Y Gyfraith gan gynnwys Blwyddyn Sylfaen

LLB (Anrh) Sut i wneud cais Gwneud gais drwy UCAS Trefnu Diwrnod Agored Sgwrsio gyda ni

Dysgwch am ein cyrsiau ymarferol yn y Gyfraith a'r sgiliau y gallwch eu hennill o radd yn y Gyfraith yn PDC.

Côd UCAS

M00F

Dyddiad Cychwyn

Medi 2027

Lleoliad

Pontypridd

Côd y Campws

Pwyntiau UCAS

Myfyrwyr rhyngwladol: £17,600*

Trosolwg o'r Cwrs

Byddwch yn ymgysylltu â themâu cyfreithiol go iawn, o gyfiawnder troseddol i ymarfer proffesiynol, trwy weithgareddau ymarferol a myfyrio.

Mae dysgu wedi'i lunio o amgylch trafodaeth, tasgau cymhwysol a gwaith tîm, gan eich helpu i feddwl yn feirniadol, cyfathrebu'n effeithiol a chryfhau eich dealltwriaeth o'r gyfraith. Mae'r sylfaen hon yn eich paratoi ar gyfer yr LLB a chyfleoedd cyfreithiol yn y dyfodol gyda chwilfrydedd a phwrpas.

Pam astudio'r cwrs hwn?

Datblygu sgiliau allweddol

Datblygu ystod o sgiliau a rhinweddau a fydd yn cyfoethogi eich dysgu yn y flwyddyn gyntaf a thu hwnt.

Addysgir gan arbenigwyr

Addysgir myfyrwyr gan academyddion sydd â phrofiad perthnasol yn y diwydiant sy’n gefnogol ac yn ymroddedig i’w helpu i lwyddo.

Cyfleusterau ardderchog ar y campws

Bydd myfyrwyr ar ein gradd yn y gyfraith yn dysgu yn ein Clinig Cyngor Cyfreithiol sydd wedi ennill sawl gwobr, Hydra Suite ac ystafell llys ffug.

Symud ymlaen i radd lawn

Gallwch symud ymlaen yn uniongyrchol i’n gradd LLB (Anrh) yn y Gyfraith sydd wedi’i hachredu’n broffesiynol wrth i chi baratoi ar gyfer gyrfa gyfreithiol lwyddiannus.

Beth fyddwch chi'n ei astudio

Datblygwch hyder academaidd a dealltwriaeth feirniadol o drosedd a chyfiawnder. Drwy ymchwilio, dadansoddi’r cyfryngau, gwaith tîm a myfyrio, byddwch yn datblygu sgiliau ymarferol ac ymwybyddiaeth foesegol i baratoi ar gyfer astudio ar lefel gradd a gyrfaoedd yn y dyfodol.

Am fanylion y modiwlau y byddwch yn eu hastudio ar ôl cwblhau’r Flwyddyn Sylfaen yn llwyddiannus, gweler prif dudalen y cwrs.

Datblygwch sgiliau academaidd, personol a phroffesiynol ar gyfer astudio yn y brifysgol. Byddwch yn myfyrio ar eich cynnydd, yn meithrin hyder, ac yn creu portffolio ar sail tystiolaeth i gefnogi eich dysgu yn y dyfodol.

Gan ganolbwyntio ar drosedd a chyfiawnder yn y gymdeithas gyfoes, mae'r modiwl hwn yn archwilio dylanwad y cyfryngau, hunaniaeth a barn y cyhoedd. Byddwch yn archwilio dadleuon allweddol ac yn cynnig diwygiadau ar sail tystiolaeth i ddeall cyfiawnder yn y gymdeithas gyfoes.

Cyflwyniad i ymchwiliadau troseddol yng Nghymru a Lloegr drwy archwilio prosesau ymchwiliol, gwneud penderfyniadau moesegol ac ymarfer proffesiynol. Byddwch yn defnyddio meddylfryd ymchwiliol mewn senarios realistig ar draws mathau gwahanol o droseddau.

Mae’r Her Effaith yn fodiwl prosiect Blwyddyn Sylfaen lle mae myfyrwyr yn gweithio mewn timau i fynd i'r afael â materion y byd go iawn, gan ddatblygu atebion trwy ymchwil, chwilfrydedd, gwaith tîm a datrys problemau’n gyfrifol.

Rydym yn adolygu ein cyrsiau'n rheolaidd i gadw i fyny â sgiliau newidiol ac anghenion cyflogwyr. Os bydd adolygiad yn arwain at newidiadau sylweddol, byddwn yn cysylltu â chi i esbonio beth sy'n newid ar gyfer y flwyddyn nesaf.

