MSc

Ymchwiliad Fforensig

Mentrwch i faes ymchwiliadau fforensig ymdrochol, yn seiliedig ar brofiadau o’r byd go iawn. Datblygwch eich sgiliau meddwl beirniadol a defnyddiwch eich chwilfrydedd gyda thechnegau arloesol a gwaith achos ymarferol. Cydweithiwch gyda gwahanol ddisgyblaethau i ddatblygu sgiliau o safon y diwydiant gan ddefnyddio'r offer diweddaraf a sefyllfaoedd efelychiadol dilys.

Sut i wneud cais Archebu lle ar noson Agored Sgwrsio â Ni

Manylion Cwrs Allweddol

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £11,060*

  • Myfyrwyr rhyngwladol

    £17,900*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £1,229*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.
Gwneud Ymholiad

Dewch i ddysgu am ymchwiliadau fforensig yn y byd go iawn trwy ddulliau addysgu ymdrochol ac arbenigol, a phrofiad ymarferol.

CYNLLUNIWYD AR GYFER

Mae ein cwrs wedi'i gynllunio ar gyfer graddedigion, gweithwyr proffesiynol yn y maes cyfiawnder troseddol, a phobl sydd am newid gyrfa ac angen hyfforddiant arbenigol mewn ymarfer ac ymchwiliadau fforensig. Yn addas ar gyfer pobl o amryw gefndiroedd, mae'n cefnogi dilyniant mewn rolau’n ymchwilio i leoliadau troseddu, yn plismona ac mewn gwasanaethau fforensig. Mae’n datblygu sgiliau uwch ym maes trin tystiolaeth, rheoli achosion, a chydweithredu aml-asiantaethol.

Llwybrau Gyrfa

  • Ymchwiliwr Lleoliadau Troseddu
  • Ymchwiliwr Cyhoeddus neu Breifat
  • Y Gwasanaethau Brys
  • Y Gwasanaeth Sifil
  • Cyrff Llywodraethol

Sgiliau a Addysgir

  • Cydweithio
  • Cyfathrebu effeithiol
  • Rheoli amser
  • Meddwl yn feirniadol
  • Arwain

Rydym yn gwneud gwahaniaeth yn ymarferol, nid ar bapur yn unig. Mae ein cwrs wedi'i ddylunio a'i gyflwyno gan gyfrifwyr gweithredol ac mae ein graddedigion wedi mynd ymlaen i wneud gwahaniaeth go iawn yn eu gyrfaoedd.

A student wearing a white, sterile, hazard protection overall photographs evidence in a brown paper bag that is being held by another student who is dressed the same in front of a large window with cream curtains. In front of them is a screwdriver on a wooden round table with a yellow evidence marker
Two students in white, sterile, hazard suits with purple and blue medical gloves and blue face masks observe evidence and chat outside the crime scene house in Glyntaff
Forensic student conducting a crime scene training scenario.
Two students in white laboratory coats and blue scientific gloves point at a computer inside the USW forensic science lab
Two students in white, sterile, hazard suits with purple medical gloves and blue face masks observe evidence with a clipboard outside the crime scene house, cordoned off by police tape, in Glyntaff
The University's Bernard Knight building.

Uchafbwyntiau’r Cwrs

Cyfleusterau arloesol

Ymchwiliwch leoliadau troseddu efelychiadol a chasglu tystiolaeth hanfodol gyda'r dechnoleg a'r offer diweddaraf, gan gynnwys ein cyfleusterau efelychu.

Profiad yn y Byd Go Iawn

Datblygwch sgiliau a gwybodaeth wrth fwynhau profiad ymchwilio dilys gyda'r offer a'r technegau a ddefnyddir yn y diwydiant

Dysgu gan yr Arbenigwyr

Dysgwch gan ystod amrywiol o staff, oll yn arbenigwyr â blynyddoedd o brofiad yn y byd academaidd ac yn y diwydiant.

Adeiladu gwytnwch

Datblygwch wytnwch trwy fynd i’r afael â heriau o’r byd go iawn i'ch paratoi at yrfa yn y maes fforensig sydd yn aml â phwysau uchel ynghlwm wrtho.

Trosolwg o’r Cwrs

Byddwn yn eich helpu i ddatblygu sgiliau uwch ar gyfer ymchwiliadau i leoliadau troseddu, dehongli tystiolaeth, rheoli achosion, a gweithio aml-asiantaethol. Mae myfyrwyr yn dysgu gwerthuso tystiolaeth yn feirniadol, cyfleu canfyddiadau, a gweithredu'n foesegol mewn ymchwiliadau cymhleth. Mae dysgu ymdrochol, ymarferol a phrosiect ymchwil yn paratoi graddedigion ar gyfer rolau o fewn y sectorau fforensig, plismona a chyfiawnder troseddol.

