Ar gael yn Clirio BSc (Anrh)

Troseddeg gyda Seicoleg

Pam mae pobl yn troseddu? Sut mae dioddefwyr yn profi niwed? Sut gall seicoleg ein helpu i ddeall trosedd, bregusrwydd, adsefydlu a chyfiawnder? Mae ein BSc Troseddeg gyda Seicoleg yn dwyn ynghyd ddau bwnc cyflenwol, gan eich helpu i archwilio ymddygiad troseddol, dioddefaint ac ymatebion cymdeithasol i droseddu trwy safbwyntiau seicolegol a throseddegol.

Sut i wneud cais Archebu lle ar Ddiwrnod Agored Sgwrsio gyda ni

Côd UCAS

L3CY

Dyddiad Cychwyn

Medi 2026

Lleoliad

Pontypridd

Côd y Campws

A

Pwyntiau UCAS

96

Ffioedd

Myfyrwyr cartref: £9,790*
Myfyrwyr rhyngwladol: £17,200*

Côd UCAS

L3CY

Dyddiad Cychwyn

Medi 2027

Lleoliad

Pontypridd

Côd y Campws

A

Pwyntiau UCAS

96


Myfyrwyr rhyngwladol: £17,600*

Sut i wneud cais Archebu lle ar Ddiwrnod Agored

Trosolwg o'r Cwrs

Archwiliwch pam mae pobl yn troseddu, sut mae dioddefwyr yn profi niwed, a sut y gall damcaniaethau seicolegol a throseddegol ein helpu i ddeall risg, bregusrwydd, adsefydlu a chyfiawnder.

Mae'r cwrs hwn yn dwyn ynghyd ddau bwnc cyflenwol. Mae Troseddeg yn eich helpu i ddeall trosedd, niwed a'r system cyfiawnder troseddol, tra bod seicoleg yn caniatáu ichi archwilio ymddygiad, gwneudpenderfyniadau, trawma, datblygiad a phrofiad unigol. Gyda'i gilydd, maent yn darparu ffordd bwerus o wneud synnwyr o droseddu, erledigaeth ac ymatebion i drosedd.

Pam astudio'r cwrs hwn?

Profiad o'r byd go iawn

Byddwch yn gweithio gyda heddluoedd, yn ymweld â safle trosedd ac yn gweithio ar achosion go iawn i brofi'r hyn rydych wedi'i ddysgu y tu allan i'r ystafell ddosbarth.

Partneriaethau yn y diwydiant

Rydym yn gweithio gyda heddluoedd, cwmnïau preifat ac arbenigwyr yn y maes er mwyn dod â'r datblygiadau diweddaraf ym maes fforenseg ddigidol i chi.

Dysgu deuol

Dysgwch gan arbenigwyr ym maes cyfiawnder troseddol a seicoleg er mwyn meithrin dealltwriaeth ddofn.

Beth fyddwch chi'n ei astudio

Mae Blwyddyn Un yn cynnig cyflwyniad cynhwysfawr i gyfiawnder troseddol, gan archwilio meysydd sy'n cynnwys y system cyfiawnder troseddol a dod yn droseddegwr.

Bydd modiwl olaf y flwyddyn yn rhoi cyflwyniad i safbwyntiau beirniadol ym maes seicoleg i chi.

Archwiliwch y system gyfreithiol yng Nghymru a Lloegr, gan gynnwys cyfraith trosedd, gweithdrefnau'r llysoedd, cyfiawnder troseddol a sefydliadau allweddol a llunio adroddiadau ar ystadegau trosedd.

Mae modd astudio'r modiwl hwn 100% drwy gyfrwng y Gymraeg.

Archwiliwch ddamcaniaeth droseddegol, o esblygiad i gyd-destunau cyfoes. Trafodwch ac ystyriwch sut mae troseddau yn cael eu creu a chanfyddiadau ohonynt o safbwynt cymdeithasol, diwylliannol a hanesyddol. 

Mae modd astudio'r modiwl hwn 100% drwy gyfrwng y Gymraeg.

Meithriniwch sgiliau ymchwil hanfodol. Cyfle i ddeall rôl ymchwil a datblygu sgiliau ymchwil mewn cyd-destunau academaidd a phroffesiynol.

