MEng

Peirianneg Sifil

Paratoi eich hun am yrfa ym maes Peirianneg Sifil. Cael arbenigedd perthnasol a phrofiad ymarferol gyda chyfleusterau o'r radd flaenaf yn PDC.

Sut i wneud cais Gwneud cais drwy UCAS Archebu lle ar Diwrnod Agored Sgwrsio â Ni

Manylion Cwrs Allweddol

  • Côd UCAS

    95TD

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £9,790*

  • Myfyrwyr rhyngwladol

    £17,200*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £804*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.
Gwneud Ymholiad

Ar y radd hon mewn Peirianneg Sifil, byddwch yn astudio egwyddorion peirianneg sylfaenol, wedi'u hategu gan fathemateg, iechyd a diogelwch, a chynaliadwyedd. Byddwch yn dysgu sut i ddefnyddio meddalwedd o safon diwydiant ar gyfer dylunio ac adeiladu prosiectau peirianneg sifil. Mae yna gyfleoedd ar gyfer teithiau maes a lleoliadau gwaith hefyd.

CYNLLUNIWYD AR GYFER

Pobl sydd wrth wraidd peirianneg sifil. O gyflenwi ynni a dŵr glân i'n cartrefi, i brosesu ac ailgylchu ein gwastraff, mae peirianwyr sifil yn gweithio ar ddatblygu gwasanaethau a chyfleusterau rydyn ni'n eu defnyddio bob dydd.

Achredir gan

  • Cyd-fwrdd y Cymedrolwyr sy'n cynnwys Sefydliad y Peirianwyr Sifil, Sefydliad y Peirianwyr Strwythurol, Sefydliad y Peirianwyr Priffyrdd, Sefydliad Siartredig Priffyrdd a Chludiant a'r Permanent Way Institution ar ran y Cyngor Peirianneg.

 

Llwybrau Gyrfa

  • Peiriannydd Dylunio
  • Peiriannydd Mecanyddol
  • Rheoli Prosiect
  • Peiriannydd Ymchwil

Sgiliau a addysgir

  • Datrys problemau drwy ddadansoddi gan ddefnyddio theori wyddonol a pheirianneg
  • Gwybodaeth ddatblygedig am dechnoleg flaengar
  • Gwaith tîm, rheoli ac arwain
  • Sgiliau cyfathrebu
  • Deall cyfrifoldebau proffesiynol 

Rydym yn gwneud gwahaniaeth yn ymarferol, nid ar bapur yn unig. Mae ein cyrsiau wedi'u cynllunio gan bobl sy'n cynnig swyddi - ac yn cael eu haddysgu gan bobl sydd â phrofiad gwaith go iawn.

A thumbnail for the video
A video thumbnail for the video
civil engineering students in high vis jacket outdoors, next to equipment set with windows behind them
A student mixes components in an industrial mixer in a USW Treforest workroom
Two civil engineering students wearing yellow high visibility jackets use a piece of surveying equipment at an outdoor building site in Treforest
A mature student wearing a navy boiler suit uses a piece of equipment in a civil engineering workshop at USW Treforest
A group of civil engineering students wearing yellow high visibility jackets complete a practical exercise using a giant ruler and a piece of electronic surveying equipment outside in the rain at Treforest campus

Uchafbwyntiau'r Cwrs

Cydnabyddir yn broffesiynol

Mae'r radd hon wedi'i hachredu gan Sefydliad y Peirianwyr Sifil, Sefydliad Peirianwyr Strwythurol, Sefydliad Peirianwyr Priffyrdd, Sefydliad Siartredig Priffyrdd a Chludiant a'r Permanent Way Institution.

Canolbwyntio ar ddiwydiant

Mae gennym gysylltiadau cryf â diwydiant ac rydym yn rhoi pwyslais sylweddol ar brosiectau myfyrwyr a dysgu ymarferol sy'n seiliedig ar broblemau.

Cyfleoedd lleoliad gwaith

Mae'r cwrs hwn ar gael hefyd drwy Network75 hefyd, sef llwybr gwaith ac astudio cyfunol. Mae yna gyfleoedd ar gyfer teithiau maes a lleoliadau gwaith hefyd.

Gwybodaeth arbenigol

Mae’r staff yn arbenigwyr yn eu meysydd, rhai drwy weithgareddau ymchwil a rhai drwy ymarfer proffesiynol mewn gyrfaoedd diwydiannol.

