Bioleg

Sgiliau a Datblygiad Proffesiynol 1
Mae'r modiwl hwn yn adeiladu'r sgiliau academaidd angenrheidiol yn eu cwrs a'u gyrfaoedd i'r dyfodol. Mae'r modiwl yn darparu cyflwyniad i sgiliau darllen ac ysgrifennu gwyddonol, cyfeirnodi, dadansoddi gwaith cyhoeddedig yn feirniadol a'r egwyddorion ystadegol sydd eu hangen i gadarnhau dibynadwyedd data cyhoeddedig.

Geneteg ac Esblygiad
Mae'r modiwl hwn yn cyflwyno egwyddorion a chysyniadau craidd geneteg a damcaniaeth esblygiad. Bydd myfyrwyr yn meithrin dealltwriaeth o etifeddiad, damcaniaeth esblygiad a'r ffactorau sy'n cymell esblygiad.

Amrywiaeth Bywyd Cellol
Mae'r modiwl hwn yn cyflwyno bywyd ar lefel gellol, gan gynnwys y gwahaniaethau rhwng procaryotau (prokaryotes) ac ewcaryotau (eukaryotes), cydrannau cellol amrywiol a'r llwybrau metabolig cellol. Yn ogystal, bydd myfyrwyr yn casglu ac yn dadansoddi data yn ystod dosbarthiadau ymarferol mewn labordy.

Anatomeg, Ffisioleg a Biocemeg
Mae'r modiwl yn darparu trosolwg o sefydliad strwythurol a swyddogaethol y corff dynol. Mae'r modiwl yn cynnwys deall pob system corff anatomegol, yn ogystal â'r prosesau cemegol sylfaenol sy'n bresennol ym mhob organeb.

Bioamrywiaeth 
Mae'r modiwl hwn yn meithrin dealltwriaeth o egwyddorion a methodolegau tacsonomeg a dosbarthiad organebau byw. Bydd myfyrwyr yn datblygu cymwyseddau ymarferol a fydd yn eu galluogi i ddadansoddi sbesimenau a data trwy gymhwyso damcaniaeth seiliedig ar ddarlithoedd i waith maes a labordy.

Egwyddorion Ecoleg
Bydd myfyrwyr yn datblygu dealltwriaeth gadarn o ddamcaniaeth ecolegol a'r gallu i nodi a gwerthuso hierarchaeth, prosesau, cylchoedd ac olyniaethau ecolegol yn feirniadol trwy ddarlithoedd, gwaith maes a sesiynau ymarferol yn y labordy.

Sgiliau a Datblygiad Proffesiynol 2
Nod y modiwl hwn yw adeiladu ar y sgiliau proffesiynol allweddol a gyflwynwyd ym Mlwyddyn 1 a datblygu cymwyseddau mewn caffael data, trin data a chyfleu gwyddoniaeth gan ddefnyddio dadansoddiad ystadegol, biowybodeg, cartograffeg a dadansoddiad gofodol.

Seminar Bioleg Esblygiadol
Mae'r modiwl hwn sydd wedi'i deilwra ar gyfer y cwrs BSc Bioleg yn archwilio hanes, datblygiad a'r dadleuon mewn damcaniaeth esblygiadol. Fel seminar, caiff y modiwl ei gymell gan fyfyrwyr ac mae'n sgyrsiol, ac mae'n galluogi myfyrwyr i ymgysylltu'n ddwfn â gwaith ysgolheigaidd dylanwadol.

Geneteg Foleciwlaidd Dynol
Nod y modiwl hwn yw cyflwyno myfyrwyr i eneteg foleciwlaidd a sail enetig anhwylderau cysylltiedig. Wrth gwblhau'r modiwl hwn yn llwyddiannus, bydd myfyrwyr yn deall cymwysiadau damcaniaethol ac ymarferol y technegau bioleg foleciwlaidd allweddol a ddefnyddir wrth astudio geneteg a'u pwysigrwydd mewn anhwylderau genetig dynol.

Swoleg Fertebratau Cymharol
Trwy gyfuno hanes y Ddaear â'r ffurf anatomegol a swyddogaeth ffisiolegol, bydd myfyrwyr yn astudio esblygiad y dosbarthiadau o fertebratau a'u ffyrdd o fyw cymharol. Caiff y modiwl ei gyflwyno gan ddefnyddio cyfuniad o ddarlithoedd traddodiadol, sesiynau ymarferol mewn dyrannu a thiwtorial clwb cofnodlyfr.

Ecoleg Ymddygiadol
Bydd y modiwl yn rhoi sylfaen i fyfyrwyr mewn ecoleg ymddygiadol a defnyddio fframweithiau damcaniaethol i ddeall y rhyngweithio rhwng ymddygiad, ecoleg ac esblygiad.

Cadwraeth Drofannol Gymhwysol 
Mae'r modiwl dewisol hwn yn defnyddio cyfuniad o ddamcaniaeth, astudiaethau achos ymarferol a gwaith maes sy'n canolbwyntio ar dirweddau trofannol allweddol er mwyn archwilio astudiaethau ecoleg drofannol a chadwraeth mewn cyd-destun cymhwysol a hwyluso datblygiad sgiliau cysylltiedig. Noder bod y modiwl hwn yn cynnwys cwrs maes rhyngwladol preswyl ac felly mae'n golygu costau ychwanegol.