Eich cyflwyniad i seicoleg wybyddol, fiolegol, cymdeithasol a datblygiadol. Cyfle i ddeall y cyd-destun a gwahaniaethau allweddol a dulliau damcaniaethol beirniadol. 

Gwellwch eich sgiliau academaidd, personol a phroffesiynol yn y modiwl sgiliau craidd eang hwn.  

Mae modd astudio'r modiwl hwn 100% drwy gyfrwng y Gymraeg.

Eich cyflwyniad i ddioddefoleg sy'n cynnwys cysyniadau damcaniaethol allweddol, natur a graddau erledigaeth a rôl newidiol dioddefwyr. 

Ym mlwyddyn dau, byddwch yn archwilio rhai o'r materion cyfredol ym maes troseddeg a seicoleg yn fanylach.

Byddwn yn edrych ar gamddefnyddio sylweddau ac effaith carchar. Bydd cyfle i chi hefyd gwblhau lleoliad profiad gwaith.

Dysgwch am y cysylltiadau rhwng prosesau'r corff, yr ymennydd ac ymddygiad, wedi'u rhoi yn eu cyd-destun drwy gynnig manylion am wahaniaethau unigol a dadleuon hanesyddol. 

Cymhwyswch ddamcaniaethau cymdeithasol a damcaniaethau datblygu seicoleg, gan ystyried datblygiad nodweddiadol ac annodweddiadol, gwybyddiaeth gymdeithasol, hunaniaeth gymdeithasol ac amrywiaeth ddiwylliannol. 

Datblygu dealltwriaeth o rôl ymchwil a gwerthuso o fewn y Sector Cyfiawnder Troseddol, wrth feithrin eich sgiliau ymchwil a'ch gwybodaeth am ddulliau ymchwil ffurfiol i baratoi ar gyfer eich prosiect ymchwil blwyddyn olaf.

Cyfle i chi ddeall troseddau treisgar, o esblygiad hanesyddol y DU i ddiffiniadau a theipoleg trais, achosion craidd, ffactorau risg, atal a strategaethau ymyrryd yn gynnar. 

Astudiwch gyd-destun hanesyddol camddefnyddio sylweddau, mathau o sylweddau, ffactorau achosol, caethiwed, canfyddiadau cymdeithasol, canlyniadau iechyd a phortreadau yn y cyfryngau. 

Astudiwch brosesau gwyngalchu arian, twyll, caethwasiaeth fodern a therfysgaeth yn ogystal ag eithafiaeth, radicaleiddio, y dde bellaf a rôl y we dywyll. 

Rhowch eich damcaniaeth ar waith a datblygwch eich sgiliau meddwl yn feirniadol, gweithio fel tîm a chyfathrebu mewn lleoliad proffesiynol 70 awr. 

Yn eich blwyddyn olaf, byddwch yn cwblhau dau fodiwl gorfodol ac yna'n dewis o blith modiwlau dewisol.

Ystyriwch y rhyngweithio rhwng ffactorau seicolegol, ymddygiadol, ffisiolegol a chymdeithasol mewn iechyd ac afiechyd drwy gydol oes. 

Datblygwch ddealltwriaeth o agweddau seicolegol tri maes eang - ymchwiliadau'r heddlu ac ymchwiliadau diogelwch; achosion troseddol ac achosion llys; rheoli troseddwyr. 

Dilynwch eich diddordebau wrth ymgymryd â'ch prosiect ymchwil gwyddor gymdeithasol, gan feithrin gallu mewn dylunio ymchwil, casglu data a dadansoddi. 

Mae modd astudio'r modiwl hwn 100% drwy gyfrwng y Gymraeg.

Beth yw nodau carcharu? Ewch ati i ddysgu am ddamcaniaethau cosbi ac adsefydlu. 

Archwiliwch agweddau cymdeithasol a chyfreithiol, patrymau a nodweddion, y prosesau ymchwiliol, tystiolaeth a'r heriau posibl sy'n gysylltiedig â lladdiadau. 

Cyfle i ddeall safbwyntiau damcaniaethol ac ymatebion polisi i drais yn erbyn menywod, cam-drin domestig a thrais rhywiol. 

