This website uses cookies to improve your experience. Read our cookie policy

BA (Anrh)

Celf Gemau

Dysgwch sut i ddod â bydoedd a chymeriadau yn fyw a rhoi’r potensial i chi symud ymlaen i rai o brif stiwdios gemau’r byd.

Sut i wneud cais Gwneud cais trwy UCAS Archebu lle ar Ddiwrnod Agored Sgwrsio gyda ni

Manylion Cwrs Allweddol

  • Côd UCAS

    W281

  • Dyddiad Cychwyn

    Medi

  • Lleoliad

    Caerdydd

  • Côd y Campws

    B

Ffioedd

  • Myfyrwyr cartref

    £9,535*

  • Myfyrwyr rhyngwladol

    £15,850*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

Gan weithio ar brosiectau byw ar draws amryw o gyfryngau chwarae, byddwch yn cael y cyfleoedd i feistroli offer safonol y diwydiant fel Unreal Engine. Byddwch yn datblygu’r sgiliau technegol, creadigol a ‘meddal’ y mae stiwdios gemau cyfrifiadurol gorau’r byd yn gofyn amdanynt, gan eich paratoi ar gyfer rôl eich breuddwydion mewn celf gemau.

CYNLLUNIWYD AR GYFER

Os oes gennych gefndir mewn celf ac yn caru gemau fideo, mae’r cwrs hwn yn eich helpu i gyfuno’r angerdd hynny mewn gyrfa amrywiol, deinamig a gwerth chweil. Byddwch yn gweld ansawdd eich gwaith yn gwella a’ch gwybodaeth am y diwydiant yn tyfu nes eich bod yn barod am rôl mewn stiwdio o’r radd flaenaf.

Llwybrau gyrfa

  • Artist amgylchedd
  • Artist cymeriad
  • Artist cysyniad
  • Artist rhagwelediad wyneb caled / cerbyd
  • Artistiaid prop
  • Arbenigeddau gyrfa gan gynnwys dillad, gwallt, deiliach a rolau celf organig

Sgiliau a addysgir

  • Modelu 3D
  • Rhagwelediad 2D
  • Rendro
  • Rheoli prosiect
  • Cydweithio a gwaith tîm

Rydym yn gwneud gwahaniaeth yn ymarferol, nid ar bapur yn unig. Mae ein cyrsiau wedi'u cynllunio gan bobl sy'n cynnig swyddi - ac yn cael eu haddysgu gan bobl sydd â phrofiad gwaith go iawn.

Game Art students working on computers
Student work showing the designs of a fictional creature
A piece of student work showing a small animated village
Student work showing an animated kids bedroom

Uchafbwyntiau’r Cwrs

Ffocws ar ddiwydiant

Cewch ddysgu gan gyn-weithwyr proffesiynol y diwydiant a helpu i feistroli’r sgiliau y mae’r stiwdios gemau gorau eu heisiau – byddwch yn barod i sefyll allan.

Profiad byd go iawn

Cewch brofiad o brosiectau byw, lleoliadau a theithiau, gan ennill profiad ymarferol sy’n eich rhoi ar y blaen.

Y gorau yn y DU

Animeiddio a Dylunio Gemau yn PDC sydd ar y brig am Ansawdd ac Asesu Addysgu yn y DU (Canllaw Prifysgolion y Guardian 2025).

Rhagolygon gyrfa rhagorol

Lansiwch eich gyrfa ddelfrydol gyda chyn-fyfyrwyr yn y stiwdios gorau fel Creative Assembly, Ubisoft, Rebellion ac Airship Images.

Trosolwg o’r Modiwl

Datblygwch y sgiliau a’r cysyniadau celf gemau sylfaenol a mynd i’r afael â meddalwedd allweddol, yna dewch i’r arfer ag arferion diwydiant trwy brosiectau byw a lleoliadau. Yn olaf, nodwch eich llwybr gyrfa ac adeiladwch bortffolio sy’n syfrdanu’r stiwdios gorau ac yn rhoi eich swydd gyntaf mewn celf gemau i chi.

