Deallusrwydd Artiffisial

Drwy astudio gyda ni, byddwch yn gymwys ar gyfer ystod o lwybrau gyrfa deinamig a galw uchel. Mae ein graddedigion  wedi mynd ymlaen i ystod eang o rolau, gan gynnwys peirianwyr cynnal a chadw rhagfynegol, chatbot a datblygwyr cynorthwywyr rhithiol mewn cymorth iechyd meddwl, marchnata a manwerthu, a pheirianwyr optimeiddio cadwyn gyflenwi sy’n mynd i’r afael ag aflonyddwch, yn gwneud y gorau o lefelau stocrestr, ac yn gwella logisteg ar draws amryw o ddiwydiannau.

Mae gyrfa mewn deallusrwydd artiffisial yn cynnig llwybrau cyffrous amrywiol. Mae’r maes deinamig hwn yn cynnwys rolau fel peirianwyr dysgu peirianyddol sy’n creu algorithmau, gwyddonwyr data sy’n tynnu mewnwelediadau o setiau data i lywio eu penderfyniadau, peirianwyr prosesu iaith naturiol sy’n arbenigo mewn AI a yrrir gan iaith, peirianwyr golwg gyfrifiadurol sy’n canolbwyntio ar ddata gweledol a sut i’w ddehongli, a gwyddonwyr ymchwil AI sy’n cyfrannu at ddatblygiadau blaengar yn ogystal ag archwilio algorithmau a modelau newydd. Mae’r rolau amrywiol hyn yn siapio’r dyfodol ar draws diwydiannau fel gofal iechyd, cyllid a thechnoleg.

Yn ogystal â’ch helpu i fireinio eich sgiliau cyfrifiadura ac AI, bydd ein staff yn helpu i’ch cefnogi i adeiladu eich CV a’ch proffil gyrfa. O gyngor LinkedIn i rwydweithio, mae ein staff wrth law i helpu myfyrwyr i ragori ar ôl iddynt adael yr ystafell ddosbarth. 

Gall y Gwasanaeth Gyrfaoedd a Chyflogadwyedd eich cefnogi yn ystod ac ar ôl eich astudiaethau, gan gynnwys apwyntiadau un-i-un gyda chynghorwyr gyrfaoedd yn y gyfadran. Byddwn yn eich helpu i archwilio opsiynau gyrfa a chyflwyno eich hun yn hyderus i gyflogwyr. Mae ein gwasanaeth yn cynnwys timau ymroddedig, fel y Tîm Datblygu Cyflogadwyedd a'r Tîm Menter, sy'n canolbwyntio ar syniadau busnes ac entrepreneuriaeth.

Rydym yn gweithio gydag amrywiaeth o bartneriaid technoleg ac AI sy’n newid yn rheolaidd – mae ein partneriaid yn cael eu dewis yn seiliedig ar ymchwil barhaus sy’n ymwneud â’n grŵp Ymchwil ac Arloesi CCMI. Mae hyn yn aml yn cynnwys GIG Cymru, y cwmni technoleg iechyd Fintech, elusennau lleol, Bwrdd Iechyd Prifysgol Caerdydd a’r Fro, Bwrdd Iechyd Bae Abertawe a phartneriaid rhyngwladol.