Rydym yn adolygu ein cyrsiau'n rheolaidd i gadw i fyny â sgiliau newidiol ac anghenion cyflogwyr. Os bydd adolygiad yn arwain at newidiadau sylweddol, byddwn yn cysylltu â chi i esbonio beth sy'n newid ar gyfer y flwyddyn nesaf.

Addysgu ac Asesu

Mae addysgu ac asesu ar y cwrs BSc Troseddeg gyda Seicoleg yn gymhwysol, yn ddiddorol ac yn canolbwyntio ar ddeall trosedd trwy ymddygiad, erledigaeth a phrofiad dynol. Byddwch yn archwilio sut y gall damcaniaethau seicolegol a throseddegol helpu i esbonio troseddu, niwed, bregusrwydd, trawma, adsefydlu a chyfiawnder. Yn hytrach na dibynnu'n helaeth ar arholiadau traddodiadol, mae asesiadau wedi'u cynllunio i'ch helpu i roi syniadau ar waith gyda materion byd go iawn.

Byddwch yn cyfuno cyfleoedd dysgu yn yr ystafell ddosbarth â chyfleoedd i brofi damcaniaethau mewn lleoliadau ymarferol fel ein tŷ safle trosedd a'r ystafell efelychu troseddau. Rydym yn cyfuno darlithoedd a gweithdai rhyngweithiol i ddatblygu eich dealltwriaeth o fateriontroseddegol go iawn. Byddwch hefyd yn datblygu eich sgiliau seicoleg ymarferol yn ein labordai pwrpasol. Y tu allan i'r ystafell ddosbarth, byddwch yn cwblhau gwaith darllen, ymchwil a phrosiect.

Rydym bob amser yn sicrhau bod ein hasesiadau yn cyd-fynd â safonau diwydiant heddiw ac yn gweithio gyda gweithwyr proffesiynol i greu dulliau asesu arloesol a chyfoes. Yn hytrach na dibynnu’n helaeth ar arholiadau, byddwch yn rhoi eich dysgu ar waith trwy astudiaethauachos, senarios diogelu, cynlluniau ymyrryd, briffiau polisi, cyflwyniadau, adroddiadau, portffolios myfyriol a phrosiectau ymchwil.

Diolch i'n rhwydwaith helaeth o bartneriaid yn y diwydiant, rydym yn gallu cyflwyno'r byd go iawn i'ch dysgu. Yn ogystal â darlithwyr gwadd a theithiau maes, rydym yn gwneud popeth y gallwn i ddarparu cyfleoedd lleoliad gwaith i'ch helpu i brofi eich gwybodaeth a'ch sgiliaunewydd yn y byd go iawn. Yn yr ail flwyddyn, mae gennym fodiwl profiad gwaith dewisol ac ym mlwyddyn tri, gallwch ddewis modiwl gweithio mewn diwydiant. Drwy eich cwrs, byddwn yn canolbwyntio ar eich cyflogadwyedd yn y dyfodol a byddwn yn hwyluso cyfleoeddrhwydweithio a lleoliadau gwaith i gefnogi hynny.

Mae ein cyfleusterau arbenigol yn helpu i ddod â Throseddeg gyda Seicoleg yn fyw. Mae ystafelloedd arsylwi a chyfweld gyda drychau dwyffordd, teledu cylch cyfyng a recordiadau sain yn cefnogi dysgu ynghylch cyfathrebu, cyfweld ac ymarfer ymchwil, tra bod labordai seicoleg a meddalwedd arbenigol yn eich helpu i archwilio ymddygiad a phrofiad dynol. Gallwch hefyd ddefnyddio CIPHER, ein tŷ lleoliad troseddau a’n ffug lys, i archwilio troseddu, erledigaeth, gwneud penderfyniadau ac ymatebion cyfiawnder trwy ddysgu cymhwysol, yn seiliedig arsenario.