Cael cyflwyniad i sgiliau celf gemau craidd fel lluniadu, cerflunio, modelu 3D a gweadu, cyn symud ymlaen i feddalwedd dechnegol. Byddwch yn astudio anatomeg gymharol, pensaernïaeth, celf amgylcheddol a modelu cerbydau trwy amrywiaeth o brosiectau.

Cyflwyniad i Gelf Gemau

Dewch i ddeall y broses celf gemau wrth i chi ddysgu sut i ddehongli briffiau, cynhyrchu syniadau a threfnu prosiectau. Ewch i’r afael â meddalwedd peiriant gemau ac offer creu cynnwys.

 

Cynhyrchu Celf Gemau 2D a 3D

Dysgwch amrywiaeth o feddalwedd creu gemau 2D a 3D, gan ddefnyddio prosesu o safon diwydiant a dadansoddi eich gwaith eich hun a gwaith pobl eraill yn feirniadol.

 

Astudiaethau Celf Gemau 1

Archwiliwch esblygiad celf a gemau wrth adeiladu sgiliau ymchwil, ysgrifennu a dadansoddi hanfodol i’ch helpu i lwyddo’n academaidd.

Creu Byd

Cyflwynir efelychu byd go iawn a bydd yn caniatáu i dimau gael eu hadeiladu a bydoedd yn cael eu creu o fewn arferion a phrosesau diwydiant.

 

Astudiaethau Gweledol ar gyfer Celf Gemau

Datblygwch eich sgiliau iaith weledol a chynrychioliad gyda lluniadu traddodiadol a digidol, gan wella eich dealltwriaeth o ffurf. Cynhelir y modiwl hwn drwy gydol y flwyddyn.

Dechreuwch efelychu arferion a dulliau diwydiant wrth i chi ddatblygu sgiliau mewn celf cysyniad, modelu a cherflunio uwch, argraffu 3D, dal symudiadau a rhagor. Nodwch eich hoff sgiliau a datblygwch y rhain trwy gystadlaethau, briffiau byw a lleoliad proffesiynol o fewn y diwydiant.

Celf Gemau 2D a 3D Uwch

Ewch amdani wrth i chi gymhwyso sgiliau ac egwyddorion mwy datblygedig i amgylcheddau, cerbydau, cymeriadau a phropiau ar gyfer gwahanol blatfformau, gan ddatblygu llifoedd gwaith effeithiol.

 

Astudiaethau Celf Gemau 2

Archwiliwch gelf gemau ac ymchwiliwch i gysyniadau amrywiol sy’n sail i fodiwlau ymarferol, megis pensaernïaeth, peirianneg, cymeriad a naratif mewn gemau cyfrifiadurol.

Technegau yn Seiliedig ar Ymarfer

Dechreuwch arbenigo wrth i chi ddatblygu corff o waith gan ddangos sgil mewn set benodol o dechnegau digidol, a chynllunio prosiect yn broffesiynol mewn ymateb i friff.

 

Ymarfer Proffesiynol

Cewch brofiad yn y byd go iawn, gweithio mewn timau cydweithredol a nodi bylchau yn eich datblygiad wrth i chi ymgymryd â lleoliad diwydiant, briff byw neu gymryd rhan mewn cystadleuaeth.

Dyma’r flwyddyn pan fyddwch chi’n agor drysau i’ch gyrfa ddelfrydol mewn celf gemau. Bydd gennych y lle a’r gefnogaeth i greu portffolio arbenigol a chydweithio â myfyrwyr o ddisgyblaethau eraill, yn union fel y bydd angen i chi ei wneud yn y byd go iawn. Bydd amrywiaeth o siaradwyr gwadd yn cynnig cipolwg ar y diwydiant.

Prosiectau Masnachol

Wrth i chi ddychwelyd ar gyfer eich blwyddyn olaf, bydd y modiwl trochi hwn yn gwella eich sgiliau i safon broffesiynol, yn adeiladu eich portffolio ac yn eich paratoi ar gyfer y prosiect mawr sydd i ddod.

