Data a Thrawsnewid Digidol

Cyflwyniad
Mae Hanfodion Arweinyddiaeth ar gyfer Trawsnewid Digidol yn rhaglen arweinyddiaeth pedwar diwrnod sydd wedi'i chynllunio i adeiladu'r sgiliau, yr hyder a’r meddylfryd strategol sydd eu hangen i arwain newid digidol yn llwyddiannus. Mae ei ffocws ar arweinyddiaeth, trawsnewid sefydliadol, a newid diwylliant, gan helpu cyfranogwyr i droi uchelgais ddigidol yn weithredoedd ymarferol.

Ar gyfer pwy mae’r cwrs?
Arweinwyr canol neu uwch, penaethiaid gwasanaethau, asiantau newid, a rheolwyr mewn rolau gwneud penderfyniadau mewn sefydliadau cyhoeddus a phreifat a’r trydydd sector.

Beth fyddwch chi'n ei ddysgu?
Bydd y cwrs yn dyfnhau eich dealltwriaeth o’r rhesymau pam mae trawsnewid digidol yn bwysig a sut i'w arwain yn effeithiol. Byddwch yn dysgu sut i greu gweledigaeth ddigidol glir, ymgysylltu â rhanddeiliaid, adeiladu diwylliant arloesol a chynhwysol, a chyflawni newid cynaliadwy trwy arweinyddiaeth, llywodraethu ac atebolrwydd ystwyth.

Pam dewis y cwrs hwn?

• Wedi'i gynllunio ar gyfer arweinwyr sydd angen sgiliau ymarferol i yrru trawsnewid digidol, nid arbenigedd technegol
• Yn cyfuno dulliau arwain, gweithdai, dysgu gan gymheiriaid, ac astudiaethau achos o’r byd go iawn
• Adeiladu hyder i arwain timau trwy gyfnodau o newid technolegol a diwylliannol
• Yn cefnogi sefydliadau i gryfhau gallu a pharodrwydd digidol

Pris
Pris - £300 y pen
Mae’r cwrs yn cael ei gynnig fel cwrs wedi’i ariannu’n llawn ar gyfer sefydliadau'r sector cyhoeddus a'r trydydd sector yng Nghymru tan fis Mawrth 2027

Dyddiadau fydd ar gael ar gyfer y cwrs
Cwrs 4 diwrnod
Yn dechrau 22 Ebrill (rhithwir), 29 Ebrill (rhithwir), 6 Mai (rhithwir) a 20 Mai (Cyfleuster Hydra, Campws Casnewydd PDC).

Archebwch yma

Cyflwyniad
Mae Dylunio Newid: Arloesedd sy'n Canolbwyntio ar Bobl dros Gymru, yn rhaglen pedwar diwrnod sy'n seiliedig ar ymarfer, ac sy'n rhoi sgiliau meddylfryd dylunio a UX i arweinwyr a rheolwyr er mwyn gwella gwasanaethau, polisïau a phrosesau. Mae cyfranogwyr yn gweithio drwy'r cylch arloesi llawn, gan gynnwys deall anghenion defnyddwyr, diffinio problemau, cynhyrchu syniadau, creu prototeipiau a phrofi atebion, a hynny i gyd wrth ddefnyddio heriau sefydliadol go iawn. Mae'r cwrs yn meithrin hyder i arwain newid, meithrin cydweithio a gwreiddio ffyrdd mwy arloesol o weithio ar draws sefydliadau, sy'n canolbwyntio ar y defnyddiwr.

I bwy mae o?
Arweinwyr, rheolwyr, a gwneuthurwyr penderfyniadau mewn sefydliadau sector cyhoeddus a sector preifat sy'n ceisio arloesi prosesau a gwella mynediad at gynhyrchion a gwasanaethau.