Trosolwg o'r Modiwl

Byddwch yn astudio pynciau craidd fel mathemateg, strwythurau, deunyddiau, geodechneg, hydroleg ac arolygu. Mae elfennau dylunio, cynaliadwyedd, iechyd a diogelwch, a phroffesiynoldeb wedi'u hymgorffori yn y cwrs peirianneg sifil hefyd. Mae eich traethawd hir yn eich galluogi i deilwra eich cymhwyster i'r maes diwydiant rydych am weithio ynddo.

Yn eich blwyddyn gyntaf, byddwch yn dysgu egwyddorion peirianneg sylfaenol. Byddwch yn archwilio perthnasedd mathemateg mewn peirianneg ac yn cael gwerthfawrogiad o faterion yn ymwneud â rheoli gwaith adeiladu, deunyddiau a'r amgylchedd.

Modiwlau Blwyddyn Un

  • Mathemateg i Beirianwyr - 20 credyd
  • Mecaneg Peirianneg 1 - 20 credyd
  • Mecaneg Thermo-hylif - 20 credyd
  • Deunyddiau Peirianneg Sifil - 20 credyd
  • Peirianneg Broffesiynol - 20 credyd
  • Cyfathrebu Peirianneg - 20 credyd

Ym mlwyddyn dau, cewch gyfle i gymhwyso'r egwyddorion a ddysgwyd ym mlwyddyn un trwy gyfres o fodiwlau sy'n ymdrin â deunyddiau a strwythurau, hydroleg ac arolygu. Yn ystod eich blwyddyn gyntaf a'ch ail flwyddyn, byddwch yn mynychu cyrsiau maes ymarferol sy'n ymdrin â meysydd pwnc fel peirianneg, arolygu a daeareg/geodechneg.

Modiwlau blwyddyn dau

  • Mecaneg a Dylunio Strwythurol - 20 credyd
  • Geodechneg a Daeareg Peirianneg - 20 credyd
  • Dulliau Dadansoddol a Rhifiadol - 20 credyd
  • Hydroleg a Hydroleg Peirianneg - 20 credyd
  • Ymarfer Peirianneg Sifil - 20 credyd
  • Priffyrdd a Chludiant - 20 credyd
  • Profiad Gwaith dan Oruchwyliaeth - 120 credyd (cwrs rhyngosod yn unig)

 

Ym mlwyddyn 3, byddwch yn canolbwyntio ar ddadansoddi, dylunio a gweithredu systemau peirianneg, a chynaliadwyedd mewn peirianneg sifil. Byddwch yn cael cyfle i gymhwyso eich sgiliau a'ch gwybodaeth am gysyniadau geodechnegol i broblemau dylunio ac adeiladu ymarferol. Yn olaf, byddwch yn ymgymryd â phrosiect unigol sy'n rhoi cyfle i chi gymhwyso eich gwybodaeth dechnegol.

Modiwlau Blwyddyn 3

Prosiect Unigol - 20 credyd

Prosiect Integredig - 20 credyd

Peirianneg Strwythurol - 20 credyd

Geodechneg – Dadansoddi a Dylunio - 20 credyd

Hydroleg a Pheirianneg Amgylcheddol - 20 credyd

Rheoli Prosiectau Peirianneg Sifil - 20 credyd

Gall y cwrs BEng(Anrh) roi'r cyfle i symud ymlaen i gwrs MEng Peirianneg Sifil sy'n cyfuno'r radd israddedig (BEng) â chymhwyster lefel Meistr. Ar gyfer myfyrwyr amser llawn, bydd blwyddyn ychwanegol o astudio (blwyddyn 4) yn rhoi sylfaen wybodaeth dechnegol uwch ac yn adeiladu ar yr hyn sydd eisoes wedi'i gyflawni yn ystod y cymhwyster BEng(Anrh).