Arweinydd y Cwrs

Daniel Welch

Daniel Welch yw Pennaeth Pwnc Plismona, Troseddeg a Gwasanaethau Cyhoeddus, ac Arweinydd Cwrs cyrsiau Troseddeg israddedig Prifysgol De Cymru. Mae ei ddiddordebau academaidd yn canolbwyntio ar ymateb y gwasanaeth heddlu i gam-drin domestig, yn enwedigprofiad dioddefwyr, Rheolaeth drwy Orfodaeth a pholisïau heddlu cysylltiedig. Mae Daniel yn frwd dros ddysgu cymhwysol, sy'n seiliedig ar senario, a helpodd i ddatblygu CIPHER, gofod dysgu rhyngweithiol PDC ar gyfer addysg troseddu, cyfiawnder a gwasanaeth cyhoeddus.

E-bostiwch Daniel Sgwrsiwch â Daniel

Rhagolygon Gyrfa

Bydd meistroli dau bwnc academaidd yn rhoi ymdeimlad clir i gyflogwyr y dyfodol o'ch sgiliau trefniadol lefel uchel, y gallwch eu defnyddio mewn amrywiaeth o yrfaoedd gwerth chweil. Yn ogystal â meithrin gwybodaeth am ddau bwnc ategol, byddwch yn datblygu sgiliau trosglwyddadwy allweddol y mae cyflogwyr yn eu gwerthfawrogi.

Eich Gyrfa yn y Dyfodol

Gall y radd hon eich paratoi ar gyfer amrywiaeth o rolau ar draws y sectorau cyfiawnder troseddol a chymorth. Gallech weithio ym maes prawf ac adsefydlu fel Swyddog Carchar, Swyddog Prawf neu Weithiwr Adsefydlu Troseddwyr, neu ym maes cymorth fforensig ac ymddygiadol fel Gweithiwr Cymorth Seicoleg Fforensig neu Seicolegydd Cynorthwyol. Mae cyfleoedd eraill yn cynnwys gwasanaethau dioddefwyr a chyfiawnder adferol, fel Swyddog Gofal Dioddefwyr a Thystion neu Gydlynydd Cyfiawnder Adferol, rolau iechyd meddwl a lles gan gynnwys Gweithiwr Cymorth Iechyd Meddwl ac Ymarferydd Lles, ac ymchwil a datblygu polisi fel Cynorthwyydd Ymchwil neu Ymchwilydd Astudiaethau Ymddygiad.

94% o'n graddedigion mewn cyflogaeth ac astudiaeth bellach 15 mis ar ôl graddio.

Arolwg Hynt Graddedigion 2022/23

Criminology alumni, Euan, poses for a profile shot in front of red backdrop

“Roedd y cyfleoedd gwych i rwydweithio yn werthfawr iawn – ac roedd cael swydd fel swyddog carchar yn syth ar ôl darlith yn ddechrau annisgwyl ond gwych i fy ngyrfa.”

Euan Thomas, Graddedig Troseddeg

Dysgwch fwy

Disgwyliadau cyflog

Gall gradd Troseddeg agor cyfleoedd ar draws troseddeg a'r sector plismona a gwasnaethau cyhoeddus ehangach. Mae gyrfaoedd Troseddeg yn cynnig potensial enillion cryf:

Cyflog canolrifol

DU: £40.7k y flwyddyn
Cymru: £36.3k y flwyddyn

 

Cyfanswm y swyddi yn 2025

DU: 2.39m
Cymru: 109.364

 

Ffynhonnell: Lightcast Labour Market Data 2026

Partneriaid diwydiant

Mae llawer o'n staff addysgu wedi dod o ddiwydiant ac yn rhoi blaenoriaeth i gynnal eu cysylltiadau â'r diwydiant er budd ein myfyrwyr. Rydym yn manteisio ar y cydberthnasau hyn i ddarparu darlithoedd gwadd, lleoliadau gwaith ac adnoddau'r diwydiant i'ch helpu i ddysgu. 

Rydym wedi llunio partneriaethau â heddluoedd a thimau cyfiawnder ieuenctid lleol, yn ogystal â'r gwasanaeth prawf, yr Adran Gwaith a Phensiynau, carchardai, yr Asiantaeth Troseddu Cenedlaethol ac elusennau cyfiawnder ieuenctid. 

