Cemeg Feddyginiaethol a Biolegol gan gynnwys Blwyddyn Sylfaen

Sylfeini Cemeg Organig ac Anorganig

Cyflwyno cysyniadau sylfaenol cemeg anorganig ac organig.

Sylfeini Cemeg Ffisegol

Cyflwyno’r ffactorau sy’n dylanwadu ar strwythur, adweithiau a phriodweddau ffisegol y cyflyrau mater, ac astudio agweddau sy’n darparu astudiaeth bellach o ffenomenau a phrosesau cemegol.

Llythrennedd Data Gwyddonol

Cymhwyso a deall ffwythiannau ac offer mathemategol syml, er mwyn gwerthfawrogi rôl mathemateg o fewn y gwyddorau.

Bioleg Sylfaen

Darparu gwybodaeth sylfaenol am bethau byw, a’r prosesau sy’n eu galluogi i oroesi ac atgenhedlu.

Cyflwyniad i Anatomeg a Ffisioleg

Rhoi cyflwyniad i astudio’r corff dynol.

Sgiliau Allweddol a Datblygiad Proffesiynol

Darparu’r sgiliau allweddol sydd eu hangen arnoch i gwblhau gradd mewn gwyddoniaeth.

Sgiliau Allweddol ar gyfer Gyrfaoedd yn y Gwyddorau

Cynlluniwyd y modiwl hwn i ddatblygu a chefnogi defnydd y myfyriwr o sgiliau cwrs-benodol yng nghyd-destun y sectorau cemegol / fferyllol / gwyddor bywyd.

Cysyniadau Cemegol

Mae’r modiwl hwn yn cyflwyno hanfodion cemeg ffisegol ac anorganig.

Moleciwlau Organig: eu Strwythur, Adweithedd a Dadansoddiad

Cynlluniwyd y modiwl hwn i ddatblygu a chefnogi’r modd y mae myfyrwyr yn rhoi cysyniadau sylfaenol ar waith ym meysydd cemeg organig a dadansoddol.

Amrywiaeth Bywyd

Mae’r modiwl hwn yn rhoi gwybodaeth sylfaenol i fyfyrwyr am bethau byw, a’r prosesau sy’n eu galluogi i oroesi ac atgenhedlu. Mae hefyd yn eu cyflwyno i’r prosesau esblygiadol sy’n arwain at amrywiaeth y byd byw sydd ohoni.

Anatomeg, Ffisioleg, a Biocemeg

Mae’r modiwl hwn yn rhoi trosolwg syml i fyfyrwyr o strwythur trefniadol a swyddogaeth y corff dynol.

Geneteg ac Esblygiad

Mae’r modiwl hwn yn cyflwyno’r egwyddorion a’r cysyniadau craidd ar gyfer geneteg a theori esblygiad.

Technegau Dadansoddi ac Adnabod Modern

Mae’r modiwl hwn yn cynorthwyo myfyrwyr i ddeall ac ennill sgiliau ymarferol gan ddefnyddio technegau dadansoddol modern, gan gynnwys paratoi samplau, a dehongli data.

Cemeg Organig Synthetig a Heterogylchol

Mae’r modiwl hwn yn ymestyn gwybodaeth myfyrwyr ym maes trawsffurfiad synthetig/cemeg heterogylchol ac yn galluogi myfyrwyr i ddefnyddio dadansoddiad retrosynthetig a strategaethau synthetig addas ar gyfer datblygu ac ymchwilio i gyffuriau a chyfansoddion o werth masnachol.

Cemeg Bioanorganig

Mae’r modiwl hwn yn adeiladu ac yn datblygu cysyniadau o amgylch strwythur ffisegol ac electronig y cyfansoddion sy’n cydsymud a hynny yng nghyd-destun systemau bioanorganig. Mae’n rhoi cyflwyniad cynhwysfawr i gyfansoddion anorganig sy’n berthnasol yn fiolegol ynghyd â’u swyddogaethau o fewn systemau naturiol gan gynnwys y rôl y maent yn ei chwarae yn y corff dynol.