Beth fyddwch chi'n ei ddysgu?
Ar y cwrs hwn, byddwch yn dysgu sut i weithredu meddylfryd dylunio sy'n canolbwyntio ar bobl ac egwyddorion UX gyda heriau sefydliadol go iawn, o ddeall anghenion defnyddwyr hyd at brofi a mireinio atebion. Byddwch yn datblygu sgiliau ymarferol mewn ymchwil defnyddwyr, diffinio problemau, creu syniadau, creu prototeipiau, a gwella ailadroddus, gan ddefnyddio offer fel mapio empathi, mapio teithiau, a datganiadau "Sut Gallem Ni". Byddwch hefyd yn meithrin hyder i arwain arloesedd cydweithredol, sy'n seiliedig ar dystiolaeth, a gwreiddio dulliau newid sy'n canolbwyntio mwy ar y defnyddiwr o fewn eich sefydliad.

Pam dewis y cwrs hwn?

• Meithrin gallu ymarferol wrth arwain arloesedd sy'n canolbwyntio ar y defnyddiwr i fynd i'r afael â heriau sefydliadol cymhleth
• Meithrin hyder gan ddefnyddio meddylfryd dylunio wedi’i brofi a dulliau UX i wella gwasanaethau, polisïau a phrosesau
• Gweithredu dulliau strwythuredig, creadigol sy'n cryfhau cydweithio ac yn ysgogi diwylliant o welliant parhaus
• Gweithio ar heriau byd go iawn i sicrhau bod dysgu yn berthnasol yn uniongyrchol a bod modd ei ddefnyddio ar unwaith yn eich sefydliad

Pris
Pris - £300 y pen
Caiff hwn ei gynnig fel cwrs wedi'i ariannu'n llawn ar gyfer y sector cyhoeddus a'r trydydd sector yng Nghymru tan fis Mawrth 2027

Dyddiadau cwrs sydd i ddod
Cwrs 4 diwrnod (3 diwrnod o gyflwyno rhithwir, 1 diwrnod mewn gweithdy yng Nghasnewydd)
Yn dechrau 17 Mehefin (wyneb yn wyneb), 24 Mehefin (rhithwir), 1 Gorffennaf (rhithwir) and 8 Gorffennaf 2026 (wyneb yn wyneb).

Archebwch yma

Cyflwyniad
Mae Gorwelion Digidol: Edau, Gefeilliaid, Technoleg a Thrawsnewid yn rhaglen arweinyddiaeth pedwar diwrnod sy'n meithrin dealltwriaeth ddigidol, hyder, a gallu mewn tirwedd dechnolegol sy'n esblygu'n gyflym. Mae'n paratoi arweinwyr i lywio technolegau sy'n dod i'r amlwg, arwain trawsnewid yn effeithiol, a throi cyfleoedd digidol yn werth sefydliadol go iawn.

I bwy mae o?
Arweinwyr, rheolwyr a gwneuthurwyr penderfyniadau mewn sefydliadau sector cyhoeddus a sector preifat sy'n ceisio arloesi prosesau a gwella mynediad at gynhyrchion a gwasanaethau.

Beth fyddwch chi'n ei ddysgu?
Nod y cwrs fydd datblygu eich dealltwriaeth o'r ecosystem ddigidol, gan gynnwys data, deallusrwydd artiffisial, a thechnolegau sy'n dod i'r amlwg, a sut i weithredu'r offer yma i wella’r broses gwneud penderfyniadau a pherfformiad sefydliadol. Byddwch yn meithrin eich hyder wrth arwain trawsnewid digidol, gan ddefnyddio llwyfannau fel Microsoft Copilot a Power Platform, wrth fynd i'r afael â materion allweddol fel moeseg data, diwylliant, a seiberddiogelwch.

Pam dewis y cwrs hwn?

