Casnewydd

Noder: Dylai staff sy ' n teithio i gampws Casnewydd nodi mai dim ond i ymwelwyr a deiliaid bathodynnau glas y mae parcio ceir ar gael.

Mae ' r Brifysgol yn argymell yn gryf eich bod yn ystyried trefniadau teithio amgen i yrru lle bo hynny ' n bosibl. Mae ' r holl gampysau ' n cael eu gwasanaethu gan gysylltiadau trafnidiaeth gyhoeddus rheolaidd ac yn hawdd eu cyrraedd ar y ffordd.

Teithio ar fysiau:

Bws Casnewydd yw prif ddarparwr trafnidiaeth gyhoeddus yng Nghasnewydd. Mae dal y bws i fynd am y ddinas ac i Gaerdydd, Cas-Gwent a Chwmbrân nid yn unig yn arbed arian i chi, ond mae ' n dda i ' r amgylchedd hefyd gan ei fod yn helpu i gwtogi ar nifer y ceir ar y ffordd a lefelau llygredd is. Am fwy o wybodaeth ewch i wefan Bws Casnewydd neu cysylltwch â 01633 670563.

Llwybrau ac amserlenni bysiau:

Gellir cael manylion pellach am lwybrau bysiau ac amserlenni oddi wrth Traveline Cymru

Noder: mae’r dyddiad cau ar gyfer ceisiadau am ostyngiad o 34% wedi’i ymestyn i ddiwedd mis Chwefror ac ar ôl hynny bydd yn dychwelyd i 5%.

Teithio ar drên:

Mae gorsaf drenau Casnewydd 20 munud ar droed o Gampws Casnewydd. 

Gostyngiadau tocyn tymor trên blynyddol ar gyfer Staff Grŵp PDC:

Gostyngiad o 5% ar docynnau tymor trên blynyddol - Trafnidiaeth Cymru

Fel rhan o gynllun teithio grŵp PDC ac ar y cyd â Trafnidiaeth Cymru, rydym yn gallu cynnig gostyngiad o 5% ar docynnau tymor trenau blynyddol i staff. Mae gostyngiad ar gael ar draws holl wasanaethau llwybrau Trafnidiaeth Cymru. Ceir rhestr o’r amseroedd diweddaraf ar wefan Trafnidiaeth Cymru. 

• I gyfrifo prisiau eich taith unigol, ewch i Gyfrifiannell Tocyn Tymor gwefan Ymholiadau National Rail
• Rhowch yr orsaf yr ydych yn teithio iddi ac ohoni a bydd y gyfrifiannell yn cyfrifo’r pris heb ostyngiad. I gael eich pris gostyngol cyfrifwch 5% o’r pris heb ostyngiad. Bydd angen i chi dalgrynnu i’r 10 ceiniog agosaf.
• Ar ôl i'ch Rheolwr Llinell lofnodi'r ffurflen gais wedi'i llenwi, ac anfon copi drwy e-bost at Ddesg Gymorth yr Adran Ystadau  yna dylid anfon y ffurflen wedi'i llenwi i Trafnidiaeth Cymru. Bydd Trafnidiaeth Cymru yn cysylltu â'r aelod o staff er mwyn cadarnhau'r gost a darparu manylion banc ar gyfer y taliad. Yna, cysylltir â chi gyda chost y tocyn a rhoddir eich manylion banc i Trafnidiaeth Cymru, er mwyn i staff wneud taliad cyflymach gan ddefnyddio bancio symudol neu fancio ar y rhyngrwyd. Fel arall gall Trafnidiaeth Cymru dderbyn taliad cerdyn debyd/credyd dros y ffôn neu gellir postio sieciau i'w hadran yn y brif swyddfa.
• Pan fydd y teithiwr yn barod i gyflwyno'r cais bydd angen i chi lenwi'r ffurflen ar y ffurflen gais. ID ein cwmni yw USW-2019-TFWBT.
• Pan gaiff y taliad ei gadarnhau bydd y tocyn yn cael ei brosesu a'i bostio yn rhad ac am ddim i'r cyfeiriad o ddewis. Dylid cyflwyno unrhyw geisiadau am newid neu ad-daliadau am docynnau diangen yn uniongyrchol i'r tîm Teithio Busnes, a gellir datrys unrhyw broblemau gyda’r tocyn tymor, er enghraifft methu symud rhwystrau ac ati, yn y swyddfa archebu leol. 

 

Ar ôl i chi gadarnhau pris eich tocyn gyda’r orsaf, llenwch un o’r ffurflenni cais isod.  Mae opsiwn i dalu am hyn ymlaen llaw gyda Trafnidiaeth Cymru, neu dalu am y tocyn mewn 10 taliad misol drwy wneud cais am fenthyciad di-log gyda’r Brifysgol.  

