Ymddygiad Myfyrwyr

• Cod Ymddygiad Myfyrwyr 2024-25: Saesneg | Cymraeg
• Rheoliadau Camymddwyn Anacademaidd 2024-25: Saesneg | Cymraeg
• Polisi Camymddwyn a Thrais Rhywiol 2024-25: Saesneg | Cymraeg

Mae rheoliadau 2024/25 a’r blynyddoedd cyn hynny ar gael ar gais oddi wrth yr Uned Gwaith Achos Myfyrwyr.  E-bostiwch: [email protected].

Cod Ymddygiad Myfyrwyr

• Dileu dyblygu drwy gydol y Cod o ran Rheoliadau Camymddwyn Myfyrwyr, a chanoli'r rhestr o doriadau posibl i’r Cod, i weithredu fel dogfen gyfeirio fwy hygyrch i fyfyrwyr.  Mae adran fyrrach wedi'i hychwanegu at 4.3 i bwysleisio rhwymedigaethau myfyrwyr pan fo camymddwyn hefyd yn drosedd.
• Yn 1.6, eglurhad y bydd gweithdrefnau disgyblu staff yn cael eu rhoi ar waith yn ôl manylion yr achos yn hytrach nag ym mhob achos. 
• Tynnu Materion sy'n benodol i'r wlad astudio (6.3.9 gynt) o'r Cod gan fod hyn wedi'i gyflwyno ar gyfer partneriaethau rhyngwladol penodol a gellir ei reoli drwy'r rhestr bresennol nad yw'n gynhwysfawr o enghreifftiau o dorri’r Cod. Yn aml, mae'r toriad hwn yn cael ei ddewis pan nad yw'n berthnasol. 
• Ychwanegiad at Adran 5 - enghreifftiau o gamymddwyn sy'n benodol i gyrsiau sydd wedi'u cofrestru'n broffesiynol (addasrwydd i ymarfer).  Mae hyn wedi'i godi o'r Rheoliadau Camymddwyn Myfyrwyr gan ei fod yn eistedd yn fwy priodol o dan y Cod. 

Rheoliadau Camymddwyn Myfyrwyr (yn flaenorol, Rheoliadau Camymddwyn Anacademaidd)

• Mae dileu’r dyblygu yn newid allweddol trwy gydol y Rheoliadau Camymddwyn Myfyrwyr; lle bo hynny'n briodol, cyfeirir darllenwyr yn uniongyrchol at y Weithdrefn berthnasol. Fel arall, mae'r holl wybodaeth wedi'i chynnwys yn y Cod Ymddygiad Myfyrwyr e.e. mae toriadau i’r Cod o dan addasrwydd i ymarfer wedi'u symud yma.
• Mae 'Sancsiynau' wedi cael ei ychwanegu fel adran annibynnol a'i aildrefnu i adlewyrchu trefn y broses camymddwyn myfyrwyr.
• Yn 2.5, newid o 'unrhyw wrandawiad disgyblu neu adolygu' i 'unrhyw achos o dan y rheoliadau hyn' mewn perthynas â phenderfyniadau sy'n cael eu gwneud ar gydbwysedd tebygolrwydd. 
• Yn 2.6, ychwanegu Pennaeth Gwaith Achos Myfyrwyr (neu enwebai) fel yr awdurdod wrth dderbyn eithriadau ar gyfer codi honiadau y tu allan i'r amserlen dri mis.  
• Yn 2.8, mae'r geiriad mewn perthynas â honiadau dienw yn cael ei egluro’n fanylach.
• Yn 2.22, ychwanegu eglurhad y gallai methu â datgelu ar y cam Derbyn ddal arwain at agor achos camymddwyn myfyrwyr.
• Yn 2.24, mae'r geiriad yn cael ei egluro yng ngoleuni diben yr adran, sef cwmpasu achosion lle mae myfyriwr wedi datgelu trosedd yn gywir, ond mae natur y drosedd yn golygu y gallai toriad i’r Cod Ymddygiad Myfyrwyr fod wedi digwydd oherwydd natur y drosedd. 
• Yn 2.25, mae'r geiriad wedi newid i gyd-fynd â'r broses. Fel arfer, ni fydd gweithdrefnau disgyblu mewnol yn dechrau tra bo’r heddlu yn dal i weithredu.  Lle mae angen gwyro oddi wrth hyn, penderfynir hyn ar y cyd â'r Cwnsler Cyffredinol ac mewn ymgynghoriad â'r heddlu, er mwyn sicrhau nad oes unrhyw ymyrraeth rhwng prosesau'r brifysgol a gweithredu parhaus yr heddlu.  
• Yn 2.25 d), mae’r broses wedi’i diwygio; yng ngoleuni'r cymhlethdodau'n ymwneud â dedfrydu, cynghorir myfyrwyr i ail-ymgeisio trwy Derbyniadau lle maent yn cael eu tynnu'n ôl yn awtomatig am ddedfryd o garchar o fwy na chwe mis / hyd eu cwrs.
• Ychwanegu 2.28-2.29 i ddarparu sail reoleiddiol ar gyfer cynnal ystyriaeth dyfarniad/canlyniad diwedd blwyddyn mewn achosion difrifol. Gall hyn gael ei wneud gan y Pennaeth Gwaith Achos Myfyrwyr (neu enwebai) mewn ymgynghoriad â chyfadran y myfyriwr. 
• Yn 5.24, mae'r geiriad wedi'i ddiwygio i adlewyrchu na all myfyrwyr sy'n adrodd a thystion ofyn am lythyr Cwblhau Gweithdrefnau.   Pan fo myfyrwyr sy’n adrodd neu dystion (sy’n fyfyrwyr) yn anfodlon â'r ffordd mae'r Weithdrefn wedi'i chynnal, efallai y byddant yn gallu cyflwyno cwyn gan ddefnyddio'r Weithdrefn Cwynion Myfyrwyr, fel y nodir yn adran 3.6.

