Peirianneg Fecanyddol gan gynnwys Blwyddyn Sylfaen
Mae galw mawr am Beirianwyr Mecanyddol mewn amryw ddiwydiannau, o’r diwydiannau prosesu bwyd ac ynni adnewyddadwy i’r diwydiannau modurol ac awyrofod. Dechreuwch eich taith at radd lawn a gweld sut mae peirianwyr mecanyddol yn helpu i adeiladu a gwella'r byd o'n cwmpas.
Sut i wneud cais Gwneud cais drwy UCAS Archebu lle ar Ddiwrnod Agored Sgwrsio gyda ni/prod01/channel_2/media/university-of-south-wales/site-assets/images/03-courses/engineering-mechanical/beng-mechanical-engineering-foundation-year.png)
Manylion Cwrs Allweddol
-
Côd UCAS
H30F
-
Dyddiad Cychwyn
Medi
-
Lleoliad
Pontypridd
-
Côd y Campws
A
Ffioedd
Myfyrwyr cartref
£9,790*
Myfyrwyr rhyngwladol
£17,200*
- Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.
Byddwch yn ennill hyder a gwybodaeth arbenigol ac yn paratoi ar gyfer ein gradd lawn mewn Peirianneg Fecanyddol trwy ymuno â’n Blwyddyn Sylfaen a byddwch yn elwa ar ein cyfleusterau arloesol a'n staff arbenigol.
CYNLLUNIWYD AR GYFER
Mae ein Blwyddyn Sylfaen yn ddelfrydol os ydych chi'n awyddus i astudio ein gradd BEng Peirianneg Fecanyddol ond heb y graddau iawn. Bydd ein cwrs yn eich paratoi ar gyfer y radd lawn yn ogystal â gyrfa beirianneg trwy ddefnyddio theori a dysgu ymarferol yn ein cyfleusterau gwych sydd o safon y diwydiant.
Wedi'i achredu gan
- Y Cyngor Peirianneg
- Ar hyn o bryd mae'r cwrs hwn yn mynd trwy ei broses ail-achredu a drefnwyd pob pum mlynedd gyda’r Sefydliad Peirianwyr Mecanyddol (IMechE). Disgwylir canlyniad yr adolygiad presennol erbyn Tachwedd 2026.
Llwybrau Gyrfa
- Rheolwr Cynhyrchu
- Peiriannydd Biofeddygol
- Rheoli Prosiect
- Peiriannydd Modurol
Sgiliau a addysgir
- Datblygu gwybodaeth am dechnoleg arloesol
- Cydweithio, rheoli ac arwain
- Sgiliau cyfathrebu
- Dealltwriaeth o gyfrifoldebau proffesiynol fel cynaliadwyedd a moeseg
/prod01/channel_2/media/university-of-south-wales/site-assets/images/13-video-thumbnails/video-mechanical-engineering-course.jpg)
Uchafbwyntiau'r Cwrs
Trosolwg o'r Modiwl
Datblygwch wybodaeth beirianneg hanfodol a sylfaen fathemategol gref drwy ein Blwyddyn Sylfaen, wedi'i chynllunio i gynyddu eich hyder technegol a'ch sgiliau academaidd cyn i chi symud yn eich blaen i'n gradd Peirianneg Fecanyddol.
Dechrau eich Taith yn y Brifysgol
Mae'r modiwl hwn yn eich helpu i ddatblygu sgiliau academaidd, personol a phroffesiynol ar gyfer astudio yn y brifysgol. Byddwch yn myfyrio ar eich cynnydd, yn meithrin hyder, ac yn creu portffolio sy'n seiliedig ar dystiolaeth i gefnogi eich dysgu yn y dyfodol.
Peirianneg ar Waith: O Theori i Ymarfer
Archwiliwch heriau peirianneg y byd go iawn wrth i chi ddatblygu eich gwybodaeth ddamcaniaethol, gan gynnwys egwyddorion mathemategol a gwyddonol craidd. Dysgwch sgiliau allweddol trwy diwtorialau a seminarau cyn eu rhoi ar waith mewn labordai a gweithdai trochol.
