Rheoli Busnes (Atodol)

Ar gael yn Clirio BA (Anrh) Sut i wneud cais Archebu lle ar Ddiwrnod Agored Sgwrsio gyda ni

Côd UCAS

N194

Dyddiad Cychwyn

Medi 2026

Lleoliad

Pontypridd

Côd y Campws

Ffioedd

Myfyrwyr cartref: £9,790*
Myfyrwyr rhyngwladol: £16,800*

Côd UCAS

N194

Dyddiad Cychwyn

Medi 2027

Lleoliad

Caerdydd

Côd y Campws

Myfyrwyr rhyngwladol: £17,600*

Trosolwg o'r Cwrs

Os ydych eisoes wedi ennill Diploma Cenedlaethol Uwch (HND) neu gymhwyster cyfatebol ac yn dymuno ennill gradd baglor lawn mewn busnes a rheolaeth, dyma'r cwrs i chi.

Mae'r cwrs hwn, ynghyd â'i lwybrau arbenigol, yn darparu addysg fusnes gyfoes ar draws gwahanol ddisgyblaethau, sy’n eich paratoi â'r sgiliau sydd eu hangen ar gyfer y farchnad lafur sy'n esblygu'n barhaus, a gwella eich galluoedd busnes a rheoli.

Pam astudio'r cwrs hwn?

Cwblhau prosiect byw

Cewch ymchwilio i bwnc a sefydliad o'ch dewis, gan roi'r cyfle i chi ddatblygu eich sgiliau wrth gynnal ymholiad.

Dewis eich llwybr eich hun

Mae modiwlau dewisol neu lwybrau penodol i'w dewis er mwyn i chi allu astudio'r meysydd sydd o ddiddordeb mwyaf i chi.

Gweithio gydag arbenigwyr

Byddwch yn cael cefnogaeth gan dîm profiadol o arbenigwyr busnes a fydd yn eich helpu i ddod y fersiwn gorau ohonoch chi eich hun.

Beth fyddwch chi'n ei astudio

Yn y tymor cyntaf, byddwch yn cwblhau pedwar modiwl craidd a gynlluniwyd i gryfhau eich hyder mewn theori rheoli busnes a sgiliau ymarferol.

Datblygwch y wybodaeth a'r sgiliau sydd eu hangen i gychwyn ar yrfa mewn rheolaeth ganol.

Cewch safbwynt cyfannol a strategol o sefydliadau a'u hamgylcheddau. Archwiliwch themâu fel masnachu, arloesi a rheoli trawsddiwylliannol wrth ddysgu sut i ddadansoddi heriau busnes byd-eang.

Adeiladwch sgiliau hanfodol a dysgwch am dechnegau sydd eu hangen i gynnal ymchwiliad go iawn i broblem fusnes.

Mae'r modiwl heb gredydau hwn wedi'i gynllunio i gefnogi myfyrwyr i ddatblygu eu sgiliau academaidd a busnes ar gyfer cyflogaeth yn y dyfodol.

Yn yr ail dymor, byddwch yn cwblhau Prosiect Rheoli Byw ynghyd â dau fodiwl dewisol.

Datblygwch eich sgiliau rheoli busnes proffesiynol wrth i chi ddefnyddio’r hyn rydych wedi’i ddysgu a'i gymhwyso mewn gweithgaredd prosiect byw ochr yn ochr â thiwtor goruchwylio.

Datblygwch ymwybyddiaeth feirniadol o theori a thechnegau cyllid corfforaethol.

Byddwch yn archwilio egwyddorion sylfaenol cyfrifyddu ariannol, adroddiadau ariannol a chyfrifyddu rheoli mewn cyd-destun rheoli busnes.

Deallwch bwysigrwydd rhagoriaeth mewn gwasanaethau cwsmeriaid, y materion cyfoes sy'n effeithio ar gwsmeriaid, a datblygwch sgiliau i helpu’r broses o ddadansoddi gofynion gwasanaethau cwsmeriaid.

Byddwch yn datblygu eich dealltwriaeth feirniadol o faterion busnes cynaliadwy a sut y gellir eu rheoli, eu hyrwyddo a'u datblygu mewn cyd-destun busnes.

Defnyddiwch eich gwybodaeth bresennol o Adnoddau Dynol wrth ddatblygu dealltwriaeth ddyfnach o faterion cyfredol a newidiadau posibl i'r proffesiwn yn y dyfodol.

Byddwch yn datblygu sgiliau allweddol ym meysydd gwerthu proffesiynol a rheoli gwerthiant, yn ogystal â chael mewnwelediad i feysydd marchnata, arloesi ac ymddygiad prynwyr.

