Blwyddyn Ryngosod

Beth yw blwyddyn ryngosod?

Mae blwyddyn ryngosod yn lleoliad amser llawn 9-12 mis mewn diwydiant. Fel arfer byddwch yn ymgymryd â’r flwyddyn ryngosod ar ôl dwy flynedd o astudio gyda ni ar eich cwrs gradd. Bydd angen i chi ddod o hyd i ddarparwr lleoliad addas, a gwneud cais llwyddiannus iddynt, i gwblhau eich blwyddyn ryngosod a gall ein Tîm Gyrfaoedd a thimau cwrs eich helpu gyda hyn. Byddwch wedyn yn dod yn gyflogai llawn amser y sefydliad rydych chi'n ymuno ag ef, gan roi profiad uniongyrchol i chi o'ch gyrfa bosibl yn y dyfodol.

Byddwch yn ennill profiad ymarferol mewn amgylchedd gwaith am oddeutu blwyddyn, cyn dychwelyd i'r brifysgol i gwblhau eich gradd yn eich blwyddyn olaf. Efallai y byddwch hefyd yn cwblhau rhai aseiniadau cwrs a fydd yn eich galluogi i gysylltu eich blwyddyn ryngosod â'ch gwaith academaidd.

Gall ein Tîm Gyrfaoedd gwych eich cefnogi drwy'r broses, eich helpu i baratoi eich cais am leoliad ac ar gyfer unrhyw gyfweliadau.

Buddion Allweddol

Profiad Ymarferol

Enillwch Brofiad ymarferol o rôl, cwmni, diwydiant neu sector penodol sy'n berthnasol i'ch maes astudio dewisol.

Gwell Cyflogadwyedd

Rhowch hwb i'ch CV gyda phrofiad gwaith perthnasol, gan eich gwneud yn fwy deniadol i ddarpar gyflogwyr.

Sgiliau Trosglwyddadwy

Datblygwch sgiliau meddal a chaled gwerthfawr fel cyfathrebu, datrys problemau, ac arbenigedd technegol sy'n benodol i'r diwydiant.

Adeiladu Hyder

Cynyddwch eich hunanhyder drwy fynd i'r afael â heriau'r byd go iawn mewn amgylchedd proffesiynol a dysgu gan eraill.

Mewnwelediadau Llwybrau Gyrfa

Cewch ddealltwriaeth gliriach o gyfeiriadau gyrfa a diwydiannau posibl yr hoffech eu dilyn.

Gwneud y gorau o flwyddyn ryngosod

Mae blwyddyn ryngosod yn eich galluogi i gymhwyso'r wybodaeth a enillwyd yn ystod eich gradd i sefyllfaoedd gwaith yn y byd go iawn. Byddwch yn rhoi set sgiliau trosglwyddadwy i chi'ch hun ac yn ennill profiad gwaith amhrisiadwy a fydd yn eich helpu i sefyll allan i ddarpar gyflogwyr mewn ceisiadau am swyddi yn y dyfodol.

Mae blwyddyn ryngosod hefyd yn gyfle gwych i rwydweithio ac, os ydych yn creu argraff ar eich cyflogwr, efallai y byddwch hyd yn oed yn canfod bod gennych swydd yn aros amdanoch pan fyddwch yn graddio. Mae llawer o gyflogwyr yn hoffi cyflogi gweithwyr ymroddedig fel y dangosir trwy gynllun lleoliad blwyddyn ryngosod.

Byddwch hefyd yn dysgu sgiliau gwerthfawr wrth i chi wneud ceisiadau am leoliad blwyddyn ryngosod, er enghraifft, gallwch ddisgwyl ennill profiad o baratoi ceisiadau, ysgrifennu CV a llythyr eglurhaol, a pharatoi ar gyfer cyfweliadau ac asesiadau.

Cyflogadwyedd a Gyrfaoedd

Faint yw blwyddyn ryngosod?

Mae blwyddyn ryngosod yn costio £1,000, ond caiff y swm hwn ei ddisgowntio o swm eich ffi derfynol pan fyddwch yn dychwelyd am eich blwyddyn olaf. Rydym wedi ymrwymo i annog a chefnogi myfyrwyr sy'n dymuno manteisio ar gyfleoedd gwerthfawr blwyddyn ryngosod. Rydym yn gwerthfawrogi y gall y sgiliau a ddatblygir gwneud gwahaniaeth i'ch llwybr gyrfa yn y dyfodol.

Ariannu eich astudiaethau

Sut i ddod o hyd i gyrsiau gradd gyda blwyddyn ryngosod?

I ddarganfod yr holl gyrsiau sydd ar gael gyda lleoliadau blwyddyn ryngosod, ewch i www.southwales.ac.uk/cy/cyrsiau/ a defnyddio'r hidlydd chwilio modd astudio i ddewis blwyddyn ryngosod.

Dod o hyd i'ch cwrs

MAE'R CYSYLLTIADAU DIWYDIANT WEDI BOD YN AMHRISIADWY. RWYF WEDI ENNILL PROFIAD YMARFEROL O WEITHIO GYDAG ITV AR BROPIAU A CHYNORTHWYO GYDA MENTER Y BBC.

James

Myfyriwr Ffilm ac Effeithiau Gweledol

Bwrsariaeth Teithio FCES 2025/2026

Mae bwrsariaeth teithio FCES ar gyfer unrhyw fyfyriwr o Brifysgol De Cymru sy'n astudio gradd ryngosod israddedig berthnasol yn y Gyfadran Cyfrifiadura, Peirianneg a Gwyddoniaeth (FCES).

Bwrsariaeth Teithio FCES Ffioedd a Chyllid