This website uses cookies to improve your experience. Read our cookie policy

BA (Anrh)

Busnes Rhyngwladol (Atodol)

Byddwch yn astudio ystod o fodiwlau a fydd yn gwella eich sgiliau rheoli mewn cyd-destun rhyngwladol ac yn cael gradd israddedig mewn llai na blwyddyn gyda'r cwrs atodol hwn.

Sut i wneud cais Gwneud cais drwy UCAS Archebu lle ar Ddiwrnod Agored Sgwrsio gyda ni

Manylion Cwrs Allweddol

  • Côd UCAS

    NC00

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £9,535*

  • Myfyrwyr rhyngwladol

    £15,850*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £785*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

Mae'r radd BA (Anrh) mewn Busnes Rhyngwladol yn canolbwyntio ar y byd cynyddol fyd-eang rydyn ni'n byw ynddo. Bydd cael dealltwriaeth dda o'r agweddau allweddol ar gyflawni busnes ar raddfa fyd-eang yn sicr yn fanteisiol i chi yn y gweithle.

CYNLLUNIWYD AR GYFER

Myfyrwyr sydd eisoes wedi cael Diploma Cenedlaethol Uwch (HND) neu gymhwyster cyfatebol ac sy'n awyddus i gael gradd baglor lawn mewn busnes rhyngwladol.

Llwybrau Gyrfa

  • Entrepreneur
  • Rheolwr busnes
  • Ymgynghorydd rheoli
  • Rheolwr prosiectau
  • Swyddog gweithredol cyfrifon

Sgiliau a addysgir

  • Ymwybyddiaeth busnes
  • Sgiliau rhyngbersonol
  • Datrys problemau
  • Hunanreoli
  • Ffordd o feddwl yn fyd-eang

Uchafbwyntiau'r Cwrs

Cwblhau prosiect byw

Yma, bydd modd i chi ymchwilio i bwnc a sefydliad o'ch dewis, gan roi'r cyfle i chi ddatblygu eich sgiliau wrth gynnal ymholiad.

Canolbwyntio ar Gyd-destun Rhyngwladol

Archwilio diwylliant a dulliau cyfathrebu rhyngwladol ac amgylchedd busnes rhyngwladol.

Gweithio gydag arbenigwyr

Byddwch yn cael cefnogaeth gan dîm profiadol o arbenigwyr busnes a fydd yn eich helpu i ddod y fersiwn gorau ohonoch chi eich hun.

Y gorau yng Nghymru

Mae’r cwrs Rheoli Busnes yn PDC ar frig y rhestr Ansawdd Addysgu yng Nghymru (Canllaw Prifysgolion y Guardian 2025).

Trosolwg o'r Modiwl

Yn ystod eich astudiaethau, byddwch yn cael gwell dealltwriaeth o sut mae masnach ryngwladol yn gweithio ac yn dysgu am y gwahanol faterion sy'n wynebu busnes byd-eang, gan gynnwys sut y gallai hyn effeithio ar y swyddogaethau rheoli busnes traddodiadol fel marchnata, adnoddau dynol a phrynu a chyflenwi.

Tymor un

Rheoli cymhwysol
Datblygu'r wybodaeth a'r sgiliau sydd eu hangen i gychwyn gyrfa mewn rheolaeth ganol.

Ymchwil busnes: Egwyddorion ac Ymarfer
Meithrin sgiliau hanfodol a dysgu am dechnegau sydd eu hangen i gynnal ymchwiliad go iawn i broblem fusnes.

Strategaeth busnes
Cael safbwynt cyfannol a strategol o sefydliadau a'u hamgylcheddau. Ystyried themâu fel masnachu, arloesi a rheoli trawsddiwylliannol wrth ddysgu sut i ddadansoddi heriau busnes byd-eang.

Gwella Llwyddiant Academaidd
Mae'r modiwl heb gredyd hwn wedi'i gynllunio i helpu myfyrwyr i ddatblygu eu sgiliau academaidd a busnes ar gyfer gwaith yn y dyfodol.

Tymor dau

Prosiect Rheoli Byw
Datblygu eich sgiliau rheoli busnes proffesiynol wrth i chi fanteisio ar yr hyn rydych wedi'i ddysgu a'u defnyddio mewn gweithgareddau prosiect byw ochr yn ochr â thiwtor fydd yn eich goruchwylio.

Rheoli Busnes Rhyngwladol
Byddwch yn dysgu gwerthuso materion sy'n ymwneud â rheoli busnes rhyngwladol - o fasnachu rhyngwladol i reolaeth drawsddiwylliannol a deall yr amgylcheddau amrywiol y mae cwmnïau'n eu hwynebu yn fyd-eang. 

Diwylliant a Chyfathrebu Rhyngwladol
Dysgwch sut i ddadansoddi a gwerthuso effeithiau diwylliant ar gyfathrebu marchnata rhyngwladol.

