This website uses cookies to improve your experience. Read our cookie policy

MA

CAMH (Iechyd Meddwl Plant a'r Glasoed)

Mae'r cymhwyster ôl-radd hwn mewn Iechyd Meddwl Plant a'r Glasoed yn rhoi cyfle i chi ddysgu ochr yn ochr â gweithwyr proffesiynol o ystod o gefndiroedd proffesiynol a chefndiroedd amrywiol mewn cyd-destun hynod gefnogol.

Sut i wneud cais Archebu lle ar Noson Agored Sgwrsio gyda ni

Manylion Cwrs Allweddol

  • Dyddiad Cychwyn

    Medi

  • Lleoliad

    Casnewydd

  • Côd y Campws

    C

Ffioedd

  • Myfyrwyr cartref

    £10,800*

  • Myfyrwyr rhyngwladol

    £16,900*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

  • Dyddiad Cychwyn

    Medi

  • Lleoliad

    Casnewydd

  • Côd y Campws

    C

Ffioedd

  • Myfyrwyr cartref

    £1,200*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

Mae'r cwrs Iechyd Meddwl Plant a'r Glasoed hwn yn datblygu gweithwyr proffesiynol gwybodus a myfyriol sy'n gallu defnyddio ymarfer seiliedig ar dystiolaeth mewn ffyrdd a fydd yn cael effaith ar y gweithle ac ar ddeilliannau'r plant a'r bobl ifanc sy'n defnyddio'r gwasanaethau hynny.

CYNLLUNIWYD AR GYFER

Nod y cwrs hwn yw cynnig cyfleoedd i fyfyrwyr feithrin eu gwybodaeth, sgiliau a dealltwriaeth broffesiynol ac, yn bwysicaf oll, eu gallu i feddwl yn feirniadol.

Llwybrau Gyrfa

  • Gweithiwr Proffesiynol Gwasanaethau Plant
  • Gweithiwr Proffesiynol Iechyd a Gofal Cymdeithasol

Sgiliau a addysgir

  • Dadansoddi
  • Gwerthusiad
  • Ymchwil
  • Gwaith cynllunio a chyfathrebu ar gyfer prosiectau
  • Datrys problemau mewn modd creadigol

Trosolwg o'r Modiwl

Bydd myfyrwyr ar y cwrs Meistr mewn Iechyd Meddwl Plant a'r Glasoed yn cwblhau tri modiwl craidd 30 credyd, un neu ddau fodiwl arbenigol ychwanegol, a Modiwl Traethawd Hir (30 credyd neu 60 credyd). Bydd dewis y Traethawd Hir byrrach yn galluogi myfyrwyr i ddewis modiwl arbenigol ychwanegol.

Iechyd Meddwl Plant a'r Glasoed: Cyd-destunau a Chysyniadau 

Mae ffocws damcaniaethol i'r modiwl hwn, ac mae'n rhoi rhagarweiniad i fyfyrwyr ar gysyniadau allweddol ym maes Iechyd Meddwl Plant a'r Glasoed ac yn datblygu eu gallu i edrych ar faterion yn ymwneud ag Iechyd Meddwl Plant a'r Glasoed mewn ffordd feirniadol, er enghraifft drwy edrych ar gysyniadau risg a ffactorau amddiffynnol mewn perthynas â deilliannau da i blant a phobl ifanc.

Rheoli a Chefnogi Iechyd Meddwl Plant a'r Glasoed ac Anawsterau Cymdeithasol, Emosiynol ac Ymddygiadol

Mae'r modiwl hwn yn canolbwyntio'n fwy ar ddamcaniaeth ymarfer ac yn datblygu eich gallu i edrych yn feirniadol ar yr amrywiaeth o ddulliau atal ac ymyriadau drwy archwilio amrywiaeth o ddulliau ac ymyriadau seiliedig ar dystiolaeth.

Methodoleg Ymchwil 

Bydd y modiwl hwn yn eich helpu i feithrin y wybodaeth, y sgiliau a'r hyder i allu gwneud darn o waith ymchwil sylfaenol neu eilaidd.

 

Traethawd hir (30 credyd neu 60 credyd)

Bydd y modiwl hwn yn helpu myfyrwyr i ddatblygu a chwblhau darn o waith ymchwil sylweddol. Bydd dewis y Traethawd Hir byrrach yn galluogi myfyrwyr i ddewis modiwl arbenigol ychwanegol.