Modiwlau MEng Blwyddyn 4 yn unig (y cyfan yn fodiwlau craidd)

  • Prosiect Grŵp Integredig - 40 credyd
  • Deunyddiau Peirianneg Sifil Uwch - 20 credyd
  • Peirianneg Geo-amgylcheddol - 20 credyd
  • Mecaneg Strwythurol Uwch - 20 credyd
  • Dylunio Strwythurol Uwch - 20 credyd

Uchafbwyntiau'r Cwrs

Sut byddwch chi'n dysgu

Byddwch yn dysgu trwy ddarlithoedd, a gefnogir gan diwtorialau, sesiynau ymarferol a grwpiau seminar. Lle bynnag y bo modd, bydd eich gwaith yn seiliedig ar brosiectau byw ac astudiaethau achos, gyda chyfraniadau gan weithwyr proffesiynol y diwydiant.

Asesir y radd BEng(Anrh) / MEng Peirianneg Sifil drwy aseiniadau, gwaith cwrs, profion dosbarth parhaus ac arholiadau. Cynhwysir cyflwyniadau fel elfennau o asesiadau mewn rhai modiwlau, er mwyn datblygu sgiliau cyfathrebu a chyflwyno allweddol. 

Staff addysgu 

Mae ein darlithwyr Peirianneg Sifil yn arbenigwyr yn eu meysydd pwnc, yn sgil gweithio yn y diwydiant neu gydag ef, yn cynnal gwaith ymchwil, yn cyflwyno mewn cynadleddau, yn cyhoeddi eu gwaith, ac yn llywio eich astudiaethau gyda'r syniadau diweddaraf. Yn ogystal â chael eich addysgu gan academyddion sy'n arbenigwyr yn eu meysydd, byddwch yn elwa o siaradwyr gwadd o'r byd peirianneg hefyd.

Lleoliadau

Rydym yn gwybod pa mor werthfawr yw lleoliadau a phrofiad gwaith ac rydym yn frwdfrydig ynghylch gweld ein myfyrwyr yn manteisio ar y cyfleoedd hyn. Rydym yn gweithio gyda nifer o gwmnïau lleol a chene

Cyfleusterau

Mae gan ein labordai peirianneg sifil y peiriannau diweddaraf a gynorthwyir ac a reolir gan gyfrifiaduron.

Storïau Myfyrwyr

A close-up of Civil Engineering graduate Bethan Jones smiling at the camera
Ni fyddai fy ngyrfa yn bosibl heb fy ngradd Peirianneg Sifil o PDC

Bethan Jones

Graddedig Peirianneg Sifil

Ennill profiad ymarferol trwy leoliad gwaith

Ngozi Blessing Orji-Chukwu

Graddedig Peirianneg Sifil

Student Craig sat at a table with a planning document in front of him
Diolch i fy lleoliad gwaith yn y brifysgol, cefais swydd llawn amser a dechreuais ar radd ôl-raddedig

Craig Fletcher

Myfyriwr Peirianneg Sifil

Close up image of Engineering student, Angharad, smiling at camera in front of construction project
Fy nhaith o Siop y Pentref i lwyddo ym maes Peirianneg

Angharad Wrigley

Myfyriwr Peirianneg Sifil

Graduate, Josh, smiles for a photo after receiving the ICE Wales Cymru Prize for Best Civil Engineering Student
Mae dewis astudio peirianneg sifil wedi fy helpu i ddod yn unigolyn graddedig dosbarth cyntaf

Josh Burkin

Graddedig Peirianneg Sifil

Wedi'i achredu gan

Gyrfaoedd a Chyflogadwyedd

Gyrfaoedd graddedigion

Rydym wedi cynllunio ein cwrs MEng i’ch rhoi’n gadarn ar y llwybr i ddod yn beiriannydd sifil siartredig, ond nid yw hynny’n golygu mai dyma lle mae ein holl raddedigion yn cyrraedd. Gellir cymhwyso eich gwybodaeth a'ch sgiliau ar draws unrhyw nifer o broffesiynau peirianneg, gan gynnwys peirianneg drydanol a mecanyddol. Mae ein graddedigion hefyd yn mynd ymlaen i weithio fel rheolwyr prosiect, cyfrifwyr ac athrawon.

Maes o dwf mawr yw cynaliadwyedd amgylcheddol. Mae peirianwyr sifil yn allweddol i ddatrys llawer o'r heriau y byddwn yn eu hwynebu, o brinder dŵr i ynni adnewyddadwy a rheoli llifogydd. Mae ein MEng mewn Peirianneg Sifil yn rhoi'r sgiliau i chi fynd i'r afael â'r heriau hyn.

