This website uses cookies to improve your experience. Read our cookie policy

BSc (Anrh)

Peirianneg Sifil gan gynnwys Blwyddyn Sylfaen

Paratoi eich hun am yrfa ym maes Peirianneg Sifil. Cael arbenigedd perthnasol a phrofiad ymarferol gyda chyfleusterau o'r radd flaenaf yn PDC.

Sut i wneud cais Gwneud Cais Drwy UCAS Trefnu Diwrnod Agored Sgwrsio â Ni

Manylion Cwrs Allweddol

  • Côd UCAS

    H207

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £9,535*

  • Myfyrwyr rhyngwladol

    £16,200*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

Os na chawsoch chi'r graddau roeddech chi eu heisiau, mae PDC yn cynnig blwyddyn sylfaen mewn Peirianneg Sifil, gan baratoi'r ffordd i'r radd BSc (Anrh). Mae'r rhaglen gynhwysfawr hon yn rhoi sgiliau ymarferol a hyfforddiant academaidd i fyfyrwyr ar gyfer gyrfaoedd ym maes dylunio strwythurol, rheoli prosiectau, peirianneg trafnidiaeth, a datblygu cynaliadwy.

CYNLLUNIWYD AR GYFER

Pobl sydd wrth wraidd peirianneg sifil. O gyflenwi ynni a dŵr glân i'n cartrefi, i brosesu ac ailgylchu ein gwastraff, mae peirianwyr sifil yn gweithio ar ddatblygu gwasanaethau a chyfleusterau rydyn ni'n eu defnyddio bob dydd.

Achredir gan

  • Cyd-fwrdd y Cymedrolwyr 
  • Sefydliad y Peirianwyr Sifil,
  • Sefydliad y Peirianwyr Strwythurol
  • Sefydliad y Peirianwyr Priffyrdd
  • Sefydliad Siartredig Priffyrdd a Chludiant 
  • Permanent Way Institution ar ran y Cyngor Peirianneg.

Llwybrau Gyrfa

  • Peiriannydd Dylunio
  • Peiriannydd Mecanyddol
  • Rheoli Prosiect
  • Peiriannydd Ymchwil

Sgiliau a addysgir

  • Datrys problemau drwy ddadansoddi gan ddefnyddio theori wyddonol a pheirianneg
  • Gwybodaeth ddatblygedig am dechnoleg flaengar
  • Gwaith tîm, rheoli ac arwain
  • Sgiliau cyfathrebu
  • Deall cyfrifoldebau proffesiynol 

Rydym yn gwneud gwahaniaeth yn ymarferol, nid ar bapur yn unig. Mae ein cyrsiau wedi'u cynllunio gan bobl sy'n cynnig swyddi - ac yn cael eu haddysgu gan bobl sydd â phrofiad gwaith go iawn.

A lecturer in a yellow high visibility coat talks to a student in a yellow high vis jacket in the rain with surveying equipment
Dr Luan Al-Haddad smiles at the camera while wearing a navy engineering jacket from one of the civil engineering workshops at the Treforest campus
Two civil engineering students wearing yellow high visibility jackets use a piece of surveying equipment at an outdoor building site in Treforest
A mature student wearing a navy boiler suit uses a piece of equipment in a civil engineering workshop at USW Treforest
A group of civil engineering students wearing yellow high visibility jackets complete a practical exercise using a giant ruler and a piece of electronic surveying equipment outside in the rain at Treforest campus
A student mixes components in an industrial mixer in a USW Treforest workroom

Uchafbwyntiau'r Cwrs

Cydnabyddir yn broffesiynol

Mae'r rdd hon wedi'i hachredu gan Sefydliad y Peirianwyr Sifil, Sefydliad Peirianwyr Strwythurol, Sefydliad Peirianwyr Priffyrdd, Sefydliad Siartredig Priffyrdd a Chludiant a'r Permanent Way Institution.