Gofynion Mynediad

Ychwanegol

TGAU: Mae'r Brifysgol fel rheol yn gofyn am o leiaf 5 TGAU gan gynnwys Mathemateg / Rhifedd a Saesneg ar Radd C neu Radd 4 neu'n uwch, neu'r hyn sy'n cyfateb iddynt, ond rhoddir ystyriaeth i amgylchiadau unigol. 

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

Sut i wneud caisDatganiad Derbyniadau Cyd-destunolGofynwch gwestiwn i ni

96 Pwyntiau UCAS neu'n uwch

Gofynion cymhwyster nodweddiadol

Lefel A:
CCC

Bagloriaeth Cymru:
Bagloriaeth Sgiliau Uwch Cymru Gradd C a CC Safon Uwch

BTEC:
Diploma Estynedig BTEC Teilyngdod Teilyngdod

Mynediad i AU:
Pasio y Diploma Mynediad i AU a chael o leiaf 96 pwynt tariff UCAS.

Safon T:
P

Ffioedd a Chyllid

Ffi Llawn Amser y DU £ 9,790

Fesul blwyddyn

Ffioedd a Chyllid Ysgoloriaethau a Bwrsariaethau Cymorth Costau Byw

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.  

Gwerslyfrau

Bydd gwerslyfrau ar gael yn y llyfrgell, ond gallai myfyrwyr ddymuno prynu eu copïau eu hunain. I fyny at £200

Lleoliad Gwaith

Gall myfyrwyr 2il flwyddyn ymgymryd â lleoliad gwaith am gyfnod os byddant yn dilyn y modiwl Ymarfer Proffesiynol. Gallai myfyrwyr sy’n ymgymryd â lleoliad fynd i gostau sy’n gysylltiedig â theithio a bydd y wisg a ddisgwylir yn y gweithle’n amrywio yn ôl y lleoliad. I fyny at £300

DBS

Mae hyn yn berthnasol i fyfyrwyr 2il flwyddyn sy’n dewis dilyn y modiwl Ymarfer Proffesiynol pan fydd yn ofynnol ar gyfer y lleoliad. Mae’r ffi’n cynnwys cost yr archwiliad manylach, ffioedd gweinyddol ar-lein ac archwiliadau swyddfa’r post. £55.42

Ffi Rhyngwladol Rhan-amser £ 17,200

Fesul blwyddyn

Ffioedd a Chyllid Ysgoloriaethau a Bwrsariaethau Cymorth Costau Byw

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.  

Gwerslyfrau

Bydd gwerslyfrau ar gael yn y llyfrgell, ond gallai myfyrwyr ddymuno prynu eu copïau eu hunain. I fyny at £200

Lleoliad Gwaith

Gall myfyrwyr 2il flwyddyn ymgymryd â lleoliad gwaith am gyfnod os byddant yn dilyn y modiwl Ymarfer Proffesiynol. Gallai myfyrwyr sy’n ymgymryd â lleoliad fynd i gostau sy’n gysylltiedig â theithio a bydd y wisg a ddisgwylir yn y gweithle’n amrywio yn ôl y lleoliad. I fyny at £300

DBS

Mae hyn yn berthnasol i fyfyrwyr 2il flwyddyn sy’n dewis dilyn y modiwl Ymarfer Proffesiynol pan fydd yn ofynnol ar gyfer y lleoliad. Mae’r ffi’n cynnwys cost yr archwiliad manylach, ffioedd gweinyddol ar-lein ac archwiliadau swyddfa’r post. £55.42

Beth sy'n ein gwneud ni'n wahanol?

Darganfod mwy

100%

o fyfyrwyr BSc (Anrh) Troseddeg a Chyfiawnder Troseddol gyda Seicoleg PDC yn fodlon ar eu cwrs.

Arolwg Cenedlaethol o Fyfyrwyr 2026

#1

Y brifysgol orau yng Nghymru a'r 24ain allan o 123 o brifysgolion yn y DU.

Canllaw Prifysgolion y Guardian 2027

Three USW students walking outside of Cardiff Campus - Atrium

10 pwnc wedi'u rhestru yn y 10 uchaf yng Nghanllaw Prifysgolion y Guardian 2027, gan gynnwys dau yn y safle cyntaf.