 

Prosiect Celf Gemau 1 - Rhag-gynhyrchu

Dyluniwch, ymchwiliwch a chynlluniwch gorff o waith sy’n amlygu eich arbenigedd yn eich arbenigaeth a ddewiswyd, gan amlinellu’r syniadau a’r llifoedd gwaith a fydd yn llywio eich blwyddyn olaf.

 

Prosiect Celf Gemau 2 – Datblygiad

Profwch eich bod yn barod ar gyfer diwydiant trwy gwblhau eich prosiect gydag asedau o safon uchel ar gyfer eich portffolio, yn barod i’w rhannu ar-lein.

Barod am y Dyfodol

Paratowch ar gyfer y diwydiant trwy archwilio llwybrau gyrfa, adeiladu eich CV, portffolio, a rhwydwaith, a dysgu sut i farchnata eich hunain fel pro.

 

Ymchwilio Beirniadol: Gemau Cyfrifiadur

Archwiliwch fater allweddol yn eich arbenigedd celf gemau gyda’ch prosiect ymchwil, gan ddefnyddio ymchwil annibynnol i gefnogi’ch dadleuon.

Mewn partneriaeth â

Gofynion Mynediad

Pwynt tariff UCAS: 96

Gofynion cymhwyster nodweddiadol:

  • Lefel A: CCC i gynnwys pwnc celf a dylunio perthnasol
  • Bagloriaeth Cymru: Pasio Diploma Uwch Bagloriaeth Cymru gyda Gradd C yn y Dystysgrif Her Sgiliau a CC Lefel A gyda phwnc celf a dylunio perthnasol (mae hyn yn gyfwerth â 96 pwynt tariff UCAS).
  • BTEC: Diploma Estynedig BTEC Teilyngdod Teilyngdod mewn pwnc perthnasol (mae hyn yn gyfwerth â 96 pwynt tariff UCAS).
  • Mynediad i AU: Pasio Diploma Mynediad i AU gydag o leiaf 96 pwynt tariff UCAS

Gofynion ychwanegol:

TGAU: Mae'r Brifysgol fel rheol yn gofyn am o leiaf 5 TGAU gan gynnwys Mathemateg / Rhifedd a Saesneg ar Radd C neu Radd 4 neu'n uwch, neu'r hyn sy'n cyfateb iddynt, ond rhoddir ystyriaeth i amgylchiadau unigol 

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£9,535

fesul blwyddyn*
Ffi Llawn Amser Rhyngwladol

£15,850

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Cymorth Costau Byw

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati. 

* Rhwymedig

Ar gael drwy'r llyfrgell. Gall myfyrwyr ddewis buddsoddi mewn llyfrau os ydynt am gael copïau personol.

Rydym yn aml yn trefnu digwyddiadau cymdeithasol a theithiau y gall fod angen taliad ar eu cyfer.

Cost: Hyd at £20 y daith

Mae angen llyfrau braslunio, pensiliau, pennau.

Cost: Hyd at £100 

Mae cyfrifiaduron personol ar gael yn y dosbarth. Fodd bynnag, rydym yn cynghori bod myfyrwyr yn buddsoddi mewn cyfrifiadur gemau ond mae hyn yn ddewisol.

Cost: Hyd at £1000

Efallai y bydd disgwyl i fyfyrwyr dalu am deithio i ddosbarthiadau meistr / cynadleddau / digwyddiadau / perfformiadau (pob blwyddyn academaidd).

Cost: Hyd at £10 yr ymweliad

Yn ofynnol ym mhob blwyddyn academaidd. 

Cost: £100

Yn ofynnol ym mhob blwyddyn academaidd. 

Cost: £60

Benthyca Offer Cyfryngau

Gallwch logi amrywiaeth o offer, ar gyfer eich aseiniadau a’ch gwaith ymarferol, am ddim o’n cyfleuster Benthyca Offer Cyfryngau.

Benthyca Offer Cyfryngau

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

Bywyd yn PDC

Mae neuaddau yn rhan fawr o’ch profiad fel myfyriwr ac mae llety ym mhob un o’n tri lleoliad. Os nad ydych chi eisiau byw yn agos at y campws, mae yna gysylltiadau trafnidiaeth gwych i'ch cadw chi mewn cysylltiad.