 

Uchafbwyntiau'r Cwrs

Sut byddwch chi'n dysgu

Mae'r cwrs hwn wedi'i gynllunio i gael ei gyflwyno gyda sesiynau addysgu cydamserol byw ar ffurf darlithoedd a gweithdai sy'n seiliedig ar dechnegau dysgu gweithredol, sy'n golygu y bydd y sesiynau hyn yn rhai addysgiadol, rhyngweithiol a diddorol. Bydd y ddarpariaeth hon yn cael ei chefnogi gan gyfres o ddeunyddiau heb fod yn gydamserol ar amgylchedd dysgu rhithwir a fydd yn cefnogi eich prosesau dysgu.  

Defnyddir amrywiaeth o ddulliau asesu gan gynnwys arholiadau ysgrifenedig ffurfiol sy'n cynnwys adroddiadau, traethodau a chyflwyniadau grŵp ac unigol, arholiadau a mwy i asesu deilliannau dysgu ar draws y modiwlau. Bydd asesiadau mor ddilys â phosibl, gan ddefnyddio proses fformatio disgyblaeth benodol lle bo hynny'n berthnasol. Bydd hyn yn caniatáu i fyfyrwyr gael profiad mwy realistig wrth ddod yn gyfarwydd ag adnoddau cyfathrebu eu disgyblaeth. 

Staff addysgu

Mae ein staff addysgu yn ymroddedig i greu amgylchedd dysgu cefnogol sy'n canolbwyntio ar y myfyriwr. Mae pob un ohonynt yn academyddion cymwys sydd â phrofiad o weithio mewn ystod eang o sectorau - o reoli i AD, gan roi cipolwg i fyfyrwyr ar wahanol ddiwydiannau a helpu i gysylltu theori ag ymarfer.

Lleoliadau a phrofiad gwaith

Mae cyfle i fyfyrwyr gymryd rhan mewn interniaethau rhithwir ochr yn ochr â'u hastudiaethau, gan eu galluogi i gydweithio ag amrywiaeth o fusnesau a'u helpu i fynd i'r afael â'u heriau yn y byd go iawn. Mae'r rhain yn gyfleoedd allgyrsiol i fyfyrwyr ac maent yn gyfle gwych i ddatblygu sgiliau a phrofiad ymarferol gwerthfawr ar gyfer llunio CV.

Cyfleusterau

Fel myfyriwr busnes a rheoli, byddwch yn astudio ar ein campws yn Nhrefforest yng nghanol Cymoedd De Cymru. Mae gennym ystod o amgylcheddau dysgu ac astudio y mae myfyrwyr yn elwa ohonynt yn ogystal â'r Stiwdio Dechrau Busnes, lle gall myfyrwyr sy'n teimlo'n angerddol am entrepreneuriaeth gael cyngor ar sut i ddechrau eu busnesau eu hunain.

Pam PDC

An international business academic smiles at the camera side on while sat in front of a red backdrop and leaning on their knees with their hands together

  • Mae 94% o fyfyrwyr mewn gwaith neu astudiaethau pellach bymtheg mis ar ôl graddio o Brifysgol De Cymru.

  • Enwyd yn y 50 sefydliad gorau yn y DU ar gyfer pŵer ymchwil gan y Times Higher Education

Pam PDC

Ar y brig

Mae Rheoli Busnes yn PDC ar y brig yng Nghymru ar gyfer Ansawdd Addysgu (Canllaw Prifysgolion y Guardian 2025)

  • Mae 94% o fyfyrwyr mewn gwaith neu astudiaethau pellach bymtheg mis ar ôl graddio o Brifysgol De Cymru.

  • Enwyd yn y 50 sefydliad gorau yn y DU ar gyfer pŵer ymchwil gan y Times Higher Education

Gyrfaoedd a Chyflogadwyedd

Gyrfaoedd Graddedigion

Mae llawer o raddedigion yn dechrau eu busnesau eu hunain o ganlyniad i astudio'r cwrs hwn tra bod eraill yn cyrraedd amrywiaeth o yrfaoedd, o reolwyr busnes i ymgynghorwyr. Mae myfyrwyr eraill yn mynd yn eu blaenau i gwblhau astudiaethau pellach ar ffurf graddau meistr a chymwysterau addysg uwch eraill.

Bydd ein tîm gwasanaeth gyrfaoedd yn ceisio eich helpu i ddod o hyd i leoliadau perthnasol ar gyfer profiad gwaith neu swydd ar ôl graddio. Mae gennym hefyd dîm datblygu cyflogadwyedd sy'n rhedeg rhaglen o'r enw Grad Edge, a thîm menter sy'n canolbwyntio ar syniadau busnes ac entrepreneuriaeth newydd.