• Wedi'i gynllunio'n benodol ar gyfer arweinwyr sydd angen deall newid digidol ar lefel strategol a sefydliadol yn hytrach nag un dechnegol.
• Yn cyfuno astudiaethau achos o'r byd go iawn, mewnbwn arbenigwyr, ac efelychiad seiberddiogelwch byw i ddod â dysgu'n fyw
• Yn helpu sefydliadau i leihau risg a gwella gwneud penderfyniadau mewn amgylcheddau digidol sy'n newid yn gyflym
• Yn cefnogi datblygiad proffesiynol drwy gryfhau hyder arweinyddiaeth wrth lywio newid cymhleth digidol a newid sy'n cael ei yrru gan ddeallusrwydd artiffisial

Pris
Pris - £300 y pen
Caiff hwn ei gynnig fel cwrs wedi’i ariannu'n llawn ar gyfer y sector cyhoeddus tan fis Mawrth 2027

Dyddiadau cwrs sydd i ddod
Cwrs 4 diwrnod (3 diwrnod o gyflwyno rhithwir, 1 diwrnod yn Ystafell Hydra Casnewydd)
Yn dechrau 2, 9, 16 (rhithwir) and 23 Medi 2026 (wyneb yn wyneb).

Archebwch yma

Datglowch bŵer data i yrru penderfyniadau mwy craff drwy ein cwrs undydd, Arweinyddiaeth Data, wedi'i deilwra'n benodol ar gyfer arweinwyr a rheolwyr. Mae'r gweithdy ymarferol hwn yn eich arfogi â'r wybodaeth strategol a'r offer ymarferol sydd eu hangen i harneisio data yn effeithiol, gwella darpariaeth gwasanaethau, a meithrin diwylliant o wneud penderfyniadau sy'n seiliedig ar ddata.

Trosolwg o'r Cwrs

Nod y cwrs undydd hwn yw rhoi dealltwriaeth sylfaenol i gyfranogwyr o arweinyddiaeth data, gan ganolbwyntio ar wneud penderfyniadau sy'n seiliedig ar ddata, rheoli data, a meithrin diwylliant sy'n canolbwyntio ar ddata o fewn sefydliadau.

Pynciau’r cwrs

Gwneud Penderfyniadau sy'n Cael eu Gyrru gan Ddata

• Diffiniad a manteision
• Astudiaethau achos ac enghreifftiau
• Gweithgaredd rhyngweithiol: Dadansoddi data i wneud penderfyniad

Rheoli Data

• Ansawdd data, llywodraethu a diogelwch
• Offer ac arferion gorau
• Heriau wrth reoli data

Creu Diwylliant sy'n cael ei Yrru gan Ddata

• Adeiladu tîm llythrennog o ran data
• Annog defnydd data mewn gweithrediadau dyddiol
• Hyrwyddo mentrau sy'n cael eu gyrru gan ddata

Galluogi Rhagolwg drwy Ddata

• Defnyddio dadansoddeg i gynllunio’n strategol
• Ymateb i dueddiadau'r diwydiant
• Datblygu strategaeth sy'n seiliedig ar ddata ar gyfer cwmni damcaniaethol

Canlyniadau Dysgu

Erbyn diwedd y cwrs hwn, bydd y cyfranogwyr yn gallu:

• Deall pwysigrwydd arweinyddiaeth data mewn sefydliadau modern.
• Gweithredu prosesau gwneud penderfyniadau sy'n seiliedig ar ddata.
• Rheoli ansawdd data, llywodraethu a diogelwch.
• Meithrin diwylliant sy'n seiliedig ar ddata o fewn eu timau.
• Defnyddio data i osod nodau strategol ac ymateb i dueddiadau'r diwydiant.

Pwy ddylai ddilyn y cwrs?

Mae'r cwrs hwn yn ddelfrydol ar gyfer rheolwyr, arweinwyr timau a gweithwyr proffesiynol sy'n ceisio gwella eu prosesau gwneud penderfyniadau strategol trwy ddata, gwella arferion llywodraethu data, a meithrin diwylliant sy'n seiliedig ar ddata o fewn eu sefydliadau.

Dyddiad ac amseroedd y cwrs

Nid oes dyddiadau ar gyfer y cyrsiau nesaf. Cofrestrwch eich diddordeb os hoffech neilltuo lle ar y cwrs hwn, os gwelwch yn dda.

