntiau hanesyddol a chyfredol ar iechyd meddwl, yn ogystal â thriniaethau ar gyfer problemau iechyd meddwl amrywiol, gan ganolbwyntio ar arferion moesegol a sut i gymhwyso'r wybodaeth hon i'ch gyrfa yn y dyfodol.

Ymyriadau   
Byddwch yn ymdrin ag ystod o ymyriadau iechyd meddwl yn y modiwl hwn, gan gynnwys triniaethau a therapïau ffarmacolegol, biolegol, seicolegol ac ymddygiadol, ac yn edrych ar sut i gymhwyso'r wybodaeth hon mewn cyd-destunau go iawn.  

Safbwyntiau ar Anhwylderau Seicolegol
Byddwch yn dysgu am ystod o anhwylderau seicolegol o ystod o safbwyntiau, gan gynnwys anhwylderau datblygiadol, ffobiâu, anhwylderau bwyta, seicosis, anhwylderau hwyliau, anhwylderau cwsg, ac anhwylderau personoliaeth.  

Caethiwed, Dibyniaeth, a Gwyredd   
Byddwch yn datblygu gwybodaeth systematig ac ymwybyddiaeth feirniadol o ystod o ymddygiadau gorfodaethol a chaethiwed, gan gynnwys y rhesymau pam mae rhai pobl yn methu â hunan-reoleiddio ac effaith caethiwed.  

Traethawd hir mewn Seicoleg Glinigol   
Byddwch yn ymgymryd â phrosiect ymchwil annibynnol ar bwnc o ddiddordeb, gan ddatgelu tystiolaeth newydd, syniadau a goblygiadau proffesiynol yn eich dewis faes mewn seicoleg glinigol.  

Uchafbwyntiau’r Cwrs

Sut y byddwch yn dysgu

Caiff cwrs MSc Seicoleg Glinigol ei gyflwyno drwy amrywiaeth o ddarlithoedd, seminarau, gweithdai, astudio unigol, a goruchwylio traethawd hir un-i-un neu mewn grŵp bach. Byddwch hefyd yn dysgu trwy sesiynau dan arweiniad myfyrwyr a bydd rhai elfennau yn cael eu cyflwyno ar-lein. Mae'r addysgu yn cael ei gynnal ar 2 ddiwrnod yr wythnos.  

Gall asesiadau gynnwys traethodau, adolygiad llenyddiaeth systematig, adroddiadau ymchwil, a dadansoddi astudiaeth achos, yn ogystal â thraethawd hir 15,000 o eiriau. Bydd yr amrywiaeth o ddulliau addysgu ac asesu a ddefnyddir yn meithrin ystod o sgiliau sy'n drosglwyddadwy i'r gweithle a/neu hyfforddiant proffesiynol pellach.

Staff addysgu

Mae'r staff addysgu, athrawon gwadd ac arbenigwyr allanol ar y cwrs MSc Seicoleg Glinigol yn ymchwilwyr gweithredol yn eu meysydd ymarfer clinigol a byddwch yn elwa o'u harbenigedd mewn ystod o bynciau perthnasol gan gynnwys caethiwed, anhwylderau bwyta, straen, iechyd atgenhedlu, iechyd meddwl, a hunanladdiad. Mae gan y tîm addysgu brofiad o gyhoeddi a gallant roi gwybodaeth uniongyrchol i chi am seicoleg glinigol broffesiynol.  

Lleoliadau

Cewch eich annog a'ch cynorthwyo i gymryd rhan yn y nifer o gyfleoedd lleoliad gwaith gwirfoddol sy’n cael eu cynnig drwy ein cynllun Seicoleg a Mwy, gan gynnwys lleoliadau clinigol gwirfoddol trwy ein Clinig Dadansoddi Ymddygiad ar y safle. Lle bo nhw ar gael, byddwn yn eich cynorthwyo i gael lleoliadau gwaith drwy ein cysylltiadau ag ymddiriedolaethau’r GIG yn lleol, gan ychwanegu elfennau gwerthfawr at CV y sawl sydd ag uchelgais i fod yn Seicolegydd Clinigol.