Canolbwyntio ar ddiwydiant

Mae gennym gysylltiadau cryf â diwydiant ac rydym yn rhoi pwyslais sylweddol ar brosiectau

Cyfleoedd lleoliad gwaith

Mae'r cwrs hwn ar gael hefyd drwy Network75 hefyd, sef llwybr gwaith ac astudio cyfunol. Mae yna gyfleoedd ar gyfer teithiau maes a lleoliadau gwaith hefyd.

Gwybodaeth arbenigol

Mae’r staff yn arbenigwyr yn eu meysydd, rhai drwy weithgareddau ymchwil a rhai drwy ymarfer proffesiynol mewn gyrfaoedd diwydiannol.

Trosolwg o'r Modiwl

Byddwch yn astudio pynciau craidd fel mathemateg, strwythurau, deunyddiau, geodechneg, hydroleg ac arolygu. Mae elfennau dylunio, cynaliadwyedd, iechyd a diogelwch, a phroffesiynoldeb wedi'u hymgorffori yn y cwrs peirianneg sifil hefyd. Mae eich traethawd hir yn eich galluogi i deilwra eich cymhwyster i'r maes diwydiant rydych am weithio ynddo

 

 

Nod eich blwyddyn sylfaen yw rhoi sylfaen i chi bontio'n llwyddiannus i'r cwrs llawn. Yma byddwch yn datblygu dealltwriaeth o hanfodion y pwnc.

Modiwlau Blwyddyn Sylfaen

  • Sylfeini Mathemateg - 20 credyd
  • Cymhwyso Sgiliau Mathemategol - 20 credyd
  • Sgiliau Hanfodol Peirianneg - 20 credyd
  • Prosiect Peirianneg - 20 credyd
  • Egwyddorion Peirianneg Sylfaen - 20 credyd
  • Saesneg ar gyfer Peirianneg (dewisol) - 20 credyd
  • Cyflwyniad i'r Diwydiant Adeiladu (dewisol) - 20 credyd

Yn eich blwyddyn gyntaf, byddwch yn dysgu egwyddorion peirianneg sylfaenol. Byddwch yn archwilio perthnasedd mathemateg mewn peirianneg ac yn cael gwerthfawrogiad o faterion yn ymwneud â rheoli gwaith adeiladu, deunyddiau a'r amgylchedd.

  • Mathemateg i Beirianwyr - 20 credyd
  • Mecaneg Peirianneg 1 - 20 credyd
  • Mecaneg Thermo-hylif - 20 credyd
  • Deunyddiau Peirianneg Sifil - 20 credyd
  • Peirianneg Broffesiynol - 20 credyd
  • Cyfathrebu Peirianneg - 20 credyd

Ym mlwyddyn dau, cewch gyfle i gymhwyso'r egwyddorion a ddysgwyd ym mlwyddyn un trwy gyfres o fodiwlau sy'n ymdrin â deunyddiau a strwythurau, hydroleg ac arolygu. Yn ystod eich blwyddyn gyntaf a'ch ail flwyddyn, byddwch yn mynychu cyrsiau maes ymarferol sy'n ymdrin â meysydd pwnc fel peirianneg, arolygu a daeareg/geodechneg.

Dadansoddi a Dylunio Strwythurol 2 - 20 credyd

Geodechneg a Hydroleg - 20 credyd

Dulliau Dadansoddol a Hydrolig - 20 credyd

Dylunio Cynaliadwy - 20 credyd

Ymarfer Peirianneg Sifil - 20 credyd

Priffyrdd a Chludiant - 20 credyd

Profiad Gwaith dan Oruchwyliaeth - 120 credyd

 

Ym mlwyddyn 3, byddwch yn canolbwyntio ar ddadansoddi, dylunio a gweithredu systemau peirianneg, a chynaliadwyedd mewn peirianneg sifil. Byddwch yn cael cyfle i gymhwyso eich sgiliau a'ch gwybodaeth am gysyniadau geodechnegol i broblemau dylunio ac adeiladu ymarferol. Yn olaf, byddwch yn ymgymryd â phrosiect unigol sy'n rhoi cyfle i chi gymhwyso eich gwybodaeth dechnegol.

