Seremoni Graddio Prynhawn

Dathlwch Eich Graddio yn ICC Cymru

Wedi'i amgylchynu gan awyr iach a choetiroedd godidog, mae ICC Cymru yn cynnig y cefndir perffaith i nodi eich carreg filltir academaidd. Gyda mannau llawn golau a digon o le i ailgysylltu, dyma le mae atgofion bythgofiadwy yn cael eu creu.

Gwnewch i'r Foment Ddisgleirio

Ar ôl y seremoni, gall y dathliadau barhau gyda'ch cyd-fyfyrwyr, eich teulu a’ch ffrindiau. Crwydrwch ein stondinau bwyd blasus a'n bariau dros dro drwy gydol y dydd, nid oes angen archebu ymlaen llaw ar gyfer diodydd na bwyd yn ICC Cymru.

Fodd bynnag, os ydych chi am ddathlu yn un o'r bwytai gwych ar draws The Celtic Collection, gan gynnwys Gwesty’r Celtic Manor, Gwesty Coldra Court, Newbridge on Usk, Tŷ Casnewydd a Thŷ Magwyr, bydd angen i chi archebu ymlaen llaw yma i fwynhau 20% oddi ar eich pryd o fwyd, a gwydraid o prosecco am ddim pan fyddwch chi'n archebu ymlaen llaw.*

Dyma'r ffordd berffaith i ddathlu eich llwyddiant mewn steil!

Graddio yw uchafbwynt y flwyddyn academaidd. Mae'n gyfle i ddarpar-raddedigion ddathlu cyflawniadau gyda gwesteion a staff y Brifysgol. Rydym eisiau i chi fwynhau'r diwrnod, felly rydym yn gofyn i chi barchu eraill sydd hefyd yn graddio gyda chi. Rydym yn gwybod eich bod eisiau i bawb fwynhau'r diwrnod cymaint ag y byddwch chi'n ei wneud. 

Er mwyn sicrhau bod pob darpar-raddedig yn cael yr un profiad o gydnabod eu cyflawniadau, hoffem ofyn i ddarpar-raddedigion a gwesteion fod yn ymwybodol o'r canllawiau canlynol: 

• Bydd darpar-raddedigion yn dychwelyd i'w seddau ar ôl iddynt groesi'r llwyfan, dan arweiniad y Marsialiaid 
• Mae disgwyl i ddarpar-raddedigion aros yn eu seddi yn yr awditoriwm drwy gydol y seremoni 
• Disgwylir i westeion aros yn eu seddi yn yr awditoriwm drwy gydol y seremoni, i fod yn ystyriol o eraill o'u cwmpas.  
• Parchwch yr holl raddedigion drwy aros yn dawel drwy gydol y Seremoni a chymeradwyo pob myfyriwr graddedig wrth iddynt gerdded ar draws y llwyfan.

Bydd gwiriadau diogelwch manylach ar waith ar gyfer yr holl seremonïau graddio, a fydd yn cynnwys polisi chwilio i ddiogelu mwynhad yr holl raddedigion a'r gwesteion sy'n mynychu. Gofynnwn i chi gynorthwyo drwy gymryd sylw o'r canlynol: 

• Ni chaniateir bagiau mawr - mae'n debygol y bydd unrhyw fag sy’n fwy na maint bag dwrn merched yn cael ei chwilio 
• Ni chaniateir cesys dillad yn y lleoliad graddio, gellir gwrthod mynediad i ddarpar-raddedigion a gwesteion 
• Bydd darpar-raddedigion a gwesteion ond yn cael eu derbyn i Awditoriwm ICCW os oes ganddynt eu tocynnau. (NODER: Un tocyn i bob gwestai). 

Sicrhewch eich bod yn cynllunio'ch cyrhaeddiad er mwyn caniatáu digon o amser ar gyfer y mesurau diogelwch cynyddol. 

Mae ffotograffiaeth yn wasanaeth galw heibio yn y Brif Neuadd, felly gallwch chi gael eich llun wedi’i dynnu cyn neu ar ôl eich Seremoni. Bydd y ciw ar gyfer lluniau yn cael ei fonitro a bydd yn cau tuag awr cyn amser cychwyn eich Seremoni, bydd hyn yn caniatáu i bob darpar-raddedig fynd i'r Awditoriwm mewn pryd i eistedd ar gyfer y Seremoni.

Rhaid i ddarpar-raddedigion a gwesteion wirio eu tocynnau am fanylion y lefel a rhif y drws y bydd rhaid iddynt ei ddefnyddio i fynd i mewn i'r awditoriwm. Bydd gan docynnau i ddarpar-raddedigion a gwesteion rif sedd penodol arnynt, a byddwch yn cael eich dangos i'r sedd a ddyrannwyd i chi. Sicrhewch eich bod yn cadw'ch tocyn, mae rhif eich sedd yn cyfateb i'r hyn sydd ar eich tocyn. Rhaid i ddarpar-raddedigion fynd i mewn ar wahân ar ôl cyflwyno eu tocynnau i'r Marsial. DARPAR-RADDEDIGION – PEIDIWCH Â SYMUD I SEDD GYFAGOS A ALLAI FOD YN WAG.

SYLWER:  DIM OND YN ÔL DISGRESIWN Y PRIF FARSIAL Y GELLIR DERBYN UNRHYW DDARPAR-RADDEDIGION NEU WESTEION SY'N CYRRAEDD AR ÔL 1.20YH. GWNEWCH YN SIŴR EICH BOD YN CYRRAEDD MEWN PRYD.

Os oes gennych ymholiadau pellach, ewch i’n tudalennau gwe Graddio am ragor o wybodaeth neu ffoniwch ni ar +44 (0)1443 4 82595.