Cymorth gyrfaoedd

Ar ôl eich gradd, gallwch symud ymlaen i gwrs MEng Peirianneg Sifil sy'n cyfuno'r radd israddedig (BEng) â chymhwyster lefel Meistr. Mae'r flwyddyn ychwanegol yn rhoi gwybodaeth dechnegol uwch i chi ac yn caniatáu i chi gymhwyso'r hyn rydych chi eisoes wedi'i ddysgu i brosiect unigol.

Fel myfyriwr PDC, bydd gennych fynediad at gyngor gan y Gwasanaeth Gyrfaoedd a Chyflogadwyedd trwy gydol eich astudiaethau ac ar ôl i chi raddio. Mae hyn yn cynnwys apwyntiadau un-i-un gan Gynghorwyr Gyrfa yn y gyfadran. Mae gan ein cronfa ddata cyflogwyr dros 2,000 o gyflogwyr cofrestredig sy’n targedu myfyrwyr PDC, gallwch dderbyn rhybuddion e-bost wythnosol ar gyfer swyddi.

Llwybrau gyrfa posibl

Rydym yn gweithio fel rhan o fwrdd cynghori diwydiannol gyda phartneriaid diwydiant ac awdurdodau lleol. Mae graddedigion ein gradd Peirianneg Sifil yn sicrhau gwaith gyda pheirianwyr ymgynghorol, contractwyr peirianneg sifil ac awdurdodau lleol, gydag amrywiaeth o gwmnïau sy’n cynnwys Arup, Capita Symonds, BAM Nuttall, Hyder Consulting, Alun Griffiths (Contractors) Ltd, Morgan Est, Carillion, Mott MacDonald, Atkins, Network Rail, United Utilities, Tata a chwmnïau rhyngwladol amrywiol.

Hyb Arloesi yn PDC

A photo thumbnail for the

Gofynion mynediad

Gofynion cymhwyster nodweddiadol:

  • Lefel A: BBB i gynnwys Mathemateg ac o leiaf un Wyddoniaeth rifog arall fel Ffiseg, Cemeg, Bioleg neu Ddaearyddiaeth 
  • Bagloriaeth Cymru: Bagloriaeth Sgiliau Uwch Cymru Gradd B a BB Safon Uwch i gynnwys Mathemateg ac o leiaf un Wyddoniaeth rifol arall megis Ffiseg, Cemeg, Bioleg neu Ddaearyddiaeth
  • BTEC: Diploma Estynedig BTEC Rhagoriaeth Rhagoriaeth Teilyngdod mewn pwnc Mathemateg, Gwyddoniaeth neu Beirianneg perthnasol 
  • Mynediad i AU: Diploma Mathemateg, Gwyddoniaeth neu Beirianneg gyda 60 credyd yn gyffredinol i gynnwys 45 credyd lefel 3 sy'n cyfateb i 18 Rhagoriaeth, 24 Teilyngdod a 3 Pas 

 

Gofynion ychwanegol:

Mae'r Brifysgol fel rheol yn gofyn am o leiaf 5 TGAU gan gynnwys Mathemateg a Saesneg ar Radd C neu'n uwch, neu'r hyn sy'n cyfateb iddynt ond rhoddir ystyriaeth i amgylchiadau unigol.

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£9,790

fesul blwyddyn*
Ffi Llawn Amser y DU

£804

fesul blwyddyn*
Ffi Llawn Amser Rhyngwladol

£17,200

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Cymorth Costau Byw

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.

student-25
Datblygu Campysauein Hwb STEM Newydd

Cyflwyno Calon

Rydym yn buddsoddi yn nyfodol STEM gydag adeilad Calon newydd a chyffrous ynghanol ein Campws Pontypridd.

Cyflwyno Calon Campws Pontypridd

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS. Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

Mynediad uwch

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Gall ymgeiswyr a dderbynnir drwy fynediad uwch astudio cyfuniad gwahanol o fodiwlau i'r rhai a hysbysebir, gan y byddant yn ymuno â chwrs sydd eisoes ar y gweill. Fe wnawn ni gysylltu â chi a’ch cynghori chi am y modiwlau hyn unwaith y bydd eich cais wedi'i brosesu a chynnig wedi'i wneud.

Derbyniadau rhyngwladol

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Camau Nesaf

Sut i Wneud Cais
Ymgeisio drwy UCAS
Archebwch Ddiwrnod Agored
Sariad â ni