Archwiliwch dechnegau a strategaethau ar gyfer cynllunio, trefnu a rheoli'r broses logisteg gyffredinol gan gynnwys meysydd ymarferol rhagweld, rheoli rhestrau eiddo a gwasanaethau cwsmeriaid.

Byddwch yn archwilio'r theori a'r cymhwysiad ymarferol sy'n sail i brosesau sy'n gysylltiedig â ffurfio cytundebau masnachol a pherthnasoedd â sefydliadau allanol.

Mae'r modiwl hwn yn rhoi mewnwelediadau i ddarpar reolwyr i faes arwain mewn cyd-destun byd-eang. Byddwch yn gwella eich dealltwriaeth o heriau arwain gweithlu amrywiol a modern ac yn datblygu sgiliau rheoli pobl allweddol.

Rydym yn adolygu ein cyrsiau'n rheolaidd i gadw i fyny â sgiliau newidiol ac anghenion cyflogwyr. Os bydd adolygiad yn arwain at newidiadau sylweddol, byddwn yn cysylltu â chi i esbonio beth sy'n newid ar gyfer y flwyddyn nesaf.

Addysgu ac Asesu

Mae ein cwrs busnes a rheoli atodol wedi'i rannu'n ddau dymor 12 wythnos. Byddwch yn dysgu drwy sesiynau addysgu rhyngweithiol wyneb yn wyneb ar ffurf darlithoedd, yn ogystal â gweithdai sy'n seiliedig ar dechnegau dysgu gweithredol ac sy’n galluogi digon o gydweithio a thrafod.

Mae'r dulliau addysgu'n seiliedig ar sefyllfaoedd go iawn ac astudiaethau achos diweddar, a bydd myfyrwyr yn cael cyfle i weithio gyda busnesau fel rhan o wahanol fodiwlau. Drwy ddefnyddio'r dull hwn, gall myfyrwyr gael y wybodaeth ddiweddaraf am dueddiadau cyfredol a datblygiadau busnes yn ogystal â meithrin hyder a sgiliau ar gyfer y byd gwaith.

Bydd amrywiaeth o ddulliau asesiadau gan gynnwys adroddiadau, traethodau, cyflwyniadau grŵp ac unigol, arholiadau a mwy yn cael eu defnyddio i asesu canlyniadau dysgu ar draws y modiwlau.

Bydd asesiadau mor ddilys â phosib, gan ddefnyddio fformatio sy’n benodol i ddisgyblaeth lle bo'n berthnasol. Bydd hyn yn caniatáu i fyfyrwyr gael profiad mwy realistig wrth ddod yn gyfarwydd ag offer cyfathrebu eu disgyblaeth.

Mae cyfle i fyfyrwyr ymgysylltu ag interniaethau rhithwir ochr yn ochr â'u hastudiaethau, gan eu galluogi i gydweithio ag amrywiaeth o fusnesau a'u helpu i fynd i'r afael â'u heriau yn y byd go iawn. Mae'r rhain yn gyfleoedd allgyrsiol i fyfyrwyr ac maent yn gyfle gwych i ddatblygu sgiliau a phrofiad ymarferol gwerthfawr ar gyfer llunio CV.

Fel myfyriwr busnes a rheoli, byddwch yn astudio ar ein campws Trefforest yng nghanol Cymoedd De Cymru. Mae gennym ystod o amgylcheddau dysgu ac astudio yn yr ysgol busnes y gellir eu harchebu, mae myfyrwyr yn defnyddio’r rhain ar gyfer cydweithio a gweithio. Gall myfyrwyr hefyd elwa o'n hwb pwrpasol ar gyfer cychwyn busnesau, y Stiwdio Sefydlu, sydd wedi'i chynllunio i helpu i ddatblygu a thyfu syniadau busnes newydd. Gall myfyrwyr sy’n teimlo'n angerddol am entrepreneuriaeth gael cyngor ar sut i ddechrau eu busnesau eu hunain a thyfu eu rhwydwaith drwy ddigwyddiadau amrywiol.

Arweinydd y Cwrs

Emma Wheeler

Fel eich Arweinydd Cwrs, rwy'n dod â dros 20 mlynedd o brofiad mewn addysgu busnes a rheoli, ochr yn ochr â chefndir cryf mewn rolau proffesiynol a rheoli.

