Peirianneg Awyrenegol gan gynnwys Blwyddyn Sylfaen

Modiwlau’r Flwyddyn Sylfaen

Sylfeini Mathemateg
Yn rhoi hyder i fyfyrwyr ym maes rhifedd sylfaenol, algebra a dulliau mathemategol. Yn arddangos cymwysiadau mathemategol sy'n berthnasol i ddisgyblaethau’r myfyrwyr.

Sylfeini Mathemateg Pellach i Beirianwyr
Yn meithrin hyder myfyrwyr ym maes calcwlws ac ystadegau sylfaenol. Yn pwysleisio’r dulliau sy’n berthnasol i beirianneg, a sut cânt eu cymhwyso.

Sgiliau Peirianneg Hanfodol
Yn helpu myfyrwyr i ddeall sut mae sgiliau’n berthnasol i beirianneg. Yn cynnig cyfleoedd i ryngweithio ag arbenigwyr sy’n arwain y diwydiant.

Prosiect Peirianneg
Yn addysgu myfyrwyr sut i gymhwyso sgiliau yng nghyd-destun gwahanol brosiectau. Yn pwysleisio gwaith cydweithredol, sgiliau grŵp, a myfyrio ar ddysgu.

Egwyddorion Peirianneg Sylfaenol
Yn cyflwyno myfyrwyr i gysyniadau sylfaenol ym maes Peirianneg Fecanyddol / Awyrenegol, Peirianneg Sifil, a Pheirianneg Electronig / Trydanol.

Saesneg ar gyfer Peirianneg (dewisol)
Yn gwella gwybodaeth am derminoleg peirianneg; ac yn gwella cyfathrebu ysgrifenedig a llafar mewn amrywiaeth o ddulliau academaidd a phroffesiynol. Yn hyrwyddo’r defnydd o goflyfr.

Hanfodion Peirianneg Fecanyddol
Yn cymhwyso mathemateg sylfaenol i heriau peirianneg yn y byd go iawn ym maes mecaneg, dynameg hylif, a thermodynameg. Yn ymdrin â damcaniaethau, arbrofion labordy ac ysgrifennu adroddiadau.

Modiwlau’r Flwyddyn Gyntaf

Mathemateg ar gyfer Peirianwyr Mecanyddol ac Awyrenego
Yn rhoi hyder i fyfyrwyr ym maes mathemateg ac yn arddangos perthnasedd mathemateg ym maes peirianneg. 

Dylunio a Gweithgynhyrchu
Mae myfyrwyr yn datblygu gwybodaeth sylfaenol ym maes dylunio peirianyddol, gweithgynhyrchu a deunyddiau, ac yn caffael sgiliau ym maes ymarfer gweithgynhyrchu.

Cymwysiadau Cyfrifiadura Peirianyddol
Nod y modiwl hwn yw cyflwyno myfyrwyr i'r defnydd o raglenni cyfrifiadurol ym maes peirianneg drwy raglennu a dylunio gyda chymorth cyfrifiadur.

Mecaneg Beirianyddol 1
Mae cynnwys y modiwl yn ymwneud yn uniongyrchol â Mecaneg Beirianyddol a Mecaneg Deunyddiau, er mwyn cyflwyno myfyrwyr i broblemau ym maes mecaneg fel y’u cymhwysir i sefyllfaoedd go iawn posibl.

Gwyddorau Trydanol
Mae'r modiwl hwn yn cydnabod natur drawsddisgyblaethol peirianneg ym maes ymarfer proffesiynol, ac yn rhoi mewnwelediad i bwysigrwydd gwybodaeth am ddamcaniaethau trydanol a dylunio cylchedau.

Thermohylifau 1
Yn rhoi dealltwriaeth sylfaenol i fyfyrwyr o briodweddau mecanyddol hylif a thermodynamig nwyon a hylifau.

Modiwlau’r Ail Flwyddyn

Mathemateg Peirianyddol Pellach
Bydd Myfyrwyr yn dysgu cymhwyso ystod o ddulliau dadansoddi mathemategol i ddatrys problemau peirianyddol, a byddant yn datblygu modelau mathemategol o systemau peirianyddol i bennu nodweddion gweithredol amlwg.