Y Modiwlau Dewisol

  • Hyrwyddo Rhagoriaeth mewn Dysgu ac Addysgu
  • Arwain a Rheoli AAA / ADY
  • Arloesi wrth Gynllunio'r Cwricwlwm
  • Gweithio gyda Grwpiau Agored i Niwed
  • Awtistiaeth: Cyd-destunau a Chysyniadau
  • Rheoli a Chefnogi Awtistiaeth
  • Meithrin Cymhwysedd Digidol
  • Datblygu Dysgu mewn Sefydliadau
  • Datblygu Pobl mewn Sefydliadau
  • Safbwyntiau Rhyngwladol ar Blentyndod Cynnar

Ffioedd a Chyllid

Ffi Llawn Amser y DU

£10,800

fesul blwyddyn*
Ffi Llawn Amser y DU

£1,200

fesul blwyddyn*
Ffi Llawn Amser Rhyngwladol

£16,900

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Gostyngiad Cyn-Fyfyrwyr

Gofynion mynediad

Gofynion cymhwyster nodweddiadol:

  • Mae gradd gyntaf dda yn cael ei ffafrio ond mae profiad yn cael ei werthfawrogi'n fawr. 
  • Bydd angen i fyfyrwyr amser llawn a rhan-amser sy'n dewis modiwlau sydd â chydran lleoliad fel rhan o'r broses asesu, ddarparu tystiolaeth o wiriad DBS gwell cyfredol (neu'r hyn sy'n cyfateb iddo os ydych chi'n fyfyriwr o'r UE neu'n fyfyriwr rhyngwladol) 
  • Bydd angen i fyfyrwyr amser llawn sy'n dymuno manteisio ar y cyfle i gymryd rhan yn y Cynllun Interniaeth hefyd ddarparu tystiolaeth o wiriad Gwasanaeth Datgelu a Gwahardd (DBS) Gwell Cyfredol (neu'r hyn sy'n cyfateb iddo os ydych chi'n fyfyriwr UE neu ryngwladol)  

 

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati. 

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

Uchafbwyntiau'r Cwrs

Sut y byddwch yn dysgu

Bydd y cwrs yn helpu myfyrwyr i feithrin y wybodaeth, y sgiliau a'r ddealltwriaeth i ddatblygu fel ymarferwyr myfyriol. 

Bydd yr asesiadau ffurfiannol yn cynnwys y gofyniad i fyfyrwyr ledaenu'r hyn y byddant yn ei ddysgu drwy gyflwyniadau, a bydd hyn yn cefnogi'r rôl a fydd gan lawer o raddedigion y cwrs o ran arwain y broses o roi dulliau ac ymyriadau newydd ar waith a chefnogi cydweithwyr. 

Bydd pob modiwl wedi'i rannu'n 10 sesiwn ar y cwmpas o dair awr yr un, a chaiff y rhan fwyaf ohonynt eu cynnal gyda'r nos (ar gyfer myfyrwyr rhan-amser, caiff yr holl sesiynau eu cynnal gyda'r nos).

Staff addysgu

  • Rebecca Haycock, arweinydd y cwrs
  • Halima Alam
  • Susan Haywood

Gyrfaoedd a Chyflogadwyedd

Gyrfaoedd graddedigion

Bydd myfyrwyr ar y cwrs MA Iechyd Meddwl Plant a'r Glasoed yn aml yn weithwyr proffesiynol sy'n gweithio mewn Gwasanaethau Plant (addysg, iechyd a gofal cymdeithasol) a hoffai ddatblygu eu harbenigedd mewn perthynas â materion yn ymwneud ag Iechyd Meddwl Plant a'r Glasoed gan y byddant yn aml yn gweithio gyda phlant a phobl ifanc sydd ag amrywiaeth ehangach o anawsterau mwy cymhleth.

Llwybrau gyrfa posibl

Bydd angen gradd Meistr er mwyn camu ymlaen mewn nifer o alwedigaethau proffesiynol, ac ystyrir yn gyffredinol bod hynny'n dystiolaeth o ymrwymiad llwyddiannus i ddatblygiad proffesiynol ar lefel uchel. Bydd dyfarniad MA yn dangos eich bod wedi meithrin sgiliau lefel uwch ym meysydd dadansoddi, gwerthuso ac ymchwil.

Astudio yn PDC

Mae ein cyrsiau wedi'u cynllunio gydag arweinwyr diwydiant ac yn darparu'r sgiliau a'r profiadau ymarferol y mae'r diwydiant yn gofyn amdanynt. Mae ein cyrsiau hyblyg yn adlewyrchu'r angen am ddysgu gydol oes. Os ydych chi'n gwerthfawrogi addysg yn ymarferol, nid mewn theori yn unig, yna mae PDC ar eich cyfer chi.

Two people studying together at a table, surrounded by books and papers.
Ffioedd a chyllid i ôl-raddedigion
University of South Wales Newport Campus.
Campws Casnewydd
A member of staff is smiling and chatting with an open evening visitor.
Digwyddiadau Agored Ôl-raddedig

SUT I WNEUD CAIS

Mae yna broses ymgeisio ar-lein ar gyfer y cwrs hwn. Dewiswch y ffurflen gais ar gyfer y dyddiad cychwyn a’r dull astudio o’ch dewis (h.y. amser llawn neu ran-amser).

Derbyniadau rhyngwladol

Gweler ein cyngor derbyn rhyngwladol i gael rhagor o wybodaeth am sut i wneud cais fel darpar fyfyriwr rhyngwladol.