Addysgu ac Asesu

Mae addysgu yn eich helpu i ddeall sut mae dysgu'n gweithio yn y brifysgol, wrth feithrin hyder academaidd, meddwl beirniadol a hunanfyfyrio.

Byddwch chi'n dysgu trwy brofiadau dysgu gweithredol, byd go iawn sy'n annog chwilfrydedd, cydweithio a meddwl annibynnol. Byddwch chi'n gweithio'n annibynnol a chydag eraill trwy drafodaethau, gweithgareddau ymarferol a myfyrio dan arweiniad, gyda chefnogaeth offer digidol. Mae adborth rheolaidd yn eich helpu i gydnabod cynnydd a chynllunio'r camau nesaf, gan gefnogi lles, gwydnwch a theimlad cryf o berthyn wrth i chi baratoi ar gyfer lefel uwch o astudio.

Byddwch chi'n cael eich asesu mewn ffyrdd gwahanol, gan gynnwys tasgau byr, gwaith cwrs, cyflwyniadau a gwaith grŵp. Mae asesiadau cynnar wedi'u cynllunio i gefnogi eich dysgu a'ch helpu i ddeall beth a ddisgwylir yn y brifysgol. Mae'r rhan fwyaf o asesiadau ar sail gwaith cwrs ac yn eich helpu i ddatblygu sgiliau allweddol fel ymchwil, ysgrifennu academaidd, gwaith tîm a chyfathrebu. Byddwch chi hefyd yn myfyrio ar eich cynnydd ac yn defnyddio systemau prifysgol ac offer digidol.

Ar ôl symud ymlaen o'r flwyddyn sylfaen, bydd gennych gyfleoedd lleoliad ar ein cwrs gradd yn y Gyfraith.

Mae ein staff yn gweithio gyda chwmnïau gwasanaethau cyfreithiol mawreddog sy'n cynnig lleoliadau gwaith gwerthfawr i'ch annog i ymarfer eich sgiliau cyfreithiol newydd a phrofi amgylchedd gweithle go iawn.

Mae addysg gyfreithiol glinigol wedi'i gynnwys yn ein cyrsiau, gan roi mynediad i gyfiawnder i chi o dan oruchwyliaeth cyfreithwyr a darlithwyr sy'n ymarfer yng Nghlinig Cyngor Cyfreithiol pro bono ar gampws y brifysgol.

Mae gennym gysylltiadau cryf â'r diwydiant ac yn cynnal ystod o siaradwyr gwadd arbenigol a fydd yn darparu cyd-destun ac enghreifftiau bywyd go iawn sy'n ymwneud â'r pynciau rydych chi'n eu hastudio. Mae gennym hefyd ciniawau gwaith a chyfleoedd rhwydweithio ar gael i'n myfyrwyr.

Mae ein cyfleusterau cyfraith trawiadol ar ein campws yn Nhrefforest yn cynnwys ein clinig cyngor cyfreithiol a chanolfan efelychu Hydra, lle mae myfyrwyr yn dysgu wrth ymarfer. Mae gennym ystafell llys ffug ar y campws i helpu i roi eich astudiaethau damcaniaethol ar waith a chael blas ar y swydd ar ôl y brifysgol. Bydd darlithoedd a sesiynau ystafell ddosbarth yn cael eu cynnal ar gampws Pontypridd yn Nhrefforest, dim ond 20 munud mewn car o Gaerdydd.

Arweinydd y Cwrs

Emma Wheeler

Emma Wheeler yw Arweinydd y Cwrs ar gyfer y Flwyddyn Sylfaen. Mae gan Emma flynyddoedd lawer o brofiad addysgu, gan weithio gyda myfyrwyr sydd wedi bod allan o addysg ers peth amser. Mae amgylcheddau ystafell ddosbarth yn y Flwyddyn Sylfaen yn sensitif, yn galonogol ac yn ymatebol i ystod eang o anghenion gan ein myfyrwyr, ac yn eich helpu i fynd ymlaen i'r cwrs gradd yn hyderus.

I gael manylion Arweinydd y Cwrs ar y rhaglen radd, ewch i dudalen y cwrs.

Rhagolygon Gyrfa

Mae llawer o’r graddedigion o’r radd LLB yn mynd ymlaen i astudiaeth ôl-raddedig wrth iddynt geisio symud ymlaen ymhellach yn eu haddysg gyfreithiol. Os ydych chi’n ystyried ymuno â’r Bar, byddwch yn gallu symud i Gwrs Hyfforddi’r Bar, neu os ydych eisiau gorffen Diploma Lefel 6 CILEX mewn Ymarfer Cyfreithiol, gallwch wneud hynny hefyd.