Gweithdrefn Asesu Risg

• Yn 13, mae'r cyfeiriad at 'paratoi amddiffyniad' wedi'i ddileu gan na fyddai hyn fel arfer yn berthnasol. 
• Yn 14, mae'r geiriad wedi'i ddiwygio o 'y gwaharddiad dros dro' i 'unrhyw weithred ragofal sydd wedi ei rhoi ar waith', gan y gallai myfyrwyr deimlo eu bod wedi cael eu difreintio gan gamau gweithredu heblaw am wahardd dros dro. 
• Dan Proses Garlam, ychwanegir cyfeiriad at ailwerthusiadau syml o risg (h.y. gweithredoedd y Cadeirydd) gan fod hyn yn amgylchiad arall lle gellid defnyddio'r broses garlam, fel y nodir ym mhwynt 16.
• Dan Proses Garlam, mae Pennaeth Gwaith Achos Myfyrwyr (neu enwebai) wedi ei ychwanegu fel rhywun sy’n gwneud penderfyniadau yn y broses garlam, er mwyn cynyddu gwytnwch yn wyneb absenoldebau staff (pwynt 24).
• Dan Cais am Adolygiad, mae’r seiliau y mae'n rhaid eu dangos wedi’u hychwanegu yn unol â'r Weithdrefn ar gyfer Ceisiadau am Adolygiad, er mwyn sicrhau mai dim ond achosion credadwy sy'n cael eu cyfeirio at Banel Adolygu.

Polisi Camymddwyn a Thrais Rhywiol

• Yn 11, mae geiriad wedi’i ychwanegu ynglŷn â galw Panel Asesu Risg ar ôl datgeliad, gydag chyfeiriad at y Weithdrefn Asesu Risg.

Gweithdrefn ar gyfer Cam 1: Camymddwyn nad yw’n Sylweddol gan Fyfyriwr

• Yn 1, mae'r diffiniad o 'gamymddwyn nad yw'n sylweddol' wedi'i egluro ymhellach fel a ganlyn: 'Gellir ymdrin â mater o dan 'Camymddwyn nad yw’n Sylweddol gan Fyfyriwr pan ystyrir bod potensial i fynd i'r afael â phryderon honedig heb ymchwiliad ffurfiol'.
• Yn 3, mae eglurhad y bydd penderfyniad enwebai’r Deon yn cael ei wneud ar ôl y cyfarfod ac nid yn ystod y cyfarfod. 
• Mae rhestr o gosbau posibl i'w gweinyddu yng Ngham 1 wedi'i hychwanegu, i alinio â Cham 1:  Achos Pryder. 
• Yn 4, ychwanegir eglurhad, pan fo achos eisoes wedi'i ymchwilio yng Ngham 2 ac o ganlyniad wedi cael ei gyfeirio yn ôl i Gam 1, ni all atgyfeirio arall i Gam 2 ddigwydd.
• O 9 ymlaen, mae cais am adolygiad gyda sail wedi’i ychwanegu, yn dilyn cyngor SDA. Cynigir ystyried ceisiadau cymwys am adolygiad yng ngham 1 gan rywun yn y gyfadran ar yr un lefel o ran swydd â'r person sy'n gwneud y penderfyniad gwreiddiol neu'n uwch.

Gweithdrefn ar gyfer Cam 2: Ymchwiliadau i Gamymddwyn gan Fyfyrwyr

• Yn 3, ychwanegir eglurhad y bydd y Pennaeth Gwaith Achos Myfyrwyr (neu enwebai) ar y cyd â'r Gyfadran yn penderfynu a yw achos yn eistedd yng Ngham 1 neu Gam 2. 
• Yn 4, rhoddir eglurhad y bydd ymchwiliad yn dechrau cyn gynted â phosibl pan fo hynny'n briodol, yn hytrach na bydd ymchwiliad yn dechrau cyn gynted ag y derbynnir honiad.
• Yn 18, ychwanegu cyfeiriad at y Swyddog Ymchwilio’n penderfynu a oes angen iddynt gyfweld â thystion.
• Yn 20, eglurhad y gall enwebai’r Deon benderfynu, ar sail adroddiad Swyddog Ymchwilio, nad oes unrhyw honiadau yn cael eu derbyn a chau'r achos.
• Yn 20, rhoddir eglurhad mai enwebai y Deon sydd i weithredu sancsiwn cam 1 (lle bo hynny'n berthnasol) wrth adolygu adroddiad Swyddog Ymchwilio, yn hytrach na chyfeirio'n ôl at gam 1 / Achos Pryder i gynnal cyfarfod arall. 

