Troseddeg gyda Chyfiawnder Ieuenctid

Archwilio sut mae'r system cyfiawnder troseddol yn gweithio yn ymarferol, o ymchwilio ac erlyn i ddedfrydu ac adsefydlu, gan ddatblygu eich dealltwriaeth o gyfraith droseddol, hawliau, tegwch a chyfiawnder.

Archwilio pam mae pobl yn troseddu a pham mae rhai pobl mewn mwy o beryg o fod yn ddioddefwyr, gan ystyried safbwyntiau troseddol a dioddefol ochr yn ochr â dylanwadau cymdeithasol, seicolegol a strwythurol ar droseddu a niwed.

Archwiliwch achosion, patrymau ac effaith trais drwy achosion go iawn, gan ddatblygu eich gallu i asesu tystiolaeth, deall risg, a gwerthuso ymatebion sy'n ymwneud ag atal, diogelu a chyfiawnder troseddol.

Deall pam mae plant a phobl ifanc yn ymwneud â throseddu, gan archwilio'r ffactorau sy'n llywio troseddau ieuenctid a sut mae cyfiawnder ieuenctid yn cydbwyso atal, lles, cosb ac adsefydlu.

Holwch am bwrpas carchar a chosbi, gan archwilio sut mae carcharu, adsefydlu a goruchwyliaeth yn y gymuned yn llunio profiadau o gyfiawnder, tra’n ystyried anghydraddoldeb, hawliau dynol a realiti rheoli troseddwyr.

Ymchwilio i sut mae rhwydweithiau troseddau difrifol a chyfundrefnol yn gweithredu mewn amgylcheddau ffisegol a digidol, gan ddadansoddi bygythiadau cymhleth a datblygu sgiliau i asesu risgiau a chynllunio ymatebion cymesur.

Adeiladwch eich sgiliau wrth ddiogelu plant a phobl ifanc sydd mewn perygl o niwed neu gamfanteisio, gan ddatblygu barn broffesiynol trwy achosion realistig sy'n cynnwys bregusrwydd, llinellau sirol, trais difrifol ymhlith pobl ifanc ac ymyrraeth amlasiantaeth.

Deall defnyddio a chamddefnyddio sylweddau trwy achosion a thystiolaeth go iawn, gan archwilio ei gysylltiadau ag iechyd, troseddu a chymdeithas wrth ddatblygu sgiliau i asesu niwed a gwerthuso ymatebion effeithiol a moesegol.

Ymchwiliwch i'r hyn y gall ymddygiad troseddwyr ei ddatgelu am droseddu, gan ddatblygu eich gallu i ddehongli tystiolaeth ymddygiadol ac ymchwiliol wrth werthuso proffilio troseddwyr, ei gymwysiadau, ei gyfyngiadau a'i hygrededd gwyddonol yn feirniadol.

Astudiwch gyd-destun hanesyddol camddefnyddio sylweddau, mathau o sylweddau, ffactorau achosol, caethiwed, canfyddiadau cymdeithasol, canlyniadau iechyd a phortreadau yn y cyfryngau.

Archwiliwch lofruddiaeth drwy achosion go iawn a dysgu cymhwysol, gan ddatblygu eich dealltwriaeth o batrymau, achosion ac ymchwiliadau, tra’n ystyried trais, atebolrwydd, atal ac effaith ehangach troseddau angheuol.

Ymchwiliwch i sut mae terfysgaeth, radicaleiddio ac eithafiaeth yn datblygu ac yn esblygu; dadansoddwch y ffactorau sy’n sail i fygythiadau cyfoes, a gwerthuswch yn feirniadol ymatebion plismona, deallusrwydd ac ymatebion aml-asiantaeth.

Archwiliwch beth sy'n helpu plant a phobl ifanc i symud i ffwrdd o droseddu, gan ddatblygu eich dealltwriaeth o ymatal, adsefydlu ac ailsefydlu wrth asesu sut y gall ymarfer cyfiawnder ieuenctid gefnogi newid parhaol.

Ennill profiad ymarferol trwy dreulio o leiaf 70 awr mewn gweithle perthnasol, gan gymhwyso eich dysgu a datblygu eich hyder proffesiynol, eich cyflogadwyedd a’ch dealltwriaeth am gyfleoedd gyrfa yn y dyfodol.

Mynd i'r afael â her byd go iawn mewn plismona, cyfiawnder troseddol neu wasanaeth cyhoeddus, a defnyddio tystiolaeth, creadigrwydd a meddwl beirniadol i greu atebion ymarferol, moesegol ag effaith broffesiynol.