Dy yrfa yn y dyfodol

s ydych chi'n ystyried mynd mewn i swydd ar ôl cwblhau eich gradd, gallwch symud ymlaen i gymhwyso fel cyfreithiwr gyda'r LLM Ymarfer Proffesiynol a pharatoi ar gyfer yr Arholiad Cymhwyso I Gyfreithwyr (SQE). Mae nifer o’n graddedigion yn y gyfraith yn dewis rolau mewn technoleg gyfreithiol, gwaith cymdeithasol, yr heddlu, sefydliadau trydydd sector, busnes, cyllid ac AD i enwi ond ychydig.

Mae llwybrau gyrfa posibl yn cynnwys:

Cyfreithiwr
Barnwr
Ynad

"Fy hoff ran o’r cwrs fu gwirfoddoli yn y Clinig Cyngor Cyfreithiol, gan gynorthwyo cleientiaid go iawn sy’n ceisio cyngor."

Brandon Rees, Myfyriwr Y Gyfraith

Dysgu mwy

Disgwyliadau cyflog

Gall gradd Y Gyfraith agor cyfleoedd ar draws y sector. Mae gyrfaoedd Y Gyfraith yn cynnig potensial enillion cryf:

Cyflog canolrifol

DU: £43.6k y flwyddyn
Cymru: £36.6k y flwyddyn

Cyfanswm y swyddi yn 2025

DU: 1.35m
Cymru: 54,052

Ffynhonnell: Lightcast Labour Market Data 2026

Partneriaid Diwydiant

Rydym yn gweithio gyda’r sector gwasanaethau cyfreithiol i ddarparu lleoliadau gwaith gwerthfawr i’n myfyrwyr LLB y Gyfraith gan gynnwys yn y Senedd, Cyngor ar Bopeth, Cyngor RhCT a Hugh James.

Ar ôl i chi symud ymlaen i'r cwrs gradd, cewch gyfle i wneud cais am leoliad gwaith blwyddyn ar ôl eich ail flwyddyn o astudiaethau israddedig neu leoliad byrrach o hyd at dri mis rhwng eich ail a'ch trydedd flwyddyn. Mae’n opsiwn gwych os ydych eisiau cymysgedd o ddysgu, addysgu ac asesu academaidd ac ymarferol.

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

Sut i wneud cais Datganiad Derbyniadau Cyd-destunol Gofynnwch gwestiwn i ni

48 Pwyntiau UCAS neu'n uwch

Gofynion cymhwyster nodweddiadol

Lefel A:
DD, i eithrio Astudiaethau Cyffredinol.

BTEC:
Llwyddiant Diploma Estynedig BTEC.

Mynediad i AU:
Pasio'r Diploma Mynediad i AU gydag o leiaf 48 pwynt tariff UCAS.

Lefel T:
P (C ac uwch).

Gofynion ychwanegol:
Mae'r Brifysgol fel rheol yn gofyn am o leiaf 5 TGAU gan gynnwys Mathemateg / Rhifedd a Saesneg ar Radd C neu Radd 4 neu'n uwch, neu'r hyn sy'n cyfateb iddynt, ond rhoddir ystyriaeth i amgylchiadau unigol.

Bydd profiad gwaith/bywyd personol perthnasol yn cael ei ystyried.

Sylwch, er nad oes angen Gwiriad DBS ar gyfer y cwrs hwn ar gyfer mynediad, ni fydd rhai proffesiynau'n ystyried ymgeiswyr sydd â rhai mathau o gollfarnau troseddol. Felly, os oes gennych gollfarn troseddol a'ch bod yn ystyried llwybr gyrfa penodol, byddem yn argymell eich bod yn gwirio gyda'r corff proffesiynol perthnasol neu'n cyfeirio at eu polisi recriwtio i sicrhau na fydd eich collfarn yn eich rhoi dan anfantais.

Ffioedd a Chyllid

Ffioedd a Chyllid Ysgoloriaethau a Bwrsariaethau Cymorth Costau Byw

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

Ffioedd Dysgu Blwyddyn Sylfaen
Lle bo'n berthnasol, mae'r Ffioedd Dysgu i fyfyrwyr rhyngwladol fel y rhestrir yn adran y ffioedd uchod. Nodwch mai dim ond ar gyfer y Flwyddyn Sylfaen y mae’r ffi a ddangosir. Yn y blynyddoedd dilynol, codir y ffi dysgu israddedig safonol sy’n berthnasol ar gyfer y flwyddyn academaidd berthnasol.

Gwybodaeth Bellach
Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol. Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.