A student sat smiling and talking to friends off camera in Treforest Student's Union
Bywyd Myfyrwyr
Exterior view of the University's Cardiff Campus.
Campws Caerdydd
A double room at our Pontypridd accommodation featuring a large window.
Llety

Uchafbwyntiau’r Cwrs

Dulliau Dysgu

Mae’r rhan fwyaf o’ch addysgu yn cynnwys gweithdai ymarferol lle byddwch yn mynd i’r afael â’r offer a’r prosesau a ddefnyddir gan artistiaid gemau yn y diwydiant. Mae asesu yn ymwneud â thyfu eich sgiliau, ac mae eich portffolio a dyddiaduron yn rhan fawr o hyn. Byddwch yn dysgu’r modiwlau Astudiaethau Gemau sy’n seiliedig ar theori trwy seminarau rhyngweithiol, a bydd gennych opsiynau i gyflwyno eich gwaith asesedig trwy gyflwyniadau yn hytrach na thraethodau traddodiadol. Nid oes arholiadau ffurfiol. Byddwch yn cymryd rhan mewn prosiectau grŵp sy’n adlewyrchu’r cydweithio sydd ei angen yn y diwydiant, a byddwn yn asesu eich cyfraniad at y rhain.

Y Staff Addysgu

Mae gan ein holl staff addysgu ystod eang o arbenigaethau sy’n sicrhau addysgu rhagorol ym mhob agwedd o gelf gemau. Mae ganddynt hanes o weithio i stiwdios mawr yn y diwydiant gemau fideo fel Codemasters, a meysydd cyfagos fel animeiddio, Teledu a Ffilm gyda sefydliadau fel Nickelodeon a’r BBC. Nid yw ein staff yn gymaint o academyddion gan eu bod yn arbenigwyr yn y diwydiant, gan ddod â’ch dysgu yn fyw trwy gysylltu popeth â chymhwysiad byd go iawn er mwyn sicrhau eich bod yn barod ar gyfer cyflogaeth. Maent yn gwybod beth mae stiwdios yn edrych amdanynt ac yn defnyddio eu profiad diwydiant i nodi’ch cryfderau a’ch arwain i lawr llwybr lle gallwch chi ffynnu.

Lleoliadau a phrofiad gwaith

Er mwyn eich paratoi ar gyfer diwydiant, rydym yn sicrhau bod popeth a wnewch yn adlewyrchu gweithio mewn stiwdio go iawn. Ym Mlwyddyn 2, byddwch yn cymryd rhan mewn prosiect byw ochr yn ochr â stiwdio enw mawr, lle byddwch yn gwneud yr holl bethau a ddisgwylir yn broffesiynol gan artist gemau. Byddwch hefyd yn cael cyfleoedd ar gyfer lleoliadau – mae ein partneriaid yn cynnwys Tiny Rebel Games, Cloth Cat a Painting Practice. Mae gweithwyr proffesiynol y diwydiant yn cyflwyno dosbarthiadau meistr ac yn rhannu mewnwelediadau diwydiant, a byddwch yn gweld celf ddigidol ar waith ar ystod o deithiau maes. Mae’r holl waith a wnewch ar y campws yn defnyddio technoleg a dulliau o safon diwydiant, felly byddwch yn gallu mynd yn syth i’ch rôl gyntaf ar ôl graddio.

Cyfleusterau

Bydd gennych fynediad llawn i’r holl feddalwedd a ddefnyddir gan ddiwydiant i ddod â bydoedd yn fyw. Mae’r rhain yn cynnwys Unreal Engine, Adobe, AutoDesk, SpeedTree, Marmoset, Maya, 3D Max a rhagor. Bydd gennych drwyddedau llawn heb unrhyw gost ychwanegol. Gyda phedair stiwdio yn cynnwys 100 o gyfrifiaduron personol, bydd gennych bopeth sydd ei angen arnoch i gyflawni prosiectau celf gemau unigol a chydweithredol rhagorol. Mae gennym ystafell cymorth TG wrth ymyl ein stiwdios, felly bydd gennych gefnogaeth dechnegol wrth law bob amser. Wedi’ch lleoli yng nghanolfan greadigol ein campws yng Nghaerdydd, byddwch wedi’ch amgylchynu gan bob math o fyfyrwyr creadigol, gan gynnwys y myfyrwyr Dylunio Gemau y byddwch yn cydweithio â nhw drwy gydol y cwrs.