Three students studying in a pod in the library at Cardiff campus

Ar y brig yng Nghymru ar gyfer busnesau newydd a'r 7ed yn y DU.

#1

Mae'r Gyfraith yn PDC ar y brig yn y DU o ran boddhad myfyrwyr.

Complete University Guide 2027

#1

Ar y brig yng Nghymru o ran Rhagolygon Graddedigion.

Complete University Guide 2027

Archwiliwch ein cyfleusterau

Cipolwg y tu mewn i Ystafell CIPHER bwrpasol gyntaf y DU.

Ystafell CIPHER

Mae Ystafell newydd CIPHER ar gampws Trefforest PDC y cyfleuster cyntaf o'i fath yn y DU, wedi'i gynllunio i roi profiad ymarferol ymdrochol i fyfyrwyr Plismona Proffesiynol a Throseddeg. Gan ddefnyddio byrddau troseddau rhyngweithiol uwch-dechnoleg gyda systemau cyffwrdd100 pwynt, mae myfyrwyr yn cydweithio mewn senarios realistig - gan ddadansoddi lluniau teledu cylch cyfyng, datganiadau tystion, a chofnodion ambiwlans mewn amser real.

Ennill sgiliau trosglwyddadwy o'r byd go iawn ar sut i gynnal ymchwiliadau.

Uned Achosion Oer

PDC yw’r unig brifysgol yng Nghymru a De Orllewin Lloegr i weithredu Uned Achosion Oer. Mae ein myfyrwyr yn cael y cyfle i weithio ar achosion byw a chynorthwyo ymchwiliadau heddlu. Bydd myfyrwyr hefyd yn cael cyfle i gymryd rhan yn y Prosiect Innocence, gan archwilio achosion gwirioneddol lle mae camweinyddu cyfiawnder wedi digwydd er mwyn sefydlu sail resymol dros apelio.

Canolfan Efelychu Hydra

Rydym yn defnyddio ein canolfan efelychu unigryw i ail-greu senarios troseddau a rhoi eich sgiliau gwneud penderfyniadau ar brawf. Defnyddir yr amgylcheddau ffug hyn i hyfforddi swyddogion heddlu, personél brys, gweithwyr gofal iechyd proffesiynol, y sectorau milwrol a phreifat ledled y DU a'u paratoi ar gyfer y byd gwaith.

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS.

Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

  • Troseddeg gyda Seicoleg

    • Llawn Amser, 3 blynedd

    • Medi

    • Pontypridd

    Apply direct

  • Troseddeg gyda Seicoleg

    • Llawn Amser, 3 blynedd

    • Medi

    • Pontypridd

    Apply direct

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Gall ymgeiswyr a dderbynnir drwy fynediad uwch astudio cyfuniad gwahanol o fodiwlau i'r rhai a hysbysebir, gan y byddant yn ymuno â chwrs sydd eisoes ar y gweill. Fe wnawn ni gysylltu â chi a’ch cynghori chi am y modiwlau hyn unwaith y bydd eich cais wedi'i brosesu a chynnig wedi'i wneud.

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Euan Thomas

"Ers graddio, rwyf wedi symud yn fy mlaen o fod yn swyddog carchar i fod yn ymarferydd cyfiawnder ieuenctid ac rwy'n hyfforddi i fod yn weithiwr cymdeithasol. Mae'r radd hon wir yn agor drysau. Mae'r amgylchedd croesawgar a chefnogol yn PDC yn hybu twf.'

Euan Thomas Graddedig Troseddeg

Gweld proffil myfyriwr

Amelia Bisby

"Roedd y cyfuniad o'r tŷ lleoliad troseddau, cyfleuster efelychiadau Hydra, a'r uned achosion yn un anodd ei guro. Dim ond yn rhannol roedd prifysgolion eraill yn cynnig y cyfleusterau hyn, tra bo gan PDC y cyfan. Roedd y darlithwyr yn ysbrydoledig, ac roedd cymuned y campws yn groesawgar."

Amelia Bisby Amelia Bisby

Myfyriwr Troseddeg

Barod i wneud cais?

Dal i archwilio eich opsiynau?

Bywyd Myfyrwyr Ein lleoliadau Llety