Lleoliadiau Myfyrwyr
Peidiwch â syrthio i'r fagl o feddwl "allaf i ddim cael swydd heb brofiad, allaf i ddim cael profiad heb swydd."
Mae'r Gwasanaeth Ymyrraeth Gynnar ar gampws Prifysgol De Cymru yn darparu lleoliadau i fyfyrwyr israddedig ac ôl-raddedig. Mae lleoliadau yn cynnig cyfle i fyfyrwyr gymhwyso gwybodaeth ddamcaniaethol mewn senarios go iawn, a gwella dealltwriaeth o egwyddorion seicolegol a thechnegau therapiwtig. Mae profiad ymarferol yn galluogi myfyrwyr i ddatblygu sgiliau a chymwyseddau hanfodol a all gael effaith gadarnhaol ar gyflogadwyedd. Mae lleoliadau hefyd yn rhoi cyfle i ddatblygu sgiliau technegol wrth weithio ochr yn ochr â chlinigwyr a therapyddion profiadol.
/prod01/channel_2/media/university-of-south-wales/site-assets/images/04-profiles/41-undergraduate-student/profile-undergraduate-aba-clinic--55977.jpg)
Myfyrwyr Israddedig
Os ydych chi'n fyfyriwr Seicoleg, ac yn angerddol dros weithio gyda phlant ag anghenion dysgu ychwanegol neu eisiau gwybod mwy am ddadansoddi ymddygiad yn ymarferol, dyma’ch cyfle. Gwarentir lleoliad chwe wythnos yn y Gwasanaeth Ymyrraeth Gynnar (GYG) i bob myfyriwr israddedig Seicoleg a Datblygiad Plentyndod PDC, os ydynt yn dymuno yn ystod eu hastudiaethau,
Mae ein gwasanaeth yn rhoi cyfle unigryw i weithio ochr yn ochr â thîm o ddadansoddwyr ymddygiad lefel doethuriaeth, plant ifanc ag oedi mewn datblygiad, a myfyrwyr lefel uwch fel myfyrwyr Meistr a PhD. Nid yn unig y gallwch ychwanegu profiad y mae mawr ei angen ar eich CV, ond gallwch hefyd helpu eich astudiaethau academaidd trwy weld y damcaniaethau rydych chi'n dysgu amdanynt yn y dosbarth yn cael eu defnyddio mewn ymarfer clinigol.
Yn y GYG, mae myfyrwyr yn gweithio trwy hierarchaeth hyfforddi haenog i hyrwyddo datblygiad sgiliau technegol a phroffesiynol. I wneud cais am leoliad ym mlwyddyn academaidd 2024-25, cwblhewch y ffurflen gais.
Rydym yn cynnig tair lefel o hyfforddiant mewn hierarchaeth hyfforddi haenog i hyfforddi myfyrwyr i ddod yn therapyddion effeithiol.
Myfyrwyr Ôl-raddedig
Rydym hefyd yn cynnig lleoliadau i fyfyrwyr ôl-raddedig dadansoddi ymddygiad sy'n gweithio tuag at ardystiad UKBA(cert). Mae lleoliadau yn rhoi cyfle i fyfyrwyr ddatblygu sgiliau proffesiynol a thechnegol hanfodol sy'n ofynnol gan y safonau cymhwysedd UK-SBA. Mae myfyrwyr ôl-raddedig yn gyfrifol am reoli achosion cleientiaid, cynnal asesiadau, ac ysgrifennu adroddiadau o dan oruchwyliaeth dadansoddwyr ymddygiad ar y safle. Mae myfyrwyr hefyd yn cael goruchwyliaeth wythnosol gan dîm academaidd o ddadansoddwyr ymddygiad lefel doethuriaeth i sicrhau hyfforddiant o'r ansawdd uchaf.
I gael rhagor o wybodaeth am y Diploma ôl-raddedig (PgDip) mewn Ymarfer Dadansoddi Ymddygiad dan Oruchwyliaeth, ewch i’r wefan.
I gael gwybodaeth am y Radd Meistr (MSc) mewn Dadansoddi Ymddygiad a Therapi, ewch i'r wefan.
Os oes gennych unrhyw gwestiynau am ein cyrsiau MSc neu PgDip, cysylltwch â Dr Aimee Giles.
Interniaeth Ymchwil
Mae’r interniaeth ymchwil yn y Clinig Dadansoddi ymddygiad yn rhoi cyfle i’w brofi adroddiad ysgrifenedig trwy ein Gwasanaeth Ymyrraeth Gynnar (EIS). Mae’r interniaeth ar gyfer cyrsiau cwrs gradd israddedig yn ogystal â’r rhai sy’n dilyn cyrsiau ôl-raddedig. Bydd yn ennill y wybodaeth a’r sgiliau ymchwil o ansawdd uchel mewn lleoliadau cymhwysol ac yn gweithio ochr yn ochr â staff sy’n cynhyrchu prosiectau ymchwil o fewn ardaloedd o’r campws a’r gymuned leol.
Am fwy o wybodaeth, hwyr â: [email protected].