Tiwtor y Cwrs

Dr Rebecca Peters yw Pennaeth Pwnc Cyfrifiadureg a Mathemateg yn PDC, gan arwain arloesedd academaidd ar draws y ddwy ddisgyblaeth. Mae ei hymchwil yn canolbwyntio ar wyddor data a dadansoddeg ragfynegol, gyda chydweithrediad cryf yn y diwydiant ledled De Cymru.

Cyflwyniad

Mae Adrodd Storïau Digidol yn gwrs pum diwrnod ymarferol sydd wedi'i gynllunio i adeiladu'r hyder a'r sgiliau sydd eu hangen i helpu pobl i rannu eu storïau a'u profiadau trwy’r cyfryngau digidol. Mae'n cyfuno technegau adrodd storïau â sgiliau golygu sain a fideo ymarferol, gan alluogi cyfranogwyr i greu storïau digidol ystyrlon a diddorol o'r dechrau i'r diwedd.

Ar gyfer pwy mae’r cwrs?

Unrhyw un sydd â diddordeb mewn adrodd storïau at ddibenion newid, cyfathrebu, ymgysylltu, neu ymchwilio mewn sefydliadau cyhoeddus, preifat a’r trydydd sector.

Beth fyddwch chi'n ei ddysgu?

Bydd y cwrs yn datblygu eich dealltwriaeth o sut mae storïau’n cael effaith a sut i ddefnyddio dulliau adrodd storïau digidol yn effeithiol. Byddwch yn dysgu sut i strwythuro storïau mewn ffordd sy’n cydio yn y dychymyg, sut i ddarganfod storïau drwy sgyrsiau un-wrth-un, sut i recordio a golygu sain a sut i gyfuno delweddau â sain, yn ogystal â dod i ddeall meysydd allweddol fel cydsyniad, moeseg a llywodraethu.

Pam dewis y cwrs hwn?

• Dysgu ymarferol ac uniongyrchol, gyda chyfle i greu eich stori ddigidol eich hun
• Datblygu sgiliau technegol a thechnegau rhyngbersonol adrodd storïau
• Deall gofynion moesegol, cydsyniad, ac arfer da pan yn gweithio gyda storïau
• Delfrydol ar gyfer gweithwyr proffesiynol sy'n defnyddio adrodd storïau ar gyfer ymgysylltu, ymchwilio, neu newid sefydliadol

Pris

£395 y pen

Dyddiadau fydd ar gael ar gyfer y cwrs

Cwrs 5 diwrnod
Yn dechrau 10 Mehefin, 11 Mehefin, 16 Mehefin, 17 Mehefin a 24 Mehefin 2026
Yn dechrau 6 Hydref, 7 Hydref, 13 Hydref, 14 Hydref a 20 Hydref 2026

Archebwch yma

Wrth wraidd unrhyw drawsnewid mae'r angen i newid. Mae'r rhaglen undydd hon yn rhoi ffocws ar ddiwylliant eich sefydliad a sut mae'n chwarae rhan hanfodol yn llwyddiant neu fethiant newid. Drwy ymarferion ymarferol a thrafodaeth feddylgar, byddwn yn gofyn i chi herio eich meddwl beirniadol ynghylch newid, gwytnwch a diwylliant.

Pynciau'r Cwrs

Natur Esblygiad Sefydliadol

• Sut mae sefydliadau'n addasu (neu'n methu ag addasu) er mwyn goroesi
• Astudiaethau achos o sefydliadau a wrthsafodd newid

Arweinyddiaeth a Newidiadau Diwylliannol Dros Amser

• O orchymyn a rheoli i arweinyddiaeth gynhwysol
  • Effaith digwyddiadau byd-eang (e.e. COVID-19) ar ddiwylliant y gweithle

Gweithdy Mapio Diwylliannol

• Nodi cerrig milltir diwylliannol allweddol yn eich sefydliad
• Archwilio effeithiau newidiadau mewn arweinyddiaeth, mabwysiadu technoleg ac ailstrwythuro

