Y Gyfraith

Eich cyflwyniad i sgiliau cyfreithiol academaidd a phroffesiynol hanfodol sy'n tanategu eich astudiaethau a'ch cymhwysiad o'r gyfraith. 

*Mae modd astudio'r modiwl hwn 100% drwy gyfrwng y Gymraeg

Datblygwch eich gwybodaeth a'ch dealltwriaeth o chyfraith trosedd, ynghyd â'i chyd-destun cymdeithasol, gwleidyddol a hawliau dynol.  

Archwiliwch gyfraith gyfansoddiadol a gweinyddol, a chyfraith yr UE. Cewch ddealltwriaeth o’r egwyddorion cyfansoddiadol fel y maent yn berthnasol i unigolion, sefydliadau a chyrff cyhoeddus. 

Dysgwch hanfodion system gyfreithiol Cymru a Lloegr, gan gynnwys y gyfraith, strwythurau cyfreithiol, sefydliadau a phobl, ynghyd â’r cyd-destun gwleidyddol y mae’n gweithredu ynddo.

Cewch ddealltwriaeth o hanfodion cyfraith contract, sef conglfaen atebolrwydd sifil, sy'n cwmpasu cysyniadau megis rhyddid i gontractio, cytundeb a chydsyniad.

Modiwl rhyngweithiol sy'n cael ei addysgu trwy senario ffug.  Byddwch yn gweithio gyda cwmnïau i gynrychioli cleient trwy achos o'r dechrau i'r diwedd, gan gynnwys cyfryngu ffug a sesiynau Hydra.

Archwiliwch heriau o ran mynediad at gyfiawnder a chynrychioli eraill. Ymdrinnir ag eiriolaeth, dulliau amgen o ddatrys anghydfod, a sgiliau cyfweld. 

Ymgollwch yn hanfodion cyfraith tir, gan gynnwys natur tir, teitlau i dir, lesoedd, cydberchnogaeth ac ymddiriedolaethau.

Beth yw effaith technoleg ar ymarfer cyfreithiol? Trafodwch dueddiadau a dadansoddi'r sgiliau digidol sydd eu hangen ar weithwyr cyfreithiol proffesiynol yn y dyfodol.

Gwerthuswch y gyfraith yng Nghymru a Lloegr yn feirniadol, gan gynnwys effaith anghydraddoldeb fel dosbarthiad anghyfartal grym, cyfoeth a dylanwad wrth greu’r gyfraith.

Archwiliwch benderfyniadau deddfwriaethol a barnwrol a’u heffaith ar fusnes, gan gwmpasu gwerthu nwyddau, rhwymedïau, trosglwyddo eiddo, danfon, derbyn a thalu.

Cewch ddealltwriaeth o egwyddorion allweddol tystiolaeth droseddol a'u cymwysiadau ymarferol, gan gynnwys rheolau tystiolaeth mewn treialon troseddol.

Gloywch eich dealltwriaeth o gyfraith teulu, gan gynnwys y cyd-destun cymdeithasol a gwleidyddol y mae’n gweithredu ynddo, gan gwmpasu cynnal plant, ysgariad, cam-drin domestig a phriodas dan orfod.

Rhowch theori ar waith a datblygu sgiliau proffesiynol, meddwl yn feirniadol, gweithio mewn tîm a chyfathrebu mewn lleoliad proffesiynol 70 awr o hyd.

*Mae modd astudio'r modiwl hwn 100% drwy gyfrwng y Gymraeg

Dilynwch eich diddordebau a gwella eich sgiliau ymchwil a chyflwyno trwy ysgrifennu a chyflwyno gweithdy ar gyfer grŵp cymunedol am faes o'r gyfraith.

Datblygwch eich gwybodaeth am egwyddorion hanfodol a sut mae'r gyfraith yn berthnasol i'r berthynas rhwng cyflogwyr a gweithwyr, gan gynnwys materion cyfredol a materion yn y dyfodol. 

Treuliwch flwyddyn gyfan yn y DU neu dramor yn ennill profiad yn y gweithle neu'n rhyngwladol. Adeiladwch bersbectif byd-eang, datblygwch rwydweithiau proffesiynol, a myfyriwch ar eich twf fel arweinydd y dyfodol.

Datblygwch chwilfrydedd deallusol a thrylwyredd academaidd gyda phrosiect ymchwil unigol o'ch dewis. Pa fater cyfreithiol cyfoes y byddwch yn ei archwilio?

Esblygwch eich dealltwriaeth o faterion cyfraith trosedd, gan gynnwys trosedd, cosb a hawliau dynol, galluedd, amddiffyniadau, lladdiad, troseddau rhywiol, a phenderfyniadau diwedd oes.