Dylunio a Chynhyrchu ar Waith
Darganfyddwch egwyddorion sylfaenol dylunio a gweithgynhyrchu peirianneg, gan gynnwys y wybodaeth a'r sgiliau ymarferol i fynd i'r afael â heriau'r byd go iawn. Byddwch yn archwilio'r broses ddylunio lawn, o ymchwil i greu a phopeth yn y canol.
Her Effaith
Byddwch chi'n gweithio mewn timau gyda myfyrwyr Blwyddyn Sylfaen eraill i fynd i'r afael â heriau'r byd go iawn, gan ddatblygu atebion trwy ymchwil, chwilfrydedd, cydweithio a datrys problemau cyfrifol, wrth feithrin sgiliau a fydd yn cefnogi eich astudiaethau yn y dyfodol.
Uchafbwyntiau'r Cwrs
Sut byddwch chi'n dysgu
Byddwch chi'n dysgu drwy wneud, drwy weithgareddau byd go iawn a fydd yn eich helpu i ddeall sut mae dysgu'n gweithio yn y brifysgol. Byddwch chi'n cael eich annog i ofyn cwestiynau, archwilio syniadau newydd a gweithio gydag eraill, yn ogystal ag yn annibynnol. Mae addysgu'n meithrin hyder, meddwl beirniadol a myfyrio, gyda chefnogaeth offer digidol. Mae adborth rheolaidd yn eich helpu i olrhain cynnydd, cynllunio'r camau nesaf ac adeiladu gwydnwch a theimlad cryf o berthyn wrth i chi baratoi ar gyfer astudiaeth lefel uwch.
/prod01/channel_2/media/university-of-south-wales/site-assets/images/01-campus-and-facilities/16-pontypridd-facilities/161-treforest-facilities/campus-facilities-treforest-civil-engineering-musab-kazi-50190.jpg)
Sut byddwch chi'n cael eich asesu
Byddwch yn cael eich asesu mewn gwahanol ffyrdd, gan gynnwys tasgau byr, gwaith cwrs, cyflwyniadau, a gwaith grŵp. Mae asesiadau cynnar wedi'u cynllunio i gefnogi eich dysgu a'ch helpu i ddeall beth a ddisgwylir yn y brifysgol. Mae'r rhan fwyaf o asesiadau'n seiliedig ar waith cwrs ac yn eich helpu i ddatblygu sgiliau allweddol fel ymchwil, ysgrifennu academaidd, gwaith tîm, a chyfathrebu. Byddwch hefyd yn myfyrio ar eich cynnydd ac yn defnyddio systemau ac offer digidol y brifysgol. Bydd adborth clir ac amserol yn eich helpu i ddeall sut i wella a chefnogi eich camau nesaf.
/prod01/channel_2/media/university-of-south-wales/site-assets/images/08-subjects/engineering-mechanical/subject-mechanical-engineering-waseem-akram-5018750191.jpg)
Lleoliadau
Rydyn ni’n gwybod mor werthfawr mae lleoliadau, ac yn angerddol dros helpu ein myfyrwyr i gael cyfleoedd profiad gwaith. Rydyn ni’n gweithio gyda nifer o gwmnïau lleol a chenedlaethol i helpu myfyrwyr i gael profiad yn y diwydiant.
Ar ôl i chi symud yn eich blaen i'r radd Peirianneg Fecanyddol lawn, bydd gennych gyfle i roi'r hyn rydych chi wedi'i ddysgu ar waith yn y gweithle trwy flwyddyn ryngosod mewn diwydiant ar ôl eich ail flwyddyn.
/prod01/channel_2/media/university-of-south-wales/site-assets/images/08-subjects/engineering-mechanical/subject-mechanical-engineering-tom-mcnee-50189.jpg)
Cyfleusterau
Yn ystod eich Blwyddyn Sylfaen, ac os ewch yn eich blaen i'r radd lawn, byddwch yn dysgu drwy ddefnyddio cyfleusterau gwych, sydd o'r radd flaenaf, ar ein campws yn Nhrefforest. Mae ein myfyrwyr wrth eu bodd yn defnyddio ein meddalwedd dylunio a dadansoddi, sydd o safon y diwydiant, yn ein labordai cyfrifiaduron sydd â chyfarpar ardderchog. Bydd gennych fynediad at yr offer diweddaraf a’n staff technegol yn ein gweithdai pan fyddwch yn cwblhau eich gwaith prosiect.