Adeiladu Diwylliant o Wytnwch

• Colofnau craidd: Cyfathrebu, Deallusrwydd Emosiynol, Meddylfryd Cadarnhaol, Diogelwch Seicolegol
• Ymarferion rhyngweithiol i ystyried pob colofn

O Feddwl i Fod

• Ymrwymiadau personol a sefydliadol i esblygiad diwylliannol
• Cynllunio camau gweithredu er mwyn ymgorffori gwytnwch mewn ymarfer dyddiol

Canlyniadau Dysgu

Erbyn diwedd y cwrs hwn, bydd y cyfranogwyr yn gallu:

• Gwerthuso’n feirniadol sut mae diwylliant sefydliadol yn dylanwadu ar lwyddiant neu fethiant mentrau newid.
• Nodi a dadansoddi newidiadau diwylliannol hanesyddol a chyfredol o fewn eu sefydliad eu hunain.
• Mapio cerrig milltir diwylliannol a deall eu heffaith ar ddeinameg sefydliadol.
• Defnyddio offer ymarferol i feithrin gwytnwch trwy gyfathrebu, deallusrwydd emosiynol a diogelwch seicolegol.
• Datblygu cynllun gweithredu personol ac fel tîm i gefnogi diwylliant gwydn sy'n barod i newid.

Pwy ddylai ddilyn y cwrs?

Mae'r cwrs hwn yn ddelfrydol ar gyfer arweinwyr a rheolwyr, arweinwyr timau, gweithwyr proffesiynol AD, ac asiantau newid sy'n awyddus i gryfhau diwylliant sefydliadol, arwain trwy newid, ac adeiladu timau gwydn sy’n perfformio ar lefel uchel.

Dyddiad ac amseroedd y cwrs

Nid oes dyddiadau ar gyfer y cyrsiau nesaf. Cofrestrwch eich diddordeb os hoffech neilltuo lle ar y cwrs hwn, os gwelwch yn dda.

Cost

£195

Tiwtor y Cwrs

Mae Pam Heneberry yn hwylusydd ac yn arbenigwr ar ddatblygu arweinyddiaeth. Mae gan Pam brofiad helaeth o hyfforddi, mentora a hwyluso newid o fewn sefydliadau.

Mae hi hefyd yn gyd-awdur y llyfr Critical Leadership: How We Learn to Be Better Leaders, sy'n cyflwyno fframweithiau ymarferol ac offer myfyriol ar gyfer datblygu sgiliau arweinyddiaeth.

Mae'r cwrs undydd hwn yn rhoi cyflwyniad i drawsnewid digidol, gan roi'r wybodaeth a'r offer i gyfranogwyr arwain newid, dylunio atebion sy'n canolbwyntio ar y defnyddiwr, ac ymgyfarwyddo â thechnolegau sy'n dod i'r amlwg. Drwy astudiaethau achos o'r byd go iawn a gweithgareddau ymarferol, bydd y cyfranogwyr yn edrych ar sut mae trawsnewid digidol yn ail-lunio sefydliadau—a sut y gallant chwarae rhan allweddol wrth yrru arloesedd ac effaith yn eu cyd-destunau eu hunain.

Pynciau'r Cwrs

Arweinyddiaeth a Newid yn yr Oes Ddigidol

• Diffinio trawsnewid digidol
• Rôl arweinyddiaeth mewn newid
• Modelau rheoli newid (8 Cam Kotter, ADKAR)
• Beth mae arweinyddiaeth ddigidol yn ei olygu i chi?