Prosiect Unigol - 20 credyd

Prosiect Integredig - 20 credyd

Dadansoddi a Dylunio Strwythurol 3 - 20 credyd

Peirianneg Geodechnegol - 20 credyd

Rheolaeth Amgylcheddol - 20 credyd

Rheoli Prosiectau Peirianneg Sifil - 20 credyd

Uchafbwyntiau'r Cwrs

Sut byddwch chi'n dysgu

Byddwch yn dysgu trwy ddarlithoedd, a gefnogir gan diwtorialau, sesiynau ymarferol a grwpiau seminar. Lle bynnag y bo modd, bydd eich gwaith yn seiliedig ar brosiectau byw ac astudiaethau achos, gyda chyfraniadau gan weithwyr proffesiynol y diwydiant.

Caiff y radd ei hasesu drwy aseiniadau, gwaith cwrs, profion dosbarth parhaus ac arholiadau. Cynhwysir cyflwyniadau fel elfennau o asesiadau mewn rhai modiwlau, er mwyn datblygu sgiliau cyfathrebu a chyflwyno allweddol

Staff addysgu 

Mae ein darlithwyr Peirianneg Sifil yn arbenigwyr yn eu meysydd pwnc, yn sgil gweithio yn y diwydiant neu gydag ef, yn cynnal gwaith ymchwil, yn cyflwyno mewn cynadleddau, yn cyhoeddi eu gwaith, ac yn llywio eich astudiaethau gyda'r syniadau diweddaraf. Yn ogystal â chael eich addysgu gan academyddion sy'n arbenigwyr yn eu meysydd, byddwch yn elwa o siaradwyr gwadd o'r byd peirianneg hefyd

Lleoliadau

Rydym yn gwybod pa mor werthfawr yw lleoliadau a phrofiad gwaith ac rydym yn frwdfrydig ynghylch gweld ein myfyrwyr yn manteisio ar y cyfleoedd hyn. Rydym yn gweithio gyda nifer o gwmnïau lleol a chenedlaethol er mwyn cynorthwyo myfyrwyr i fanteisio ar y cyfleoedd hyn.

 

Cyfleusterau

Mae gan ein labordai peirianneg sifil y peiriannau diweddaraf a gynorthwyir ac a reolir gan gyfrifiaduron.

 

Civil engineering academic Joanna Thomas smiles at the camera from an engineering workshop at the Treforest campus

Mae cyrsiau Peirianneg Sifil ym Mhrifysgol De Cymru ar y brig yng Nghymru o ran boddhad myfyrwyr. 

Arolwg Cenedlaethol o Fyfyrwyr 2024

Gyrfaoedd a Chyflogadwyedd

Gyrfaoedd graddedigion

Mae cyfleoedd cyflogaeth yn ardderchog. Mae graddedigion ein gradd Peirianneg Sifil yn cael gwaith gyda pheirianwyr ymgynghori, contractwyr peirianneg sifil ac awdurdodau lleol, gydag amrywiaeth gwmnïau sy'n cynnwys Capita Symonds, BAM Nuttall, Hyder Consulting, Alun Griffiths (Contractors) Ltd, Morgan Est, Carillion, Mott MacDonald, Atkins, Network Rail, United Utilities, a chwmnïau rhyngwladol amrywiol.

Llwybrau gyrfa posibl

Efallai bod gennych lwybr gyrfa clir rydych yn anelu ato, a gallwn eich helpu i gyrraedd yno. Ar y llaw arall, efallai eich bod yn dal i fod yn ansicr ynghylch y cyfeiriad yr hoffech ei gymryd a dyna pam y bydd ein darlithwyr, ein cysylltiadau diwydiannol a'n gwasanaethau gyrfaoedd am siarad â chi am y cyfleoedd hyn. 

Mae'n gyfnod cyffrous i fod yn Beiriannydd Sifil - mae'r byd yn wynebu heriau mawr ac rydym ar flaen y gad o ran datblygu atebion i lawer o'r rhain.