Patholeg Gellog a Phrosesau Clefydau

Mae’r modiwl hwn yn rhoi dealltwriaeth i fyfyrwyr o’r newidiadau patholegol sy’n gysylltiedig â phrosesau clefydau, a’r effaith y mae hyn yn ei chael ar strwythur a swyddogaeth celloedd ac organau.

Micro-organebau a Chlefydau

Mae’r modiwl hwn yn rhoi dealltwriaeth i fyfyrwyr o ryngweithiadau dynol ag amrywiaeth eang o ficro-organebau – rhai buddiol a rhai niweidiol.

Geneteg Foleciwlaidd Ddynol

Nod y modiwl hwn yw cyflwyno myfyrwyr i eneteg foleciwlaidd a’r sail enetig i anhwylderau rhyng-gysylltiedig. Ar ôl cwblhau’r modiwl hwn yn llwyddiannus, bydd myfyrwyr yn deall y cymwysiadau damcaniaethol ac ymarferol a berthyn i’r technegau allweddol a ddefnyddir ym maes bioleg foleciwlaidd wrth astudio geneteg, a’u pwysigrwydd i anhwylderau genetig dynol.

Arferion a Lleoliadau Proffesiynol

Mae’r modiwl hwn yn rhoi cyfle i fyfyrwyr gwblhau “lleoliad rhyngosod” am flwyddyn o hyd fel rhan o’r rhaglen radd. Gall hyn gynnwys: lleoliad gwaith gyda chyflogwr yn y sector cyhoeddus, preifat neu wirfoddol, neu astudio dramor gyda phrifysgol bartner.

Prosiect Mawr a Datblygu Gyrfa

Mae’r modiwl hwn yn datblygu sgiliau ymarfer proffesiynol y myfyriwr (e.e. astudio/ymchwilio/ymarfer gwaith, cynllunio, trefnu, cadw cofnodion, asesu beirniadol, rhoi cyflwyniad llafar/poster ac ysgrifennu adroddiadau, ac ati), trwy alluogi’r myfyriwr i gymryd rhan weithredol mewn prosiect gwyddonol o bwys ar lefel broffesiynol. Mae hefyd yn galluogi’r myfyrwyr i ymarfer eu sgiliau proffesiynol ar lefel gradd, megis ymwybyddiaeth iechyd a diogelwch, myfyrdod beirniadol o ddatblygiad sgiliau, cynllunio targedau, sgiliau cydweithredol, ac ati.

Cemeg Organig Uwch

Mae’r modiwl hwn yn rhoi dealltwriaeth fanwl i’r myfyrwyr o’r theori a’r cymwysiadau sy’n ymwneud ag adweithiau perigylchol, synthesis anghymesur a metelau trosiannol mewn synthesis organig.

Dylunio Cyffuriau Uwch a Chyflwyniad i Wyddoniaeth Fformiwleiddio

Mae’r modiwl hwn yn darparu dealltwriaeth o’r prosesau y mae diwydiant yn eu defnyddio i ddylunio darpar gyffuriau a’r wyddoniaeth foleciwlaidd y tu ôl i weinyddu cyffuriau yn ddiogel/effeithiol (ac mewn modd a dargedwyd). Mae hefyd yn cyflwyno myfyrwyr i bynciau newydd sef modelu cyfrifiadurol a chemeg bolymer a osodwyd yng nghyd-destun y modiwl dan sylw. Trwy’r modiwl hwn, bydd myfyrwyr yn datblygu gwerthfawrogiad o’r anawsterau ymarferol wrth symud darganfyddiadau/synthesisau o raddfa labordy i raddfa fwy swmpus.

Tocsicoleg

Mae’r modiwl hwn yn cyflwyno myfyrwyr i’r egwyddorion sylfaenol wrth wraidd effeithiau tocsicolegol y sylweddau dan sylw.

Biocemeg a Ffarmacoleg Glinigol

Mae’r modiwl hwn yn rhoi dealltwriaeth o rôl gwahanol lwybrau biocemegol mewn clefydau ac anhwylderau metabolaidd penodol ac mae’n egluro rôl technegau labordy wrth wneud diagnosis o’r anhwylderau hyn.