Profiad Defnyddiwr (UX) a Meddwl Dylunio

• Egwyddorion UX a dylunio sy'n canolbwyntio ar bobl
• Cyflwyniad i Feddwl Dylunio
• Empathi, creu persona, a heriau creu syniadau

Offer Digidol a Thechnolegau sy'n Dod i'r Amlwg

• Offer digidol allweddol: cydweithio, dadansoddeg, awtomeiddio
• Technoleg sy'n dod i'r amlwg
• Mapio technoleg a thrafodaethau grŵp

Canlyniadau Dysgu

Erbyn diwedd y cwrs hwn, bydd y cyfranogwyr yn gallu:

• Deall egwyddorion craidd trawsnewid digidol a'i effaith ar sefydliadau.
• Defnyddio strategaethau arweinyddiaeth a rheoli newid i yrru mentrau digidol.
• Defnyddio meddwl dylunio i ddatrys heriau sy'n canolbwyntio ar y defnyddiwr.
• Gwerthuso a mabwysiadu technolegau sy'n dod i'r amlwg sy'n berthnasol i'w cyd-destun.

Pwy ddylai ddilyn y cwrs?

Mae'r cwrs hwn yn ddelfrydol ar gyfer:

• Gweithwyr proffesiynol lefel ganolig i uwch sy'n arwain neu'n cefnogi newid digidol
• Rheolwyr ac arweinwyr timau sy'n ceisio gwella profiad defnyddwyr ac arloesedd
• Unrhyw un sydd â diddordeb mewn deall a defnyddio technolegau sy'n dod i'r amlwg yn eu rôl

Dyddiad ac amseroedd y cwrs

Nid oes dyddiadau ar gyfer y cyrsiau nesaf. Cofrestrwch eich diddordeb os hoffech neilltuo lle ar y cwrs hwn, os gwelwch yn dda.

Cost

£195

Tiwtor y cwrs

Mae Simon Read, Dr Ben Gwalchmai, a David Watkins yn rhoi darlith ar y MSc Arweinyddiaeth Trawsnewid Ddigidol ym Mhrifysgol De Cymru, gan uno arbenigedd mewn dysgu ymgolli, technolegau newydd, a strategaeth ddigidol gynhwysol. Fel hwyluswyr, maent yn cefnogi gweithwyr proffesiynol wrth lywio newidiadau cymhleth trwy offer ymarferol, meddwl creadigol, a mewnwelediad sy'n canolbwyntio ar y sector.

Cwrs Undydd

Mae’r cwrs undydd hwn yn cyflwyno rheolwyr ac arweinwyr i hanfodion deallusrwydd artiffisial, gan herio chwedlau cyffredin, datgelu ei gysyniadau craidd, ac archwilio sut mae eisoes yn ail-lunio arweinyddiaeth, darparu gwasanaethau, ac ymgysylltu â dinasyddion. Gyda chanfyddiadau o astudiaethau achos go iawn ac edrych ymarferol ar offer AI megis modelau iaith mawr (LLMs), bydd cyfranogwyr yn myfyrio ar sut i addasu eu meddylfryd, gwneud penderfyniadau, ac arddulliau arwain er mwyn ffynnu mewn byd sy’n cael ei yrru’n gynyddol gan AI. Byddwn hefyd yn trafod defnydd moesegol o AI, gan sicrhau bod arweinwyr yn barod i hyrwyddo tryloywder ac atebolrwydd.

Canlyniadau Dysgu

• Deall cysyniadau craidd AI a therminoleg sy’n berthnasol i arweinyddiaeth.

• Archwilio cymwysiadau go iawn o AI ar draws diwydiannau.

• Gwerthuso’r cyfleoedd strategol a’r risgiau sy’n gysylltiedig â mabwysiadu AI.

• Dysgu sut i arwain newid sy’n cael ei yrru gan AI a chreu timau sy’n barod ar gyfer AI.

• Llywio ystyriaethau moesegol a defnydd cyfrifol o AI.

• Datblygu map ffordd ar gyfer integreiddio AI i mewn i strategaeth fusnes.

Pynciau’r Cwrs

Datgelu AI

• Beth yw AI (a Beth Ddim)?

• Torri Chwedlau.

• Sut mae AI yn Gweithio (Lefel Uchel).

Y Cyswllt rhwng AI a Data

• Data yw’r Tanwydd.

• Casglu Data.

• Paratoi Data (“Glanhau Data”).

AI ar Waith – Enghreifftiau Defnydd gydag Goblygiadau Moesegol

• Rhagfarn: modelau gwahaniaethol (e.e. adnabod wynebau, offer recriwtio).