A piece of student work showing a small animated village

Ar y brig yn y DU

Mae Animeiddio a Dylunio Gemau yn PDC ar y brig yn y DU ar gyfer Ansawdd Addysgu ac Asesu (Canllaw Prifysgolion y Guardian 2025)

Gyrfaoedd a Chyflogadwyedd

Gyrfaoedd graddedigion

Mae celf gemau yn agor eich llygaid i’r posibiliadau diddiwedd o ddod â bydoedd a chymeriadau’n fyw ac yn eich galluogi i arbenigo yn y maes sy’n eich cyffroi fwyaf. Os oes gennych angerdd am gemau, gallwch ddod yn artist gemau neu ddylunydd gemau yn canolbwyntio ar amgylcheddau, cymeriadau, cysyniadau neu arteffactau. Ar hyn o bryd, mae ein graddedigion yn gweithio mewn rolau fel uwch artist cymeriad yn Rebellion Studios ac uwch artist amgylchedd yn Creative Assembly. Ond mae eich sgiliau i ddod â syniadau’n fyw mewn ffyrdd gweledol realistig a dychmygus yn trosi ar draws pob cyfrwng, a byddwch hefyd wedi’ch paratoi’n dda ar gyfer gyrfa ym myd teledu, ffilm ac animeiddio.

Cefnogaeth Gyrfa

Mae’r cwrs hwn yn eich paratoi ar gyfer gyrfa celf gemau lwyddiannus trwy alinio â’r hyn y mae stiwdios eisiau. Mae partneriaid diwydiant yn ein harwain i sicrhau eich bod yn ennill nid yn unig sgiliau creadigol ond hefyd sgiliau gwaith tîm ac arweinyddiaeth. Byddwch yn cael profiad ymarferol gyda’r un offer a llifoedd gwaith a ddefnyddir gan brif stiwdios, felly rydych chi’n barod i ymuno â’r diwydiant. Ym Mlwyddyn 3, rydym yn canolbwyntio ar eich gwneud yn barod am swydd, gan eich helpu i lywio eich rôl gyntaf a thu hwnt. Mae ein tîm gyrfaoedd hefyd yn ymroddedig i ddod o hyd i’ch cyfleoedd a’u cefnogi.

Partneriaid Diwydiant

Rydym yn partneru â’r stiwdios gorau i wella eich profiad dysgu trwy leoliadau, prosiectau byw, a theithiau maes cyffrous. Mae llawer o’n graddedigion yn cael swyddi yn y stiwdios hyn, fel Tiny Rebel Games a Cloth Cat Animation. Byddwch hefyd yn cael cyfleoedd i arddangos eich gwaith mewn cystadlaethau cenedlaethol a rhyngwladol. Mae ein myfyrwyr wedi ennill nifer o wobrau Rising Stars gyda Grads in Games ac wedi’i enwi yn yr 20 prifysgol orau yn fyd-eang gyda The Rookies.

Dyma’ch cyfle i ddisgleirio a gwneud cysylltiadau â diwydiant!

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS. Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

Mynediad uwch

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Derbyniadau rhyngwladol

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Cyrsiau Cysylltiedig

Animeiddio Cyfrifiadurol - BA (Anrh) Dysgu mwy
Effeithiau Gweledol a Graffeg Symudol - BA (Anrh) Dysgu mwy
Dylunio Gemau Cyfrifiadurol - BA (Anrh) Dysgu mwy
Animeiddio (2D a Stop-Symud) - BA (Anrh) Dysgu mwy

Camau Nesaf

Sut i Wneud Cais
Ymgeisio drwy UCAS
Archebwch Ddiwrnod Agored
Sariad â ni