Grŵp PDC - gostyngiad o 5% ar docyn tymor trên blynyddol i staff HEB BOLISI BENTHYCIAD A FFURFLEN GAIS (DIM BENTHYCIAD)

Grŵp PDC - gostyngiad o 5% ar docyn tymor trên blynyddol i staff POLISI BENTHYCIAD A FFURFLEN GAIS (GYDA BENTHYCIAD)

Dim ond i staff sydd â lleiafswm o 10 mis o gyflogaeth mae’r benthyciad di-log ar gael - i dalu am gost gychwynnol y tocynnau tymor.  Mae’n rhaid i’ch Rheolwr Llinell a’r Gyflogres gymeradwyo hyn. Rhaid talu’r benthyciad yn ôl mewn 10 taliad misol. 

Ar ôl ei llenwi a’i hawdurdodi, cyflwynwch y ffurflen hon, ynghyd â rhif adnabod staff dilys, llun maint pasbort a’ch taliad i unrhyw orsaf gyda staff ar lwybr Cledrau’r Cymoedd.

Beicio neu gerdded

Mae beicio i Gampws Casnewydd yn hawdd diolch i rwydwaith cynhwysfawr o lwybrau beicio Sustrans. Mae llwybr 4 ac 8 Sustrans yn cysylltu Canol Dinas Casnewydd â Chaerdydd ac mae llwybr 88 yn cysylltu Canol Dinas Casnewydd â Chaerllion. I gael manylion llawn y llwybrau Rhwydwaith Beicio Cenedlaethol ewch i Sustrans

Cysgodfannau a standiau beiciau
Mae cyfleusterau cloi beiciau allanol wrth ymyl y brif fynedfa. 
Mae cawodydd am ddim a loceri sy'n derbyn arian ar gael wrth ymyl y brif fynedfa.

Cyclescheme
Mae Staff PDC yn gymwys i gymryd rhan yng Nghynllun Aberthu Cyflog Cyclescheme. Gallwch arbed 25% o gost beic a thalu amdano o’ch cyflog mewn rhandaliadau dros flwyddyn gan arbed talu treth a thaliadau YG. Mae nifer fawr o siopau beiciau wedi cofrestru gyda Cyclescheme.  I gael gwybod mwy neu i gymryd rhan yn y cynllun dilynwch y camau isod:

• Ewch i ddolen Cyclescheme PDC
• Rhowch eich cod post yn yr adran berthnasol ar dudalen Cyclescheme i ddod o hyd i’ch siop feiciau gofrestredig agosaf
• Cyn cwblhau’r adran "Take the next Step” ar wefan Cyclescheme, ewch i siop, dewiswch feic a chael dyfynbris. 
• Rhowch fanylion y dyfynbris ar y dudalen we. 

I gael rhagor o wybodaeth am sut mae’r cynllun yn gweithio, cysylltwch â’r Gyflogres. 

• Nodyn: Nid yw Halfords yn gweithredu dan Cyclescheme.  Mae ganddyn nhw eu cynllun Beicio i’r Gwaith eu hunain.

Dan y rheolau aberthu cyflog ni all y trefniant ar gyfer Cyclescheme leihau enillion arian parod gweithiwr yn is na’r cyfraddau Isafswm Cyflog Cenedlaethol, fel y nodir ar wefan CThEM.

Beiciau wedi’u Hadnewyddu, Llogi Beiciau a Hyfforddiant Beicio:

Mae Cadw Caerdydd i Symud yn cynnig dewis o feiciau fel newydd am gyfradd ostyngol, llogi beiciau a chyfleusterau hyfforddiant beicio. Ewch i wefan Cadw Caerdydd i Symud am fwy o wybodaeth.  

Cynllun Cofrestru Beic:
Mae’r adran Ystadau a Chyfleusterau wedi sefydlu Cynllun Cofrestru Beic. Gall staff sy'n beicio i’r Brifysgol gofrestru eu manylion gyda disgrifiad o’u beic, gan wella’r tebygolrwydd o ddod o hyd i’r beic os caiff ei golli neu ei ddwyn.

Gostyngiadau:
Rydym wedi sicrhau gostyngiad gyda rhai darparwyr siopau beiciau lleol.  
Mae EC Cycles wedi pennu cyfradd gostyngiad sefydlog o 10% yn y siop os ydych chi’n darparu ID.  Fodd bynnag, os ydych chi’n gwsmer ffyddlon, maen nhw’n cynnig gostyngiad o 15%.
Mae DT Bicycles yn cynnig gostyngiad i fyfyrwyr gyda cherdyn NUS Extra dilys.

Cerdded:

Mae gorsaf drenau Casnewydd tua 20 munud ar droed o’r Campws. Mae gorsaf fysiau Casnewydd tua 15 munud ar droed o’r Campws. 

Apiau Teithio:

P’un ai a ydych am roi cynnig ar lwybrau newydd, ymdrechu i fod yn gyflymach, eisiau wynebu her, cael gwell dycnwch neu wella ffitrwydd, gall cerddwyr, rhedwyr a beicwyr ddefnyddio nifer o raglenni, gan gynnwys y canlynol:

Mapmywalk
Runkeeper
Cyclingbuddy