Ymchwiliadau Uwch i Leoliadau Troseddu
Mae'r modiwl hwn yn datblygu sgiliau uwch ar gyfer rheoli lleoliadau troseddu cymhleth, ac yn cwmpasu strategaethau fforensig, gwneud penderfyniadau, rhagfarn wybyddol, dehongli tystiolaeth, ac effaith seicolegol ymchwiliadau ar weithwyr proffesiynol lleoliadau troseddu.

Tystiolaeth Fforensig mewn Ymchwiliadau
Byddwch yn archwilio’r gwahanol  fathau o dystiolaeth fforensig ddatblygedig, gan gynnwys DNA, olion bysedd, digidol a chyffuriau. Byddwch yn dysgu sut i gasglu, dehongli a defnyddio tystiolaeth o fewn fframweithiau cyfreithiol, gyda phwyslais ar sicrhau ansawdd, rheoleiddio, ac achrediadau fforensig yn y DU.

Technegau Ymchwilio a Chyflwyno Tystiolaeth
Byddwch yn datblygu arbenigedd ymchwilio trwy waith achos go iawn ac efelychiadau, gyda ffocws ar gyfweld, cydlynu rhwng aml-asiantaethau, a sgiliau llys. Mae pwyslais ar feddwl yn feirniadol, rheoli tystiolaeth, a chyflwyno moesegol ac effeithiol o fewn fframweithiau cyfreithiol.

Ymchwiliadau Tân, Ffrwydradau, ac achosion Cemegol, Biolegol, Radiolegol, Niwclear a Ffrwydrol (CBRNe)
Byddwch yn astudio ymchwiliadau tân, ffrwydradau a CBRNe trwy wyddor hylosgi, rheoli lleoliadau troseddu, ac adfer tystiolaeth. Byddwch yn dysgu sut i reoli digwyddiadau peryglus a chynnal diogelwch, integriti tystiolaeth, a thrylwyredd wrth ymchwilio.

Ymchwil a Datblygu o fewn Ymchwiliadau Fforensig
Byddwch yn ymgymryd â phrosiect ymchwil annibynnol, rhyngddisgyblaethol, yn datblygu a gwerthuso methodolegau fforensig. Byddwch yn ennill sgiliau dadansoddi data, cyfathrebu gwyddonol, a chyflwyno canfyddiadau i safon broffesiynol trwy gyfrwng adroddiadau ysgrifenedig a chyflwyniadau.

Uchafbwyntiau’r Cwrs

Addysgu ac Asesu

Mae ein cwrs yn cael ei gyflwyno trwy gyfuniad deinamig o addysgu wyneb yn wyneb, dysgu ar-lein, a gweithdai ymarferol, gan ddefnyddio astudiaethau achos go iawn ac efelychiadau ymdrochol. Cewch fudd o brofiad ymarferol yn ein cyfleusterau a labordai lleoliadau troseddau arloesol, dan arweiniad staff sydd ag arbenigedd yn y byd go iawn.

Mae’r addysgu yn rhyngddisgyblaethol ac yn seiliedig ar heriau, yn hyrwyddo meddwl beirniadol, cydweithredu, ac ymwybyddiaeth foesegol. Mae'r asesiadau’n  amrywiol ac wedi'u cynllunio i adlewyrchu ymarfer proffesiynol. Maen nhw’n cynnwys tasgau ymarferol, adroddiadau’n seiliedig ar dystiolaeth, cofnodion adfyfyriol, cyflwyniadau, a phrosiectau ymchwil academaidd. Mae'r dulliau hyn yn sicrhau y byddwch yn datblygu hyder a gallu mewn ymchwiliadau  fforensig, ac maen nhw wedi'u seilio ar safonau diweddaraf y diwydiant a chyd-destun ymchwiliadau go iawn.

Staff addysgu

Byddwch yn cael eich addysgu gan dîm amrywiol o academyddion ac ymarferwyr profiadol sydd â phrofiad helaeth yn y diwydiant, gwyddonwyr sy'n cyfuno gwybodaeth academaidd ag ymarfer proffesiynol, ac addysgwyr medrus ac effeithiol â ffocws arnoch chi’r myfyrwyr. Drwy ddefnyddio ein rhwydweithiau proffesiynol cryf, byddwch hefyd yn dysgu'n uniongyrchol gan arbenigwyr fforensig allanol o wahanol sectorau.