Integreiddio Systemau Awyrennau a Pherfformiad Systemau Awyrennau
Bydd myfyrwyr yn astudio’r prif systemau awyrennau ac yn datblygu dealltwriaeth o fecaneg awyrennau, gan ddefnyddio dulliau i amcangyfrif perfformiad awyren a sut mae nodweddion dylunio yn effeithio arni.

Dylunio Awyrenegol
Cyflwyniad i faes dylunio awyrennau, sy’n canolbwyntio ar ddylunio awyrennau sifil cysyniadol. 

Rheolaeth ac Offeryniaeth
Bydd Myfyrwyr yn dysgu sut i asesu ymddygiadau statig a deinamig offer a systemau rheoli drwy ddulliau dadansoddi sylfaenol a theori rheolaeth mewn parthau amser ac amledd.

Thermohylifau 2
Mae’r modiwl hwn yn ymestyn egwyddorion thermodynameg ac yn eu cymhwyso i ystod o gymwysiadau peirianyddol. Mae cysyniadau llif hylif yn cael eu cyfuno i alluogi myfyrwyr i ddadansoddi ffenomena cymhwysol mwy cymhleth.

Deunyddiau Peirianyddol
Mae’r modiwl hwn yn datblygu dealltwriaeth o ddulliau profi deunyddiau safonol a methiannau mewn deunyddiau. Mae’n datblygu gwybodaeth am y berthynas rhwng strwythur, priodweddau, prosesu ac wedyn defnydd deunyddiau peirianyddol.

Modiwlau’r Drydedd Flwyddyn

BEng Prosiect Unigol (Craidd)
Wedi’i ddylunio i alluogi myfyrwyr i gynnal gwaith ymchwil / prosiectau manwl sy'n berthnasol i'w pwnc. Yn gwella gwybodaeth, hyrwyddo gwaith annibynnol, ac annog dysgu gydol oes.

Prosiect Unigol - Dewisol

Dadansoddi Peirianneg Gyfrifiadurol
Ymestyn gwybodaeth dadansoddi peirianneg myfyrwyr gan ddefnyddio technegau elfennau meidraidd. Yn cyflwyno dulliau cyfrifiadurol ar gyfer mecaneg hylif ac aerodynameg peiriannau tyrbo.

Strwythur Awyrennau
Yn cyflwyno hanfodion dylunio strwythurol awyrofod. Mae’n rhoi sylw i adenydd awyrennau, cyrff awyrennau, arwynebau rheolaeth, a sefydlogyddion sydd wedi’u gwneud o ddalenni tenau. Yn ategu a chymhwyso egwyddorion modiwl Mecaneg Beirianyddol 1.

Aerodynameg a Gyriant
Yn adeiladu ar egwyddorion modiwlau Thermohylifau 1 a 2. Mae’n cyflwyno cysyniad llifoedd anghywasgadwy a chywasgadwy, gan bwysleisio eu perthnasedd i gerbydau awyr.

Gyriant
I ddarparu gwybodaeth am hylifau anghywasgadwy a chywasgadwy, yn seiliedig ar fodiwlau Thermohylifau 1 a 2, gwybodaeth am systemau gyriant awyrennau a sgiliau i ddadansoddi paramedrau perfformiad/cylchredau injan confensiynol ac arloesol.

Dynameg a Rheolaeth Hedfan
Yn darparu dealltwriaeth integredig o sefydlogrwydd awyrennau. Dyma gyfle i asesu rhinweddau awyrennau, i ddylunio systemau rheoli dolen gaeedig, a chymhwyso cysyniadau haniaethol / efelychol i greu systemau rheoli deinamig.

Dynameg Hedfan Awyrennau
Dealltwriaeth o ymddygiad sefydlogrwydd sefydlog a deinamig yr awyren, a chyfnerthu'r ddealltwriaeth o ffenomenau llifoedd aer cyflym gyda ffocws penodol ar sut maent yn berthnasol i awyrennau.

Profiad Gwaith dan Oruchwyliaeth