Ymchwiliad Troseddol

Archwilio sut mae'r system cyfiawnder troseddol yn gweithio yn ymarferol, o ymchwilio ac erlyn i ddedfrydu ac adsefydlu, gan ddatblygu eich dealltwriaeth o gyfraith droseddol, hawliau, tegwch a chyfiawnder.

Archwilio pam mae pobl yn troseddu a pham mae rhai pobl mewn mwy o beryg o fod yn ddioddefwyr, gan ystyried safbwyntiau troseddol a dioddefol ochr yn ochr â dylanwadau cymdeithasol, seicolegol a strwythurol ar droseddu a niwed.

Adeiladu sgiliau plismona ymatebol ymarferol trwy senarios realistig, gan ddatblygu eich dealltwriaeth o bwerau'r heddlu, gwneud penderfyniadau, rheoli risg ac ymarfer proffesiynol ac ymateb i ddigwyddiadau yn ddiogel ac yn foesegol.

Datblygu’ch sgiliau ymchwilio trwy waith achos realistig, gan ddysgu sut mae ymchwiliadau yn symud yn eu blaen o'r ymateb cyntaf i adeiladu achosion, gan ddatblygu agwedd broffesiynol at dystiolaeth, gwneud penderfyniadau a chyfathrebu.

Datblygu sgiliau cyfweld ymchwiliol ymarferol, gan ddysgu sut i gyfathrebu â dioddefwyr, tystion a phobl dan amheuaeth drwy ddilyn model PEACE, dulliau sy’n deall trawma a thechnegau cwestiynu effeithiol.

Ymchwilio i sut mae rhwydweithiau troseddau difrifol a chyfundrefnol yn gweithredu mewn amgylcheddau ffisegol a digidol, gan ddadansoddi bygythiadau cymhleth a datblygu sgiliau i asesu risgiau a chynllunio ymatebion cymesur.

Datblygu eich sgiliau amddiffyn a diogelu'r cyhoedd, gan ddysgu asesu risg, adnabod pwy sy’n agored i niwed a gwneud penderfyniadau cymesur trwy astudiaethau achos realistig a senarios aml-asiantaeth.

Deall sut mae ymchwilwyr yn troi gwybodaeth, cudd-wybodaeth a deunydd digidol yn dystiolaeth, gan ddatblygu sgiliau i asesu cudd-wybodaeth, dehongli tystiolaeth ddigidol a gwneud penderfyniadau cyfiawn mewn ymchwiliadau cymhleth.

Archwilio sut mae troseddau economaidd a digidol yn cael eu cyflawni a'u hymchwilio, gan ddatblygu sgiliau ymarferol mewn casglu tystiolaeth, ymchwilio ariannol, cudd-wybodaeth mewn mathau o droseddau cymhleth sy'n dod i'r amlwg.

Archwilio ymchwiliadau cudd a seiliedig ar gudd-wybodaeth, gan ddatblygu eich dealltwriaeth o dactegau arbenigol, technolegau sy'n dod i'r amlwg a'r egwyddorion cyfreithiol, moesegol a hawliau dynol sy'n llywio eu defnydd.

Cymhwyso sgiliau ymchwilio uwch i droseddau difrifol a chymhleth, a datblygu damcaniaethau, rheoli llinellau ymchwilio a gwerthuso tystiolaeth, risgiau a materion diogelu wrth i achosion symud yn eu blaen at erlyniad.

Ennill profiad ymarferol trwy dreulio o leiaf 70 awr mewn gweithle perthnasol, gan gymhwyso eich dysgu a datblygu eich hyder proffesiynol, eich cyflogadwyedd a’ch dealltwriaeth am gyfleoedd gyrfa yn y dyfodol.

Mynd i'r afael â her byd go iawn mewn plismona, cyfiawnder troseddol neu wasanaeth cyhoeddus, a defnyddio tystiolaeth, creadigrwydd a meddwl beirniadol i greu atebion ymarferol, moesegol ag effaith broffesiynol.

Datblygu eich dealltwriaeth o drais yn erbyn menywod, cam-drin domestig, a thrais rhywiol yng nghyd-destun Cymru a Lloegr. Archwilio safbwyntiau damcaniaethol, ymatebion polisi, a goblygiadau ymarferol a thyrchu i ymatebion cyfreithiol a pholisi o fewn y system cyfiawnder troseddol.