Partneriaid yn y Diwydiant

Mae gan ein staff addysgu gysylltiadau anhygoel â’r diwydiant, sy'n eich galluogi i weithio gyda busnesau ar friffiau byw ac astudiaethau achos fel rhan o'ch astudiaethau. Mae'r cydweithio hwn yn galluogi myfyrwyr i gael cipolwg ar yr heriau y mae busnesau'n eu hwynebu a datblygu sgiliau ymarferol y mae cyflogwyr yn eu gwerthfawrogi drwy ddefnyddio’r hyn maent wedi'i ddysgu yn yr ystafell ddosbarth mewn sefyllfaoedd yn y byd go iawn.

Cymorth gyrfaoedd

Bydd modd i chi gael gafael ar gyngor gan ein gwasanaeth gyrfaoedd a chyflogadwyedd drwy gydol eich astudiaethau a phan fyddwch yn graddio. Mae hyn yn cynnwys apwyntiadau un-i-un gydag ymgynghorwyr gyrfa yn y gyfadran naill ai wyneb yn wyneb neu dros Skype neu e-bost. Mae gennym hefyd adnoddau ar-lein i helpu i ystyried opsiynau gyrfa a sicrhau eich bod yn cyflwyno eich hun yn dda i gyflogwyr. Mae'r rhain yn cynnwys profion seicometrig, asesiadau gyrfa, lluniwr CV, efelychydd cyfweliad, a chymorth gyda cheisiadau. Mae gennym hefyd dros 2,000 o gyflogwyr cofrestredig sy'n targedu graddedigion busnes, felly byddwn yn eich cofrestru i gael negeseuon e-bost wythnosol am swyddi sy'n cyd-fynd â'ch diddordebau hefyd.

GOFYNION MYNEDIAD

Gofynion cymhwyster nodweddiadol:

Cwblhau HND yn llwyddiannus mewn Astudiaethau Busnes neu Fusnes a Chyfrifyddu, Gradd Sylfaen mewn Astudiaethau Busnes, Rheoli Sector Gwasanaeth neu Reoli Manwerthu, neu gymhwyster cyfatebol e.e. Diploma mewn Addysg Uwch neu Arweinyddiaeth a Rheolaeth ILM (Lefel 5).

Gofynion ychwanegol 

Gwneir ystyriaeth yn unigol ar gyfer cymwysterau amgen a / neu brofiad perthnasol ar yr amod bod myfyrwyr yn gallu dangos digon o wybodaeth a dealltwriaeth gysylltiedig i'w paratoi ar gyfer astudio lefel 6 mewn disgyblaeth fusnes.

Bydd angen i ymgeiswyr ddangos 240 credyd (neu gyfwerth) a gall polisi Cydnabod Dysgu Blaenorol (RPL) y Brifysgol ymddangos yn y penderfyniad i gynnig lle ar y cwrs. Dylid cyfeirio at brofiad, cymwysterau a gwybodaeth berthnasol yn natganiad personol yr Ymgeisydd.

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£9,535

fesul blwyddyn*
Ffi Llawn Amser y DU

£9,535

fesul blwyddyn*
Ffi Llawn Amser y DU

£785

fesul blwyddyn*
Ffi Llawn Amser Rhyngwladol

£15,850

fesul blwyddyn*
Ffi Llawn Amser Rhyngwladol

£15,850

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Cymorth Costau Byw

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.  

* Rhwymedig

Mae gan y Brifysgol gyfrifiaduron ar gael ar y campws a gliniaduron i'w benthyca. Fodd bynnag, argymhellir yn gryf bod gennych eich gliniadur personol eich hun, a fydd yn gallu rhedeg Microsoft Office 365. Fel myfyriwr, byddwch yn gallu lawrlwytho copi am ddim o unrhyw feddalwedd sy'n berthnasol i'r cwrs.

Cost: I fyny at £250

Os yw myfyrwyr eisiau gwneud cais i sefyll arholiadau y tu allan i'r DU ac Iwerddon, mae yna ffi weinyddu 50 pwys y lleoliad. Gellir dod o hyd i fanylion o ddolen y Brifysgol

Cost: £50

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS. Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

Mynediad uwch

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Derbyniadau rhyngwladol

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Bywyd yn PDC

Mae neuaddau yn rhan fawr o’ch profiad fel myfyriwr ac mae llety ym mhob un o’n tri lleoliad. Os nad ydych chi eisiau byw yn agos at y campws, mae yna gysylltiadau trafnidiaeth gwych i'ch cadw chi mewn cysylltiad.

A student sat smiling and talking to friends off camera in Treforest Student's Union
Bywyd Myfyrwyr
The University's Ty Crawshays building at Treforest, Pontypridd.
Campws Pontypridd, Trefforest
A double room at our Pontypridd accommodation featuring a large window.
Llety

Cyrsiau Cysylltiedig

Rheoli Busnes (Atodol) - BA (Anrh) Dysgu mwy

Camau Nesaf

Sut i Wneud Cais
Ymgeisio drwy UCAS
Archebwch Ddiwrnod Agored
Sariad â ni