/prod01/channel_2/media/university-of-south-wales/site-assets/images/01-campus-and-facilities/16-pontypridd-facilities/161-treforest-facilities/campus-facilities-treforest-mechanical-engineering-7213.jpg)
Wedi'i achredu gan
/prod01/channel_2/media/event-graduation-cardiff-28660-857X857.jpg)
/prod01/channel_2/media/university-of-south-wales/site-assets/images/01-campus-and-facilities/12-campus-spaces/campus-spaces-newport-library-27766-573X593.jpg)
/prod01/channel_2/media/university-of-south-wales/site-assets/images/01-campus-and-facilities/12-campus-spaces/campus-spaces-newport-library-27717-902X799.jpg)
Hyb Arloesi yn PDC
/prod01/channel_2/cy/media/s-8289/s-8290/s-8398/s-11705/Innovation-Hub-screenshot.png)
GOFYNION MYNEDIAD
Pwyntiau UCAS: 48 (neu uwch)
Gofynion cymhwyster nodweddiadol:
- Lefel A: DD, 48 pwynt Tariff UCAS.
- Bagloriaeth Cymru: Amherthnasol
- BTEC: BTEC Pas Pas Pas Diploma Estynedig neu BTEC Pas Pas Diploma
- Mynediad i AU: Llwyddo Mynediad i Ddiploma AU gydag o leiaf 48 pwynt Tariff UCAS.
Gofynion Ychwanegol:
Mae'r Brifysgol fel rheol yn gofyn am o leiaf 3 TGAU gan gynnwys Mathemateg a Saesneg ar Radd C / Gradd 4 neu'n uwch, neu'r hyn sy'n cyfateb iddynt ond rhoddir ystyriaeth i amgylchiadau unigol.
Mynediad Uwch: Mae ymgeiswyr mewnol (USW a Cholegau Partner) sy'n cymryd Peirianneg Fecanyddol HND sy'n cyflawni proffil gwahaniaeth gyda mwy na 70% mewn gwyddoniaeth fecanyddol a hylifau thermo yn cael eu hystyried ar gyfer mynediad 3edd flwyddyn i Beirianneg Fecanyddol BEng. Gall ymgeiswyr sy'n cael HND o brifysgolion neu golegau eraill sydd â phroffiliau gradd is ymuno â 3edd flwyddyn y BSc (Anrh) Peirianneg Fecanyddol.
Cynigion cyd-destunol
Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.
Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.
Rydym yma i helpu
P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.
Ffioedd a Chyllid
£9,790
fesul blwyddyn*£17,200
fesul blwyddyn*Costau Ychwanegol
Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer deunydd ysgrifennu, argraffu neu offer yn ystod eich blwyddyn sylfaen. Gweler y rhestr isod sy'n cynnwys costau ar ôl i chi symud ymlaen i flwyddyn 1 eich rhaglen radd.
/prod01/channel_2/media/university-of-south-wales/site-assets/images/08-subjects/stem/comet-building-west-view-entrance.jpg)
Cyflwyno Calon
Rydym yn buddsoddi yn nyfodol STEM gydag adeilad Calon newydd a chyffrous ynghanol ein Campws Pontypridd.
Sicrwydd Ansawdd Brifysgol
Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.
Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da.
Sut i Wneud Cais
Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS. Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).
Mynediad uwch
Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.
Gall ymgeiswyr a dderbynnir drwy fynediad uwch astudio cyfuniad gwahanol o fodiwlau i'r rhai a hysbysebir, gan y byddant yn ymuno â chwrs sydd eisoes ar y gweill. Fe wnawn ni gysylltu â chi a’ch cynghori chi am y modiwlau hyn unwaith y bydd eich cais wedi'i brosesu a chynnig wedi'i wneud.
Derbyniadau rhyngwladol
Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.
/prod01/channel_2/media/university-of-south-wales/site-assets/images/03-courses/engineering-mechanical/bsc-mechanical-engineering.png)