- Prifysgol De Cymru

Casgliadau ac ymgyrchoedd yn cyfuno steil, creadigrwydd, a gwybodaeth fusnes.

BA (Anrh) Busnes a Marchnata Ffasiwn

Mae'r prosiect mawr olaf yn para’r rhan fwyaf o'r flwyddyn olaf, yn dechrau gyda'r gwaith ymchwilio a chynllunio’r prosiect yn nhymor un, cyn gweithio ar y prosiect a chyflawni’r briff mewn pryd i ddathlu’r cyflawniadau ar ddiwedd semester dau. Trwy gydol y modiwl hwn cewch eich cefnogi gyda thiwtorialau wythnosol gyda'r tîm addysgu i'ch cefnogi gyda'ch cynnydd.

Gall myfyrwyr greu eu briffiau eu hunain neu gallant ymateb i Friffiau Byw o’r diwydiant. Eleni gweithiodd myfyrwyr ar friff byw gyda chynnwys brand sliperi Bedroom Athletics, roedd cyfleoedd hefyd trwy D&AD a'r Cyngor Ffasiwn i ymateb i friffiau byw yn y diwydiant gan frandiau fel Depop, On sportswear a Pandora Jewlery. Y flwyddyn nesaf mae gennym friff byw cyffrous gyda Size?

El-See gan Elsie Downing

Roedd Elsie Downing eisiau ffocysu ar entrepreneuriaeth, a datblygodd El-See, brand dillad nos newydd wedi’u creu’n lleol. Ar gyfer ei phrosiect datblygodd Elsie ganllawiau brand, cynllun cynnyrch, cynllun marchnata gyda dyluniad fframwaith gwefan a chynnwys ar gyfer y cyfryngau cymdeithasol. Cydweithiodd Elsie â'r diwydiant, gan ddefnyddio chynhyrchydd dillad cŵn lleol i ddatblygu cynnyrch enghreifftiol ar gyfer y sesiynau ffotograffau. Drwy ei phrosiect llwyddodd Elsie i ddangos sgiliau mewn cyrchu a datblygu cynnyrch cynaliadwy, datblygu brand, rheoli prosiectau, steilio a dylunio asedau.

Portffolio Elsie Downing

Ev x Hels gan Fred Steytler-Jones

Mae Fred Steytler-Jones yn angerddol dros ddylunio Clo3D a ffasiwn gynaliadwy, ac roedd eisiau arddangos ei sgiliau a'i ddiddordebau trwy gynhyrchu cynllun cynnyrch ar gyfer ei brosiect, sef siop o fewn Vinted sy'n cynnig nwyddau band ail-law y gellir eu haddasu. Ar gyfer y prosiect hwn datblygodd hefyd gynllun marchnata yn ogystal â llyfr cynnyrch enghreifftiol lle cydweithiodd â grŵp o bobl ifanc sy’n sglefrfyrddio i fodelu ar gyfer y llyfr, i greu esthetig dillad stryd.

Portffolio Fred Steytler-Jones

Outcast Store gan Grace Waters

Roedd Grace Waters yn teimlo bod bwlch yn y farchnad cymheiriaid ar-lein ar gyfer marchnad newydd oedd yn hyrwyddo artistiaid newydd oedd yn gwerthu nwyddau amgen, gan ymateb i adborth negyddol ynghylch Etsy gan gymunedau ar-lein. Cydweithiodd Grace â'i chwaer, artist digidol talentog, a datblygodd nwyddau enghreifftiol i'w defnyddio yn ei ffotograffiaeth. Ar gyfer ei phrosiect datblygodd Grace ganllawiau brand, cynllun marchnata gan gynnwys fframwaith gwefan a chynnwys ar gyfer y cyfryngau cymdeithasol. Gwnaeth hyn alluogi Grace i arddangos ei sgiliau datblygu brand a steilio a’i sgiliau gyda’r cyfryngau cymdeithasol.

Portffolio Grace Waters

BA (Anrh) Hyrwyddo Ffasiwn

Mae myfyrwyr BA (Anrh) Hyrwyddo Ffasiwn eleni yn cyflwyno amrywiaeth ddeinamig o Brosiectau Mawr Terfynol, yn adlewyrchu’r maes cyfathrebu ffasiwn sy’n prysur esblygu.

O ymatebion creadigol i friffiau D&AD New Blood i ymgyrchoedd steilio ffasiwn cynaliadwy â chydwybod cymdeithasol sy’n gweithredu dull cymdeithas-yn-gyntaf, mae'r gwaith yn cwmpasu zines arloesol yn cynnwys dillad stryd, hunaniaeth a diwylliant Cymreig, yn ogystal â llyfrau cynnyrch enghreifftiol Cotopaxi wedi'u curadu'n hyfryd a chylchgronau brand ASOS. Mae’r prosiectau hefyd yn ymchwilio i strategaethau digidol arloesol, cysylltiadau cyhoeddus, hysbysebu a ffotograffiaeth ddogfennol, gyda sawl cydweithrediad nodedig gyda brandiau - gan gynnwys ymgyrch gysyniadol yn uno Hollister gyda'r cerddor Gracie Abrams. Gyda'i gilydd, mae'r prosiectau hyn yn arddangos cenhedlaeth feiddgar, feddylgar a blaengar o gyfathrebwyr ffasiwn.

BA (Anrh) Dylunio Ffasiwn

Mae portffolios ein myfyrwyr blwyddyn olaf yn cynrychioli penllanw blwyddyn ddwys o ymchwilio, datblygu dyluniadau, arbrofi a gwireddu casgliadau. Gan dynnu ar ymchwil marchnad a thechnegol, a strategaethau cysyniadol a hyrwyddo, mae pob portffolio yn arddangos hunaniaeth greadigol unigryw. Eleni, bydd gwaith ein graddedigion yn cael ei gynnwys ar-lein fel rhan o Ragolwg Graddedigion Wythnos Ffasiwn Llundain ym mis Medi.

Alejandra Cordoba Matos - UnDamaged

Jack Hughes - Noble Pursuits

Lowri Tovey - Wild Traction

Scarlett Price - The Future is Botanic

Neilltuwch eich lleDiwrnodau Agored y Brifysgol

Diddordeb mewn Ffasiwn?

Mae graddau ffasiwn ym Mhrifysgol De Cymru yn archwilio ac yn meithrin y cysylltiad rhwng masnacholdeb a chreadigedd. Ein nod yw cynhyrchu graddedigion ffasiwn â gweledigaeth sy'n barod ar gyfer gyrfaoedd llwyddiannus yn y byd manwerthu a ffasiwn.

Darganfod Mwy Gweld Cyrsiau