Mae'r ehangder hwn o brofiad yn caniatáu imi fynd y tu hwnt i theori, gan ddod â chysyniadau busnes yn fyw trwy eu cymhwyso yn y byd go iawn. Rwy'n tynnu ar ddealltwriaeth ddofn o ymarfer sefydliadol a gofynion esblygol gweithle heddiw i sicrhau bod eich dysgu yn berthnasol ac yn ymarferol.

Mae fy addysgu yn cael ei lywio gan ymarfer proffesiynol ac ymchwil gyfredol. Ar hyn o bryd rwy'n cynnal ymchwil ddoethurol sy'n archwilio sut y gall systemau rheoli dysgu cefnogi datblygiad graddedigion sy'n wirioneddol barod i'r gweithle.

Fy nod yw creu profiad dysgu sy'n ymgysylltu, yn gymhwysol ac yn edrych i'r dyfodol - fel eich bod chi'n graddio gyda'r wybodaeth, y sgiliau a'r hyder i lwyddo mewn amgylchedd busnes byd-eang deinamig.

Rhagolygon Gyrfa

Mae llawer o raddedigion yn cychwyn busnesau eu Hunain o ganlyniad i astudio'r cwrs hwn tra bod eraill yn cael eu hunain mewn amrywiaeth o yrfaoedd o reolwyr busnes neu entrepreneuriaid i athrawon.Mae myfyrwyr eraill yn mynd ymlaen i gwblhau astudiaethau pellach ar ffurf graddau meistr a chymwysterau addysg uwch eraill.

Dy yrfa yn y dyfodol

Mae ein tîm gwasanaethau gyrfaoedd yn ymroddedig i'ch helpu i ddod o hyd i leoliadau perthnasol ar gyfer profiad gwaith neu swydd ar ôl graddio. Mae gennym hefyd dîm datblygu cyflogadwyedd sy'n rhedeg rhaglen o'r enw Camu ‘Mlaen, a thîm menter sy'n canolbwyntio ar entrepreneuriaeth a syniadau busnes newydd.

Mae llwybrau gyrfa posibl yn cynnwys:

Entrepreneur
Rheolwr busnes
Ymgynghorydd rheoli
Rheolwr prosiect

"Mae pob peth am y cwrs yn sefyll allan - o'r darlithwyr, i'r ffordd maent yn addysgu, a'r wybodaeth rydych chi'n ei hennill."

Umar, Myfyriwr Atodol

Dysgu mwy

Disgwyliadau cyflog

Gall gradd Rheoli Busnes agor cyfleoedd ar draws Busnes a'r sector ehangach. Mae gyrfaoedd Rheoli Busnes yn cynnig potensial enillion cryf:

Cyflog canolrifol

DU: £54.4k y flwyddyn
Cymru: £44.6k y flwyddyn

Cyfanswm y swyddi yn 2025

DU: 5.45m
Cymru: 173,409

Ffynhonnell: Lightcast Labour Market Data 2026

Partneriaid Diwydiant

Mae gan ein staff addysgu gysylltiadau anhygoel â’r diwydiant, sy'n eich galluogi i weithio gyda busnesau ar friffiau byw ac astudiaethau achos fel rhan o'ch astudiaethau. Mae'r cydweithio hwn yn galluogi myfyrwyr i gael mewnwelediad i’r heriau y mae busnesau'n eu hwynebu a datblygu sgiliau ymarferol y mae cyflogwyr yn eu gwerthfawrogi drwy ddefnyddio’r hyn maent wedi'i ddysgu yn yr ystafell ddosbarth mewn sefyllfaoedd yn y byd go iawn.

Adeiladwch eich gyrfa eich hun

Nid oes rhaid i'ch gyrfa olygu gweithio i rywun arall. Os ydych chi eisiau gweithio'n llawrydd, dechrau busnes neu ddatblygu syniad, gall Menter PDC eich helpu gyda mentora un-i-un, gweithdai ymarferol a chyfleoedd ariannu drwy Gronfa Cychwyn Busnes Menter PDC.

Bydd gennych hefyd fynediad at fannau Stiwdio Sefydlu yn ein campysau yng Nghaerdydd, Casnewydd a Threfforest. Ar ôl graddio, gallwch gael aelodaeth am ddim am hyd at dair blynedd, gan roi gweithle i chi a rhwydwaith o sylfaenwyr eraill.

P'un a ydych chi'n dewis cyflogaeth, gweithio'n llawrydd neu ddechrau busnes, byddwn yn eich helpu i ddatblygu'r sgiliau, hyder a'r cysylltiadau i symud ymlaen.