Archwiliwch y gwaith o reoleiddio banciau a'r system fancio, gan gynnwys y benthyciwr pan fetha popeth arall, digonolrwydd cyfalaf a hylifedd, a throseddau ariannol.

Modiwl ymarferol lle gall myfyrwyr gymhwyso eu gwybodaeth a meithrin sgiliau proffesiynol trwy ddarparu cyngor cyfreithiol pro bono i'r cyhoedd. 

Datblygwch eich dealltwriaeth o gyfraith defnyddwyr a’r gyfraith sifil, gwerthu nwyddau, telerau annheg, masnachu teg a rhwymedïau, ac ystyriwch faterion yn y byd go iawn fel nwyddau diffygiol a ffug. 

Dewiswch sut rydych chi’n ymgysylltu â’r modiwl hwn, naill ai drwy gymryd un o ddau aseiniad ymchwil neu drwy gymryd rhan yng nghlinig polisi ein Clinig Cyngor Cyfreithiol.

Datblygwch wybodaeth am gyfraith cwmnïau yng Nghymru a Lloegr, gan gynnwys hawliau a chyfrifoldebau a ffurfio cwmnïau. Trafodwch faterion fel Cyfrifoldeb Cymdeithasol Corfforaethol.

Adeiladwch ar eich gwybodaeth, gan gwmpasu contractau cyflogaeth, hawliau statudol, diswyddo anghyfiawn ac annheg, dileu swydd, a gwahaniaethu yn y gwaith.

Trafodwch fodolaeth ac ystyr cydraddoldeb, a datblygu eich defnydd beirniadol o reolau ac egwyddorion cyfreithiol sy'n amddiffyn rhag gwahaniaethu.

Cymhwyswch y gyfraith i senarios cymhleth wrth i chi ddysgu am ymddiriedolaethau datganedig a goblygedig, perthnasoedd ymddiriedol, dyletswyddau, pwerau ac atebolrwydd ymddiriedolwyr, a rhwymedïau ecwitïol.

Gloywch eich dealltwriaeth o gyfraith teulu, gan gynnwys y cyd-destun cymdeithasol a gwleidyddol y mae’n gweithredu ynddo, gan gwmpasu cynnal plant, ysgariad, cam-drin domestig a phriodas dan orfod. 

Trafodwch yn feirniadol safbwyntiau ffeministaidd a safbwyntiau eraill ar y gyfraith. Archwiliwch gyfreitheg ffeministaidd a rôl y gyfraith o ran gorfodi a chwalu anghydraddoldebau. 

Archwiliwch gyfreithiau cyfansoddiadol a sylweddol yr Undeb Ewropeaidd a Hawliau Dynol Ewrop, gan gynnwys eu hanes a sut maent yn ymwneud â chyfraith genedlaethol y DU.

Archwiliwch gyfraith Rufeinig, cyfraith ganon a chyfraith gwlad fel llwybr i ddeall cyd-destun hanesyddol y system gyfreithiol heddiw. Trafodwch y materion cyd-destunol sy'n llywio datblygiad cyfreithiol. 

Dadansoddwch yn feirniadol y gwahanol fathau o atebolrwydd cyfreithiol mewn chwaraeon. Datblygwch eich dealltwriaeth o atebolrwydd sifil a throseddol, gwahaniaethu, a hawliau darlledu.

Archwiliwch yn ddwfn i safbwyntiau damcaniaethol ac astudiaethau achos i ddeall prif ysgolion cyfreitheg, dadleuon hawliau dynol, anthropoleg gyfreithiol a realaeth gyfreithiol.

Datblygwch eich gwybodaeth sylfaenol, gan gwmpasu ymreolaeth a chydsyniad, esgeuluster clinigol, atgenhedlu, genedigaeth a magu plant, a materion diwedd oes fel ewthanasia a rhoi organau.

Dilynwch eich diddordebau a gwella eich sgiliau ymchwil a chyflwyno trwy ysgrifennu a chyflwyno gweithdy ar gyfer grŵp cymunedol am faes o'r gyfraith.

Archwiliwch y setliad cyfansoddiadol yng Nghymru. Cewch ddealltwriaeth o arwyddocâd datganoli, a lleolwch a dadansoddi ffynonellau perthnasol cyfraith Cymru.

Datblygwch eich gwybodaeth am y gyfraith sy’n ymwneud â phlant, gan ystyried cyfraith trosedd, amddiffyn plant, hawliau plant, a’r llys ieuenctid a chyfiawnder ieuenctid.