Dylid cefnogi merched i:

Archwilio Technoleg yn yr Ysgol a’r tu allan i’r Ysgol
Cymerwch ran mewn gweithgareddau technoleg ddigidol, gan gynnwys adnoddau dysgu digidol Hwb a digwyddiadau STEM sy’n cael eu cynnig drwy Techniquest ac Xplore, llyfrgelloedd lleol a grwpiau cymunedol.

Ymuno â Chlybiau Merched yn Unig a Chymysg
Ymunwch â chlybiau a mentrau codio a roboteg ar ôl ysgol, lle maen nhw ar gael ledled Cymru, i fagu hyder a rhwydwaith cymorth.

Darganfod Modelau Rôl o Gymru
Archwiliwch straeon am fenywod o Gymru sy’n gweithio ym maes technoleg, o arbenigwyr AI i ddatblygwyr gemau, i weld sut mae gyrfaoedd ym maes technoleg yn addas i bawb.

Herio Stereoteipiau Rhywedd yng Nghymru
Siaradwch ag athrawon, rhieni neu ofalwyr a all helpu i herio’r safbwyntiau hynny.

Herio Stereoteipiau yn y Cartref ac mewn Cymdeithas
Drwy ddefnyddio iaith gynhwysol a herio normau rhywedd hen ffasiwn wrth chwarae a gwneud gweithgareddau, a meithrin sgyrsiau agored am ragfarn ac uchelgais.

Cefnogi Archwilio Technoleg yn y Cartref
Defnyddiwch adnoddau Hwb, BBC Bitesize, a phecynnau codio llyfrgelloedd lleol i helpu merched i ymgysylltu â thechnoleg yn y cartref.

Dathlu Modelau Rôl Benywaidd Lleol
Tynnwch sylw at straeon am fenywod lleol o Gymru sy’n gweithio ym maes technoleg.

Annog Gweithgareddau STEM Cymunedol
Anogwch ganolfannau cymunedol lleol, Gwasanaethau Gwybodaeth i Deuluoedd, a hybiau ieuenctid i gynnal gweithdai technoleg i ferched, a sicrhewch fod grwpiau cymunedol yn hyrwyddo cynhwysiant rhywedd mewn STEM.

Herio Negeseuon Gyrfaoedd Rhyweddol yn y Cartref
Defnyddiwch adnoddau Gyrfa Cymru i agor sgyrsiau am yrfaoedd ym maes technoleg, gan helpu merched a theuluoedd i ddeall y cyfleoedd enfawr yng Nghymru a thu hwnt.

Ymgysylltu ag Ysgolion
Gweithiwch gyda fforymau rhieni, Cymdeithasau Rhieni ac Athrawon, a llywodraethwyr ysgolion i eirioli dros arferion addysgu sy’n deg o ran rhywedd a chyfleoedd technoleg allgyrsiol i ferched.

Dull Addysgu’r Cyfalaf Gwyddoniaeth

Mabwysiadu Dull Addysgu’r Cyfalaf Gwyddoniaeth i hyrwyddo gyrfaoedd technoleg ddigidol i ferched. Mae'r dull hwn yn cysylltu cysyniadau gwyddoniaeth a thechnoleg â phrofiadau, diddordebau a dyheadau pob dydd myfyrwyr, gan wneud y pynciau hyn yn fwy perthnasol a chynhwysol.

Ymgorffori Digidol a STEM yn y Cwricwlwm i Gymru

Defnyddiwch ffocws y Cwricwlwm i Gymru ar sgiliau trawsgwricwlaidd, creadigrwydd a chymhwysedd digidol i normaleiddio ymgysylltiad merched â thechnoleg o oedran ifanc.

Defnyddio Adnoddau ac Enghreifftiau sy’n Gynhwysol o ran Rhywedd

Sicrhewch fod deunyddiau addysgu cyfrwng Saesneg a Chymraeg yn adlewyrchu amrywiaeth o ran rhywedd ac yn tynnu sylw at fodelau rôl benywaidd Cymru ym maes technoleg.

Sicrhau Amlygiad Cynnar i Sgiliau Digidol

Integreiddio prosiectau codio, roboteg a thechnoleg greadigol ar draws Meysydd Dysgu a Phrofiad (MDaPh), yn enwedig Gwyddoniaeth a Thechnoleg.

Hyfforddiant ar gyfer Ymwybyddiaeth o Ragfarn

Gweithio gyda chonsortia rhanbarthol (fel EAS, GwE, ERW a CSC) i ddarparu hyfforddiant rhagfarn ddiarwybod i athrawon, gan eu helpu i ganfod a herio rhagfarn rhywedd wrth addysgu technoleg.