Cyfleusterau

Mae ein cwrs yn cynnig hyfforddiant ymarferol gydag offer arbenigol fel y rhai sy’n cael eu  ddefnyddio mewn ymchwiliadau fforensig. Gallwch fynd i'r afael â sefyllfaoedd realistig yn ein tŷ lleoliadau troseddu pwrpasol, digwyddiadau efelychiadol yn yr awyr agored a gyda cherbydau, a lleoliadau tanau efelychiadol. Byddwch yn casglu ac yn dadansoddi tystiolaeth a defnyddio ein labordai sydd â thechnoleg ddatblygedig ynddyn nhw, cyfleusterau efelychu, ac offer digidol.

O'r archwiliad cyntaf o’r lleoliad troseddu i’r gwaith o ysgrifennu’r adroddiad terfynol, byddwch yn cael profiad llawn o brosesau ymchwiliadau. Mae'r cyfleusterau hefyd yn cynnwys ein hyb arloesi a'n labordai cyfrifiadurol, i gyd wedi'u cynllunio i adlewyrchu arferion gwaith y byd go iawn. Mae'r amgylchedd ymdrochol hwn yn sicrhau eich bod yn datblygu’r sgiliau ymarferol a'r hyder sydd eu hangen i weithredu'n effeithiol yn lleoliadau ymchwiliadau fforensig a throseddol.

Gyrfaoedd a Chyflogadwyedd

Gyrfaoedd graddedigion

Mae ein graddedigion yn ennill y sgiliau a'r hyder sydd eu hangen i ragori mewn rolau fforensig amrywiol. Bydd yr hyfforddiant mewn casglu tystiolaeth, dadansoddi, ac ymchwiliad rhyngddisgyblaethol yn eu galluogi i fynd i'r afael â heriau yn y byd go iawn. Gydag arbenigedd mewn meddwl yn feirniadol, gwneud penderfyniadau moesegol, a chyfathrebu proffesiynol, gall graddedigion addasu i dechnolegau fforensig sy'n esblygu ac i waith achos cymhleth.

Bydd y cwrs yn datblygu sgiliau arwain, cydweithredu a datrys problemau, gan baratoi’r myfyrwyr i gyfrannu'n ystyrlon mewn asiantaethau cyfiawnder troseddol, labordai fforensig, a thimau ymchwiliadau. Bydd hefyd yn gosod sylfeini cryf ar gyfer ymchwil uwch, gwaith ymgynghori, neu rolau arbenigol yn cefnogi cyfiawnder a diogelwch y cyhoedd ar lefel leol, genedlaethol neu ryngwladol.

Llwybrau gyrfa posibl

Mae ein graddedigion yn cael eu paratoi ar gyfer rolau amrywiol o fewn y sectorau fforensig a chyfiawnder troseddol. Mae llwybrau gyrfa yn cynnwys ymchwilio i leoliadau troseddu, rolau mewn labordai fforensig, gweithio fel ditectifs, ac ym meysydd adolygu achosion a chydlynu tystiolaeth. Mae cyfleoedd hefyd mewn cyrff rheoleiddio, darparwyr gwasanaethau fforensig, asiantaethau llywodraethol, ymchwil academaidd, a diwydiannau cyfreithiol neu yswiriant.

Mae'r cwrs yn cefnogi rolau sy'n cynnwys sicrhau ansawdd, cydymffurfiaeth fforensig, a chymorth ymchwilio yn y sectorau cyhoeddus neu breifat. Gyda sylfaen gref mewn meddwl dadansoddol, dehongli tystiolaeth, ac ymarfer moesegol, mae graddedigion mewn sefyllfa dda i gyfrannu at ymchwiliadau cymhleth a chefnogi cyfiawnder trwy arbenigedd gwyddonol a chydweithredu rhyngddisgyblaethol.

Cymorth gyrfaoedd

Bydd gennych fynediad at gyngor gan y Gwasanaeth Gyrfaoedd a Chyflogadwyedd drwy gydol eich astudiaethau ac ar ôl i chi raddio. Mae hyn yn cynnwys apwyntiadau un-wrth-un gydag ymgynghorydd gyrfaoedd yn y gyfadran ac adnoddau ar-lein helaeth i helpu wrth ystyried opsiynau o ran gyrfa a chreu argraff dda ar gyflogwyr. Mae'r adnoddau yn cynnwys profion seicometrig, asesiadau gyrfa, adeiladwr CV, efelychydd cyfweliad a chymorth gydag ymgeisio. Mae gan ein cronfa ddata o gyflogwyr dros 2,000 o gyflogwyr cofrestredig sy'n targedu myfyrwyr PDC a gall myfyrwyr dderbyn e-byst wythnosol gyda hysbysiadau am swyddi.