• Esboniadwyedd (XAI): Dilema’r bocs du.

• Atebolrwydd: Pwy sy’n gyfrifol pan fydd AI yn mynd o’i le?

• Llywodraethu: Fframweithiau byd-eang (e.e. Deddf AI’r UE, argymhellion UNESCO).

Astudiaethau achos

• Goblygiadau moesegol/polisi posib (rhagfarn, atebolrwydd, preifatrwydd).

Pwy ddylai fynychu

Arweinwyr, rheolwyr, a gwneuthurwyr penderfyniadau ar draws adrannau sy’n dymuno adeiladu llythrennedd sylfaenol mewn AI ac arwain yn hyderus mewn dyfodol wedi’i alluogi gan AI.

Dyddiad a’r amseroedd

Nid oes dyddiadau ar gyfer y cyrsiau nesaf. Cofrestrwch eich diddordeb os hoffech neilltuo lle ar y cwrs hwn, os gwelwch yn dda.

Tiwtor y Cwrs

Dr Mabrouka Abuhmida yw uwch ddarlithydd ac arweinydd grŵp ymchwil ym Mhrifysgol De Cymru, yn arbenigo mewn AI, dysgu peirianyddol, seiberddiogelwch, a chymwysiadau meddygol dysgu dwfn. Mae hi’n arwain cyrsiau MSc a BSc AI, yn hyrwyddo addysg STEM yn weithredol fel mentor ac ambasador, ac mae wedi derbyn sawl gwobr am ei harweinyddiaeth ym maes gwyddor cyfrifiadurol.

Cyflwyniad

Mae Adrodd Storïau Digidol yn gwrs pum diwrnod ymarferol sydd wedi'i gynllunio i adeiladu'r hyder a'r sgiliau sydd eu hangen i helpu pobl i rannu eu storïau a'u profiadau trwy’r cyfryngau digidol. Mae'n cyfuno technegau adrodd storïau â sgiliau golygu sain a fideo ymarferol, gan alluogi cyfranogwyr i greu storïau digidol ystyrlon a diddorol o'r dechrau i'r diwedd.

Ar gyfer pwy mae’r cwrs?

Unrhyw un sydd â diddordeb mewn adrodd storïau at ddibenion newid, cyfathrebu, ymgysylltu, neu ymchwilio mewn sefydliadau cyhoeddus, preifat a’r trydydd sector.

Beth fyddwch chi'n ei ddysgu?

Bydd y cwrs yn datblygu eich dealltwriaeth o sut mae storïau’n cael effaith a sut i ddefnyddio dulliau adrodd storïau digidol yn effeithiol. Byddwch yn dysgu sut i strwythuro storïau mewn ffordd sy’n cydio yn y dychymyg, sut i ddarganfod storïau drwy sgyrsiau un-wrth-un, sut i recordio a golygu sain a sut i gyfuno delweddau â sain, yn ogystal â dod i ddeall meysydd allweddol fel cydsyniad, moeseg a llywodraethu.

Pam dewis y cwrs hwn?

• Dysgu ymarferol ac uniongyrchol, gyda chyfle i greu eich stori ddigidol eich hun
• Datblygu sgiliau technegol a thechnegau rhyngbersonol adrodd storïau
• Deall gofynion moesegol, cydsyniad, ac arfer da pan yn gweithio gyda storïau
• Delfrydol ar gyfer gweithwyr proffesiynol sy'n defnyddio adrodd storïau ar gyfer ymgysylltu, ymchwilio, neu newid sefydliadol

Pris

£395 y pen

Dyddiadau fydd ar gael ar gyfer y cwrs

Cwrs 5 diwrnod
Yn dechrau 10 Mehefin, 11 Mehefin, 16 Mehefin, 17 Mehefin a 24 Mehefin 2026
Yn dechrau 6 Hydref, 7 Hydref, 13 Hydref, 14 Hydref a 20 Hydref 2026

Cadw lle