Cyfleusterau

Mae ein labordy seicoleg pwrpasol yn llawn o offer o safon y diwydiant y byddwch yn eu defnyddio drwy gydol eich astudiaethau, yn ogystal ag ystafelloedd cyfweld ac arsylwi sy'n caniatáu i chi, fel ymchwilydd, arsylwi ymddygiad dynol mewn modd naturiol trwy sgrin unffordd. Mae rhai o'r offer y byddwch chi'n eu defnyddio yn cynnwys offer olrhain llygaid, peiriannau Electro-enseffalograffeg (EEG), a systemau BIOPAC. Fel rhan o'n mannau Seicoleg pwrpasol, byddwch hefyd yn gallu archebu lle tawel i astudio a chael mynediad i'r gofod dysgu cymdeithasol pwrpasol sydd â chyfrifiaduron a gwerslyfrau seicoleg.

Gyrfaoedd a Chyflogadwyedd

Gyrfaoedd graddedigion

Mae'r cwrs hwn yn ychwanegu gwerth sylweddol i'ch cais am raglenni Doethuriaeth Seicoleg Glinigol, sydd ar ôl ei chwblhau yn eich galluogi i fod yn Seicolegydd Clinigol yn y Deyrnas Unedig. Mae'r rhain yn gyrsiau hyfforddi hynod boblogaidd a chystadleuol, sy'n gofyn am geisiadau a phrofiad cadarn - bydd y profiad o ymchwil gymhwysol a'r profiad gwaith a gewch o'r cwrs hwn yn rhoi mantais sylweddol i chi. Gall graddedigion hefyd fynd ymlaen i radd ymchwil ôl-raddedig mewn seicoleg glinigol neu seicoleg iechyd neu ddechrau gyrfa fel Seicolegydd Cynorthwyol neu Gynorthwyydd Ymchwil.

Llwybrau gyrfa posibl

Dau o'r llwybrau gyrfa mwyaf poblogaidd ar ôl cwblhau'r cwrs hwn yw swyddi Seicolegydd Cynorthwyol a Chynorthwyydd Ymchwil.

Mae Seicolegwyr Cynorthwyol yn chwarae rhan allweddol mewn lleoliadau clinigol ac mae galw mawr amdanynt, oherwydd gall y profiad a geir yn y rolau hyn gryfhau ceisiadau i raglenni hyfforddi Doethuriaeth Glinigol. Mae cwblhau'r cwrs hwn yn llwyddiannus yn awgrymu ymrwymiad i yrfa mewn seicoleg glinigol yn ogystal â datblygu sgiliau a gwybodaeth uwch. 

Mae Cynorthwywyr Ymchwil yn cefnogi maes seicoleg glinigol drwy wneud gwaith ymchwil blaengar. Mae ffocws cryf y cwrs hwn ar ymchwil yn rhoi sgiliau gwerthfawr i chi, gan gynnwys gwerthuso llenyddiaeth yn feirniadol, dylunio a chynnal ymchwil, a chyflwyno canfyddiadau mewn seicoleg glinigol yn effeithiol.

Cymorth Gyrfa

Bydd graddedigion yn elwa o gymorth gyrfa rhagorol, gan gynnwys cyfleoedd i ddysgu'n uniongyrchol gan Seicolegwyr Clinigol proffesiynol trwy ddigwyddiadau a darlithoedd gwadd. Drwy gydol eich amser yn PDC, byddwch hefyd yn cael mynediad at y tîm Gyrfaoedd sydd ar gael i'ch cynorthwyo i ystyried cyfleoedd gyrfa, chwilio am swyddi, a pharatoi at gyfweliadau, yn ystod eich astudiaethau ac ar ôl i chi raddio.

Gofynion mynediad

Gofynion cymhwyster nodweddiadol:

Gradd Anrhydedd 2: 2 o leiaf mewn Seicoleg neu Seicoleg anrhydeddau mawr / ar y cyd. 