 

Cymorth gyrfaoedd

Mae ein gwasanaeth gyrfaoedd yn cynnig cyngor ac arweiniad amrywiol i fyfyrwyr. Gallwn eich cysylltu â diwydiant, gallwn eich helpu gyda sgiliau cyfweld a CVs a'ch helpu i ganolbwyntio ar y trywydd yr hoffech ei ddilyn.<Image>

Gofynion mynediad

Gofynion cymhwyster nodweddiadol:

  • Lefel A: DD
  • Bagloriaeth Cymru: Amherthnasol
  • BTEC: BTEC Pas Pas Pas Diploma Estynedig neu BTEC Pas Pas Diploma 
  • Mynediad i AU: Llwyddo Mynediad i Ddiploma AU gydag o leiaf 48 pwynt Tariff UCAS.
  • Safon T: Pasio (D neu E)

 

Gofynion ychwanegol:

Mae'r Brifysgol fel rheol yn gofyn am o leiaf 3 TGAU gan gynnwys Mathemateg a Saesneg ar Radd C / Gradd 4 neu'n uwch, neu'r hyn sy'n cyfateb iddynt ond rhoddir ystyriaeth i amgylchiadau unigol 

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£9,535

fesul blwyddyn*
Ffi Llawn Amser Rhyngwladol

£16,200

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Cymorth Costau Byw

Costau Ychwanegol

Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer deunydd ysgrifennu, argraffu neu offer yn ystod eich blwyddyn sylfaen. Gweler y rhestr isod sy'n cynnwys costau ar ôl i chi symud ymlaen i flwyddyn 1 eich rhaglen radd.

student-25
Datblygu Campysauein Hwb STEM Newydd

Cyflwyno Calon

Rydym yn buddsoddi yn nyfodol STEM yn PDC gyda datblygiad Cyfrifiadureg, Mathemateg, Peirianneg a Thechnoleg cyffrous newydd ar Gampws Pontypridd.

canolfan STEM newydd Campws Pontypridd

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

MAE GAN BOB AELOD O STAFF RYDW I WEDI DOD AR EI DRAWS DDIDDORDEB GWIRIONEDDOL MEWN HELPU I SICRHAU BOD FY MHROFIAD DYSGU MOR LLYFN Â PHOSIB.

Ngozi Blessing Orji-Chukwu

Myfyriwr Peirianneg Sifil

MAE’R MODIWL TIRFESUR PEIRIANNEG A DYLUNIO PRIFFYRDD WEDI BOD YN WYCH. YN ENWEDIG YR AGWEDD DYLUNIO PRIFFYRDD.

Ngozi Blessing Orji-Chukwu

Myfyriwr Peirianneg Sifil

A cutout of student Ngozi Blessing Orji-Chukwu smiling at the camera while wearing a large red turtleneck jumper and a black coat
A cutout of student Ngozi Blessing Orji-Chukwu smiling at the camera while wearing a large red turtleneck jumper and a black coat

Bywyd yn PDC

Mae neuaddau yn rhan fawr o’ch profiad fel myfyriwr ac mae llety ym mhob un o’n tri lleoliad. Os nad ydych chi eisiau byw yn agos at y campws, mae yna gysylltiadau trafnidiaeth gwych i'ch cadw chi mewn cysylltiad.

A student sat smiling and talking to friends off camera in Treforest Student's Union
Bywyd Myfyrwyr
The University's Ty Crawshays building at Treforest, Pontypridd.
Campws Pontypridd, Trefforest
A double room at our Pontypridd accommodation featuring a large window.
Llety

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS. Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

Mynediad uwch

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Derbyniadau rhyngwladol

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Cyrsiau Cysylltiedig

Peirianneg Sifil - BSc (Anrh) Dysgu mwy
Peirianneg Sifil - HNC Dysgu mwy
Rheoli Prosiect Adeiladu gan gynnwys Blwyddyn Sylfaen - BSc (Anrh) Dysgu mwy
Peirianneg Sifil - BEng (Anrh) Dysgu mwy

Camau Nesaf

Sut i Wneud Cais
Ymgeisio drwy UCAS
Archebwch Ddiwrnod Agored
Sariad â ni