Windows Autopilot (Intune)

Beth yw Autopilot

Mae Autopilot yn symleiddio’r broses o osod eich dyfais fel nad oes angen ei throsglwyddo i’r adran TG cyn eich cyrraedd chi.  Gyda thechnoleg newydd sy’n cael ei darparu gan Intune, bydd eich dyfais yn cael ei ffurfweddu ymlaen llaw a bydd yn gosod ei hun ar ei thynnu o’r bocs, gan leihau amseroedd aros a galluogi i chi fod yn weithredol o fewn ychydig funudau.

Yn Ystod y Broses Osod

Rydym yn argymell cwblhau’r camau hyn adref

Cysylltu’r gliniadur â’r cyflenwad pŵer.  Bydd y sgrin gyntaf yn gofyn i chi gysylltu i’ch WiFi. Cliciwch ar yr enw cywir, rhowch eich manylion ac ar ôl cysylltu cliciwch nesaf.

Ar ôl cyfnod byr gofynnir i chi roi eich cyfeiriad e-bost prifysgol, a dylech ei nodi ynghyd â’ch cyfrinair. Cewch eich ailgyfeirio i’r cam dilysu drwy’r Prawf Dilysu Aml-ffactor (Multifactor Authentication neu MFA) a ddewiswyd gennych.

Yna cewch eich cyfeirio at sgrin mewngofnodi safonol lle y dylech nodi eich manylion, unwaith eto gan ddefnyddio eich cyfeiriad e-bost fel yr enw defnyddiwr NID y fersiwn byrrach o’ch enw y byddech yn ei ddefnyddio ar beiriannau bwrdd gwaith y campws.

Pan fyddwch wedi mewngofnodi fe welwch sgrin gosod dyfais ac o bosibl brawf dilysu dau gam.

Ar ôl cyfnod byr (yn dibynnu ar gyflymder eich rhyngrwyd gartref) cewch opsiwn i gofrestru ôl bys neu adnabod wyneb.

Yna cewch eich cymell i ddewis rhif pin chwe digid.

Yna bydd y gliniadur yn dychwelyd i’r bwrdd gwaith ac fe welwch ffenestri naid wrth i systemau newydd gael eu lawrlwytho a’u gosod.  Ar ôl i Teams agor ar ôl ychydig funudau rydych yn barod i ddechrau arni.

Ar ôl Gosod

Er mwyn mewngofnodi o hyn ymlaen mae gennych ddau ddewis y gallwch doglo rhyngddynt gan ddefnyddio’r ddolen “Opsiynau Mewngofnodi”.

Yn gyntaf drwy’r eicon allwedd – “Cyfeiriad e-bost a chyfrinair” lle y byddwch yn nodi eich cyfeiriad e-bost a’ch cyfrinair. 

Yr ail drwy’r eicon bysellbad – “Enw Defnyddiwr a PIN” lle y byddwch yn nodi eich cyfeiriad e-bost a’r PIN rydych wedi’i greu ar eich cyfer, nid eich enw defnyddiwr prifysgol.

Y man cyswllt cyntaf y dylech ei ddefnyddio yw ap porth y cwmni, yma gallwch gael mynediad at opsiynau cymorth, cydamseru eich dyfais a gosodmeddalwedd.

Mae meddalwedd ychwanegol ar gael drwy UniApps sydd wedi’i osod fel safon ar eich dyfais.

Sefydlu eich Dyfais Awtobeilot