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£10,800

fesul blwyddyn*
Ffi Llawn Amser y DU

£1,200

fesul blwyddyn*
Ffi Llawn Amser Rhyngwladol

£16,900

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Gostyngiad Cyn-Fyfyrwyr

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.  

*Rhwymedig 

Ni fydd angen gwiriad gan y Gwasanaeth Datgelu a Gwahardd (DBS) ar fyfyrwyr er mwyn cwblhau unrhyw fodiwlau'n llwyddiannus. Bydd angen gwiriad DBS os bydd myfyrwyr yn dewis cwblhau lleoliad yn ein Clinig Ymyrraeth Gynnar, neu os ydynt yn cwblhau prosiect traethawd hir sy'n cynnwys cyswllt â phlant a phobl ifanc neu oedolion sy'n agored i niwed. Mae ffi’r DBS yn cynnwys £49.50 ar gyfer y dystysgrif DBS uwch, ffi Gweinyddu Swyddfa’r Post, a’r ffi weinyddol ar-lein.

Cost: £64.74 y flwyddyn ac os oes angen i’r gwasanaeth diweddaru ddiweddaru DBS ar ôl iddo ddod i ben, y gwasanaeth diweddaru yw £16.

Mae hyn yn ddewisol, ond gall fod o fudd i fyfyrwyr sy'n bwriadu cwblhau lleoliadau neu weithio mewn maes lle mae gwiriad gan y Gwasanaeth Datgelu a Gwahardd yn ofynnol. Noder, rhaid ymuno â'r gwasanaeth o fewn 19 diwrnod o dderbyn tystysgrif gwiriad manylach y Gwasanaeth Datgelu a Gwahardd.

Cost: £16

Efallai y bydd angen i fyfyrwyr sy'n gwneud traethawd hir gyda sefydliad allanol dalu costau sy'n gysylltiedig â theithio.

Cost: Amrywiol

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

MAE BOD YN RHAN O’R TÎM AR Y CWRS HWN WEDI BOD YN UN O’R PROFIADAU SYDD WEDI RHOI’R BODDHAD MWYAF AR FY NHAITH ACADEMAIDD, AC MAE WEDI GADAEL EFFAITH BARHAOL ARNAF I.

Wilson

Myfyriwr MSc Seicoleg Glinigol

Astudio yn PDC

Mae ein cyrsiau wedi'u cynllunio gydag arweinwyr diwydiant ac yn darparu'r sgiliau a'r profiadau ymarferol y mae'r diwydiant yn gofyn amdanynt. Mae ein cyrsiau hyblyg yn adlewyrchu'r angen am ddysgu gydol oes. Os ydych chi'n gwerthfawrogi addysg yn ymarferol, nid mewn theori yn unig, yna mae PDC ar eich cyfer chi.

Two people studying together at a table, surrounded by books and papers.
Ffioedd a chyllid i ôl-raddedigion
The University's Ty Crawshays building at Treforest, Pontypridd.
Campws Pontypridd, Trefforest
A member of staff is smiling and chatting with an open evening visitor.
Digwyddiadau Agored Ôl-raddedig

SUT I WNEUD CAIS

Mae yna broses ymgeisio ar-lein ar gyfer y cwrs hwn. Dewiswch y ffurflen gais ar gyfer y dyddiad cychwyn a’r dull astudio o’ch dewis (h.y. amser llawn neu ran-amser).

Derbyniadau rhyngwladol

Gweler ein cyngor derbyn rhyngwladol i gael rhagor o wybodaeth am sut i wneud cais fel darpar fyfyriwr rhyngwladol.

Cyrsiau Cysylltiedig

Seicoleg (Trosi) - MSc Dysgu mwy
Seiciatreg Glinigol - PGDip Dysgu mwy
Seiciatreg Glinigol - MSc Dysgu mwy
Therapi Chwarae - MSc Dysgu mwy
Dadansoddi Ymddygiad a Therapi - MSc Dysgu mwy

Camau Nesaf

Sut i Wneud Cais
Archebwch Noson Agored
Sariad â ni