Y Byd Anweladwy
Bydd y modiwl dewisol hwn yn cyflwyno myfyrwyr i ystod o dechnegau microsgopeg i ddadansoddi deunyddiau biolegol a daearegol. Bydd yn darparu profiad technegol a phrofiad mewn labordy i baratoi a dadansoddi samplau a chaniatáu myfyrwyr i ystyried yr ystod o ffactorau sy'n effeithio ar gadwraeth neu ansawdd y samplau a ddadansoddir.

Ymarfer a Lleoliad Proffesiynol 
Mae'r modiwl dewisol hwn yn rhoi cyfle i fyfyrwyr weithio gyda chyflogwr masnachol/diwydiannol neu ar leoliad cyflogwr efelychiadol. Bydd lleoliadau'n cael eu cynnig gan y Brifysgol neu'n cael eu trefnu gan fyfyrwyr unigol. Cefnogir y broses hon gan ein tîm gwasanaethau proffesiynol.

Prosiect Ymchwil a Datblygiad Gyrfaol
Mae'r modiwl hwn yn lletya ein prosiect ymchwil capfaen, sydd wrthi'n ymgysylltu myfyrwyr mewn gwaith cynllunio prosiectau a rhoi ymchwil wyddonol ar waith ar lefel broffesiynol, gan gloi'r modiwl trwy gyflwyno canlyniadau mewn fforwm cynhadledd ymchwil wyddonol. Yn ogystal, mae'r modiwl hwn yn pontio rhwng bywyd y brifysgol a bywyd proffesiynol, ac mae'n cynnwys ffocws ar ddatblygiad proffesiynol.

Bodau Dynol a Phrimatiaid Eraill
Mae'r modiwl hwn yn gwahodd myfyrwyr i archwilio beth mae bod yn ddynol yn ei olygu, drwy ystyried ein lle yn nheyrnas yr anifeiliaid a dysgu am ein perthnasau agosaf. Bydd myfyrwyr yn cael eu gofyn i ddadansoddi damcaniaethau croes mewn palaeoanthropoleg, ecoleg ymddygiadol a damcaniaeth esblygiadol yn feirniadol.

Amrywiaeth Ddynol
Mae'r modiwl hwn yn ceisio deall yr amrywiaeth fiolegol a ganfuwyd mewn un rhywogaeth (Homo sapiens) a sylfeini esblygiadol yr amrywiaeth honno. Bydd y modiwl yn cynnwys safbwynt hanesyddol yr astudiaeth o fodau dynol, gan gynnwys gwyddoniaeth “hil” a phenderfyniaeth fiolegol a chyferbynnu'r rhain gyda dulliau gweithredu amrywiaeth ddynol fGwy cyfoes.

Heriau Iechyd Byd-Eang
O gwblhau'r modiwl hwn yn llwyddiannus, bydd y dysgwr yn deall iechyd cyhoeddus mewn cyd-destun byd-eang ac yn archwilio effaith anghydraddoldeb ar iechyd a llesiant dynol. Bydd y modiwl yn archwilio'r atebion posibl i'r materion hyn, a bydd dysgwyr yn gwerthuso llwyddiannau a chyfyngiadau ymyriadau i leihau anghydraddoldeb iechyd byd-eang.

Heriau Ecolegol Byd-Eang
Yn y modiwl hwn, bydd myfyrwyr yn cymhwyso gwybodaeth a sgiliau gwyddonol gyfoes i ddehongli ymatebion ecolegol i effeithiau anthropogenig, gan gynnwys newid yn y defnydd o'r tir a'r môr a newid yn yr hinsawdd. 

Bioleg Ddyfrol 
Yn y modiwl dewisol hwn, bydd myfyrwyr yn caffael gwybodaeth fanwl am ecosystemau dyfrol, eu systemau a'u prosesau ecolegol, ffisioleg ac ymddygiad eu planhigion a'r anifeiliaid sydd ynddynt.

Ecoleg Swyddogaethol
Mae ecoleg swyddogaethol yn ddisgyblaeth sy'n uno, gan ddwyn ynghyd bioleg esblygiadol, geneteg, ecoleg esblygiadol ac ecoleg draddodiadol. Bydd y modiwl dewisol hwn yn archwilio'r maes croestoriadol hwn, gan ystyried strategaethau ecolegol y mae anifeiliaid a phlanhigion yn eu mabwysiadu i gaffael adnoddau, tyfu, goroesi ac atgynhyrchu.

Datblygiadau Moleciwlaidd Modern
O gwblhau'r modiwl dewisol hwn yn llwyddiannus, bydd myfyrwyr yn gallu gwerthuso'r datblygiadau therapiwtig a thechnolegol sydd wedi cyrraedd ymarfer clinigol yn llwyddiannus yn feirniadol at ddibenion diagnosis a rheoli afiechydon. Caiff y modiwl ei gyflwyno drwy gyfuniad o ddarlithoedd, sesiynau tiwtorial ac astudiaethau achos.