Gwahodd Modelau Rôl Benywaidd o Ddiwydiant

Gweithiwch mewn partneriaeth â sefydliadau fel EESW STEM Cymru, Her Place, RoModels a Gweld Gwyddoniaeth, ynghyd â chyflogwyr technoleg lleol, i wahodd gweithwyr proffesiynol digidol benywaidd i fynychu ystafelloedd dosbarth i siarad am eu gwaith.

Datblygu Clybiau Digidol Cynhwysol a Merched yn Unig

Sefydlu a hyrwyddo clybiau codio a STEM ar gyfer merched yn unig a rhywedd cymysg.

Codi Ymwybyddiaeth o Yrfaoedd Technoleg

Defnyddiwch adnoddau cynradd Gyrfa Cymru i wreiddio ymwybyddiaeth gyrfa gynnar, gan sicrhau bod merched yn gweld yr amrywiaeth eang o yrfaoedd digidol sydd ar gael ledled Cymru a thu hwnt.

Dull Ysgol Gyfan sy’n Gynhwysol o ran Rhywedd

Ymgorffori diwylliant sy’n gynhwysol o ran rhywedd ar draws yr ysgol gyfan, gan sicrhau nad yw technoleg yn cael ei hystyried yn ‘bwnc i fechgyn’ a bod merched yn gweld eu hunain yn cael eu hadlewyrchu ym mhob agwedd ar fywyd ysgol.

Cryfhau Cysylltiadau rhwng Ysgolion a Diwydiant
Gweithiwch mewn partneriaeth ag ysgolion trwy fentrau fel EESW STEM Cymru, Her Place, Gweld Gwyddoniaeth a Llysgenhadon STEM Cymru i hyrwyddo gyrfaoedd technegol i ferched.

Darparu Modelau Rôl Benywaidd o Gymru
Anogwch weithwyr benywaidd i wirfoddoli fel Llysgenhadon STEM.

Cefnogi Mentrau Technoleg Merched o Gymru
Noddwch wersylloedd codio, cystadlaethau digidol a digwyddiadau technoleg i ferched yn unig.

Darparu Adnoddau i Ysgolion sy’n cael eu Tanariannu
Cefnogwch ysgolion, yn enwedig mewn ardaloedd gwledig ac economaidd ddifreintiedig yng Nghymru, drwy roi offer digidol, cynnig mentoriaid o’r diwydiant, neu gynnal rhaglenni allgymorth.

Cryfhau Cymhwysedd Digidol a Thegwch Rhywedd yn y Cwricwlwm i Gymru
Sicrhau bod cynhwysiant rhywedd mewn addysg ddigidol a STEM yn cael blaenoriaeth wrth gyflwyno’r Cwricwlwm i Gymru, yn enwedig ar lefel gynradd.

Cyflwyno Rhaglen Genedlaethol ar gyfer Ymwybyddiaeth o Yrfaoedd ar Lefel Gynradd
Ehangu cynllun peilot arweiniad gyrfa gynnar Gyrfa Cymru i greu rhaglen genedlaethol, gan dynnu sylw at yrfaoedd ym maes technoleg a sicrhau bod amrywiaeth o ran rhywedd yn ganolog.

Ariannu Hyfforddiant Athrawon ym maes Rhagfarn ar Sail Rhywedd ac Addysgeg Gynhwysol
Ariannu hyfforddiant gorfodol ar ragfarn ddiarwybod ac addysgu STEM cynhwysol ar gyfer pob addysgwr cynradd.

Cefnogi Clybiau Technoleg Rhywedd Cymysg ac i Ferched yn Unig
Ariannu clybiau codio a digidol mewn ysgolion cynradd ar lefel genedlaethol, gyda rhaglenni wedi’u targedu ar gyfer merched mewn lleoliadau cyfrwng Cymraeg a Saesneg.

Pontio’r Bwlch Digidol ar draws Cymru
Sicrhau bod ysgolion mewn ardaloedd gwledig, difreintiedig a heb adnoddau digonol yn cael cyllid blaenoriaeth ar gyfer offer digidol, gan sicrhau bod gan ferched fynediad cyfartal at adnoddau technoleg.

Ymgorffori Dulliau sy’n Gynhwysol o ran Rhywedd yn Strategaeth Ddigidol Cymru
Alinio nodau cynhwysiant rhywedd ar gyfer merched ym maes technoleg â Strategaeth Ddigidol Llywodraeth Cymru, gan sicrhau bod amrywiaeth yn egwyddor graidd ar draws rhaglenni sgiliau.

Olrhain ac Adrodd ar Ddata Rhywedd
Ei gwneud yn ofynnol i ysgolion ac awdurdodau lleol olrhain cyfraddau cyfranogiad merched mewn gweithgareddau sy’n gysylltiedig â STEM, o lefel gynradd ymlaen, er mwyn monitro cynnydd ac arwain polisi.