Gweithdrefn ar gyfer Ceisiadau am Gynrychiolaeth Gyfreithiol

• Mae'r weithdrefn hon wedi'i hailstrwythuro'n gyffredinol i ddileu dyblygu ac i adlewyrchu'r ffaith y gall myfyrwyr ofyn am gynrychiolaeth gyfreithiol ar gyfer pob gweithdrefn, ym mhob cam o'r broses. Nid yw hyn yn gyfystyr â dweud y bydd cynrychiolaeth o'r fath yn cael ei derbyn ond mae’n creu sail ar gyfer ystyried ceisiadau o'r fath.
• Mae amserlenni ar gyfer gofyn am sylwadau cyfreithiol mewn perthynas â gwrandawiadau wedi’u diwygio, er mwyn sicrhau nad yw dyddiadau cau mewnol yn cael eu peryglu (mae angen rhybudd hirach ar gyfer gwrandawiadau i ganiatáu amser i ymateb i'r cais cyn y gwrandawiad). 
• Mae 8 wedi’i ailweithio ychydig, o ystyried efallai nad y myfyrwyr eu hunain fydd yn gyfrifol am dalu costau cyfreithiol (gallai hyn fod yn rhiant, er enghraifft).

Gweithdrefn ar gyfer Cam 2: Gwrandawiadau Disgyblu

• Yn 23, eglurhad y byddai copi caled o ganlyniad gwrandawiad yn cael ei gyhoeddi dim ond lle mae myfyriwr wedi nodi hyn fel dewis. Dileu geiriad rhy gyfreithlon. 
• Cyfeiriadau at weithdrefnau eraill (Gweithdrefnau ar gyfer Ceisiadau am Gynrychiolaeth Gyfreithiol; Gweithdrefn ar gyfer Cam 3) wedi'i ychwanegu.

Gweithdrefn ar gyfer Cam 3: Ceisiadau am Adolygiad o Ganlyniadau Disgyblu Cam 2 (Gweithdrefn ar gyfer Ceisiadau am Adolygiad gynt)

• Yn 2, eglurhad bod prosesau ar wahân yn bodoli ar gyfer penderfyniadau  Camymddwyn gan Fyfyrwyr/Achos Pryder, Cwynion Myfyrwyr, Apeliadau Academaidd a Phaneli Asesu Risg a chadarnhad bod y prosesau hynny wedi'u cynnwys ym mhob Gweithdrefn.
• Yn 6, mae newid yn y geiriad o Ysgrifennydd y Brifysgol (neu enwebai) i Bennaeth Gwaith Achos Myfyrwyr (enwebai), gan y byddai'r adolygiad cychwynnol ar gyfer cymhwysedd apêl ymchwil yn fwy priodol o fewn yr Uned Gwaith Achos Myfyrwyr ac yn caniatáu uwchgyfeirio posibl.
• Eglurhad y bydd y cam cymhwysedd cychwynnol yn ystyried a yw cais y myfyriwr am adolygiad wedi dangos rhesymau digonol i gyfiawnhau ystyriaeth bellach. 
• Dileu cyfeiriad at sail 'blinderus neu wamal' gan na fyddai hyn fel arfer yn berthnasol.
• Yn 7, eglurhad nad yw'r adolygiad cymhwysedd cychwynnol yn penderfynu a oes gan y myfyriwr sail ond a yw'n bodloni'r meini prawf i'w ystyried.
• Yn 14, eglurhad y byddai copi caled o ganlyniad gwrandawiad yn cael ei gyhoeddi ddim ond lle bo myfyriwr wedi nodi hyn fel dewis.
• O 15 ymlaen, ychwanegu geiriad ynghylch cyhoeddi llythyrau Cwblhau Gweithdrefnau yn dilyn cais am adolygiad. 

Mae’r Rheoliadau Cyffredinol ar Ddiogelu Data (GDPR) wedi disodli’r Ddeddf Diogelu Data.  Mae esboniad o sut bydd y Brifysgol yn defnyddio'ch data yma ac yn y Cynllun Cyfathrebu ar frig y dudalen hon. Sylwer, yn unol â Rheoliadau GDPR, dim ond os bydd Ffurflen Caniatâd Trydydd Parti wedi'i chwblhau (ar gael o dan Ffurflenni) y bydd unrhyw  dystiolaeth trydydd parti ategol yn cael ei derbyn.