Cwnsela

Mae Cwnsela PDC yn wasanaeth ymyriad tymor byr yn y Brifysgol. Efallai y cewch eich atgyfeirio at Gwnsela PDC yn dilyn Apwyntiad Cyngor ar Lesiant.

Sut gall cwnsela helpu?

Bydd eich taith gwnsela yn dechrau gydag un sesiwn lle byddwch chi a'ch cynghorydd yn gweithio gyda'ch gilydd i; wneud synnwyr o'ch profiadau, trafod eich gobeithion a'ch amcanion ar gyfer cwnsela ac ystyried sut y gallech gael eich cefnogi i symud ymlaen o unrhyw faterion yr hoffech fynd i'r afael â nhw. Gall cwnsela:

  • ddarparu mwy o hunanymwybyddiaeth a dealltwriaeth o'ch profiadau,
  • eich helpu i ganolbwyntio ar eich meddyliau a'ch teimladau a'u hegluro fel y gallwch ddod i'ch atebion eich hun,
  • eich cefnogi i ddatblygu a gweithredu strategaethau ymdopi effeithiol y gallwch eu defnyddio i atal materion rhag gwaethygu i lefel na ellir ei rheoli,
  • meithrin hunan-barch a hyder a'ch grymuso i wneud newidiadau yn eich bywyd a goresgyn rhwystrau i ymgysylltu â'ch astudiaethau. 

Eich taith Gwnsela

  • Cyn eich apwyntiad cyntaf, bydd angen i chi ddarllen y Cytundeb Cwnsela a anfonir atoch gyda'r e-bost yn cadarnhau eich apwyntiad. Bydd hwn yn esbonio sut mae'r gwasanaeth yn gweithio, yr hyn y gallwch ei ddisgwyl o'r cwnsela a'r hyn a ddisgwylir gennych.
  • Bydd gofyn i chi hefyd lenwi holiadur byr i'n helpu ni i ddeall beth sydd wedi dod â chi i'r gwasanaeth cwnsela.
  • Bydd eich taith gwnsela yn dechrau gydag un sesiwn. I rai pobl bydd y sesiwn hon yn ddigon, ond ar gyfer materion mwy cymhleth a/neu hir-sefydlog, efallai y bydd sesiynau pellach yn briodol. Y nod bob amser fydd cadw cwnsela mor effeithlon a phenodol â phosibl, a'ch helpu i oresgyn rhwystrau i ymgysylltu â'ch astudiaethau.
  • Os cytunir ar sesiynau pellach, cânt eu hamserlennu ar gyfer yr un diwrnod/amser bob wythnos am y nifer cytunedig o wythnosau olynol. Bydd angen i chi sicrhau eich bod ar gael ar eich amser penodedig bob wythnos.
  • Os oes angen i chi ganslo apwyntiad, gofynnwn i chi roi gwybod i ni cyn gynted â phosibl trwy'r dulliau a amlinellir yn y Cytundeb Cwnsela. Bydd methu â gwneud hynny yn arwain at golli eich lle yn y gwasanaeth cwnsela.

Cynhwysiant

Mae gan y tîm cwnsela brofiad helaeth o weithio gyda niwroamrywiaeth, hunaniaeth rhywedd, rhywioldeb, diwylliant ac ethnigrwydd. Rydym wedi ymrwymo i weithio mewn ffyrdd sy'n gynhwysol, yn hygyrch, yn anfeirniadol ac yn gadarnhaol i fyfyrwyr o bob cefndir.