Gofynion mynediad

Gofynion cymhwyster nodweddiadol:

Gradd BSc (Anrh) 2:2 o leiaf mewn pwnc sy'n seiliedig ar wyddoniaeth fel gwyddoniaeth fforensig, cemeg, bioleg, neu ymchwiliad fforensig. Fodd bynnag, rydym yn croesawu ceisiadau gan raddedigion o ddisgyblaethau eraill, gan gynnwys y gwyddorau cymdeithasol neu feysydd cysylltiedig, yn enwedig lle gall ymgeiswyr ddangos gwybodaeth berthnasol, profiad, neu ddiddordeb cryf mewn ymchwilio fforensig.

Croesewir ceisiadau gan ddysgwyr sy'n dychwelyd neu'r rhai â chefndiroedd academaidd annhraddodiadol, yn enwedig lle gall dysgu profiadol neu ymarfer diwydiant gefnogi mynediad academaidd.

Mae'r cwrs yn croesawu ymgeiswyr rhyngwladol. Mae angen IELTS 6.0 yn gyffredinol gydag o leiaf 5.5 ym mhob cydran (neu gyfwerth).

Gwybodaeth Ychwanegol:

Nid oes angen gwiriad DBS ar gyfer mynediad ar gyfer y cwrs hwn. Fodd bynnag, gall rhai euogfarnau troseddol effeithio ar rai gyrfaoedd. Os oes gennych euogfarn ac yn ystyried llwybr gyrfa penodol, rydym yn cynghori gwirio gyda'r corff proffesiynol neu'r cyflogwr perthnasol i ddeall eu polisïau recriwtio.

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£11,060

fesul blwyddyn*
Ffi Llawn Amser y DU

£1,229

fesul blwyddyn*
Ffi Llawn Amser Rhyngwladol

£17,900

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Gostyngiad Cyn-Fyfyrwyr

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.

Mae'r Adran yn darparu gorchuddion labordy cotwm addas a sbectol diogelwch ar gyfer defnydd myfyrwyr; felly, ni fydd angen prynu'r eitemau hyn. Fodd bynnag, gall myfyrwyr ddewis prynu eu rhai eu hunain os ydynt yn dymuno. Mewn ambell achos, efallai y bydd angen i fyfyrwyr sy'n cynnal prosiectau wedi'u seilio ar y diwydiant gael offer amddiffynnol personol ychwanegol fel y nodir gan y sefydliad cynnal.

Cost: Amrywiol

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

RWY’N TEIMLO’N LLAWN CYFFRO WRTH FEDDWL FAINT O BROFIAD O’R BYD GO IAWN A THECHNEGAU YMARFEROL FYDD YN CAEL EU DATBLYGU TRWY GYDOL Y RADD MEISTR.

Katie Critchley

Myfyriwr yn Graddio gyda BSc mewn Ymchwiliadau Fforensig

Astudio yn PDC

Mae ein cyrsiau wedi'u cynllunio gydag arweinwyr diwydiant ac yn darparu'r sgiliau a'r profiadau ymarferol y mae'r diwydiant yn gofyn amdanynt. Mae ein cyrsiau hyblyg yn adlewyrchu'r angen am ddysgu gydol oes. Os ydych chi'n gwerthfawrogi addysg yn ymarferol, nid mewn theori yn unig, yna mae PDC ar eich cyfer chi.

Two people studying together at a table, surrounded by books and papers.
Ffioedd a chyllid i ôl-raddedigion
Close up shot of the front of the Alfred Russell wallace building.
Campws Pontypridd, Glyn-taf
A member of staff is smiling and chatting with an open evening visitor.
Digwyddiadau Agored Ôl-raddedig

SUT I WNEUD CAIS

Mae yna broses ymgeisio ar-lein ar gyfer y cwrs hwn. Dewiswch y ffurflen gais ar gyfer y dyddiad cychwyn a’r dull astudio o’ch dewis (h.y. amser llawn neu ran-amser).

Derbyniadau rhyngwladol

Gweler ein cyngor derbyn rhyngwladol i gael rhagor o wybodaeth am sut i wneud cais fel darpar fyfyriwr rhyngwladol.

Cyrsiau Cysylltiedig

Gwyddorau Dadansoddol a Fforensig - MSc Dysgu mwy

Camau Nesaf

Sut i Wneud Cais
Archebwch Noson Agored
Sariad â ni