Menter PDC

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

Sut i wneud cais Datganiad Derbyniadau Cyd-destunol Gofynnwch gwestiwn i ni

Gofynion cymhwyster nodweddiadol

Cwblhau HND yn llwyddiannus mewn Astudiaethau Busnes neu Fusnes a Chyfrifyddu, Gradd Sylfaen mewn Astudiaethau Busnes, Rheoli Sector Gwasanaeth neu Reoli Manwerthu, neu gymhwyster cyfatebol e.e. Diploma mewn Addysg Uwch neu Arweinyddiaeth a Rheolaeth ILM (Lefel 5).

Gwneir ystyriaeth yn unigol ar gyfer cymwysterau amgen a / neu brofiad perthnasol ar yr amod bod myfyrwyr yn gallu dangos digon o wybodaeth a dealltwriaeth gysylltiedig i'w paratoi ar gyfer astudio lefel 6 mewn disgyblaeth fusnes. Bydd angen i ymgeiswyr ddangos 240 credyd (neu gyfwerth) a gall polisi Cydnabod Dysgu Blaenorol (RPL) y Brifysgol ymddangos yn y penderfyniad i gynnig lle ar y cwrs. Dylid cyfeirio at brofiad, cymwysterau a gwybodaeth berthnasol yn natganiad personol yr Ymgeisydd.

Ffioedd a Chyllid

Ffi Llawn Amser y DU £ 9,790

Fesul blwyddyn

Ffioedd a Chyllid Ysgoloriaethau a Bwrsariaethau Cymorth Costau Byw

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol. Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.

Gliniadur
Mae gan y Brifysgol gyfrifiaduron ar gael ar y campws a gliniaduron i'w benthyca. Fodd bynnag, argymhellir yn gryf bod gennych eich gliniadur personol eich hun, a fydd yn gallu rhedeg Microsoft Office 365. Fel myfyriwr, byddwch yn gallu lawrlwytho copi am ddim o unrhyw feddalwedd sy'n berthnasol i'r cwrs.

Cost: I fyny at £250

Ffi Rhyngwladol Rhan-amser £ 16,800

Fesul blwyddyn

Ffioedd a Chyllid Ysgoloriaethau a Bwrsariaethau Cymorth Costau Byw

Cost: I fyny at £250

Y brifysgol orau yng Nghymru a'r 24ain allan o 123 o brifysgolion yn y DU.

Canllaw Prifysgolion y Guardian 2027

Three USW students walking outside of Cardiff Campus - Atrium

10 pwnc wedi'u rhestru yn y 10 uchaf yng Nghanllaw Prifysgolion y Guardian 2027, gan gynnwys dau yn y safle cyntaf.

Three students studying in a pod in the library at Cardiff campus

Ar y brig yng Nghymru ar gyfer busnesau newydd a'r 7fed yn y DU (HEBCIS)

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS.

Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

Rheoli Busnes (Atodol)
- Llawn Amser, 1 blynedd
- Medi
- Pontypridd
Apply direct

Rheoli Busnes (Atodol)
- Llawn Amser, 1 blynedd
- Medi
- Caerdydd
Apply direct

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Gall ymgeiswyr a dderbynnir drwy fynediad uwch astudio cyfuniad gwahanol o fodiwlau i'r rhai a hysbysebir, gan y byddant yn ymuno â chwrs sydd eisoes ar y gweill. Fe wnawn ni gysylltu â chi a’ch cynghori chi am y modiwlau hyn unwaith y bydd eich cais wedi'i brosesu a chynnig wedi'i wneud.

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Straeon Myfyrwyr

"Er i mi ddod i'r cwrs gyda blynyddoedd o brofiad arweinyddiaeth, mae astudio wedi caniatáu i mi fireinio fy sgiliau ymhellach ac ennill cymhwyster yr oeddwn i ar un adeg yn ei ystyried yn amhosibl."

Stuart Stuart, Myfyriwr Atodol

Gweld proffil myfyrwir

Straeon Myfyrwyr

"Pan gyrhaeddais o'r diwedd, roeddwn i'n teimlo bod yr amgylchedd dysgu yn gefnogol ac yn ysbrydoledig. Mae pob modiwl, o Strategaeth Fusnes i Reolaeth Gymhwysol, wedi bod yn werthfawr wrth adeiladu'r wybodaeth gyflawn sydd ei hangen arnaf ar gyfer y dyfodol."

Umar Umar, Myfyriwr Atodol

Gweld proffil myfyriwr

Straeon ac uchafbwyntiau cysylltiedig

Erthygl Newyddion

Barod i wneud cais?

Dal i archwilio eich opsiynau?

Bywyd Myfyrwyr Ein lleoliadau Llety

Trosolwg o'r Cwrs