Ffi Rhyngwladol Rhan-amser £ 17,600

Fesul blwyddyn

Ffioedd a Chyllid Ysgoloriaethau a Bwrsariaethau Cymorth Costau Byw

Y brifysgol orau yng Nghymru a'r 24ain allan o 123 o brifysgolion yn y DU.

Canllaw Prifysgolion y Guardian 2027

Three USW students walking outside of Cardiff Campus - Atrium

10 pwnc wedi'u rhestru yn y 10 uchaf yng Nghanllaw Prifysgolion y Guardian 2027, gan gynnwys dau yn y safle cyntaf.

Three students studying in a pod in the library at Cardiff campus

Ar y brig am y 6ed flwyddyn yn olynol yng Nghymru ar gyfer busnesau newydd, a'r 7fed yn y DU. (HEBCIS)

Archwiliwch ein cyfleusterau

Edrychwch yn agosach ar ein cyfleusterau Cyfraith

Ein Cyfleusterau Cyfreithiol

Gweld ble byddwch chi'n astudio ac yn ennill profiad cyfreithiol ymarferol yn Ysgol Gyfraith PDC. O'n llys ffug a'n Clinig Cyngor Cyfreithiol i'r Ganolfan Efelychu Hydra, mae ein cyfleusterau arbenigol yn helpu i ddod â theori gyfreithiol yn fyw a'ch paratoi ar gyfer ymarfer proffesiynol.

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS.

Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

Y Gyfraith gan gynnwys Blwyddyn Sylfaen
- Llawn Amser, 4 blynedd
- Medi
- Pontypridd
Apply direct

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Gall ymgeiswyr a dderbynnir drwy fynediad uwch astudio cyfuniad gwahanol o fodiwlau i'r rhai a hysbysebir, gan y byddant yn ymuno â chwrs sydd eisoes ar y gweill. Fe wnawn ni gysylltu â chi a’ch cynghori chi am y modiwlau hyn unwaith y bydd eich cais wedi'i brosesu a chynnig wedi'i wneud.

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Straeon Myfyrwyr

Ymwelais â thair prifysgol ond dewisais PDC oherwydd bod ganddi amgylchedd mwy croesawgar. Mwynheais fynd o gwmpas y campws a gweld y cyfleusterau. Gwnaeth y Clinig Cyngor Cyfreithiol, y Ffug Lys, a’r profiadau ymarferol iawn sydd ar gael.

Shayla Virgo Annie Snee, Myfyriwr Hanes

Gweld proffil myfyrwir

Straeon Myfyrwyr

Un o’m cyfnodau mwyaf balch yn PDC oedd cymryd rhan mewn rhaglen allgymorth Cyfraith Stryd yn Nhribiwnlys Cyflogaeth Caerdydd. Helpodd fy nghyfoedion a minnau bobl heb gynrychiolaeth gyfreithiol i ddeall proses y tribiwnlys.

Kayode Aseweje Kayode Aseweje, Graddedig Y Gyfraith

Gweld proffil myfyriwr

Straeon Myfyrwyr

Fy hoff ran o’r cwrs fu gwirfoddoli yn y Clinig, gan gynorthwyo cleientiaid go iawn sy’n ceisio cyngor ar wahanol faterion cyfreithiol, yn enwedig tribiwnlysoedd cyflogaeth. Mae cefnogi pobl sy’n cynrychioli eu hunain wedi bod yn werth chweil, gan feithrin fy hyder a’m sgiliau ymarferol.

Brandon Rees Brandon Rees

Gwelf proffil myfyriwr

Straeon Myfyrwyr

Yn ystod fy amser yma, rydym wedi cael cyfleoedd rhwydweithio gyda chwmnïau cyfreithiol ar gyfer profiad gwaith a chefnogaeth gan wahanol dimau cyfreithiol i wella ein haddysg. Mae’r cyfleusterau yn PDC, fel y Ffug Lys, wedi caniatáu ymdeimlad o realaeth.

Emily Harding Emily Harding

Gwelf proffil myfyriwr

Straeon myfyrwyr

"Drwy ddarganfod y Flwyddyn Sylfaen, cefais hyd i ffordd ymlaen. Dangosodd i mi nad oedd rhaid i’m haddysg ddod i ben - gallwn barhau i adeiladu dyfodol yn gwneud rhywbeth roeddwn i’n ei garu."

Tito Myfyriwr Blwyddyn Sylfaen

Gweld proffil myfyriwr

Straeon ac uchafbwyntiau cysylltiedig

Erthygl Newyddion

Barod i wneud cais?

Dal i archwilio eich opsiynau?

Bywyd Myfyrwyr Ein lleoliadau Llety

Trosolwg o'r Cwrs